‘Nimin zinga Lamherh khua VC member ten khaw chhunga ei leh bara harsatna an enfiahnaah ei tur nei tawh lo In 33 an awm a, anni bakah hian vawiin tlai ei tur nei tawh lo chhungkaw engemawzat an awm bawk a ni. (www.chhawkhlei.com).’
Mi retheite Beiseina beidawnthlak vawrtawp thlentu leh Vohbikte chauhin an dawn cheng vaibelchhe 556 awmna Scheme BAFFACOS hi enge lo ni chiah le? A tawi zawngin heti hian i hrilhfiah dawn teh ang.Mizoram sawrkar hian kum 2007 leh 2008 chhunga thleng tur leh tuna thleng mek Mautam in a ken tel tram hian thingtlanga lo neia eizawng leh mirethei te chungah nasa takin harsatna namenlo a thlen dawn tih an hria a.Central sawrkar nasa taka an zu tahawh hnuah tuna tam tuarte tranpuina tur Bamboo Flowering & Famine Combat Scheme(Baffacos) hi a lo piang ta a ni.
Tam tuar-te lo in hnemhnang vena tur a tan liau liau a Central in cheng vaibelchhe 556 Mizoram Sawrkar a rawn pek hi tualchhung chanchinbu ten a dawngtu hmingte, veng leh khuate bakah Department thlengin a chhuah chuai chuai a.Nasa leh zual zawkin Congress thalaite phei chuan a dawngtu list hi Zarkawt kawnah an hal ral hial a.
Awle, a dawng tam ber Department nia ngaih, nuai sang engemawzat dawngtu Health Department hian engtinnge an sum dawn hi an hman ral le? Sazu puang avanga natna thleng thei Yersina Species te,Listeria Species etc te tibo tur hian he an pawisa dawn hi an hmang em?
Sawrkara tlatlum leh thil ti thei chinte BAFFACOS avang hian an puca Building a lian tual tual a. An in chhung furniture lei ngam thenkhat te phei chu Lamherh khuaa in 33 chaw ei tur nei tawhlo te thlakhat chuang eina tur a daih nia mawle? He tam tuar tanpuina avang hian an fate sikul tha ber ber ram pawnah an dah a. Nuai sawm hnih chuang sen ngaihna Foreign ah te Sikul zuk kal tir thei a mawle? Miretheite chanpual tur leh anmahni in hnemhnangna atan pual pual liau liau atana Pawisa Central Sawrkarin a rawn sunction chu sem tur a awm ta lo..Tam runpui lo thlen hmain sem zawh a ni ta!!!!
Thingtlang mirethei tam takte chaw nghei mai hmabak leh thingpui thlum chu sawi loh a pawl pawh inna tur an neih tawh laiin VOHBIK BAFFACOS lo dawngtu erawh chuan nuam an tawl si a. Thlahmasa November thla tawpa kan Education Minister zahawm tak Dr.Upa Thangtea helaia USA a lo zina,buai tak maia a nupuite nen Mongomery county Mall vela nileng zankhua deuh thawa a Dollar ngei hmanga an Shopping kual vel lai khan heng BAFFACOS dawng ve lo miretheite hi a ngaihtuah reng a ngem le? Minister hlawh hi engzat chiah ngemaw ni reng reng le?
Similar Posts:
- …tual tual…
- Aam Admi Bima Yojana (Aam Admi) hi enge?
- Boss, engtia rei nge min la bawl dawn le?
- Zirna tha kan tih hi..
- ‘An ti’ tih chu huat loh tur
December 16th, 2007 at 8:08 am
A lem nen tih lan ka tum a..mahse save ka lo click palh a nih ka ring ..ka in ready hmain a lo in post daih nia…edit dan a awm em le??
Report this comment
December 16th, 2007 at 9:55 am
Christmas dawn laia thinrim chu a tihchi lo viau na a, he thil hi a serious riau. Ka hriat sual loh chuan BAFFACOS pawisa kha an insemral vek tawh. Tun hnaiah Chief Minister leh Minister dangte khabe atangin BAFFACOS a ri tawh ngai lo, tih te in lo chik em ? A awmzia chu an sawi loh chuan sum a awmlo tihna. Nizan ZONET news “Sawrkarin Crop compensation sum, cheque-a a pek chhuah chu lak chhuah theih a la ni rih lo” tia sorkar in State Bank of India, Dawrpui Branch a sum dah hawt lova cheque an sem hi Inda dan kalh thak asin. Bounced cheque issue tu chu lungin tan theihna daih ani. Hei hi BAFFACOS piah lam ani, sum chu an hmu hnem, a chang tur diktak ten an chang thin lo ani.
Minister hlawh tih lam chu ke hre chiah lo. MNF an din tirh khan MLA leh Minister hlawh an ti sang vak mai a, MLA mai pawn President of India hlawh ai tam mah an hlawh a, Minister hlawh chu Rs. 45,000-50,000 p.m. vel ni ta in ka hria A hna lamah a hmingin an ti hniam a ni awm e. An hlawh ringawtah hian lungawi se chuan a la pawi lo tur. Mahse chutiangin thil a inher si lo.
Report this comment
December 16th, 2007 at 11:13 am
MNF lal tirh khan corruption tihbo nan MLA leh Minister hlawh tisang ila corruption kan umbo ang an tih kha kala hre ve reng, kan ram mipui aiawhtu a kan thlantlin ten lungrual takin house ah bill poh an pass anih kha, politician hawihhawmlo lutuk te hi a langin i hmusit ngam tawh ang u,
tawngkam thiam ringawt, a taka belhchian dawllo ho leh lemchan thiam ho hi i hmusit toh ang u.
Report this comment
December 16th, 2007 at 11:32 am
LM RALTE awm e…i pic duh kha lo post leh la kan edit ang…
Report this comment
December 16th, 2007 at 11:40 am
Corruption kha an um an um a, an in leh office lamah an um thleng a, an khawi ngam ta ani.
Report this comment
December 16th, 2007 at 12:37 pm
NREGS te pawh an thawk ve lo a mi ooo.Baffacos ai chuan NREGS chu a tam a.Baffacos chu cheng 20000 vel lek leka sem a ni thin a.NREGS erawh chu a nuai chuang zel a ni a.Baffacos ai chuan NREGS hna pawh hi mipuiin an thawk tha zawk a.
Mahse,eng pawh ni se,thingtlang mi retheih zia hi khawpui mi te,sawrkar te,roreltu te hian kan hriatpui lo lutuk hi a tha lo ka ti.Thingtlang mipui retheih zia hi chu hnuk a ti ulh thei asin.
Report this comment
December 16th, 2007 at 3:10 pm
Kuthnathawktu Pawl ho tun hma deuha zu pawl tuam tum ho kha an la awm em? Tun hi sazu lian chi man nana zu pawl tuam hun a ni tawh mai lo maw??
Report this comment
December 16th, 2007 at 5:46 pm
LM RALTE khi US of Ei a awm tihna mi le..ka awm ve chak kherss mai.
@Keimah:Dek nuih zat thlak em mai…thingtlanga i unau te an tam tai a jokes i lo crack ten ..heheh..
Report this comment
December 16th, 2007 at 6:34 pm
zrm-a sawi khi ka pawm, hetiang thil tinreng hre reng chung si a, hetiang mi leh an fa naupang mai mai pawh tlawn leh ngaisang kan la awm tlat hi lawm pawi. Hmusit ngam ang u, thinrim thlak eee mai. Tunah hian thingtlang lam mi te tranpui tur hian pokrem emaw, eng fund emaw kan nei em aw, sorkar kaihnawih lo, hria kan awm em aw?
Report this comment
December 16th, 2007 at 10:50 pm
ACTION a awm dawn em? A titute ang khian sawi leh khabe ah hian a zuzi ral leh palh a nge…
Where’s the call to action?
Report this comment
December 17th, 2007 at 11:27 am
Thinphu dut dut khop hian kan thinrima, han ti vak dawn i la, Mosia ang a
Pathian koh bik nih loh chuan engmah kan ti thei bok si lo, dawisep nen, talent neih that tawk loh nen, zahzum nen… Pathian hian Zoran tungnung leh tur hian belruat bik hi a nei lo e mo ni le aw..!!!
Report this comment
December 17th, 2007 at 12:28 pm
hltau – engemaw tih theih hi chu a awm ang mawle, talent, zahzum etc na zawng2 nen pawh a tih theih hi a awm hi ka ring…kan la man chho ve zel ang chu maw kan tih theih tur threuh!
Report this comment