Zo hnahthlak zinga goal ven thiam ber tia sawi thin chu K Kawla kha a ni awm e. Amah ringawt pawh khan a vanglai chuan mipui tam tak a kokhawm thei a, a goal ven thiam avangin Mizoram piah lam Kolkata thleng thlengin hriat a hlawh a nih kha. India aiawhin Bangladesh-ah a kal a, Mohamedan SC hming pawhin goal a lo veng ve tawh thin. K. Kawla hnung zuiin tunhnai lawk khan Mizo tlangval pakhat chu goal veng turin Tahan atangin Mizoram a rawn pan ve leh ta nawlh mai. A hming chu F Vanlalhruaia a ni a, K Kawla thar a nih theih leh theih loh football tuipuitute’n an thlir mek.
“Mizoram tan ka thiamna leh theihna hi hman kan duh a. Hmun dangah awm mah ila rilru chuan Mizoram a hre ve reng thin a, Mizoram tan theihtawp chhuah turin Mizoram hi ka rawn pan ve tawp a ni,” tiin Myanmar aiawha age group hrang hranga lo khel tawh thin F.Vanlalhruaia chuan Zozam Weekly a hrilh.
Football For Femine khelh a nih dawn khan Mizoram pawn XI lamah F Vanlalhruaia, Mynmar U – 19 goalkeeper chu a hming a lang ve nawlh a nih kha. India aiawha Mizo tlangvalin an khelh chang pawhin kan lawm thin a, kan thenawm ram leh kan tobul kan chhui apianga kan hawi hmasakna ram Mynmar aiawh thei Mizo tlangval kan nei hi a chhuanawm dangdai hle.
F Biaktluanga leh Thanpari, Tahan-a mite fa paruk zinga mi F Vanlalhruaia hi May ni 19, 1989 khan Tahan-ah a piang a, Mizo naupang dangte ang bawkin football khelh chu naupan tet atanga a tuina ber a ni. Kum 12 a nihin sikul aiawhin a khel tan a, a chhungte’n an tuipui piah lamah amah hian football hi a tuichilh ve hrim hrim bawk.
Kum 2004 khan Inter District kan tih ang thin ang hi, football tournament pakhatah Saking District aiawha U-16 football tournament khel turin thlan a ni a, he tournament-ah hian a chetha hle.
Myanmar football thuneitute chuan an ram aiawh tura chher tlak nia ngaiin national camp zawm tura player an thlanchhuah zingah a tel ve a. Mynmar-ah chuan an kalphung a dang pawh a ni mai thei, hetia player an thlan tawhte hi chu an enkawl chhunzawm char char thin niin Hruaia chuan Zozam a hrilh.
Hruaia hian national camp a zawm hnuin football tournament hrang hrangah Mynmar aiawhin a khel nual tawh a, kum 2006 kha Myanmar aiawha a fehchhuahna hmasa ber niin Singapore-ah an kal a ni. Hemi tum hian quater finals an thleng a, hemi kum vek hian U-17-ah Vietnam-ah khel lehin final-ah an chak lo a. Hemi hnu hian kum 2007 vek khan U -17 AFC Football championship, qualifying round khelin Thailand-ah an khel leh a, final round an inhlang kai zo lo thung.
Nikum khan U -20 AFC , Youth Championship qualifying round-ah Myanmar aiawh bawkin a khel leh a, a vanduai zingah tangin final round an inhlang kai zo lo leh a ni.
Myanmar aiawha a khelh apiangin Hruaia hi first choice keeper a ni thei zel a, a mimal zawng pawhin best goalkeeper lawmman pawh a dawng nual tawh nghe nghe. Goal keeper atana rintlak tak, tlangval feet 5′ 9″ vela sang Hruaia chu January ni 18, 2008 khan Mizoramah a rawn lut ta hlawl mai.
Hruaia hi Tahan khuaah pawha inkhel thiam tia hriat lar leh chanchinbuah pawh hming lang tham khawp a ni a, Mizorama a rawn kal theihna chhan pawh hi chanchinbuah pakhatah Pu Thanpara, Lunglei-a mi chuan Tahan-a a zin tumin a chhiar fuh hlauh a, Pu Thanpara chuan Mizorama rawn chhuk tur hian a sawm ta a ni. Hruaia pawh hian Mizorama kal a chak ve bawk nen Pu Thanpara sawmna chu a pawm ve nghal hmak bawk.
Mizorama a rawn chhuk thlak hnu lawkah Hruaia chuan Dinthar FC a zawm nghal a, Mizoram aiawhin North East Sports Festival 2008-ah khan a khel nghal a . Hemi hnu hian hman ni lawka ONGC Cup, Tripura-a khelh zawh taka Mizoram team an champion tum pawh khan a kheltha hle. First XI-ah a khel char char a, final-a Manipur nen tie breaker hmanga chak zawk an zawn pawh khan Hruaia hian vawi hnih lai penalty hi a save a, Mizoram champion theihna turin thil ropui tak a ti a ni.
Burma ram atanga goal keeper thlangtla hmasa, Zoram khawvel mai ni lo India ram pawhin a hriat K Kawla ang khan Zoram goal keeper chhuanawm a ni thei ang em tih chu football ngaihvente titi a ni mek. Real Madrid goalkeeper Iker Casilas ngaisangtu leh Cristiano Ronaldo duh em em tu Hruaia hi Mizoram football tan malsawmna lo ni mawlh teh se!
Similar Posts:
- Zo muantu Zomuanthanga’n mual a liam ta
- National Football Under-16 @ Chennai
- BMA Football Tournament
- Final round khel turin Mizo naupang
- Inter-Department Football Tournament: The loser takes it all!
April 10th, 2008 at 2:23 am
Good luck to him…
Report this comment
April 10th, 2008 at 2:42 am
Pu H. Vangchhia,
FC Fredneck in goalkeeper in zawg ni lomni!
Report this comment
April 10th, 2008 at 3:00 am
Tahan atang a lo kal a nia, Burma mi a nih leh nih loh lam chu ka sawi lova, mahse Burma mi hnawhchhuah run pui lai kha chuan awm ve se, engtin tak ti ang maw?
Report this comment
April 10th, 2008 at 7:58 am
A va zahpuiawm lo ve!!
Report this comment
April 10th, 2008 at 8:29 am
An hnawtchhuak ve tho ang, mizo te rilru ah hian collective punishment hi just punishment ni a ngaihna hi a lian tlat a lawm. Hmana burma mi an hnawhchhuah nachhan pawh kha Chanmari a hmeichhe naupang burma lam chhuak mizorama reiiiiiiiii tak cheng tawhina a pawngsual vang kha ania. duh leh pawngsual tu kha chu chinghlum mahse a pawi loh nen, burma lam mi zawng zawng chhuah tur an han ti ringawt a. A zialo tak tak a ni.
A thlalak rawn tar lang tu.
Report this comment
April 10th, 2008 at 8:40 am
Goal ven chu a thiam bawn tawp….a chhuah palh te hian..a pet goal tu kha..”kha an striker han men han men zia chuh, lo inven hman a ni lo reng reng, bakah mi 10 in in rawn chhuah phei tawh a mala lo dan tum kha chu hautak tak a ni” a ti jeih zel…hahaha
Report this comment
April 10th, 2008 at 8:50 am
>>>>>>>>>>>>>>>>
Report this comment
April 10th, 2008 at 8:51 am
Hunliamtawh,changtawh, kan sawifo hian, a liamtawhsa te kaitho in rilru ah a tharleh thrin a vang in, a chung lam sawilan comment thenkhat khi chu sawi zawm tawh loh nise a va in hmeh awm ve. Kan harhtial2 angang, hma kan sawm ve tial tial mai ang.
Report this comment
April 10th, 2008 at 8:59 am
Keeper hi ball pet thiamlo deuh ven turah kan dah thrin a, thianho zing a a dawihzep deuh hi keeperah kan tir chawt zel a, fitness pawh ngai vakloah kan ngai hi thlak a hun ta hle mai. Lar chhuahna awlsam tak a ni zawk a sin Kanidar!!
Report this comment
April 10th, 2008 at 9:47 am
In unauna tithangtu atan, thinlung takin ka tan e.
Report this comment
April 10th, 2008 at 10:19 am
F Biaktluanga chu ka va chhuang tak em! ka chi pui a ni leh nghal.
K Kawla pawh kha Burma a tang lo chhuk tho a nia, 1994 a boral tum khan an inah[Saron veng police run] ka lengkhawm ve thin tak a sin. Pu K Kawla kha a hmil pawh kha a tha a, thenrul kawm a thiam bawk a, mi ngainat a hlawh bik khawp a sin.
Pu K Kawla hnuah keeper thiam.
K Lala keeper tho pawh kha Burma a tang rawn kal tho a ni, a ni pawh kha a chet that theih viau kha.
Pu Sapnela pawh Burma Zofate zinga keeper thiam hming thang a ram huap pawn thlengsang ve tak a nia. Mizoram a rawn luh khan foot ball lam a a rawn luh khan, “khaw nge kan khawchang keeper thiam chu ” tiin penalty shoot hlirin an lo chin vel a, khawvel keeper thiamber pawn engtin nge a save theih reng a. An lo tih dan kha nuam a ti lem lo a a haw leh deh a nih kha.
Report this comment
April 10th, 2008 at 10:43 am
Goal keeper thiam tak hi chuan a khelh pawh an thiam ngei ngei zel.
Report this comment
April 10th, 2008 at 2:23 pm
Zoram mite hian rilru zau kan put a hun ta hle. Mimal pakhat thiam loh vangin kan vai hmer ringawt hi a fuh tawk lo. Tichuan keini ram atang ngei hian khawvel zo inpumkhatna siam chhuaktu kan ni ngei ang. Min rinchhan ber kan ni bawk.
Report this comment
April 10th, 2008 at 4:05 pm
Min lo excuse lawk aniang chu…kan ti ti nen a in tulo deuh kan sawi teh ang….Hman deuh tawh a Aizawl kawngpui vel a…midum (Santal) ho an festival .. “kuri kuri ha tai ah,” tia an zai a an lam lai sakawr lem nen…khami picture nei in awm mial em..ka neih ka hmu zolo tlat mai…Nei in awm chuan khawngaih in lo post teh u a…ka lawm viau ang.
Report this comment
April 10th, 2008 at 4:08 pm
kuri kuri ..an ti a ni maw…midum kuri tih amaw ka lo ti char2 thin a.
Report this comment
April 10th, 2008 at 5:41 pm
e khai zofate i tang zel teh ang u.kan soi ve lok hnam leh hnam chi leh chi a kan la in thliar chhung chuan kan ram hi a chang kang lovang. thang thar lo om leh zel tur tan in thliarna a om loh nan tun atang hian tan i la thar ila. F.Vanlalhruaia poh khi lam chhuak ti lovin a thiam na te hriat pui jok ila. Mizoram tan theih top chhuah molh roh se. kei zong ka chhuang khop mai. kan mizo inkhel thiam ho hi india ram chhunga khelh ringot lo hian india ram pon a an khelh theih nan tan lak pui tu tur an lo om em ni le? an chhuanom hlom si a. kei zong ka chhuang kan mizo valte
Report this comment
April 10th, 2008 at 5:53 pm
naupan tet lai chuan ‘k.kawla hi k.Cole-a’ emaw ka tia , sap ani in ka hre trin!! ‘pele’ hi mizo emaw ka ti tlat trin bawk!! kanidari
Report this comment
April 10th, 2008 at 6:48 pm
Tunhma a goal keeper hmingthang Pu Kawla kha a hming tak chu “Cole Lianthanga” a ni a, “Cole” tih khi Sap missionary pakhat hming ( a pa thrian pa) an lak a ni. Pu Cole Lianthanga pa chu Burma rama missionary hmasa leh EFCM kohhran hruaitu/dintu Rev.Dr. R. Lalthanliana ani. Pu Cole Lianthanga pu chu Manipur lama missionary hmingthang Pu R. Dala ani.
Pu Cole Lianthanga kha Burma ram lamah goal keeper hming thang anih hnuah Mizoram lamah a lo kal ani.
Mizo pa diktak ani e.
Report this comment
April 10th, 2008 at 8:29 pm
maradona(mara–dawna tiin kan lo lam ve thrin) hi keipawh hmanah chuan mizo tlangval emaw ka ti thrin a hming tawpah ‘A’ a awm sia.. chuan Tuna(fish) pawh hi ..lolxxx
Report this comment
April 10th, 2008 at 11:25 pm
Pu.K.Kawla lung ati leng ngei mai.
F.Vl.Hruaia..All the Best.
A tawp thlengin tha tak in aw
Report this comment
April 11th, 2008 at 8:42 am
Keipawh thianzahova ball kan petin a thiam lo ber ka ni bawk a, goal ka veng thin. Khup leh kiu pilh pheng phungin kan lo ti ve thin alawm
5’9″ chu goal keeper atan chuan a pate hret em aw. FIFA ranking ah India leh Burma hi 150-160 vel ni ta in ka hria.
Report this comment