A thupui han vuah mai tur ka hriat loh avangin ti hian ka dah tawp mai. Article ziak thiam te anga a thupui han sawi fiah hmasak a, chumi hnu a han luhchilh tih vel ka thiam ve vak lova, ka rilru a a lan dan angin ka thil vei zawng ka rawn ziak chhuak ve tawp mai a ni e. Reaction eng emaw tal chu a neih ka beisei.
Aizawl-a ka awm lai khan ka thil vei ve ber pakhat chu Mizoten ‘mipa’ concept kan hre thiam lo kha a ni. Tunah hian eng nge a an tak ka hre lo. Chhiartu ten “MIPA” ni a in hriat han thawh khawm chhin teh u.
Ka thlirna atang chuan Mizo mipa te hi tualchhungah chuan kan huaisen em em. Mahse State pawnah chuan eng vak kan ni lovin ka hria. (Ka thlirna atangin anih chu). Kan hmeichhiate aiin kan kawlhrawng lo zawk em maw ni chu aw ka ti thin. Kan ram chhungah chuan kan pawr ve em em ringawt, ( ran sa ama bial chhunga huai deuh hi kan ang ka ti thrin).
Kan Mizo nulate kan tluk lohna pakhat lek : Chanchin Thra hril na kawngah. Ka lo observe ve dan chuan CWM-ah hian Mizo nula deuh hlir Missionary hna thawk turin an inpe a tlangval lam inpe hi ka la hre lo. Mizo tlangval te hian kan huaisenna,/nghawnglenna ram kalsan a khawvel kilkhawr khawimaw laia han pil bo vang vang mai hi kan ngam lo emaw ni chu aw? Ka hriatna hi a hlui deuh tawh mai thei. Khawi Mission Field-ah pawh hian tlangval aiin nula Chanchin Thra vahvaih pui hi an tam zawkin ka hria.
Aizawla ka awm lai khan Upa Vanengliana (sic?) ziah “Mizo Mipa Te Hi Khawiahnge An Awm Tak?” tih lehkhabu kha ka chhiar a, ngaihtuahna a ti thui khawp mai.
Ka vei em em pakhat leh : Mizo mipa leh sawn : Mipa leh hmeichhe inkara sawn an lo pian hian a tlangpui thu in a hmeichhia hi dem a ni thrin. Mipa hian thiamloh a chang ngai mang lo. Mipa tellovin hmeichhiain sawn a pawm ngawt thei lo. Mipa tam tak hian kan thil tih sual mawh kan phurh duh loh avang hian midang dem tur kan zawng mai niin ka hria. America-ah chuan (han ti ve khanglang ila) mi tupawhin sawn a thlak chuan a fa kha a puitlin hma loh chuan ‘child support a pe ngei ngei tur a ni’ tiin dan khauh tak a awm Naupang chu a puitlin a amah a inenkawl theih hma chu sum leh paiin a tranpui char char tur tihna a nih chu. Hetiang dan te hi kan mamawh ve em le? Nei ve ta ila sawn hi an tlem sawt ang em? A tlangpui thu in ‘single mom’ enkawl naupang hi chu ‘problem child’ an ni duh chawk.
Ka sawi tam lutuk dawn tlats. In ngaih dan han sawi ve teh u.
Similar Posts:
- Mizo mipa ten hna i thawk nasa ang u
- Tunlai Mizo Mipa incheina/inthuamna
- Tu nge tha zawk?
- Pizawn leh Puzawn Koh Dan : Ka Nu/Ka Pa or Ka Pi/Ka Pu?
- Pawl hniam lam zirlai fail tir thin hi
August 9th, 2008 at 6:46 pm
Siamtu’n Mipa leh Hmeichhia min siam a. Mipa lo zawng chu Hmeichhia an ni a. Hmeichhia lo zawng chu Mipa kan ni mai. Min siamtu duan anga kan awm hian a nih dan turin kan awm tihna a ni a, chu a nihdan tur ang anga kan lung a awi hian siamtu chu kan chawimawi a, a thu kan zawm tih a ni.
Tin, Mipa kan nih anga kan nihna kan lung a awi ang bawkin Hmeichhia kan lo nih chuan kan nihna ang anga kan lung a awina hi kan vanneihna leh nihlawhna chu a ni a. Kan dinhmuna kan lung a awi theih loh chuan khawvela mi khawngaihthlak ber kan ni ang. Chuvangin mipa chu pa taka awm mai tur, hmeichhia pawh nu takin.. A nu leh Pa tura siam kan ni si a.
Report this comment
August 10th, 2008 at 1:19 am
Aryan, I sawi chu a dik, kan ei leh in man hi kan in tum chuan, misunderstanding a awm miah lovang.
Mahse kan Mizo hi tlangpui in khawi ilo kal hian Mipa hian an tlawmngaihna chhuanlam in, an phawrh hmasa thin a, hmeichhia in pek tum mahse, ngailo an ti tlangpui a lawm. chu chu ka rawn sawi tum zawk a ni.
Mahse heta tang reng hian, Mizo Mipa hian Mizo hmeichhia chu, a thu hnuai ah dah thlap a tum tih a lang chiang kahwp in ka hria. Chu chu ka sawi tum zawk a ni. ka sawi thui peih lova, tlem te chiah ka rawn tarlang mai a ni e
Ka thianu pakhat sawi ka la hre reng. Mizoram pawn emaw, ram pawn emaw a kan awm chuan Mipa hi hnaih loh a tha ber, kan hnaih chuan, kan tum loh dan deuh a awm a ngai thin a tia lawm
Report this comment
August 10th, 2008 at 5:52 am
Mizo..i sawi dik e, mizo hmeichhia leh mipa te in ep tawnna tur a ziah a ni lo tih ka hria..mahse kan thu discuss nen a in hmeh em zawk avangin ka rilru a kum rei tak awm tawh ka han sawi chhuak mai zawk ni e.
Tin, i rawn sawi ang hian mipa zawng zawng ka huam vek lo va, ‘a tam zawk’ ka ti ani, tin, mizo hmeichhe tamtak vairam a che mawi lo tak tak an awm ve tho tih ka hria, ka sawi tum zawk tak chu mizo hmeichhia in kawng tamtak a sawisel kan hlawh nasat zia hi a ni. kan culture a mipa dinhmun a san em avang in a mimir hi kan la mit del tlat a, mahse hmeichhia ka ni a, nula ka lo ni ve tawh a, mizoramah ka sei lian bawk a, a diktak chuan mipa pa awm dan hi hmeichhia hian kan hrechiang teh mai a nia,( nang kher chu exception zingah i lo tel mahna) entirnan..in thenawm tlangval ngei pawh kha hmeichhe bul a a awm dan tak chu i rin dan nen chuan a dang daih ang. mipa min ngaizawng tawh tu min mutpui tum lo hi an vang a nia aw.. kei hi mi lerh leh zuamawmah min lo ngai mai suh, ka thian thenkhat khawtlang in nungchang mawi a tih tak tak te pawh hi an bialpa ten mutpui an tum deuh zel tih ka hria. chuvangin a duh chu lo mu dun rawhse.. hmeichhe dem zawk zel hi a ni ka ngaihtheihloh chu, mizo zinga nupui pasal neih hma a sex hmang tamber hi mipa duh hmasak zawk a ni a, engvanginnge hmeichhia kan dem nasat a kan hmuh hniam bik zel????? hmanah chuan kei ngei pawh in ka rilru in hmeichhe sawnpai te hi ka dem rilru thin a, mahse mizoram hi a pawn lam a tang a a lan chian em avang hian leh ka pian na ram ka hmangaih ngawih ngawih avangin ka hun seng in ka han ziak a ni.
Tin, a hrim hrimah mi private nun a lo buai vak hi a ngai lo, a duh chu lo mu dun se, an mahni leh Pathian inkar a ni, khawtlang in mi fel tak a kan ngaih, kohhrana in hmang tak, rilru kha hle si ai chuan in veng a nula sawn pai kha Pathian mithmuhah a thianghlim zawk mai thei a sin??
Tin, mizo hmeichhia ten hnamdang ngaihzawng,pasal an neih hian kan rin ang he hu in mizo hnam hi a mualpho phah lo a nia, chu ai chuan Pathian nung betu ram kan nih avangin christian lo te lakah danglam tak in, hlemhletna paih bo vin, thawk rim in ei leh in ah intodelh zawk i la, mizo kan chawimawi mai ni lovin Pathian kan chawimawi bawk dawn zuk nia…
Report this comment
August 10th, 2008 at 8:47 am
@elcee… Mi private nun tih lai tak hi… Mizo tlangval pangai chuan ram Mizoram pawnah hian kan nula-te hi farnu angin kan en thin (Pianpui tak tak ang chu ni lo mahse), hnam dang laka lo awlsam deuh leh lo inphalrai deuh an awm hian rilru na ngawih ngawih thin a sin. An kawp chhan tam ber lah hi nupui/pasal ang zawng ni lovin, nawmchenna vang hi a ni tlangpui bawk thin si a. Engapawhchunise, chung ho chuan anmahni an intihrehawm ve tho a ni tih chu kan hria e.
Kan pi leh pute nuna Mipa leh hmeichhe dinhmun leh, tunlai huna mipa leh hmeichhe dinhmun in an tawh lohzia chu sawi ngai lo-ah dah ta ila. kan pi leh pute hunah kha chuan Tlangval te chu chhungkaw tan, khawtlang tan, ram tan muanpuiawmin an awma, innghahna tlak an ni thin a. Chhungkaw tinah rorelna an kengkawh bawk thin. Hmeichhia-te ngaihnepna kha nasa viau angin lang mahse, Hmeichhia-te zuk hriatthiamna, abik takin tlangval ten nula-te an dawm thiamna kha tunlai thalaite tan hian entawn tlak a tling. Chutihrualin khawvel buaipui hmeichhiat mipatna erawh chuan hmun a luah thuk ve hle tih a hriat a, sawn man ti tak khan hautak lo ni phei se chuan a nasa leh zual ngawtin ka ring.
Mipat hmeichhiatna chung chang hi keini Mizoram chauh ni lovin, khawvel pumpuiin a buaipui a ni. Indem vak tur chu kan awm chuang lova, kan indem vak loh avang erawh chuan kan ngaipawimawh lo tur tihna erawh a ni bawk hek lo. Nupa nih hmaa nupa nun lo hman hi Sual a ni a. Sual a nih avang erawh chuan kan unau leh thenrual-te chutiang ang lo tawngbaw tawhte chu kan hmusitin kan endawng mai tur a ni lova. A that lohzia hrilhin a tha zawngin kan fuih fo zawk tur a ni.
Kristian nula leh tlangval tha tak, rawngbawltu tha tak ni a kan hriatte tlukna fo chu Mipat hmeichhiatna hi a ni fo thin, chutah chuan mipa leh hmeichhia ten mawhphurhna inchen kan kawl a, A mawhphurtu hmasa erawh chu Mipa tekan ni. Pathian min siam danah hmeichhia aiin mipa chakna a chhuah hma zawk avangin nula ten tlangval-te invenpui a ngai nasa a ni. Hmeichhiat mipat hman chung changah nula ten tlangval-te hi tawngkam fel fek fawkin, tlawm aw ni lovin, inneih hmaa nupa nun hman an duh loh thu hi hrilh thin se chuan, Mizo Tlangval pangai chuan an ngaihpawimawh sak ngei ang. Chulam chu lo duh tawk ila.
Mipa leh hmeichhia emaw, nula leh tlangval dinhmun chung changa hmanlai leh tunlai hunah thil inthlakthleng a tam tawh em avangin, a mihringte pawh awmze neiin kan inher rem a ngai a. Chutah tak chuan Mizo-te hi tam tak chu kan inherrem hlei thei lo hian buaina tam tak a hring chhuak a tih theih ang. Hmanlai nuna mipa chan kha, chhungkaw tam takah chuan, hmeichhe chanah a tla fo a, chutiangin hmeichhe chan pawh mipa chanah, chhungkaw eibel tam tak chu kan nula/hmeichhia-te an ni ta fo bawk. Chutah chuan insiamrem tur tam tak kan nei ta a ni. Chutah tak chuan ngaihdan hrang hrang a rawn piang thei ang… insiamrem thiam loh chuan chhungkaw kehchhiatna tam tak a hring thei fo ang. Mipa chhungkua leh nupui fanau chawm thei a in ngai tan chuan nupui atan hnathawh nei kher kan duh loh laiin, chutiang ang chu mipa/tlangval tam tak tan chuan a lo tih theih loh a. Chhungkaw khawsak leh enkawl kawngah anmahni an insiamrem a ngai a ni tawh mai….
Duh tawk phawt ang… sawizawm leh ah.. kan nula/hmeichhe lam hian ngaihdan han thawh ve phawt teh se….
Report this comment
August 10th, 2008 at 9:35 am
Hun neih thawl deuh hunah ka la chhiar ang
Report this comment
August 10th, 2008 at 9:38 am
@Elcee:mipa hian nupui tur hi kan duhtui a, test zel kan duh alawm ….hanti mai ilah’! tak tak a mizo mipate chuah hi mahni bialnute mutpui tum kan ni biklo ania aw; hurna hi mipang ngaiah chuan a awm hmeichhia ah pawh mipah pawh; ngaihzawngte lak ah phei chuan a zual; mahni bialnute chu han mutpui tum ut ut changte pawh a awmve bawk ang chu; sual vangah kei chuan ka ngailo in ngai zawngte in karah chuan; a hrim hrimah Sex hman te hi chu kan in pawngsual anih em loh chuan a hmangtute duh thlanna ani e,duhlo chung inti pawh kala hrelo. Ka sawi tum:Mizo mipate kan hmeichhiate chung a nun rawng lutuk ang a hmeichhe hoin min puh leh ringawt thin hi tha ka tilo; sim thei chuan sim teh u. Hmeichhiain sawn apai hian Pathianin apai aremti ani mai, sawn tih chung changah mizo nawlpui rilru put dan erawh hi chu thlak danglam erawh angai anih hi.
Report this comment
August 11th, 2008 at 9:45 am
bmw leh mirage chuan an va ngai hmul hma ve
Star teh reng mai, in misual loh hi chuan ka day a complete lo thin… tak tak
@myself, “nam nun chawp ngai”… hahaha… nam ‘nun’ chawp dan chu ka va hre ve chak
Report this comment