Mipuite hian, Nimin maia Khawngaih min dil tute khawngaih kan dil let fo thin a. Kut thing a chibai min buk tute’n, Vawiin-ah bawkkhup a chibai buk an phut fo bawk !! Hmasawnna min Tiam tute’n Kailawn phetin min Tlan san leh fo thin. Sakhmel ke zungpui bih a Chibai kan dawn lai khan, zofate tha chau leh zawi min chhawmdawl tura an in pekna ropuiziate kha aw !! Hei zet chu tih mai tur lah an ni. Mahse…. Zoram lo Lungphang suh aw ti tu te khan, hlau hlawpin min siam a, lang lova kan thlarau awm pawh min ruk sak lo chauh thin si.
Kan Politician thenkhatte hi chu, Tar Pension la a, vak mai mai tawh awm te, Lusun khawharte hnem a, leng kual den den tawh awm te pawhin; midangte kawng an dal hmoh duh zel mai si a. Upa Thluakthawl sum duhte vang hian kan Ram hian ke a pen hlei thei lo ni in ka hre thin. ‘Chakna ngah hmel awm tak leh, Finna tuikhur chawi tur hria ang zia zang a mipui min awhthik chang a awm a; Hniak hmasa bawk zawhin kal hmasate tlukna bulah Fimkhur deuhin an va tlu leh tho thin.
A chang chuan, Nangni ho hi ‘Chhum ruah tui pai lo chu in lo nih ber awm hi’ tih mai hi ka nap thin. Ram hmangaihna thu an sawi lai tak tak chuan, an Nupuite ngei pawhin an thik mai awm e” tih tur khawpin an inphal zau va…!!!
Mi hnuai hnung zawkte tan Mei chher min chhit sak a, chhipa kutsuihin Beiseina nen kan thlir a. kan ring kan lo fan vak vak thin. Mahse an thu sawi thangkhawk chu a reh rualin, an ruahmanna thar duhawm ber ber te chu a thamral ve nghal thin. Ram Hmangaih tur hian Qualification a ngai lova, Dikna leh Rinawmna Pass chhuak chin tan koh vek kan ni. He thu hi Ram hmangaitu leh, ram rawngbawl duh apiangte ka ngaih hrui a che u.:-
1. ” Dawhsanga hmangaihna thusawi a, retheite hlamchhiah leh si chuan, Siamtu a hmusit a ni”.
2 Eiruk bang si lo la, tawngtaina mittui far aiin, tawngtai chunga thawhrimna thlan tui far hi kan ram hian a mamawh zawk.
By Chhim Keite
January 25th, 2009 at 12:35 pm
Ava tha dap dap ve a…Upa phakar deuh karah hian thalai leh pa valai tak phakar deuh hi an tam mai..
Report this comment
January 25th, 2009 at 1:40 pm
ZIak tha dap dap hle mai. Thu that tak tak hi kan ram tan mi tamtakin an ziak tawh a, thil pawi ber chu zahna chang hre lo, zawm tum chuang lo & mahni hmasial kan tam lutuk hi a nia thu tha tak tak pawn min siam tha hlei thei tawh lo a va ang em?
Report this comment
January 25th, 2009 at 11:56 pm
Chhimkeite chu i ziakthra hle mai tak a,mizo zawng zawng te hian rinawmna,dikna,taihmakna te hi nei ila chu,kan tlem tehlul nen hian kan ran hi a nuam dawn asin mawle, mizo mipui tha tak tak karah mi duham,rinawm lo,thatchhe si te hian kan ram kan hnam hmel an ti hem thin ngei mai.
@chhimkeite chu Ku=Muante-a i ni em lo maw
Report this comment
January 26th, 2009 at 12:01 am
tha khawp mai..thu i thiam mai bakah i thu ziah hi tha tak a ni..
Report this comment
January 26th, 2009 at 12:09 am
I ziak tha khawp mai. Kan politician upa deuh te hian naupang zawk te hi dip lo se a tha khawp ang. Tunah rih hi chuan eficiency aiin seniority kan dah pawimawh a, kan competitive thei tak tak lo anih hi. Chutih rualin a naupang apaing an tha tihna pawh ani chuangin ka hre lo. Mimal azir ani thui khawp mai.
Kan politician tam ber hian eizawnna angah an ngai niin a hriat a, a buaithlak ang reng. An quality hi kan ramin a mamawh em tih lam aiin mimal/chhungkaw survive na tur an dah hmasa tlat si a nih chuan… buaithlak ve deuh chu a ni…Ram hmasawn a har ngawt ang.
Report this comment
January 26th, 2009 at 12:12 am
He thu hi a ziaktu mai nilo Mizo mipui tam zawkte au aw ani in ka hria. Uar sauh sauh teh ang u
Report this comment
January 26th, 2009 at 10:56 pm
Obama ai pawhin i huk tha; 68% hmu rawh. Kennedy ai pawhin i bauh tha; 72% hmu rawh. Taimakna hi ram leh mipui lamah uar tawh se; mahni inner circle-ah chuan an thahnemngai vek tho asin! Chhungte tan leh sangawizawnpuite tan chuan rinawm pawh an rinawm tho… an rinawmna COAST hi WIDEN a ngai a ni.
Report this comment