Update: Video added.
YouTube:https://youtube.com/watch?v=7MtmwG4qs0w
Phuahtu: Lalsangzuali Sailo(L)
Setana dawihlo, kan ram hmelma lian,
Dawibur kengin aw, a vak vel ruai a
Thalai hmelmawite tihmelhem zotu,
Zofa dawituai a man a rapthlak e.
Chorus:
A tur a na e, zungzam a fan zo.
Rawlthar dawntuaite, a dawi a mek che,
Nangma tan apawi lua, I dawn kim lo a ni.
Aw, Mizo tlangval, Famkhua i lawi dawn e,
rawh, bansan la, Ruihhlo hi hmelma a ni,
Aw, tang fan fan.
Damna dawi tinreng dawi phak ngai lo ten,
An in an ei ta, ruihhlo ngai an ti,
Damna dawi kha maw, thih tur a chang zo.
An zu an chiu, Ruih chin lem an nei lo.
Sakruang kimtlang mawi, Thisen zungzam nen,
An chiu chhe zo maw, Mi a an chang ta,
Thatchhia thinchhiat, dawt sawi bumtu rukru te,
Thlammual leh hremhmun panin an tlan mek e.
An na a him lo, a chantir sumpai,
ralti zo ta, I chun leh zuapa,
An thlir che hmangaihin,
I siamtu lal nen, Taksa thlarau chenin pum pek rawh.
Natna hlauhawm AIDS a keng tel zel a,
Dawntuai zaleng rual, a man thar zel a,
Hei ngei hi maw lo ni, min chimral mektu,
Harhin tangin tho ru, i bei let ang.
Natna dawi tinreng, dawi phak ngai loh te,
An in an ei ta, ruihhlo ngai an ti,
Natna dawi kha maw, thih tur an chang zo,
Zofa dawituai a man a rapthlak e.
Similar Posts:
- Nibiru
- En teh Kalvari a thleng takngial dawn e
- Thanharh a hun ta e
- Topic 3, Chawh-chaw-rawi
- Damna Famkim (Sunday Pual)
February 28th, 2007 at 9:00 pm
A thu hi a tha kop mai. A phuahtu kha ka ui kop mai. Zan khat chu kan han leng a, a fel kop mai, min lo kom tlangnel nghal vata lai chhe em2 chuan kan chhuak love. Mi tha tak zong chu a ni in ka hria. Thalaite kn nun min hriat thiam hmel kopin ka hria.
Report this comment
March 1st, 2007 at 12:07 am
He hla thu hi chuan a mi deh a dang zar maiin ka hria. Youth Icon ho khan an han sa rual thap thap mai phei kha chu ka tirilah mi man emaw tih mai turin ka hnuk te a tiulh fo nia mawle, a va tha em. Pi Zualbawihi hian engkim mai hi a lo dawn thui a ni.
Report this comment
March 1st, 2007 at 1:52 pm
He hla hi literature tling niin ka hria. Ka hriat chan chu,a thu a that vang leh a thluk nalh vang aiin a thu hian kan Mizoram (A phuah hunlai) dinhmun a tarlan chian em em vang a ni. Heti em em hian a ni maw, kan ramin ruihhlo kan buaipui a, a dona hla pawh kan sak thup thup ni tih hi tun atanga kum 20-ah chuan kan tu leh fa ten ma an la rawn ti ang…
Ruihhlo hi “Setana dawihlo, kan ram hmelma lian” tih meuh tlak a lo nih reng chu! te an la rawn ti ang. ‘Thalai hmelmawite tihmelhem zotu,
Zofa dawituai a man a rapthlak e.’ tih te an han hmu anga, ruihhlo hi anih hi Mizote min ti hmelchhe tu te pawh an la rawn ti mai thei e.
“Aw, Mizo tlangval, Famkhua i lawi dawn e, rawh, bansan la, Ruihhlo hi hmelma a ni, Aw, tang fan fan.” MIzo tlangval generalise chiahlo mahse ruihlo ti an tam thin zia a han tu leh faten an rawn hre ve ang.
“Damna dawi tinreng dawi phak ngai lo ten, An in an ei ta, ruihhlo ngai an ti, Damna dawi kha maw, thih tur a chang zo. An zu an chiu, Ruih chin lem an nei lo” Dam na dawi nisi drug ah kan hman thin thu te pawh.
“An na a him lo, a chantir sumpai, ralti zo ta, I chun leh zuapa,
An thlir che hmangaihin, I siamtu lal nen, Taksa thlarau chenin pum pek rawh.” Ruihhlo ngai ten annu ehpate an l tih thlabar thin zia leh nu leh pa maganna ruamah an talluh tir thu te pawh a tarlang thim hle.
“Natna hlauhawm AIDS a keng tel zel a, Dawntuai zaleng rual, a man thar zel a, Hei ngei hi maw lo ni, min chimral mektu, Harhin tangin tho ru, i bei let ang” ruihhlo mai bakah AIDS te pawh kan ramah lo lutin min chim ral mai pawh 2000 velah kan lo lau deih tawh tih te an la tahpui ang a!!!!
“Natna dawi tinreng, dawi phak ngai loh te, An in an ei ta, ruihhlo ngai an ti, Natna dawi kha maw, thih tur an chang zo, Zofa dawituai a man a rapthlak e” Miin an ruih thin avangin dam na atana damdawi lei duh tan pawh damdawi lei a khirh khauh tawh thu te pawh an hmu bawk ang..Zoram ruihloin a tiyhbuai dan hi he hla tawite hian a tarlang kim hle a ni.. nakinah chuan High School Zirlaiah an la telh mai ka ring a ni.. say 2020
Report this comment
March 1st, 2007 at 10:40 pm
Hei, Pope i rawn sawi fuh dum dum hle mai, Poepe John Paul kha i ni thei mai lo maw..??
Report this comment
March 2nd, 2007 at 12:02 am
‘ruihhlo i hmelma ani….
ZU a tel lo’
Report this comment
March 2nd, 2007 at 12:04 am
‘ruihhlo i hmelma ani….
ZU a tel lo’
Report this comment
March 2nd, 2007 at 12:22 am
‘ruihhlo i hmelma ani….
ZU a tel lo’
Engvangin nge Zu chu a tel ve loh??? Hlo -tih vang khian a mi??
Ruihtui tih tur a ni maw??
A nih leh Dawidim hi hlo chikhat chu a ni ve tho lo em ni??
Mahni zu in duh mai vanga…telh loh rikngawt te chu !!!
Report this comment
September 9th, 2007 at 2:48 am
A thih champha kan thleng leh teuh ta hle mai. Eng emaw ti takin ka lung a tileng tan tlat. Youth Icon duatsaihtute fakawmna pakhat chu Top 10 chin atang kha chuan zantin he hla hi a hohuva sak a ni thin kha a ni a. Mizo Idol hi an style a va dang ve aw ka tih laiin an ni pawhin hmanzan khan Pi Lalsangzuali pualin hun an lo hmang ve tho mai a. Top 8 thlan zan khan. Amah Pi Zualbawihi hla phuahte chu intihsiakna atan an hmang bawk a. An fakawm hlawm hle mai. He ngurpui hraichawi hi zawng a uiawm dan hi a ril em bawk a ni. Min la dampui atan ka duh teh vei nen. Mizo hmeichhiate hmakhua leh hmasawnna a ngaihtuah zia te kha a lo advance chiang ma nge aw a tih theih. Chu chu a lehkhabu ziak atangin a hriat theih a. A thihsan tak a lehkhabu ziah tum pakhat hi publish a nih hun hunah mizo hmeichhiate chuan lo chhiar ngei rawh u.
Goodbye..Mizoram Rose..!!
Mim ang lo piangin,
Zoram dung leh vang i mawi ngei e.
A ngurpui hraichawi i phur zo ngei,
Zofa hnahthlak zawngte mawitu an,
I sakhming reng a thang mawi hluan e.
Zoram leilung awm chhung zawng,
I sulhnu leh kutchhuakte rial ang a dai tawh lo’ng.
Muangten chatuan ram panin
Lei hreawm hnutiang chhawn la,
Lal nunnema kiangah chawl hahdamin,
Mangtha tiin ka thlah mai nang che.
Goodbye…Zoram Rose…
Report this comment
September 9th, 2007 at 3:19 pm
a ropui hle mai kei pon ka ngaisang takmeuh ani.Zorun, Pi Lalsangzuali hi ‘Sailo’ ni lo in HNAMCHAWM ni mahse i ngaisang tho ang tih ka hre chiang ani!a dik em?
Report this comment