Misual.com-a lut thinte zingah hre lo kan la awm maithei a, chuvangin thalai movement chungchang hi ka han thaikawi ve lawk dawn a ni. Khawngaih taka min lo chhiar chhuahsak turin ka ngen a che u.
Ka hming tak sawi ila, min hria in awm ka ring a. Ka hnathawh pawh sawi ila, min hria in awm ka ring. Amaherawhchu, sawi kher a tulin ka hre lo va, Mizoram siamthat a tul tawhzia leh thalaite lo penchhuah dan (kei ngei pawh telin) sawi ka duh a ni.
Kan ram siamthat a ngaih tawh zia chu ka hre tlang vek a. Mahse, kan tapchhak zawlah kan phun chiam chiam a, engmah kan ti ngai hlawm meuh lo. YMA, Kohhran leh keimahni eizawnna leh kan zirna hmun theuha kan tihte hi a tawk ta lo tih kan hria a, a bupuiah luhchhuah a ngai ta tih hi a chiang a ni.
Chuvang chuan 2007 kumtir khan thalaite inhmuhkhawmna, Chanmari-ah buatsaih a ni a. Thalai movement lo awm hmasa ber a ni. Kei pawh a sawmkhawmtu leh a telte zingah ka awm ve. Khata tang khan ram siamthat tumin Mizoram hmun hrang hrangah thalai an lo chhuak a, YMM Aizawl te, Y4M Lunglei te, YMM Serchhip District te, Kawnpui Youth Assn. te, Thalai Ram Vei Pawl Khawzawl te, YMM Serlui Constitutuency-te a lo chhuak a, YMM hian branch pawh a ngah tawh hle a ni.
Keini chu Aizawl-a awm kan nih avangin YMM-ah kan tel a, thalaite hi kan inlungrual avangin Lunglei-ah awm ila, Youth For Mizoram-ah ka tel ang a, Kawnpuiah awm ila, Kawnpui Youth Assn. ah ka awm ang. Tunah hian thalaite hi kan inzawmkhawm tawh a, joint committee neiin, kan jt. commt. hming chu Mipui Tangrual Pawl a ni a, Mizo Thalai Pawl (Zozam Weekly tarlan danin MNF-te pawisa pek) nena lo ngaihfin tawh lo turin Mizo thalai zawng zawngte ka ngen a che u.
Thalai movement hian kan tum ber chu Mizorama rorelna dik tundin a ni a, political party tumah kan thawhpui lo. Thalaite hi kan penrual chuan rorelna dik kan tundin theih kan beisei a, kan harsatna tam ber hi rorelna tha (good governance) hmanga siamthat theih niin kan beisei.
Hetiang dinhmuna kan din avang hian thalaite chu min thlawp tura ke pen thei lote pawh min sawisel loa, min thlawp tlat turin kan ngen a, kan tihdik loh in hriat erawh chuan hmaichhana min hrilh mai turin kan sawm a che u. Kan ram hi thalaite’n kan siamthat loh chuan siamthatu tur an awm lo va, rorelna atanga siamthat kan tum loh chuan buaina chi hrang hrang kan tawhte hi siamthat ngaihna a awm lo a ni tih lo hre theuh turin misual.com chhiar thintu zawng zawngte ka ngen a che u.
Inrinhlelh tawn leh insawisel a hun tawh lo va, thalaite’n engtinnge ram kan siamthat ang tih hi ngaihtuah tlan a hun tawh a ni.
I ram (Mizoram) hian nang pawh siamtha turin a ko a che.
Similar Posts:
- Thalai Intawkkhawm
- Thalai rualte’n Mizoram kan siamtha thei
- YMM website peihfel tep a ni
- Mizoram Democratic Movement(MDC) a piang!
- Youth Movement for Mizoram (YMM) piang ta kha
July 26th, 2008 at 2:22 am
misual.com lut ho hi average age 30 to 35 anih kan ring deuh rawka. Ram tana thu serious tak han contri kan tlem ka ti – Vaiho in “Mizo chu mai mai mole” an tih hi kan tlan pelh a hun ka ti.
Thalai lo chuan kan Ram hi kan siamthra lovang. Kei chu CM atan poh hian kum 50 hnuai lam ka duh thu ka sawi(post) hnem fu ta mai misual.com ah hian. Inthlan a hnai ta hle maia, emerging leader k duhthusam an la awm lo kan tinzawn hlom te –
K. Sapdanga an za hian kum 50 an pel vek. Thatna aiin an that loh zawkna tur sawi tur a tam ang. ang u, pawisa nei hausa an ngai lo MI NUAISEN RINAWM RAM SIAM NANA HRIATNA NEITHA TAK PATHIAN TIH MI DAWHTHEI TAK in zingah in awm ngei ngei ang. Huphurh suh u kan support dawn che u alom le.
1) Lalthanhawla 2) Zoramthanga 3) Brig T Sailo 4) Lalduhawma 5) HT Sangliana 6) Dr H Lungmuana 7) Bualhranga
WARNING : PARTY POLITICA RUI HO ANG HIAN AWM VE RENG RENG SUH U.
YMM MTP active member zawng zawng te CN tur i project ngam
Report this comment
July 26th, 2008 at 2:25 am
CM tur i project ngam ang u, kum 50 hnuai lam. Tar fing kherek ai chuan thalai rilru la thianghlim hi ka duh a ni RAM SIAM tur chuan
Report this comment
July 26th, 2008 at 3:46 am
Ram hruaitu tha kan mamawh, sorkar hnthawk Corrupt te hi an thiamawm rum rum hian a chang chuan ka hria, entirna pakhat, mi pakhat ser huan kawng bulah a nei a, a huan kha hung ta miah lo se, a ser rah chu a bo lovang em ni, nei tam ten neih belh zel an duhna khawvelah hian.
mi huana lut ru-a ipte puar euha a ruk a ni tih hriat reng ak haw kha, a vengtuin a man ngam si loh chuan a ruk a ruk mai loh rengah.
chuvangin dan fel tak kan neih sa, kengkawh ngam, leh mi diklo te diklohna hai lang ngam hruaitu kan mamawh.
Report this comment
July 26th, 2008 at 3:50 am
Politics platform-a tlak duah, mahni thu tiam ngaihsak leh si lo ho hi ka ten….an dula kiar her huar, ek an ti chhuak lerluarh….
Report this comment
July 26th, 2008 at 4:37 am
Aizawl chu ka hre lo, thingtlangah chuan eng party emaw in zu an khilai tawh chuan an bawh hum hum zel. He movement hi nia Aizawl lam atanga irh chhuak chi ani.
Report this comment
July 26th, 2008 at 6:27 am
Tuna thalai movement avang hian thingtlang lama kan unau te nen inpawhna tha lehzual kan nei mek a. Khaw thenkhat ah chuan an la hel deuh a. Mahse dem ngawt chi a n ni lo. Kan ram ah hian politics hi a kal dan a lo danglam em a, kan rualpui thenkhat te thleng hian a lo tichhe tawh a nih hi…… Mahse hun a la awm a, nang leh kei in kan siamthat loh chuan i tu leh fa te’n an dem ngei ngei ang che tih hi ka ring tlat a ni.
Report this comment
July 26th, 2008 at 7:18 am
Tunah hian kan Hmangaih em em…. Mizoramah khian Mental Revolution a awm mek ani tih hi kei chuan ka hmu tlang tlat mai a…. He Revolution ah hian a buai ber te chu tudang ni lovin, Thalaite hi an ni! Tunlai khawvel hmun hrang hrang kan thlir chuan…. SENSE of Belongingness leh CONFIDENCE tih hian thalaite thinlungah hmun a nei thuk em em a…. Chutiang bawk chuan kan Mizoramah pawh hian Thalai tam takte hian Ram chhe mek tung ding tur hian an theihtawp chhuah in huamin, ke an rawn pen chhuak mek zel ani!!
He YOUTH Movement pawh hi he Revolution hian a cho chhuah ani ti ila, kan tisual tampui awm love!!! Kan ram kalsiam chhe mek tungding leh tur hian thalaite hian tan kan lak a ngai nasa zual em em ani tih hi hai rual ani lo!!!!
In hmuhsit em em, TUAI te pawhin VOICE an nei ngam anih chuan engvangin nge kei ka ni inti phak chin chuan in han ngam loh teh lul ang le!!!! Kan Mizoram chhe tawh tak, tung ding leh tur hian Mizo thalai zawng zawng ka cho che u a, phur takin, in in tuamhlawmna kawr atang khan in lo chhuah ngei ka beisei!!! THANK YOU!
Report this comment
July 26th, 2008 at 7:47 am
CM atan tunge tlak ber ang le?
Report this comment
July 26th, 2008 at 8:19 am
Chief Minister of misualdotcom atan PU H.Vangchhia
Opposition Leader ah : Aryan
Finance Minister ah : Myself
Health & Family : wonderboy
Law : @keimah
Home : father
Transport : bmw
Cultural, GAD etc : Zorun
Horticulture : Irreplaceable
Tourism : mirage
In Haawl, Ramthang, Sanglian, Duhawm te ho ai chuan an that ka ring zawk
huhuhhu
Report this comment
July 26th, 2008 at 8:42 am
In hmanhmawh ani. A hunah chuan kan che phat mai ang.
Report this comment
July 26th, 2008 at 9:02 am
Ka ning tei vet.. YMM a phusa deuh deuh ho pawh hi ka ring hlom lo e.. nakin lok ah khawi party ty ah emaw an luh na tur kawngkhar an buatsaih vel mai mai a niang.
Report this comment
July 26th, 2008 at 9:20 am
eng pawl pawh hi han ding se, a tawpah chuan politics bawk//
Report this comment
July 26th, 2008 at 9:42 am
A lu bera atanga tan chi a ni dawn em ni le aw..
“Cut from the root” lo chuan engmah a siamtha thei tawh lovang.
Report this comment
July 26th, 2008 at 10:03 am
Awi ha Kanidar, Tourism ka chan chuan Mizoram chu a vul vel chuk ang. Phawngpui tlangah “Blue Mountain Blues resort” nuam lutuk ka sa nghal ang a, Reiek tlang ka chei par vul chuk bawk ang a, 5* hotel pathum tal kan nei bawk ang a, ka sawi seng lo, a tam lutuk…nuam dawn e, mahse Aryana’n a han sawi sel thiam leh dawn lutuk tur kha ka peih lo. lol
Report this comment
July 26th, 2008 at 10:10 am
“Thalai Movement” thil tumte hrelo kan awm ve thei ania. Tactical + Practical Movement ni hram se a va duhawm ve.
Abstract Planning mai maiin Thalaite a kaihruai ang tih hlauhawm dawn a nih hi.
Report this comment
July 26th, 2008 at 10:28 am
mirage: Thalai Movement tih vel pawh i chang tel anga, Beraw tlangah in ‘move’ vel anga
Report this comment
July 26th, 2008 at 10:51 am
Kanidar, ha ha…ka dept ah chuan SHU sang sang leh something nei vawt apiang an kaisang chak ang tih ka hlau
Report this comment
July 26th, 2008 at 12:09 pm
kanidari, huau huau minister ni bawk se la
thalai lam chu inzirtir chu ngai khawp mai, kan nau te ho in nuam deuh zawk a khawvel an lo hman ve theihna tur te pawh buatsaih chu kan tihtur ni in a lang.mahse engtin nge hma kan lak tak ang?? sawrkar tih ngawt ni lo a, mi tum ruh leh taima zawk ten dik tak leh hlawk zawk a mi dang awh ni thei tur a hna an thawh theih nan eng nge kan tih tak ang??
Report this comment
July 26th, 2008 at 12:52 pm
Tun Tamil Nadu inthlan kalta khan hetiang Youth Movement ang ve deuh hleka sawi theih party thar a ding ve a. An candidate te chu thalai vek (Software engineer etc.) an ni a. Inthlan hma pawh khan an thawm chu a nep lem lo khawp mai, chanchinbu-ah te pawh heng thalai te hi an tha zawk ang em tih thawm te a awm ve a. Mahse inthlan a han ni ta chiah a, M Karunanidhi leh a pawlte (DMK) an rawn sawrkar daih a. Thalai in candidate atang khan pakhat pawh an tling ta lovin ka hria.
Ka rawn sawi deuh duah nachhan chu tihian inthlan a hnai telh telh a, heng thalai movement te hian thawm pawh an rawn nei ring telh telh ang. Mahse thawm neih rin ringawt hi chakna a ni lova, tun aia nasa zawka tan an lak a ngai ang. A chhan chu sawrkar ngai lo an ni a, an hruaitu turte lah lar lamah Zoramthanga te, Lalthanhawla te angin mipuiin kan hre bawk si lo.
An manifesto te hi misual.com ah hian an rawn tichhuak thei law’m ni? Ti ringawt chuan ‘thalai’ an nih vang ngawta vote chu thil tha ber a ni angem?
Report this comment
July 26th, 2008 at 2:31 pm
mirage, Tourism i chan chuan khing 5* hotel ho khi min lo sak tir dawn nia. I contractor rinawm ka lo ni ang, ka hauh. Eleksawn hunah kalo finance jaih jaih dawn che nia.
Report this comment
July 26th, 2008 at 2:54 pm
Wish-Bone, kum hnih chhungin 5* hotel pathum, 250 rooms i sa zo thei meuh ang maw?
Report this comment
July 26th, 2008 at 3:06 pm
“Tun Tamil Nadu inthlan kalta khan hetiang Youth Movement ang ve deuh hleka sawi theih party thar a ding ve a.
Lok Paritan?
https://www.lok-paritran.org/
https://en.wikipedia.org/wiki/Lok_Paritran
hmanah ka chhiar ah chaun vawikhatna tling an in ring lo, an tum ber lo, long term an thlir zawk
Report this comment
July 26th, 2008 at 3:12 pm
democracy ramah chuan party system atang lo chuan ram siam that a har anih hi, heng thalai rual te hian a hu hovin party ah luh chilh se, a chhung atang a siam that tum a fing thlak zok lawng maw?
Vairengte leh Bilkhawthlir a an hma lakna ah pawh independent chuan kan ti tho tho ang tih te a ri ring fu ania…
Report this comment
July 26th, 2008 at 4:14 pm
mirage, engineer to be ka nih hi. Ka sa zo thei raps. Kan company L&T in kan lo contract dawn nia.
Report this comment
July 26th, 2008 at 4:35 pm
Thu tlem kan lo sawi ve lok u o!!
YMM hian mi tha leh rinawm, ram hmangaih tak2 tu tur thlangchhuak se. Tin, Party a om sa mi tha tak2, MIZORAM hmangaih tak2 tu ten party chhuah san se. Tichuan bial tinah indipendent in in candidate se. Chungho zawng2 chu YMM hian support pe se. Tichuan ‘neutral’ in majority an siam thei ang a, party workers hlauh tur an awm toh lo ang a, ram siam hna a thawh chak thei zawk te kan ring ve ringot a!!
Report this comment
July 26th, 2008 at 5:11 pm
Unaute u, vawiin ah hian, kan ram thanmawh bawk leh kan mamawh sawi turin ka rawn ding lova, Babute hlepruk nge tam ang Whole-Hawla eiruk tih pawh sawi ka tum hek lo, putar tu mawng beng tawh leh tleirawl hnute um tir te pawhin a an ngaih pawimawh zawk rawn din chhuahpui hi kan that tlanna zawk a ni thei a ngem? tihte pawh ngaihtuah ila, chuvang chuan, Huau Huau Ministera min thlantlin phawt chuan, misual ho zawng hian World Cup final ‘a bul atangin’ kan en ang tih ka tiam e. Press mi te pawh khan lo note char2 ula, kan thenawmpa vawkpa sum 6 khu, tlangval hovin zuk khalh chhuak rawh u le, ruai theh nan ka thawh e.
khitiang vel khi kan ni mai a ngah (fiamthu)
Report this comment
July 26th, 2008 at 5:54 pm
Tunlai Thalai Pawl dingte hi ka beisei angin an kal tawh lova, a tha viau dawn anga ka ngaih laiin, MDM nen an thawkho a, Tar fing tak takho hian an thluak an suk sak leh ta si niin ka hria, MDM Thalai Pawl an ang ka ti deuh ta ber mai.
Inthlanpui kan hmachhawn turah hian han tling se tih em em ka nei ta lo
Report this comment
July 26th, 2008 at 6:32 pm
Pu.Aryan coment hmasa lama a sawi ang khan thalai te hi ramhruaitu tak2 ah chuan an that ber ka ring hranpa lo.amaherah chu thalai zing ah rilru puitling leh ram vei tak2 an tam tih chu ka hria,tuna kan ram hruaitu te dinhmun ah hian han ding ve ta ila, a fel hlel2 hi kan ni mai lo ang maw??? a eiru nasa hlei2
thalai thisen lum second thought pawh nei hman lo te hi ram an hruaisual vaih chuan hlauhawm thei viau ang,
Report this comment
July 26th, 2008 at 7:25 pm
ni e chuvang chuan Pu Ht sanglian hian min hruai thei se ka tii!!!
Report this comment
July 26th, 2008 at 8:59 pm
Thalaite hi kan tan a ngai khawp mai;kan ram hi siam angai ani, Sawi ringawt hi chu anuam a sawi ah bawk kan thamral leh ang tih hi ka hlau thin; enge maw ti ang u. Entir nan: Hman ni deuh khan Ruatfela nu in Baffacos pawisa diklo taka late an hming hmerhin Vanglaini chan chin bu ah a tar lang a; chung ami tarlar lan te chuan “Diklo takin kanla lo e” an ti lemlo a; an ngawi mai a kan ngawi tlang thuap ringawt mai ani khawnge PRISM? khawnge YMM? Movement in tih hi enge a awmzia; thu a tawp thil tih tello. Zoramthanga ang mai! hmui chauh hmui chauh. Khawnge MOVEMENT?
Report this comment
July 26th, 2008 at 9:22 pm
In rin ngam hi har tak a ni, tuna kan Ministerho pawh hian an tlin hma chuan hetiang em em a mahni tanghma hai tum ran chu an ni biklo mai thei. Thlipuiin a nuai phawt loh chuan in tlo leh tlo lo hriat a har khawp mai.
Report this comment
July 26th, 2008 at 10:41 pm
thu ziah hrim2, chu mi kha mi leh KEI tih hi chu ka chhiar peihlo
Report this comment
July 26th, 2008 at 10:46 pm
Mi kan rin ngam loh chuan kan RINLOHsa ho bawkah kan tlu leh anga kan kual kan kual mai dawn ani. MLA ni tawh Minister leh CM ni tawh kan zawng ang; kan vanduai avangin tu hi nge kan rin ngam ang aw ka ti ani li NI tawh ho ah hian. Nge a tha lo rau rau a ZIAAWM hi kan zawng ang le ooo
Report this comment
July 26th, 2008 at 11:37 pm
CM nih hi a hautak asin Adviser pali panga nei chung pawhin ti hi kan nia.Mitha kan duh tih leh ringawt thin pawh hi, Tunge maw mi tha le?
Report this comment
July 27th, 2008 at 2:31 pm
Vawikhatmah hruaitu la ni velo mi tha fe fe an awm nual:
Mi tha chu an awm nual alom mahse tunlai Mizo society awmdan en hian mi tha tan chance a awmlo anih hi.
Politics(Acting) a san phawt loh chuan Mizo hian tumah kan ngaisang lo, Kohhran hruiatu,tlawmngai pawl hruaitu,thalai hruaitu etc nih te hi mi tha pangai tan chuan thil theihloh tluk ani.
Kan kalphung hi a dik tawhlo lutuk!
Hruaitu nih politics chauh hria ram rorel thiam leh mang silo kan tam lutuk hi a pawi!
Report this comment
August 4th, 2008 at 1:01 pm
thingtlang lam kan thalai rualte hmasawnna kawng hawnsak leh khawpui thalai te nen inbiakpawhna tha ruahhman sak hi tih makmawh a ni in ka hmu
Report this comment