By Dr. H.T. Sangliana, MP
Zu hi, a siam dan, a in dan, rilru leh taksa a nghawng dan, etc., ziah tam ber, sawi tam ber, titi ti tam ber, huat leh lawm hlawh ber a ni ang ti ila kan tisual tam lovang! Hmasang ata tawh lehkhabu tamtak, article tamtak, inhnialna leh inhauhna tamtak, mimal leh chhungkua ti chhetu leh nupa kar tibuaitu, sual tamtak leh hlimna tamtak tichhuaktu alo ni tawh thrin a, a ni mek a, ala ni zel bawk dawn a ni.
Mizote hi hmakhawsang atrang tawhin zu siam leh in thrin hnam kan ni a. A indan leh intawk hriatnaah pawh inchawimawina leh a thra zawnga inelna lamzawkah hmang thrin niin kan lang. Mihuai-Pasalthra, Zu No dawm pha titein anloin sawi thrin. Pipute hunah khan tu pa emaw tu nu emaw zuin thiam loh vanga a chetchhiat thu emaw sawi tur thawnthu angte pawhin kan hre/nei lem lo. Hetih vanghi a ni ang, zuhian, kan nunah leh ngaihtuahnaah, kilkhat tih ang vel hi chu a cham chilh ve tlatin, anchhe phur ang em a han sawngbawl hi chu harsa kanti lam deuh zawng niin a lang;; khap ani chung pawh a kan in/neih reng tho bawk si avang hian.
Kan ramah Missionary hote an lo luh tak hnuah erawh chuan, Zu hian damdawi angte pawhin thrat vena chin nei bawk mahse, a chhiatna lam pangin sawi a hlawh tam tak zawk em avangin kan zingah a ngampa ta lo hret hret zel a. A in dan tawk thiamnaah leh in avanga buaina siam thrin awm lo se tih duhnaah min hruai lut ta zawk a. A tihzia ngawt mai.
Amah erawh chu, Zu hi, kan zingah thrian anga siam tur leh khawm nel dan tawk thiam tura in zirtir aiin, hmelma enin kan en a, ku 20 chho lai chu sawrkarin talhtum lekin, Kohhranin tumkhumin leh NGO=YMA te hial pawhin, nawr beh tumin tran la angin thawm an han nei thrin a, tran erawh 100% la taktak hauh si lovin.
Engatinge zu khap hi a sawt loh, mihausa leh sawrkar hna thawk officerte leh sar lemlote, Pastor leh Kohhran Upa threnkhat leh, kan NGO=YMA member engemaw zahte leh kan Police, Excise leh Jail stafften duhtawka in tur an neih reng si le? Hmu reng leh hrereng chung si hian engatinge engmah hre lo anga kan haider luih duh tlat hlawm mai bawk si le? Total prohibition hi election huna vote hmuh duh vang chauhin emni a tran lam zawng political party reng reng te hi kan in tawmim siak thrin nge. Kohhrante pawh hian Total prohibition meuh puanga khap chung pawha zu leh drugs chhe ber chi hmuhtur awmreng tho siin leh chumi vanga a hun lo takah thihnain kan thralaite hremhmunah a liam tir reng maisite hi, thlarau bo an hmangaih tawk lo em ni le? Tithe pawh a awl ta hial zawk mai. Chuvangin rilru chhungril ber atranga ngaihtuahna nen thlr nawn lehin “course correction” neih avan trul ta em!!! “Titawh laklawh” tia tran tlat mai zawng kei chuan fel ka ti lo hul hual.
Zoram angahte chuan, Sawrkar leh Kohhrante chu nu leh pa anga kan ngaih anni a. Anni pawhin chutiang chu anni tih inhria a, thutak leh thudika min chawm tur annih laiin, a dera min dawrin, duhthusamah min thrut muan luih san reng mai si! Takna awn si lovin beiseina lipuiah min chen luih tir zel a. Kan do ber zu leh drugs bo tak tak si lovin. Thrankina thi aiin thralai kum 35-40 hnuai lam thlan hmuh tur vengtin thlanmualah hian avan tam tawh tak em!!!!!
Tunah zet chuan, zu hmu pha veloten drugs ti a an nun an tih chhiat leh an thih phah te hmu ve reng chungsi leh kan bel hi bel khi tui tling taktak theilo alo ni hi tia admit/pawm ngam a, taktak ruamah kan luh angai tawh zawk. Khawvelah population tlem anga chhut phei chuan drugs vanga nula tlangval thi khawvela tam berna ram kan ni tawh tih te hre si hian engah nge prohibition hi kan la tih luih zel mai le?
Tun a kan mamawh ber leh kan tih tur hmasa ber chu zu atawka kawm thiam leh hman thiam a ni. Hemi lam hawi zawng hian i in zirtirin, hma ila zawk ang u. Sawrkar lamin a hmangsualte hrem leh thunun lamah strict takin leh dan ang ngeiin hma la se la. Kohhranten thlarau lama inzirtirna lhawi zawngin Sunday Schoolah leh pulpit lamah hma nasa zawkin la sela. NGO+YMAten atrul ang angin thalai awmthra duhlote kaihruaiin thunum bawk sela, kan ti fuh zawk daih ang.
Kana khuaa mo lawmtute tlakchham phuhruk tura Isua a chet tum kha ka ngaihtuah fo thrin. Isua rilru a thil awm theite chu:
1. Thilmak mipui hmaa atih hmasak ber tur ani tih.
2. A hming athang nghal dawn tih.
3. Wine kha ruih theih ani tih.
4. Anuin a ngaipawimawh tih.
5. Thilmak titur a a inrin tawk mai bakah a tihsak tur hmang/intu tur mipuite khan wine kha ruihchhiat nan leh buaina siam nan an hmangsual lovang tih a ring. Rin tlak nia arin avang tak khan wine atih pun sak ta a nih kha.
Kana khua a thilthlengah hian Pathian leh fapa Isuain mihringte chungah confidence/ rinzawhtawkna an nei a ni tih a chiang a. Chuchu ruibuai ilo an awm palh ang tih hlauh vangin tui wine-a chantir an thrulh lo. Mizo hnam hi rinawmtawka ngaih kan ni em? Pathian hmaah mai nilo kan mihringpuite hmaah pawh rinawm leh rin tlak a awmtur kanni tihah kan chiang em? Heichiah hi a ni kan hnamin kan hriat tur leh kan zir tur chu. Pathianin mihringte min rinna hi a full-in a nih tlat avangin keini pawhin a duh zawng tih leh a duhzawng anga awm hi kan tih tur, kan inelna tur leh kan inzirtir dan tur a ni. Rimawmna ngeia Mizoten Pathian kan chhan let hi puitlin lam panna a ni. Zu lakah hian i inring zo tawk ang u…
August 7th, 2008 at 12:36 pm
He article hi tha ka tih ai daih in kanari hian tha a va ti in a va han support dawn tak mmmm tih hi ka soi lei tei lo..!!
Report this comment
August 7th, 2008 at 1:15 pm
Kan in reng thova. Mhee hlip se chuan zu man a tlawm deuh ang chu.
Report this comment
August 7th, 2008 at 2:12 pm
Print a uluk tawka chhiar chi a nih khi, highlighter (?) nen
Report this comment
August 7th, 2008 at 2:29 pm
Kanidar,last line ‘Zu lakah hian i inring zo tawk ang u’ tih khi chu i highlight hrim hrim ka rindanin.
Tin,i zawnchhuahtur dangte chu:
1. Vawi engzat nge zu tih hi he article ah hian a lan?
2. Zu hi damdawi a ni em?
3. Isua dinhmunah khian ding ta ila,uain(wine) kha bel engzat chuang turin nge ka tihpun anga tunge misual zingah ka pek ve ang?
Report this comment
August 7th, 2008 at 3:15 pm
HT chu Mizoram Hruaitua tan a tlak lohzia buichhia laih lohin a inpuang ringawt lawm! Khata tang khan helaia kan thalaite rawn fuihpawrh chhen su!
Report this comment
August 7th, 2008 at 3:53 pm
Irre, Dik chiah.
Keima mimal ngaihdan ve (chhiar peih lo chuan chhiar loh mai
)
Ram pawnah
1. Zu in leh in loh ah vanram kawngkhar chabi a awm lo.
2. Zu in thin leh zu in ngai lo ka en dan a inang reng
3. Zu ngawlvei erawh ka ngainep hle.
4. Duty laia zu in, card khelh, games khelh ka haw hle bawk.
5. Kohhran hruaitu te erawh mi hriatah in lo se tha ka ti.
6. Zu ka in ngai miah lo na chu kan Club bar secy ka ni ve zeuh2.
Zoramah
1. Mizo ten Zu kan ngaihdan kan sawhsawn hma chu zu khap tha ka ti.
2. MLTPA kan hman lai hi tha ka ti lo hle.
3. Kohhran in Zu a do aia nasa in Corruption do se ka ti.
4. Zu buaipui luih2 aiin mahni thawh tawk rim taka kan thawh hun ka nghakhlel.
5. Zu khap vangin Ruihhlo dang a pung tih hi ka pawm lo.
Lal Isuan Mizoramah Uain a ti pung a ngem?
Pung lovang, Thingpui / Dailuah / Antui hang / Sa tui a ti pung ang. Tuna kan dinhmunah chuan.
Report this comment
August 7th, 2008 at 4:13 pm
ka siar peihlo…thui em mai. kanidar comment ang ang khi ni mai. ka thluak aiin kanidar thluak ka ring zawk!!
Report this comment
August 7th, 2008 at 4:26 pm
Dik khop mai! Mizoram ah hian chhungkua a kan awm khawm hian nu leh pa te zahna avanga an hmuh laia in ngam lo chauh hi kan ni tlangpui in ka hria,Mahni in kan pel chauha kan hmu tai mai thin lo mo oo??In sum thei te chu lo awm mah ila,A in duh hi kan tam zawk ti ila ka daw tamin ka ring lo.Kan mizo hmeichhia nu leh pa thleng pawhin mizo ram kan pelh tawh chuan kan dawm ve thei zel mai zuk nia,Chuvang chuan Mizoram ah hian kan khap trut reng hi kan ram tan a pawi zawk.Free takin ti ila,Naupang kum 18 an tlin hma chuan Ram dang ang hian an lei leh in phal lo ve ta ila,Tichuan,Puitling lam te pawh limit nei a in kan lo thiam chho ve anga Zurui erawh man kher loh pawha chawitir ve hmiah hmiah ni ta zawk se,Dan fel taka zam ni ta ila vawiin ni ai hian Zoram chuan changkan kan pan chho ngei ngei ang,Chuti anih loh chuan Hruaitu te hlei hlei hi in tur ngah kan ni si a,Thalai ten zu chhia arukin an in a chu chuan rei lo te ah an nuna a lak sak thin,Zutha te hi in ta zawk sela,hetiang hian kan thalaite nunna zu hian a suat reng lovang.Lal Isua meuh pawhin Tui wine ah a chatir kha,Ram changkan leh hmasawn kan duh chuan hei hi kan tih ngei ngei angai ani,Khasi ram ah thilhlu leh thil tha a awm mahse An em amaha dingthei an neih hma chuan changkan lam an pan lo ang khu kan ni ang,Mizo te hian zu kan in thin a Kan khap tlat si chuan changkanlam kan pan reng reng lovang…Mizoram kan pela kan rui ngheng mai thin te hi Mizo timualphotu mahni mawnghlim kan ni e…
Report this comment
August 7th, 2008 at 5:41 pm
Engkawn pawh a zu hi buaipui awm ni a hria a buaipui chiam hi kei ho ka tih ber pawl a ni!!! Zu mai mai..a duhin in sela a duh in inlo sela… lo rui buai duh tawk an awm anih erawh chuan na takin hrem inla a tawk velin ka hria!!!
Report this comment
August 7th, 2008 at 8:38 pm
Ka ngaihdan ve mai mai….
Zu a van vang hian drugs a pung tih hi PROOF a awm em? Awmlo hulhual, a chhan chu, khawvel ram hrang hrang a DRUGS vanga buai ram ho hi ZU zalenna ani tlats. Pu Sangliana hian hei hi a hnial thei em? Ka cho e
Zu a tawka kawm thiam dan hi hria kan awm em? Taksa a khawih pawi dan hi PROOF in a awm thlap a, Society a khawih chhiat zia kan hria… Pacific islands tam taka TRIBAL ho social life ZU in a khawih dan khu zir chiang ila a tha lawng maw.. Kan MP zahawm tak hian Sap (esp. English, Scandinavians, americans, French) ho hi entawn lo in, kan TRIBAL pui ho hi zir ching se ka ti khawp mai. Keini Mizo te aia upa , mahse Mizo nundan anga MODERNISATION in a rawn chim thut ho hi belhchian a tha ang. That is, BEFORE YOU SAY “zu in thiam, zu kawm thiam”.
Report this comment
August 7th, 2008 at 11:03 pm
A tha hle mai. ka rilru chiah a pu tlat mai
Mahse ka ngaihdan nen inmil chiahlo lai:
{…A indan leh intawk hriatnaah pawh inchawimawina leh a thra zawnga inelna lamzawkah hmang thrin niin kan lang….} Hei hi dikin ka hre lo. Oral history kan neih ah a tha lai chauh kan sawi mai2 ni in a lang. Pu buanga khan a ziak chiang em mai-
https://lawrkhawm.com/story.php.....nga_Leh_ZU
He article ziaktu (Pu Sangliana pawh ni dawnlo mahse) rilru hi a positive riau mai a ka duhna lai tak a ni. Kan tribal a kan inthiam chuanglo ang, kan ti dawn a nih chuan in lo mai ang u. Mahse Tribal rau2 ah thil tawng zau leh hre zau ber pawl kan ni a ni lom ni, India chhungah phei chuan. Thil inzirtur tam tak kan la nei a, chung zingah chuan hna hahthlak thawh leh zu in niin ka hria.
Mizo te hian goal kan nei em? Sap (English , American) an kan tum em ni, nge Arabic countries lam zawk? Goal neih a tha a. Mizo nun mawi tak nen a hlim leh lawm taka Mizo nih hi kan goal ni thei se a tha ka ti hle mai. Chutah erawh chuan Mizo chauh hi khawvela awm kan nilo tih hriat a, Kan bula mite ruala thlek thiam ve, thlek tirtu zawk nih tum a tha.
Zu hi thil a ni a, heti vak hian i buaipui lo teh ang u. Thil reng reng a Hun leh hmun a awm mai thin a ni. Ram chhan nan erawh tlai luat a la awm ngei ang
Report this comment
August 7th, 2008 at 11:12 pm
Zu hi fate leh nupui te leh unau te in vak vak atan chuan ka duh hauh lo. Zu rui chi hi ka ngaisang lo bawk. Zu ka ruih hi chuan ka inchhir thei fu.
Tuna kan zu DHDAN leh DO dan hi chu a OVER ka ti tawp thung. Pangai deuha kan ngaih hun hi HNAM anga kan puiltin hun anih ka ring .. A la hla om eeeeee
Report this comment
August 8th, 2008 at 7:32 am
pu Sangliana’n zu khapna thlahdul a duh vangin Synod Committee chuan HT sangliana hi Sakawlh ah a puang!
Report this comment
August 8th, 2008 at 8:39 am
Sakawlh: Kan ram hruaitute hian mihring an hlau lova, Pathian an hlau bawk si love, sakawlh tal an hlauh chuan kei chuan ka welcome e.
Report this comment
August 8th, 2008 at 1:41 pm
Kei chu uain tihpunna khua Kana-ah hian ka kal tawh. Nazareth khaw hnuai lawka awm a ni.
Report this comment