Krismas ruai rim tlangtinah a nam tan a, chutihrualin Zoram inthlan boruak in min la chiah mek zel bawk a. Thenkhat lawm a zai an vawr laiin a then erawh titau in an insawi nghawng ngawng bawk a. Khawi ramtiam thlen inbeisei hian nge kan kal hlawm le tih kei mi satliah mai tan zawng hriatthiam pawh a har lek lek thin a nih hi. Ni e, a bu kan keu hawng ta rau rau bawk a, thlirlohna tlang (ka thlirna tlang ve) atang hian han thlir ve leh mai mai teh ang.
Party hrang hrang in Zoramah ro an rel tawh a. An lallai theuh khan chuan fakna aiin sawichhiatna a tam tlangpui zelin ka hria. Congress a lal a, eirukna leh retheite hnuaichhiah kan ti. Party dangin a rawn thlak a, mipui hamthatna leh lawmna hnung chhawn kan ti. Mi dang an rawn lal leh a, kan thupui ber kan la thlak chuanglo.
Awh! Ka tihpalh thupui ngaiah min chamtir ani zawk e. Mahse khang kan roreltute rawn chuan chhuahna tur khan chuan “Beiseina sang tak nen kan thlangtling a nih kha”. Kan beiseina zawng a hlawhting kherlo a ni tih a chiang sawibelh ngailovin.
Sawrkar thar beiseina nen kan thlangtling leh a, kawl a eng mahna kan ti leh bawk a. Mahse engtak rawn herchhuah pui ang maw? Inthlan result puan a piang mai hian “Zoram mipuite kan thangharh tawh” ziah bawkin ka hria. Thaber tura ngaihphawt erawh kan chantawk.
Keima mimal ngaihdan ve maiah chuan beiseina hi a thlengkim ngai dawnin ka hrelova, eng party pawn rorel se kan thlir ram hi min thlenpui ka ring thei lo. Mipuite diklohnaah tamtak hi chu ka ngai ve tlat. Midangte ngaihdan ka hre kher lo na chung hian kan hruaitute hi rorel tha theitur hian kan ring ngamlova, diktaka rorel turin kawng kan hawn bik lovin ka hre ve mai mai thin.
An mahni zarah hlawkna chantumin mi tamtak hi chu kan hmanhlel ve tho bawkin ka hre ve si a. Chutihkarah “……..pathian siamtheihloh” ang mai hian roreltute pawh hian Luchhum banchhum huama mahni tanghma haiin an lo in ham ve reng thin bawk si. Sawrkar a diklo va, mipui kan felhlel ni berin ka hria. Hmanlai thufing “Lal ngailo Lal a na; an Lal a kha” tih pawh kha sawrkar thenkhatah chuan a dikzia a lanchian em hi mawle.
Chuvangin, kei chuan “Beiseina nen a kan thlir zelna tur ramah hian beiseina a thlirtur hi vang ka va han ti em”. Beisei tak a ka thlir theih, tun darkar a ka hriattheih awmchhun chu “Kan nghah Krismas ni eng” hi ani; a lo thlenthuai ka beisei a. Ranthleng rawn mawitu khan kei misual thinlung hi a rawn mawi thar dah lawm maw tiin ka thlir zel zawk a ni e.
Similar Posts:
- Kalphung thar vrs Sawrkar Thar
- Zoram siamtha tur pawl thar i din ang u hmiang
- Congress sawrkar-in kum khat hmang zo
- Trinamool Party hmangin zoram thar i siam ang u
- Zoram hian tunge a mamawh?
December 12th, 2008 at 1:25 pm
Valbuang engnge maw sawi i tum le
December 12th, 2008 at 1:53 pm
sawrkar thar lo piang hi kan sawrkar lo awmtawh te ai khan a that em em chuang ka ring bik lova, k beisei a bo tawh mai ani e.. chu ai chuan beisei dawn rau rau ah chuan krismas lo thleng tur hi a beisei awm zawk in ka hre ve mai a ni
December 12th, 2008 at 1:57 pm
Zoramthanga, thanhawla, sawrkar, inthlan..etc hmun an luah rei ta lutuk a ka hne tawh. fiamthu thawh tawh ang u
@valbuang min hau suh o lolzzz
December 12th, 2008 at 1:59 pm
i thu ziah tum leh i headline hman a in mil lo angreng bawk sia .. uang o fiam:)
December 12th, 2008 at 2:05 pm
Beiseina hi kan nei sang viau ang a, beisei ang erawh an ni si lovang tih cuh a hlauhawm khawp mai. Mahse, MNF ai chuan an sulhnu a pawr lutuk tawh lo turah ngai ila.. Kum 2006 khan Mizoram Hmathlir lam hawiin seminar kan buatsaih a, USA lama mithiamte pawh paper present tir a ni a. he mi tum hian Hnam Run atangin tumah an rawn lang lova, lungchhiat thlak ka ti hle a ni. COngress lam atangin Pu Lalsawta leh Lalrinliana Sailo te an rawn tel a, an ni pahnih hi thinlung taka ram veitu niin ka hmu a. Kuminah MLA an han tling ta ngei a, ruling lam te an ni ta bawk a, an sawi huai ang leh an duh that ang ngeia an awm zui zel pawh ka ring a ni.
Amaherawhchu, an MLA tling dang tam takah erawh beisei ka nei sang lutuk lo va, Trafic Police sutu te phei kha chu minister tir lo hram se la, ka ti hle mai. Law & Order zawmtu zawk turin a nam nul tlat mai a. A zia lo hle a ni.
Tin, cheng 2 man ticket sem chungchang kha thil tak tak a nih ngat chuan a la pawi hle bawkin ka ring a. Cheng 2 man ticket chu cheng nuai hmuh theihna a nih hmel a. Cheng 2 leka ticket lo lei chu tu pawhin awlsam takin an theih a rinawm. Mahse, Mizoram Budget hi Cheng 2 ticket lei zawng zawng hnenah a luan ral chuan, heng an sawi project chhawpchhuah ho atan khawia sum nge maw an hman dawn le? tih te pawh rilruah a lo lut a. MIpuite pawh sawrkar chawmtu ni lova, sawrkar chawm nih kan tum tlat te pawh hi a dik tawh lo a ni.
December 12th, 2008 at 2:12 pm
Valbawih,
awh ka tihpalh Valbuang, mizo mipuite hi chu kan thangharh tawh a, mahse hruaitu lamte hi an han lal chiah hian an thangharh phal lo ta thin ni hian ka hria.
December 12th, 2008 at 2:17 pm
Khaih khaih lo ngaithla vek ru khai
U Naute u, Thil hi a thim zawng hian inthlir lutuk ani. Keimahni phu tawk ang zel ania roreltu kan neih hi. Tin, Mizoram siamtha tur chuan, Mizoram ngei a awm a ngai. Ram pawn atanga vei kur duam pawh hi a ni lo. Kan ram hi kan vei tak tak anih chuan, Mizoramah han hawn a, hma han lak mai tur 
te ka ti vel a
December 12th, 2008 at 2:27 pm
Eng pawh nise, hmeichhia kan thlang tling lo hi ka LAWM khawp mai.
December 12th, 2008 at 2:32 pm
Inthlan result puan hma leh hnu khan Pu Zoramsangliana local Cable TV ah kan interview a tah chuan “kei leh ka thawh pui ten;mirethei chanai kan ei ruk sak lovang” tih i a sawi ve ve; a campaign lai pawhin a sawi fo.Engpawh nise beseina thar kan nei hrim hrim hi hmasawnna pakhatah chhiar phawt ang. Tun a MLA ka thlan tlin ho Party tin ami te ai a tha hi thlan tur Mizoramah an awm chuang pawn kei ka hre lo asin.
December 12th, 2008 at 2:49 pm
ni e,,,,,congress hian candidate an thlang chhuak thiam khawp ka ti
December 12th, 2008 at 2:55 pm
Khaih khaih khaih …tihpalh…hehehe “….!?” kha thupuiah khan ka dahtel ve ngei khan ka hria a…lo dah tel aw zawnglo a nih hi.. lo hrethiam tlang mai dawn nia..auh
December 12th, 2008 at 3:10 pm
Ngoi lok teh u, sorkar thar hi engmah a ang chuang lo ang kan ti a nih chuan thil i han thlir chiang deuh hlek teh ang.
MNF sorkar kha hna an thoh thah loh avang leh eirukna a tam avangin an tla a ni a, hei hi media te vang liau liau niin ka hria a chhan chu media kal talng hian mipui hian thu kan sawi toh a sorkar thatna leh that lohna te kan duh duh kan soi theih toh a ni. Hetiang a nih chuan lo ngai reng roh u Ckongress kher ka tih na ni lo, tupoh sorkar leh se an duh ang ang a awm hi chu an ngam toh lovang chuvang in tuna Congress sorkar thar ah poh hian kei chuan veiseina sang tak ka nei a, thil a tisual a, eirukna te a tam leh viau chuan media kaltlangin mipuiin an ti tla leh mai dawn a ni.
December 12th, 2008 at 3:40 pm
Pu.Zoramsangliana chu a eiru lo an ti ve ziah a hrechiang ten, an harsatzia leh an ei leh in lam poh a that loh thu an sawi thin, ka nagaisang ram hmasawnna tur ngaihtuah leh zual se.
December 12th, 2008 at 3:48 pm
Hmanah chuan Babutea pawh a tlang val lai chuan an inlengte pawh thingpui sen a in tir thin, Fin minister anih laiin amah ngatin Gas bur thakthing Bazarah a pu an ti….. mahse tunah chuan…..
December 12th, 2008 at 3:51 pm
valbuang: a eng ber hi nge beisei i tum a beisei tur i hriat loh le? Mipuiin kan duh te chiang tawk tak maiin kan thlangtling a, an thalai angrengin mi tha tak² an niin ka hria. Mithar tam tak an awm a, ram leh hnam hmangaih chungin ram hmasawnna tura thawk turin an intiam a, bakah central atangin tun dinhmunah chuan full support kan dawn hmel bawk sia. Keichu beiseina ka neisang khawp mai.. ‘beisei sang’ ka tih hian anmahni tih theih tur ang tawk hi chu a hriat ve mai.
A enga mah hma a in dem a in sawisel ringawt pawh hi ani lo. Mipui te hian kan thlantlin te hi tha deuhin back up ila. Tunah chuan Media hmangin duhtawkin mipuiin thu kan sawi thei tawh a, bakah RTI te nen.. Kan thlantlin te hi mipui te hian sawisel a dem nghal ringot hi chu a dikin ka hre lo… te ka ti kual vel ta mai² a…
viking: a dik khawp mai. keimahni ang phu tawk zel hi hruaitu kan nei..
December 12th, 2008 at 5:26 pm
Beisei ang leh an intiam anga an kal loh chuan inthlan leh hunah kan paihthla anga ni mai lawm, tuna MNF tlak ang hian.
December 12th, 2008 at 5:36 pm
Mipui kan fing tawh a, tin, media lam an huaisen tawh bawk a, kan ram hruaitute pawhin ram an hruaina kawngah an tihdik telh telh ka ring.
December 12th, 2008 at 6:16 pm
kn sorkar tharin ti se k tih cu a hranin k rn la ziak ang :).. congress cuan hman kuma an tlak hukna chhan leh tun tuma an tlin huk na chhan an hre reng a nih cuan mizoram pon hma kn son ngei k ring tlat a ni.. beiseina nei ranin i thlir teh ang u, kn ram hruaitu tur atan kn thlang ta ro2, thlak thut theih an ni don si lo..
December 12th, 2008 at 9:10 pm
Mizoram Assembly Protem Speaker atan Pu JH Rothuama lakluh a ni.
December 12th, 2008 at 10:47 pm
Sorkar siam theih vang maia RINKAI nioh berna a ni lo; tling lote vote belhkhawm a tam hman hle tho.
December 12th, 2008 at 11:17 pm
Hman a mite kha tuna mite hi an la ni reng thova, mahse hman amite kha tunah chuan an danglam tawh thei bawka. In han sawi liam liam ang khian media leh RTI tihte an lo trangkai bawka, kan fim ve telh telh ang chu maw.
BUT, thil pakhat “kan phu tawk sawrkar kan nei” tih hi a dik ziktluak ka ti lo. Kal phung dik lo kan nei thina mipuiin direct-in kan siam dik thei lova, a siam dik theitu chu sawrkar a ni. Mipui phu tawk sawrkar chu englai pawhin sawrkar dik leh tha hi khawi hmunah pawh a ni reng tihah hian ka trang tlat.
December 12th, 2008 at 11:27 pm
Pi/Pu Chawngchilh i sawi dik ka ti, tling lo te Vote belhkhawm chu a tam hman hle tho tak ang,sorkar an siamtheih vang mai chuan Cong chu kan ring vek kher lo
December 13th, 2008 at 12:17 am
Valbuanga!! I thu ziah hi dik ka va ti em!! ka confuse ve lo, i sawi tum khi ka hrethiam vek a, dik ka tih pui vek bawk che!! Thaw hi a pik ngawih ngawih e tiraw?? Kei ni ang mimawl satliah tan tih theih a tlem si!! Ti hian congress kan nin hunah MNF kan thlang tling leh ringawt anga..!!
December 13th, 2008 at 12:24 am
Tupawh hi swrkar se kan ta ani tih hi chaign ila. Sorkarna chang tute pawhin awmdan an zir mai ang. Hmun thenkhatah chuan party worker te leh MLA/Minsister chhugkhat tih vel hian mipui hi an exclude thin bawk alawm. Hei hian sorkar hi rulin gparty te ta bik riauva ngaihna a pian tir a.
Tun tum Congress sorkar hi chu beiseina ka nei deuh. Sawisel chana chang mai lova intawiawm tlan a tul. Chuan an diklohnaah chuan kan sawisel thung ang a.
December 13th, 2008 at 1:14 am
UDA UDA
ka la ti van – lal-pi- amanda -i 
December 13th, 2008 at 1:23 am
kimas! enge tuntum congress a beiseina i neih deuh chhan? An party-chhungah thil inthlak deuh a awm nge, enge hman a congress ai a a danglamna a awm deuh nge? CM tur chu a ngai a ni leh phawt mai a!
December 13th, 2008 at 4:28 am
Kan MLA thar ho hi hriat poh ka hre hlom lova ka hriat chhun ah chuan ZORAMSANGLIANA hi rinna lam leh hriatna lamah a piangthar anih loh chuan a thalo ber mai om mange o ka ti.
Zirlai hruaitu ni thei khop a lehkha zir sang tura ngaihin library lehkhabu hal duh khopin a MAWL leh lawi sia..
“Sports minister anih laia mizoram poisa a world cup an zuk en lah kha inthup a hnekin sports tih hmasawnna anga ngaiin titha ala inti viau lehnghal a..” antih te kha a dik anih phei chuan awi.. Ram hmangaih tak tak loh nen MAWL nen a fawm dawn ania a. tawrhlelhawm..
December 13th, 2008 at 4:38 am
Thats it!!
December 13th, 2008 at 5:34 am
@ Funny; Zoramsangliana’n library a hal tih prove na i nei em? Pachhunga College library kan zan khan Zoramsangliana hi Aizawl New Jailah a tang a; engtinnge lirary chu Jail chhung a trangin a ahal theih ang?
December 13th, 2008 at 5:39 am
Thaiboy: i dam tha ang chu maw
December 13th, 2008 at 5:48 am
Ka dam e;ka nu pui fanaute hruaiin chiseh ilo lamin Hringcharah kan Vai kal e; kan tia
Mas dawn hi chuan a buai theih khawp mai. Dam zawk maw?
December 13th, 2008 at 6:40 am
Mawl luat hi alawm kan Politician-ten advantage kan lak atanga an um ve ber chu! Min bum reng mai a ni. Min bum fing thei na-hek lo.n Ar talh dan chi dang an hre zel a. Tun tumah pawh khan Congress vote hmuh nge tam ang, MNF + UDA + Independent? Vote hmu tam ber rorelna hnuaiah hian kan awmin ka ring lo va; setting a fuh vanga Constituency 32-a chak an ni ber a; tin, Democracy hmingchhalin kan inthlang a; Minister faten Monarchy khawsakin min khawsak khum a; an nupuiten Aristocracy kalphungin min awm san a. MLA tharlam hmingchhe lote hian Minister of State leh Cabinet an chang pha leh dawn chuang lo! A tha ber hi beisei lo ila, a hmaa mi aia tha hret beisei ila, a aia tha thlan leh tum ila a ni mai. Pathian Nung betute hian Vai Pawl hi tha te tein tlawn ila. Kan nih nih kan ni dawn tih hi zawlnei thupuan dik tak tling a ni e.
December 13th, 2008 at 8:52 am
Ka pessimist lutuk nge pawh ka hre lo..beisei dan tur leh beiseina hi ka nei tawh lo reng reng keichu…huiss a ni ringawt..kan hma bak a ka hmuh chu nagaland leh manipur state te anga state buai nih chiah.
December 13th, 2008 at 10:24 am
MNF + UDA + Independent vote a tam tih vel hi… engemaw awmzia le? Kohhran Upa inthlan anga kan inthlan te chuan tunge tling zo awm ang.. an tlem khawp ang le.. % a laka vote hmu sang ber pawh kha.. Chakma lam anih hmel lehnghal..
Mihring ve tho an nia, an famkim bîk hleinem. In beisei ang chu 100% vel anih hmel a. In dam chhung hi chuan chutiang in beisei ang chu in hmuh ka ring lo.. ka ngaihdan ve mai²
December 13th, 2008 at 11:34 am
Kan thlan thar te hian an hlawh bak thil dang beisei lo se… hna thawk rawh se…
December 13th, 2008 at 11:44 am
elcee, tun tum chu ka han tih hluai na chhan chu eng dang a ni law tuna Minister ruat hmasak pahnih te pawh hi mi thar, minister la ni ngai lo an ni a. Pu Zira hi MLA zingah fak hlawh pawl tak ani a, Pu Liansailova hi MCS-IAS a service chhunga eiru lo mi dik tawp ani bawk a. Tin, Cong MLA zingah hian mi thar tha ang reng tak tak an awm nual bawk a. Minister tura rinkai ho zingah hian mipui eivak loh chi chu an awm pawhin an tlem viau ka ring ve ngawt a. Tin Pu Hawla hian opposition atangin mipui mar a dek tawh a, ram a thlir tawh bawk a. Amah hi kum lamah pawh a uaithla lam a ni ve tawhin an chhungkuaah pawh hmalam han thlira duham em em tur a niin ka hre lo. (A fapa neihchhun a hloh tawh bawk si a). Tun dinhmunah hi chuan a theihtawpa hmingtha tura ram hruai hi a tum ka ring tlat. A tawngkam tam tak an sawi hi a tih mai mai ka ring lo bawk. Tin, Corruption case avanga hmingchhe tak khan a tihreh lamah hming a chher chuan a hmai a phih fai thei bawk ang.
Heng facors hrang hrangte ka en hian ‘tuntum chu’ kan ti ve hluai mai ania. Ka mimal ngaihdan a ni ber e.
December 13th, 2008 at 1:02 pm
NLUP kan sem vat ang Lolzzzzzzzzzz
December 13th, 2008 at 2:00 pm
MNF + UDA + Independent vote a tam tih vel hi…
Tam eng ang mah se an tanrual loh chuan awmzia a nei thei chuang hlei nem. 2003 Election a MNF an tlin poh khan MNF lo zawng vote belhkhom te chu a tam daih a lom, chu chuan engmah kongro a su chhete lo.
Tum dang zong aia inthlanna thianghlim leh felfai kan nei a, a tling chu an tling a ni mai. Chu chu kan sorkar, kan ram hruaitute an ni e. Lalthanhawla lo chu lal dang kan nei rih lo.
December 13th, 2008 at 6:10 pm
Lo Congress ruh ve em em ho hi ka khawngaih, hlawkpuina an nei si lo va, mizoram angin hlawk puina kan nei dawn bawk si lo va, kan thlan tlin a te an thau leh kung kung anga, kum 2-3 vel an liam anga mipuiin an han sawi chhe leh tran anga … Mizoram will always be the same until these babyboomers era is over!! DONT EXPECT ANY CHANGES… Congress phei chu MNF aiin an thawk tlem zawk kum 12 vel lai lal ve si ah chuan chuvang chuan mizo mipuite a tam zawk kan la chhawih zia a lang anih hi kum 10 kal ta thil thleng kan van theihnghilh hmin chiang ve!! Huiham….
December 13th, 2008 at 8:45 pm
Congress tling lo la na ve em em satliah ringawt ho hi an khawngaihthlak khawp mai. Hengho hi chu Lalthanhawla, Brig. T. Sailo, Lalduhawma tih vel mai maia buai an ni duh chawk.
Tun Assembly tharah hian mi tha tak tak, mi hming tha leh mite rin ngam mi thar tam tak an awm tih hriat a tha. Kei chu beiseina sang tak nen ka lo thlir mek a ni. Mi beidawngte hi khawvela mi hlauhawm ber an ni.
Eng party mah hi mimal takin hlawkpuina ka neih ka la hre ngai lo. Mahse, tunah hian Sorkar Change a awm avangin ka lawm phawt a, Change dang zel pawh ka beisei bawk a ni.
December 13th, 2008 at 8:53 pm
Ministry mimal taka hlawkpui tumna rilru hi tihreh dan awm se politics hi a tha sawt mai ang. Khawbil, chhungkua/mimal hamthatna hi ram hmasawnna aia kan dah pawimawh chhung chuan than a har dawn anih hi. Ram dah hmasa tur hian aw i chhuah tam zela ng u khai.
December 13th, 2008 at 8:57 pm
Thihna vanga ram a fel dawn chuan kei a hmasa ber; hlimna vanga ram a fel dawn chuan nang hmasa la e; ka thsen chungah chuangin thu han sawi zel rawh; chi thlah hnungzuitu rawn ni zel ang che, tih hi kan thupui ni theise ka ti thin.
December 14th, 2008 at 4:28 am
lo en reng mah rawh u, in rinna leh beiseina chu ka ngaisang e mahse eng a ang dawn lo. Pu Tlanga te ang pawh mi tha ltk an nih kha, pu berin a zir loh chuan an tih ang deuh khan.. kum 2-3 hnuah kan discuss leh dawn nia., ka sawi khi a rawn thleng dik loh chuan a mak viauu ang. Mithar tihah khan Pu Hawla te chu mi thar emaw ni le… leader ber hi en tur… kan society kan la fin tawk lohna pakhat dang anih leh chu.
December 14th, 2008 at 12:48 pm
Kan ram politics a kan beidwng viau hi chu ka hrethiam. Keipawh thahnemngaihna avanga beidawng lek lek fo thin ka ni tho mai. Mahse tuna ka thil hmuhchhuah zel chu, mizote hian insawisel leh inrinlohna aiin inzahderna leh infakna atangin thil tha kan zir chak zawk niin ka hria. Sawiseltu awm hi chu a tha, tuman sawisel pumpelh theih ani kher lovang. mahse fakna hian min siamtha chak zawkin ka ring. “Fakselna” kan tih fo critical analysis hi chu engtiklai pawhin kan mamawh. Mahse mi chhiatna ringawt zawna sawisel hi tumahin an lawm lova. Mahse chu chu tuna kan ram politics khelh dan tlangpui hi a ni si a. Chuvangin hei hi kalsanin sawisel aiin faksel hi chin zawk ila, kan thang chakin ka ring.
December 15th, 2008 at 12:31 pm
@spikey, i soi dik lutuk. mi thar tam tak hotupa ber leh thu tak a mi thar te hruai tu tur chu, kan lo nin hle toh a hlui bok ani tho tho !!
December 15th, 2008 at 12:54 pm
@spikey, let’s wait and see…
i thil rindan hi kei ka trawmpui hauh lo che, kum 2-3 hnuah hi chuan hmasawnna engemaw hi chu a thleng em² ang.. mahse nangni ang ho mi sawisel reng mai ho hi chuan eng anga tha pawhin rorel se, in sawisel leh tho ang. Mi hi an thratna duh vanga sawisel hi chu a thra, mahse i mi sawisel dan key hi chu a letling thawk ani.. In thil beisei hi in Pu ho pawhin bei engang mah ula in hmu chuang bîk kher lovang.. In beisei sang lutuk in ka hria, kum 2-1 a thra thut thei ani lo, zawi² in an kal anga, a thra chho ve mai dawn alawm.. I beisei ang hi chu i dam chhungin i hmu kher lo maithei ani..
Mi kan sawisel zuah² hma hian mahni hi in enfiah hmasak phawt hi a thra ania..
December 15th, 2008 at 12:58 pm
ni e nangpo spikey i soisel hma khan i in enfiah miah lo! lolzzz
uang uang…
December 15th, 2008 at 1:19 pm
@d0n_vit0_c0rle0ne – ve tak che chuan.. nimin a piang em ni i nih a? Kan sawisel phawng phawng lo, kum 12 a sorkarna en tur a awm hi.. kum 2-3 ah hmasawna a awm ang i tih khian enge maw ni a kawh ni.. keichuan kum 2-3 hnuah mi in an sawisel leh tran anga ka ti mai ani, hmasawna a awm leh awm loh tur ka sawi lo. Amaherawhchu kum 2-3 hnuah chuan hmasawna a awm i ring a, ka beiseiin ka duh bawk ani mahse mi i fak zuah zuah a, i rin te blind taka i ring nge ring lo tih hriat chiang nan Pu Hawla leh a mi te khan kum 12 chhung khan enge an tih? min han hrilh ve mai mai teh. Thil ka sawi loh pui sawi tir min tum deuh a ang, i thuchhuah ” mi sawisel zuah zuah hma hian mahni hi in enfiah hmasak phawt hi a thra ania” i tih ang deuh khian ” mi thusawi i hnial dawn chuan an thusawi chhiar chiang a hriatchian phawt hi a thra ania” kan ti ve kher ange.
December 15th, 2008 at 1:52 pm
democracy ah chuan bengchen peih leh inzirtir peih hi a ngai alom. Mifing tak vote leh mifinglo tak vote kha a intluk reng mai si a, tun sawrkhar pawh hi, khalhngil kan tum a ngai. Prism ho thuchhuah te kha tha ka ti khop mai. delhi vela mirethei mumai mai te hi, an thlah tu thlah tu te chu an rethei bik lo a nga, state changkang lo bihar a tang rawn pem lut te hi an ni duh khop mai. kan ram hi kan siam loh chuan kum 20 hnu ah chuan, KS te, khawpui kutdawh te hi hnam tlem te hian kan produce hi a hlauhawm a, chuvang chuan soi leh soi hnu, infrastucture development hi kan mamawh a, a soi peih ten an soi an soi chuan engtik ah emo chuan kan zoram hian kan basic needs hi an la hrethiam ve em ang chu. I beidawng mai loin soi soi ila, kan hruaitute poh hian an la ngaithla ve mai thei a sin.
December 15th, 2008 at 2:12 pm
@Spikey i comment khi ka chhiar vek a, full support ka pe che nia… ka rilru ang i rawn sawi chhuak
December 16th, 2008 at 12:25 am
SPIKEY ka thlawp e keipawh!
d0n_vit0_c0rle0ne chu i nu leh pa, i lei Pathian te ngaihdan em ni i han sawi thin hi lollz..fiamthu
December 16th, 2008 at 2:28 am
Ni e, beiseina sang tak nen lo thlir phawt ila, kan beisei ang leh a nihna ang taka ram an enkawl zui loh chuan thalai hawizau tak tak ten kan finchhuah zel a niang chu. An hun kal tawh kum 12 chhunga ram an lo enkawl tawh danah kha chuan tu lung mah hi a awiin ka ring lo va, amah ngei pawh a awi kher lovang. Chuvangin kum 1998 kum kha chuan thui lutuka paih thlak hial a nih kha.
Khatih lai khan MNF ah beiseina sang tak ka nei fur a, aizawl khawpuiah ngat phei chuan vote zawng zawng an hui emaw tih mai tur a ni. Mahse, kum 10 meuh sawrkarna chelh siah chuan an thawhrah hmuh tur a awm lo tih tluk a ni a. A hmaa roreltu congress ang bawkin a tlachawpin an kal naw naw a ni ber mai. Hmasawnna ruhrel lian tham, a ram leh hnam ang pawha pen dawrh dawrhna tham engmah an thawk chhuak lo. Congress erawh chuan an term tawp dawnah Lengpui Airport an ti hram a, Tin, MNF ten chhunzawmin hman theihin kan lo nei ta hram a. Hei lo phei hi chu project lian tham tih hlawhtlin pakhatmah a awm lo tluk a ni ber e.
Power (Kawlphetha) kan makmawh zia leh a pawimawh zia te pawh hi an hre reng a, mahse an vei tak tak lo nge ni, congress leh MNF ten kum 22 chhungin MW 11 vel chiah an sual chhuak a ni ber a. Kan thenawm state te chung MW sing tel tak meuh an siam chhuak tawh a ni si a, rualawh a na duh khawp mai. Zirna lamah ni se, khawvela thiamna pawimawh tak tak te chu kan thenawm state ten an ram chhungah an chawk lut a, keini erawh chuan engineer college sawi loh, Medical college pakhat pawh kan la sual chhuak thei lo chu a nia. University ai khan lo nawr hmasa zawk se, kan chhawr tangkai hmasa zawk mahin ka ring thin.
December 16th, 2008 at 9:56 am
Pu Zorun a dik chiah e, MNF kum 10, cong kum 12 vel an lal a, congress ho khan MNF ai hian hna an thawk tlem zawkin a hriat a, MNF ho hi a lehlamah chuan an vanduai ka tia, a chhan chu an lal hun chhung hian RTI tih vel leh Media power hi a sang tawh bawk si, an hnathawh hrang hrang te hi keini tribal kephah hlai sakechek ho pawh hian kan chhui zui ve treuh thei a, congress kha chu tih tak emah chuan media kaltlanga mipui beihna ang kha an tawng vak lovin ka hria, an lal tawp dawn te ah kha chuan pu hawla leh a party hne na boruak kha a lian lutuk a, eiruk case neuh neuh nen khan an tlakpui ta kha a nia…. tun tum hi chu an hmai phih fai nan theihpa lingkawhin han trang teh se… kan lo thilr reng dawn e.
January 7th, 2009 at 2:00 pm
Comment 29 counter strike
Thaiboy i comment 29 khi,
” Engtin nge Pu. Zoramthang’an CM dawhkan atangin TOILET VAN a lei theih ang?”
tih ang vel ani.
“Contractor hian in a sa lova vai mistiri in alawm sa, a hlawkna pawh tel vek rawhse”
i tih duh hmel
Englekhawle, evidence, document, DNA test result, tihvel chu ka nei hauhlo mai. mahse hruaitu nih manah an thil tih ah chuan mawh a phur ngam ve dawn lawmni ka ti deuh. bakah a duhlo chung chung a ho ten anlo hal lui ta pawh ni se khatianga hote zoram tana thil pawi tak tilo tura hrilh theilo kha hruaitu tha ani thei dawn emni?? hruaitu leadership neilo , tal ani ang.
In chhungte alo nih palh chuan minlo ngaidam dawn nia, SORRY!!!!!!
lak personal awih loh, ka ngaihdan ka rawn sawi ve mai mai ania oo.
December 12th, 2009 at 2:48 pm
[...] vawiin ni angah hian Mi(sual).com-ah valbuanga’n ‘Sawrkar thar beiseina nen’ tih a lo post tawh a. Vawiin ni hi a kum khatna chiah a ni a. Nimin ah khan kan sawrkar dinglai [...]