1935 June ni 15, Thawhtan zan a nia, Zosap Missionary thenkhat leh Mizo Kristian hmasate inkhawm bang chu ruahpui vanawnin a dan avangin Biak In bul lawka Pi Zaii quarter-ah chuan an tlan luta. Hetah hian thu mai mai sawi pahin Welsh rama Young Welsh Association chungchang chu sawikaiin Mizo thalai pawl din ve chu thain an ring taa. An pawl hmingah chuan Welsh rama an tih angin Young Lushai Association tih nise an ti taa. Tichuan a hnuah Lushai tiin an thlak leh ta a nih kha.
YMA hi kan sawi tak ang hian kan Missionary-te din a nia, anni thinlungah chuan Pathian rawngbawlna peng pawimawh taka an ngaih vanga an din a ni ngei ang. Mahse tuna kan kalpui danah hi chuan a khawvel ta mah mah lo maw? Kohhran thalai pawl leh YMA chu kan enhrang ta mai niin a lang. YMA-a inhmang chu kohhran zaipawlah an tel ngai ta mang lo.
Tin, chubakah kohhran upa fate chu YMA-ah an inhmang khat hle bawk.
2000 kuma Hnahthiala YMA Gen. Cofn. a awm tum khan nula pakhat chuan Pathian fakna hla a saa, a zai zo chiah chu inkhawm hruaitu Pu PL Liandinga chuan, ‘KTP khawmpui naa sak awm tak a nih kha mawle,’ a rawn ti maia, a ni pawh khan a en hrang hle ni chuan a lang.
YMA hi khawchhiat vanga din a ni ang bawk hian YMA Day hian khua a chhe duh riau lehnghal.
Kumin YMA Day chu Chawlhnia a tlak avangin Thawhtanniah sawn a ni. YMA Day hman nuam vek ule.
June 15th, 2008 at 10:05 am
Para 1 na last sentence khi Mizo tih i tum ani zawk em?
YMA chu Pathiana a thuthlunga in nghah kha a tawk mai lawm ni, tuna an kal dan anga secular organisation a kal khan a fuh bakah in nghirnghona leh buaina neuh neuh awmtur a veng zawk lo maw. Chu ti anih loh chuan in hmuh khawm hawn dawn apiang in Presbyterian pastor nge, baptist pastor nge, UPC mihlim lam thiam nge, Salvation Army Officer kan sawm ang?
Khawvel History hi han en let la sakhuana hian hlima leh hmasawnna aiin Trah leh hathialna, Indona leh chhiatna te in huatna te a thlen hnem zawk.
Mahse PL Liandinga comment chu a huat thlala ve reng reng, a mawlna a tilang zauh anih chu. Khang vang te kha a mi hmanah chanchinbu ah an beih vak kha.
Happy YMA day!
Report this comment
June 16th, 2008 at 2:35 pm
YMA day hian ruah a sur deuh ziah in ka hria. kan nulat lai chuan kawng, ko pang vel tifaiin kan hnatlang thrin. nuam ve thei lutuk.
Report this comment
June 16th, 2008 at 2:37 pm
@BMW tunah pawh i la nula reng tho si a…
Report this comment