Tunlai thangthar te hian kan hnam tawng hi hman dik loh kan va ngah ta ve le!! Keimahni ngeiin kan hman dik loh chuan tunge min hman dik sak tak ang le ??
1) Kan hman dik loh zinga langsar deuh mai pakhat chu “zei” tih hi ni. ” Zei ” tih tawngkam kan hman dawn chuan “lo” tiin a zawm ngei ngei tur ani, “zei lo” tih tur tihna a ni e. Mi tamtakin a dik lo tih kan hre lo a a dik emaw tiin kan hmang dik lo fo mai. Eg :- Saw lai nula chu a zei hmel khawp mai. Hei hi a dik lova “zei” tih ringawt hi amalin a hman theih lova “lo” in a zawm tur ani. Eg:- I zei lo emai,lo ti ve lo mai rawh tih tur a ni.
‘Tlaktlai lo’ tih hi tuman a hran in ‘tlaktlai’ lai kan hmang ngai lo,khatiang chiah kha ani e.
2) “Khawngaihthlakawm” tih pawh hi a tul teh duah lo, “khawngaihthlak” ti mai ila a dik zawka a awlsam zawk bawk. Ngaihthlaknawm tih aiah ngaihnawm ti leh mai ila a awlsam zawk bawk.
3) “Vawiin zan” tih te, “vawiin zing” tih te hi a dik lo tih hre theuh mah ila kan hmang dik chuang lova ka sawi lang veleh duh bawk. A aiah “zanin”, “tukin” te ti mai zel ila a dik zawka a awlsam zawk a sin mawle.
Similar Posts:
- Thlak
- Mizo tawng ziakdan tlem (trinity)
- Mizo tawng hi i ziak fimkhur ang u
- Mizotawng chungchâng bawk!!
- Mizo Mizona Zahpui Lo Ila
January 6th, 2009 at 9:53 am
‘ Zei ‘ tih sawi hi chuan kan rilruah, lal-pi-blackmagicwoman-i a lo lang hmasa ber
Report this comment
January 6th, 2009 at 12:00 pm
Tawng dik leh tha tih tur hi chu a tlangpuithuin a awm ngei maia, mahse a mal khaia chutia tih chu a dik lo intihsak dawn hi chuan lamtang kan nei far anga kan inhnial tawp hauhin (haul + lo ngei ngei tur a ni leh em?) ka ring lo. Mizo tawng thumal thenkhat lo nen chauha hman thin kha tunlai chuan lo tel lo pawhin affirmative sentence siam nan kan hmang uar ta hle mai. Hei hi kan tawng kan sawp danglamah chuan a pawi lo pawl tak niin ka hria. Tawng a tihausa zawk. Hman laiin a dik lo a nih pawhin tunah chuan a dik tawhah ngaih mai tur a ni. Zei tih hi lo nena zawm chauha kan hman dawn chuan zei aia hman tur dang tha kan nei bawk si lova thangtharho chu kan buai viau ang. Kei phei chuan “mi zei hawi” tihte ka ching. Pastor pakhat pawhin “thanmawh min bawktirtu” a tia, thanmawhbawk kha verb-ah a siama, a nuizatthlak deuhnaa, a rem ve khawp mai.
Ka ngaihmawh ve thenkhat han sawi ve ta ila:
1. Mizo tawng hi thluk nei a nih avangin thluk hi a pawimawh hle. Biakin kan sawi kai bawka Isua Krista thenkhatin an lam dan hi ka ngaimawh thin. Isua tiha sua lai tak kan thluk san hian Krista kha Isua ta (possessive) a ang thina, chuvangin thluk khamphei tur a ni.
2. Thangthar zingah mai tih aia mei tih ching an tam lutuk hi ka ngaimawh leh bawk. “a mawi hle mei”, “hmangeih” tih angte hi ka hme fo thin.
3. Inti tawngkamthiam taka program emaw tihdanglam chhan sawi dawna “remchan zawkna avangin” tih ching kohhran secretary leh thupuang thin thenkhatin kan ching hi a tul lem lo. A bulpui zawk kan chhui chuan thil kan thlak danglamna chhan tak zawk original zawk kha remchanlohna avang a ni tlat.
Tin, kan awmna a zirin tawngkauchheh (regional tawngkauchheh) kan nei hlawma hei hi insawisel sak emaw innuizatburna atana hmang lova inhriatthiampui a tha ka ti.
Champhaiah ka han kala, “a ta zaih mai” tih an chinga, a tlukpui awm vela ka ngaih chu Jampui tlangdunga “a chawle” an tih ang vel a ni awm e. Dik zaih, tha, inrem thlap, remchang tihna ang deuhah an hmang.
Khawchhakah Dungtlang khuaah chuan Burma lam pang return pakhat inah kan lengluta, “meilum hi han kawm ve rawh khai” a ti a. Ka nuih a za deuh naa, “meilum ai” tih tih piah lamah khan engemaw sawi tel a la awmin ka hriaa, a tawngkam kha a hausa ru tlatin ka hria.
Tunlai thangtharte chuan hmeltha em em sawi na’n “hmeltha rapthlak or bawn top” an ti anga, puitling deuh chin chuan “hmeltha lutuk” an ti anga, khawilaiah emaw chuan “hmeltha ngawta” an lo ti leh anga, a ngawta ber hi a hmelthat hmel ber zawk asin. ha ha ha.
Report this comment
January 6th, 2009 at 12:05 pm
cour i sawi dan chu ka man ta e. A dik khawpin ka hria. Hmanlai chuan an hmang ngai vak lo tih hi. Mahse kan hmang lar tawh a, kan develop tawhah ka ngai. Hei hi tawng kan tih hausak zelna kawng ani. Tunalai kanhman ve tho thin hausa lo te pawh hi rethei leh hausa inkar sawi nan a tha ve viau asin. Mi naran, mi hausa leh rethei inkara mi sawi nan. Chuvangin tunlaia kan hman lar mek khap zawng erawh chuan kal lo ila. I rawn khap ta mai emaw ka lo ti hman pek a… solly…
Tawng hausa saptawng te pawh hi an thumal root word chu en ila Latin, greek, french, german, etc etc. Tunlaiah pehi chuan hnaktin tawng a ni ringawt. keini pawh kan zohnahthlak tawng hran ghrang ami te hi la khawm ila a tha ngawt ang. A hria khan rawn hmang thin ula a tihchi viau lawng maw?
Report this comment
January 6th, 2009 at 12:12 pm
Patriot, i sawi Champhai ho tawng, ‘a ta zaih mai’ tih khi chu Champhai thirdeng thiam hmingthang pakhatin a uar em avanga amah pawh ‘ta zaiha’ an tih tak atanga lo piang ani e. Thil siam mam tha, sawisel tur awm vak lova dik leh ngil leh thil inrem thlap sawina a ni ber. Hman dan athuin a hausa thei viau bawk ang.
Report this comment
January 6th, 2009 at 12:30 pm
Thanks Kimas.
Report this comment
January 6th, 2009 at 12:31 pm
He thirdeng hian a lawm chemte nalh tak mai a chher a, ‘tum truma mi chu a ta zaih mai’ a ti. Thil dang dangah pawh nalh deuh, mawi deuh, tha deuh sawi nan ‘a ta zaih’ mai an ti thin.
Report this comment
January 6th, 2009 at 12:53 pm
Kei chu Pu Rozama te thusawi hi ka pawm a,a dik ka ring bawk.Zei chu tawg lerh pakhat ve mai ani.Mizo ten kan hman nasat tawh em avanga kan tawng pangai emaw kan tih tak ani..Entirnan Fawr pawh hi sapin flirt an tih tawngkam atanga kan lak ani.Tawng lerh mizoten kan hman nasat em avanga mizo tawng anga kan pawm tak mai ani e….:-)
Report this comment
January 6th, 2009 at 5:12 pm
Cour hi in chu luai luai maia kei chu a sawi hi ka pawm e, ‘a dik lo’ a ti a ni mai a, ‘a hman theih love’ a ti hlei nem. Trawng dik lo tam tak, dik anga kan hman tak a tam mai e.g chiangkuang, fumfe, mumal, koritu, phungthlu, etc heng te hi lo in a zawm loh chuan mizotrawng dik a ni thei lo, mahse ‘lo’ tel lovin kan hmang fo, a awmzia erawh chu kan hre thiam tho. chuvangin ‘zei’ tih pawh hi ‘lo’ tihin a zawm tur a nih pawhin ‘lo’ tel lova kan hman hian a remchang zawkin ‘zeilo’ opposite atan a thra ka ti ve tlat. Entirnan tu emaw kha a lo zei khawp mai a, a chanchin sawi ka duh si a, ‘zei’ tih kha dik lo ka tih a vangin hman ka duh si lova eng nge ka hma tak ang ‘mawi, nalh, fel, tha…a fuh tak tak thei lo, chuvangin zei hi lungawi takin i pawm mai teh a ng u.
Hnamdang tlangval pakhat pawh hian mizo nula a mutpui ve a, nuam kha a ti ngang mai a, mahse nuam tih trawngkam kha a theihnghilh hlauh mai a ‘Tui luuuuk, tui lutuuuk’ a ti vak vak (fiamthus)
Report this comment
January 6th, 2009 at 7:18 pm
‘Bengtla lo’ hi chu kan hmang dik tlangpui, tumah ‘i bengtla hle mai’ kan inti ngai lo
Report this comment