Mizoramah hian thalai hi kan thahnem a, kohhran hrang hrangin thalai pawl an nei deuh vek bawk a. Chung Thalaipawl hrang hrangte chuan chak takin an kohhranah rawngbawl hna an thawk theuh a ni. Presbyterian Kohhran hnuaia mi Kristian Thalai Pawlah hian member 1,17, 614 an awm a. Mizo thalaite dinhmun chu Kristian Thalai Pawl dinhmun hian a tarlang zo tura ngaih a ni a. Chuvangin, kan thu chai lai behchhan atan pawh kan hmang dawn a ni. Kristian Thalai Pawl sukthlek hi Mizoram thalaite sukthlek a ni tih hi a pawm ngamin a lang. Mizoram thalaite aiawhtu atan KTP hman hi thil sual a ni lem loin a lang.
Kristian Thalai Pawl rorel Inkhawm chu 7&8 March, 2009 khan Chawlhhmun Kohhran Biak Inah neih a ni a. Chuta report a mi, sakhawmi na chungcahnga tarlang thei thil pahnih hi lo bih chiang hmasa ila:
a) INKHAWM DINHMUN: Rampuma thawhtan zan inkhawm zat hi 32.70% a ni a. Hei hi Thawhtan Inkhawm chauh a ni a. Kohhran Inkhawm pangngaiah hian hei ai hian inkhawm hi thalaite hian an la tel tlem leh zual a. Kohhran tam takah chuan, Nilai zan, Inrinni zan leh Pathianni chawhnu Inkhawmte hian Thalai inkhawm tur an hmu mang ngai lo a ni. Kohhran Inkhawma thalaite inkhawm dan hi teh na awm se chu awm ti nuam lo khawpin a chhiat mi tam takin an ring a ni.
Tin, inkhawm dinhmun hi Kum hmasa lam aiin aiin a la tla hniam leh zual a. Kum 2007 khan phei 34.70 % a ni a. 1.5% in a tla hniam tihna a nih chu. Kum hmasa lam a inkhawm thin ai atang khan mi 1764.21 chu anj inkhawm zui tawh lo tihna a ni.
Tin, thawhtan zan a inkhawm zingah hian a tam zawk hi Thalai pawla inhmang an ni lo a. Tin, inkhawm hrim hrim hoah hian inkhawm apiang a tel ve thin hi chu ta tlem zawk an ni bawk thin.
32.70% hi chu inkhawm tha a ni mawlh lo a, 67.3 % hi inkhawm ngaihsak lem lo an nih chuan dinhmun tha tak a ni lem lo a. Mizo pangngai hi Krsitian vekah kan inchhiar lawi bawk si a.
b) INNEIH CHUNGCHANG: CKTP Report hmuh tura a awm apainga rilru tihhah thinpakhat chu Inneih chungchang hi a ni a. Biak Ina inneia aia hmun danga innei an tam zawk ziah hi thil tha a ni mawlh lo.
1) Nupui Pasal nei zawng zawng : 3946 ( 2007 ai khan 21-in an tam)
2) Biak Ina Innei zat : 1431 ( 2007 aiin 34in an tlem)
3) Hmun danga Innei zat : 2515 ( 2007 aiin 55-in an tam)
Innei zawng zawng zingah hian 36.24 % chauh Biak Ina innei an ni a. 63.76 % zet zawt chu hmun danga innei an ni. Biak Ina innei tur hi chuan mipat hmeichhiatna a thainghlim a ngai a, chutiang tlin ve lo zawng chu hmun dangah an innei thin a ni. Thil chhinchhiah tur pakhat leh chu kum hmasa aiin Biak Ina innei an tlem a, hmun danga innei an pung thung a. Hei hi thil tha a ni lem lo.
Kristianna hian nulat tlngval thianghlimna hi ngai pawimawh em em a, chutih lai a, Biak Ina inneih tlin lo za a sawmruak chuang zet kan la awm thinte hi thahnem ngai deuh tan chuan Indawm kun vang vangna tham a ni.
Pastor bial 11ah biak ina innei an awm miah lo a, Bial 5-ah Hmun danga innei an awm lo thung .
Pastor Bial 6-ah Hmun danga innei leh Biak Ina innei an inzat chiah a. pator Bial 24-ah Biak Ina innei an tam zawk a. A bak zawng pastor bial 121-ah chuan hmun danga innei an tam zawk a ni.
A chunga mi khi a lawmawm lam aiina lawmawm lo fe lam a ni tlat mai a, ngaihtuahna a ti thui hle. data kan hmuh theih chhun leh pawm nahawm, a prove na awm chhun ang deuh atang pawhin Mizo Thalaite hian Sakhuana an ngaihsak lo tih a sawi theih awm e. He’ng thil pahnih te chauh hi chu sakhaw mi leh mi lo tehna awm chhun chu a ni hauh lo a, a dang pawh a atm khawp mai a. Chutih rual chuan, he’ng thil lian tham pahniha heti taka kan chhiat chuan a dangah phei chuan kan tha lo tawp ang tih a pawm ngam awm e.
Similar Posts:
- KTP member te zingah biak in-a innei an pung
- KTP General Conference 2008
- Khawtlang nun siam thatnan inkhawm
- Inkhawm ti tlem ila!
- A nuam ringawt!
March 30th, 2009 at 6:52 pm
Ngaihdan om ve leh thei bawk chu :
Mizo chu inkhom ka ngah ltk a. Thalai tan phei chuan inkhom hi ngaiah a neih theih deuh reuh a. Han ngaihtuah ila, Chawlhni chawhma, chawhnu, tlai fellowship, zan inkhom, thawhtan zan, nilai zan. a tam ania..
Rinna lama kan harhthar awk te a nih loh chuan han inkhom kim thlap2 tur khi chuan a harsa ani.
Tin, Hla zir mawlh hi ka hne ber ani bawk. Vai zir ani deuh kher boksi.
Report this comment
March 30th, 2009 at 7:02 pm
Biakina a innei zingah pawh khian, mipat hmeichhiatna hmang, mahse rai loh vanga biakina innei tam tak an la awm bawk ang.
kan venga kan thianpa u pawh sunday school zirtirtu a ni a, dan thianghlimin nupui a nei a, a nupui pawh ss zirtirtu tho a ni a, an inneih atranga thla6 velah thla kimin nau an nei.
Hetiang hi kan kohran hruaitu te zingah pawh an awm chuan kohhran ngaihsak lem lo zingah phei chuan an tam khawp ang.
Thalaite’n sakhua an ngaihsak loh chhan hi tam tak a awm thei ang:-
1 Kohran hruaitu te zingah an mi rin loh zawng an tam vang.
2 An nun tuihalna tireh tur kohhranah an hmu lo.
3 Inkhawm boruak a kulmuk lutuk.
4 Kohhran leh politics kan kaih pawlh lutuk.
5 Inkhawm hun kan ngah lutuka ngaiah kan neih.
6 TV,mobile, internet ten thalai tamtak inkhawm lovin a awm tlei.
He’ng lo pawh hi chhan tamtak a la awm thei ang, engpawh nise, tlak hniam lam chu kan pan zel nichuan a langa, chhungtin kan inen fiah theuh a tha a, chutih rualin kohhran pawhin tran a lak nasat lehzual angai khawp mai.
Report this comment
March 30th, 2009 at 7:52 pm
Lily-a sawi khi keipawh ka ngaihdan a ni. Inkhawm a tam mah mah. A boring thei khup khup bok si. Thalai fel tak tanlo chuan chak zawk2 a har khawp ang le.
Chuan kan entawn thenkhat te hi entawntlak ni ve thei ngei se!! Hruaitu tha 5 aiin a thalo 1 in mi a hnar zawk thei tlat.
Report this comment
March 30th, 2009 at 8:02 pm
Keipawh Lily sawi hi ka support. Lord’s Prayer pawh hi rilru leh tik tak zet hian engzat hian nge sawi thin ang le? Chuti lai chuan Pathian thu khirh tak tak hi min khel pui vak a
Report this comment
March 30th, 2009 at 8:32 pm
Inkhawm tam lutuk leh activities tam lutuk titlem zawnga hmala ngam Hruaitu kan mamawh niin ka hria. A mal mala han zawh hi chuan Hruaitu(KTP O.B or Comm member) te pawh hian activities tam lutuk hi chu an ning teuh hian a hriat a, mahse titlem emaw paih then or insum deuh tura hmala tak hi chu tuman an la ngam lo.
Thalai awmawl kan tam lutuk a, activities tam pawh hi kan la phak ve zel zawng a nih hi. Tun hnaiah Mizoramah Private company-a hnathawk an lo tam ve zel a, khawtlang thiltih pawh hman vek a harsa tan ta. Rinawm takin hna thawk suau2 ila, Pathian lakah rinawmin, phak tawkah inhmang bawk ila, kan KTP nun leh khawtlang nun hi a fel deuh chuan ka ring.
Report this comment
March 30th, 2009 at 8:34 pm
Ni e, kan ram hi inkhawm tamna ram tak ani awm a sin ! Inkhawm lah hi kan tlem tual tual dawn anih hmel. Hetah pawh pawh hian inkhawm tam chungchang chu kan lo sawi ho nual tawh tak kha maw le !
https://misual.life/2008/06/.....-tlem-ila/
Inneih chungchang-ah pawh hian, Kohhran Dan Thianghlim a in nei te hi tunai hian chawimawi thiam in hlut thiam ila. Dan Pawna in neite tunai hian hlut lo thiam ila. Tun hma phei kha chuan, Dan Pawn / Biakin nilova innei te hi chu, kohhran upa leh kohhran hruaitute pawh hi a lawmna ah hian an kal vak ngai lo khan ka hria.
Tin, kan kohhran inneih dan pawh hi ennawn deuh chu a ngaiin a hriat. Tunah chuan, dan hnihna a innei kan tih mai te leh Dan thianghlima innei te hi an danglam tlat vak lo. Inneih certificate an pek ah pawh, Kohhran Dan Thianghlim tih ve ve tho ani a. A danglam awm chhun ber chu, Biakinah in nei lovin, Hall ah emaw an innei a, an inneih zawhin, biakin kawtah thlate an la leh tho va.
A sei lutuk dawn e!
Report this comment
March 30th, 2009 at 8:40 pm
Dik taka inserh thianghlima Pathian hmaa inneite hi ropui tak, ngaihlu takin Kohhran hian chawimawi leh zual se la..(ruai siam lam ni kher loin)., diklo taka Biak Ina innei, lo puk lawk ang chi hi chu phuar leh ngei thin rawh se.
Tin, innei turte hian Dan thianghlim kan tlinlo a nih chuan (langchhuak kherlo mahse), mahniin huai takin kan tlin tawkah hian i innei ngam mai ang u.. “Mihring i bum anih pawhin Pathian chu i bum si lo va, a malsawmna dawng turin i dil ngam dawn em ni? A thinurna i chungah a la tlak tir lo ang tih tuman kan sawi thei lo”
Report this comment
March 30th, 2009 at 8:40 pm
Thalai chauh kan ni bik lo…
Report this comment
March 30th, 2009 at 8:54 pm
@sabereka: A dik chiah, tun lai Nu leh Pa te hian Thalai hi an han mawhpuh thar viau ringawt a, an mahni pawh hi inenfiah chu an ngai tho mai.
Thalai te a pawng atakin kan sual bik lo. Nu leh Pa thiamloh atanga hengte hi lo tleng a ni zawk lo em ni??
Report this comment
March 30th, 2009 at 8:58 pm
An sawi fo thin Wales ram a Kristian biakin an khar angte, Kristian biakin Muslim ho in an luah tak angte hi kan ram hian a la thlengve lo tih pawh a sawi thei loh.
Chhiar zawm duh tan . Tah hian Pu Faka’n a blog ah pawh aziak. Biakin, Muslim ho hmun nita thlalak pawh hmuhtur a awm.
https://youniq.blogspot.com/200.....h-tun.html
Report this comment
March 30th, 2009 at 8:58 pm
a nihna tak ah chuan thalaite aiin nu leh pa te hi an conservative zawk zela, chuvang chuan mi puitling deuh te thlirna atanga chuan sakhaw mi lo ti a sawi pawh a awl maithei,
ENTIRNAN kan nu leh pa te pawh kha thalai annih lai chuan keini aia che nasa tak tak pawh an tam ve viau in ka hria. kan thatlai hun ve ve thlir chuan kan nu leh pa te aiin kan fel in kan rilru pawh a puitling daihzawk lo maw..
Report this comment
March 30th, 2009 at 9:04 pm
Sakhaw mi/mi lo????? Tehna kan hman a zirin ngaihdan a inanglo thei viau ang.
Hma kan sawn chhoh ang zelin leh eizawn dan hrang2 avangin sunday inkhawm tihloh chu tam tak tan chuan kar khata Kohhran prog zong2, inkhawm voi4/5 + fellowship + hla zir, hi chu peih paw’n tel kim vek a har chho zelin ka ring.
Inneih chungchang hi chu Lily sawi ang hian puk lawk tam tak hi an awm ngei ka ring, lang chhuak kher lo mahse.
Kohhran pawh hian dan te hi ennawn ta se ka’n ti ve ringot kei misual hian :
1. Dan puitling/Innei duh reng2 tan Biakin kongkhar hong/hong loa inneih theih dan option te hi awm ta se. Magistrate hmaah poh a inneih theih tho lo’m le
Report this comment
March 30th, 2009 at 9:20 pm
2. Dan thianghlim ngeia inneih tum, in serh hrang tak2te hi chuan mihring puite hmuh a ropui duh vang a nih ka ringlo. An theih tak2 chuan tlang hriatpui kher loh po’n chhungril nun hlimna, Pathian hnen atangin lomman an nei toh hrim2.
Tih ropui belh vul chuk theih ni po’n ka hrelo
Report this comment
March 30th, 2009 at 9:25 pm
Statistical data hi social science lamah chuan a tangkai khawp mai a, mahse Thlarau nun hi teh kher a pek kan ni lova, statistic lam hniam deuh mahse chhungril lam hi han thra phawt mai se.
Report this comment
March 30th, 2009 at 9:52 pm
Amak lutuk (inneihna chungchang bikah) tunlai ah chuan dan 1 na inneih zak tlat te an awm. “Inkhawm an tam awm em mai” tih vang ringawt te in dan 1na an tlin lo. Thenkhat ka hriat chu a unaupa in nupui a ru a, inneih sawngbawlna a hautak loh zawk nan tiin a bialnu, a neih hual kha chetsual pui miah lovin a ru ve ringawt… Dan 1 na a inneihna kan ngaih hlut dan tehna te hi a ho lam ta hle mai….
Report this comment
March 30th, 2009 at 9:58 pm
Dan khatna a inneih hi ropui leh hautak inneih tur emaw kan ti tlat hi kan sim a hun tawh khawp mai. Hriatpuitu 4,5 lek hmaah pawh dan1 naina a in neih theih tho, tin, ropuio taka inneih hi inneih reina a ni kher lo, a inneia te a zir a ni zawk.
Innei rei lo a ka hriat ve chu 2004 kum kha ni ta in ka hria, aizawl nula 1 chu(a hming chu sawi lo mai ila) thingtlangah pasal a nei a, an inneih tlaiah an inthena zanah an rawn haw leh nghal
Report this comment
March 30th, 2009 at 10:06 pm
Kan chhungkaw maicham hi a pawimawh…a root ah hian thil hi a dik thin loh avangin a ler ah engtin nge rah thra kan hmuh tehlul ang le? “Hauh leh hrem, fak hlawh chang ni hi” tiin emi kha hla khan a tih kha. A foundation a that miau chuan chu naupang chuan tleirawl sual te poh han nei ve deuh mah se a lo puitling anga, hmana a naupan laia a Nu leh Pa-in an chhung inkhawmnaa Chi (seed) an lo tuh kha a lo thrang duang anga, rah thra lo chhuahin, kawng ngil a zawh chho em em ang chu MIZO THALAI chuan…
Report this comment
March 30th, 2009 at 10:16 pm
Synod ten min ti tui lo zo vek alawm. Meidil a ka tlak vaih, synod vang.
Report this comment
March 30th, 2009 at 10:24 pm
Dan 1-na tlin lo tam ber chu an truah deuh hlek vang a ni tlangpui…a chhan dang hi chu a secondary, fiamthu ti tak deuhin
Report this comment
March 30th, 2009 at 10:24 pm
Kohhran ( presbyterian ) kohhran dan, ziak-ah chuan, Dan khatna leh Dan hnihna hi a awm hran loin ka hria. Dan 1-na, dan 2-na kan tih hi chu, a sawia kan sawina maiah anih hmel!
Report this comment
March 30th, 2009 at 10:28 pm
Chuan inkhawm tlem chungchangah chuan #2 Triplestar sawi khian a sawi kim thaw khat khawp mai. Tin hmun danga lehkhazir inkhawm theilo te hian inkhawm % anti hniam viau thin bawk.
A tlangpuiin khawpui lam aiin thingtlang lamah thalai inkhawm an la thahnem a, hei hian Media lama hmasawnna in kan thalai(kristian) nun a khawih buai nasatzia a chiang hle in ka hria.
Report this comment
March 30th, 2009 at 11:56 pm
Sakhaw-mi lo … KRISTIAN VAK LO tihna a ni ve tho em? Sakhua hi chu a tam khawp a; Kristian ni lo hlei hlei hi an sakhaw-mi lehnghal a!
Inkhawm tam lutuk —chuti teh chiama hlawkpui tur inzirna awm chuang si lo Kohhran huang hi Shakespeare-a khan a bawl phuan thiam teh asin —thlarau lama an rozia sawifiah nan khan “like a church mouse,” a han ti kha, a khabe a sep thiam hi ka’n tilaileng khawp a … an Biak In-ah sermon ei tur a awm loh mai bakah, thilpek tlingkhawm pawh a chaurau ta lutuk kha … an Biak In chaichim cherzia leh riltamziain a rawn sawi fiah thiam hle. Biak Ina inkhawmho lah kha “like a church’s bell” tiin a’n hmehbel leh a —thahnemngai takin Biak In dar chu an khawng ri loh loh a; mipui a au khawm a … mahse, biak in dar chu biak in chhungah a lut ve leh chuang hauh si lo!
Dan 1-naa innei —intrhen leh engzat nge? Innei hlen engzat nge?
Dan 2-naa innei —innei hlen ta engzat nge? Intrhen engzat nge?
Fanau maltluan chawi leh hlawhtling zui riau chhungkua kha Dan 2-na atanga innei lawi si engzat nge awm le?
In chhungkhur economy athuin Dan 2-naa inneih a awl phah ve mai lo maw? Tin, nu leh pa remtih loh avangin inruk a ngaih vang te; denomination inan loh vanga Dan 1-na tlin ta lo an ni tho em?
Dan lam sawihnawmna ni chuang lovin —inneihna hi Eden Huan Thuthlung a ni a; hnam tin hian eng sakhua pawh vuan mah se an la chhawm nung ve vek a ni. Mipa nupui atan chuan hmeichhia ni ngei turin Bible chuan min kawhhmuh a; tunlaiin Mizoram lehzelah pawh Mipa leh mipa; hmeichhia leh hmeichhia an khawsa ve ta dal dal hlawm ni awmin an sawi. Sodom leh Gomorra chu kan khum ve chiang tawh hle mai! NGTV erawh chuan “kan iang zo ta” a ti lekfang a.
Nupaa Inneihna hian a entir hi hre chiang ila —Thianghlim Krista leh a mo thianghlim —a Kohhran inneihna tur thlirlawktirna a ni a; chuvangin, inneihna hrim hrim hi chu thianghlim leh inneihna tlo, Krista telna ngei inneihna a nih a trul ta berin a lang.
Canna khuaa inneihnaa OINOS tihpun a nih khan thil dang engmah a len ve loh nan tuibel vum parh parha tui chhun khah a nih kha … inneihna thianghlim hi thil dang leng belh tura duan a ni ngai lo.
Biak In kher lovah pawh Inneihna hrim hrim hi chu khawiah pawh a theihin ka ngai ve thung. Tin, Kohhran Dan kan han tiduah hluah tak naa —kan hnam (Lai, Mara, Mizo, Hmar) Culture leh tradition ngeiin man leh mual kalphung tinreng kan tifel a; kan awmna Kohhran Danin kut kan insuihtir a ni ve mai lawm ni?
Report this comment
March 31st, 2009 at 12:23 am
(lai,mara,mizo,hmar)lai ahran mara ahran mizo ahran hmar ahran a va ang ve.mizo tih hian a huam vek mai lawmni.i thlir dan tawi tein min hrilh thei m?
Report this comment
March 31st, 2009 at 1:24 am
Hun a liam zel ang a, mi ram angin kan ram hi hnathawhna rama kan siam ve tak tak hunah phei chuan thalai tam zawk te hi chu kan inkhawm tam lo telh telh a rinawm. A thenin zan lamah kan thawk ang a, a then chhun lamah kan thawk ang a, weekend leh holiday tih vel lohah chuan kan inhmu reng theih loh hun a la thleng ngei ang. Chutih hunah chuan Kohhran fuction hrang hrang bakah Thalai Pual inkhawm hrang hrang ang te hi chu kan chhunzawm reng theiin a rinawm loh. Chu hun chu hmasawnna kan zawh ve tak tak hun tur ni mah se, eng emaw zawng tak erawh chuan a huphurh awm hle thung. Mahse, kan HMABAK erawh a ni miau si, engtia hmachhawn tur nge ni ang tih lam hi rilruah ngaihtuah tel a tha hle ngei ang. Hnathawk tam ram apiang a changkang a, an hausa a. Mahse sakhua erawh an ngaihsak reng hman si lo..
Report this comment
March 31st, 2009 at 1:29 am
Engti kawng mahin “sakhaw mi” (quate unquate) nih hi ka duh lo tawp mai. U know what i mean?
Report this comment
March 31st, 2009 at 2:09 am
Kan thatchhiat vang a ni mai, kan thatchhiat vang hian puh mawh tur kan zawng mai mai.Kan tun zoram dinhmun en hian inkhawm tlem phah rawih rawihna tur khawpa hnathawk nasa leh buai kan ni lo.Inneih lam khi chu nia,kan H vang a ni mai.
Report this comment
March 31st, 2009 at 2:52 am
Thawhlawm thawh tam thei thei Kohhran Upa annihna Mizoram angah chuan Thalai-te tan inkhawm peih a har viau tur a sin. Eng vang chuan maw kan ti a ni mai thei, thawhlawm thawh tam tam hi eiru tam tam an ni duh khawp mai. An hlawhin a phuloh In leh Lo an din tih kan hriat chian em em Kohhran Upa kaihhruaina hnuaiah chuan tui taka zai chu a har viau mai thei a sin. Kan ram Politic kal fuhlo hi kan tuar dawn chauh a ang ka ti kei misual hian..
Report this comment
March 31st, 2009 at 6:11 am
@bawmrang : Mizo tih ngawta a sawi theih lohna chu —Lai, Mara hmeichhe man hi Rs 420 mai mai a ni ve lo. Mizo han tih trhuai mai kha chu ka duh, mahse man leh mual inang hek lo le! Belpui bat a ngaihna te a la tam mai!
Report this comment
March 31st, 2009 at 6:15 am
Cheng nga chawiin sermon hul deuh ngaihthlak chang a lo tam a; mutthluk chang a lo awm lo thei lo! Hrethiam mai em! Inkhawm ai chuan in khawm (over goblets) chhaps a lo nuam bawk si!
Report this comment
March 31st, 2009 at 11:21 am
A dik tak chuan inkhawm leh fellowship, hlazir…. church activities tam ta lutuk hi a that lohna a rawn lang chhuak ve mek ni ah ka ngai a. Zirlai te hi hruaitu tam tak ten kan phut lutuk hian an zirlai a hlawhchhamna thleng rak khawp in a in phut luih theih a ni tih te hi hriat a tha. Kohhran programme leh thalai programme a active em em tur chuan tun dinhmun ah chuan zirlai tan chuan a tih chi loh phawt!!!
Hruaitu (O.B + ECM) te an pawimawh leh, hruaitu hmel hmuh tur a awm ngai mang loh chuan member te kan chau mai thin. Hruaitu kan ni ngam a nih chuan a kul ataiin kan thawk/tel peih tur a ni.
Biakin a inneih dan kan kal pui mek hi kan siamthat vat loh chuan kan tlem tial tial ang. Khawsa thei fa deuh te tan lo chuan Biakin a nupui neih hi ngam chi pawh a ni meuh tawh hlei nem, a senso a hau tak lutuk. Ka hmelhriat ve ah pawh Biakin a inneih duh em em, mahse senso tur an neih loh avang a inru ta mai hi pathum ka hre ta!! Hetiang zel a nih chuan sum nei ho Biakin ah an vawk lal len tulh tulh bawk ang.
Report this comment
March 31st, 2009 at 3:46 pm
Keipawh ka – SAKHAWMI- lo. Mahse, Christian chu ka ni. Misual-dot-com-ah hian tunge – SAKHAWMI- ber ang le ? Lal- Chris -a hi ani hrim hrim ang
A reh hle mai tunlai hi, lenghal a!
Ka thianpan, Mizorama Sakhawmi nih chu :
Rilru zimna
Kohhrana thawhlawm thawh trawk trawk na.
Eirukthupna.
Nupui nei reng si a, ngaihzawng neihna
Thaw uihna
Inhmuamup hlum trep na
Langlova sex hmanna
atia lawm !
No offence!
Ka lawm e !
Report this comment
March 31st, 2009 at 4:02 pm
ka sakhawmi reuh latuk
Report this comment
April 1st, 2009 at 2:40 am
Vikinga thusoi:
Ka thianpan, Mizorama Sakhawmi nih chu :
Rilru zimna
Ka duh bon top top.
Mi tam tak kohhrana inhmang tak te hi a thlangpuia a langa mi va vei thin te an ni in,mi khirh mi bula in adjust har ti tak an nih duh em vang hian rilru zim tih chu a awl viau ang.
Inkhawm chu ka soisel chuang lo,inkhawm a a hming leh a langa tha ai chuan mahni hnaa rinawm taka thawk thin,chhungkua leh inchhungah hlim ila taima ila..chu tluka pathian thuawih a awm lo.
We can make everything that we do a PRAYER(rinawmnain).
Tin,dan khat tih hi kei pawh thra ka ti em em lo,keini catholic ah hian ti ila tu poi kan soi em lovang chu dan 1 leh 2 kan nei ve lova zia angreng.
Mahse rai lawk emaw inru emaw an nih chuan mipui leh pathian hmaah apology letter an chhiar thin.Dan 1 na a tih chu mirethei tan a hautak em mai
Report this comment
July 25th, 2010 at 4:10 pm
Inkhawm tlem chung chang hi. Synod meuh paw’n tih tlem turin Synod inkhawmpui-ah tih tlem hi an rel hial a, mahse an rel hlawhtling lem lo anih kha, inkhawm tih tlem hi kei chu tha ka ti lo khawp mai, kan inkhawm tam chung paw’n tiang hi kan Christian nun chu a nih tho hi, inkhawm tlem phei ila chuan hei ai hian kan Christian nun hi a dal leh zual zawk lo maw! Awm ve thei tlats.
Report this comment
August 10th, 2010 at 8:01 pm
??
Report this comment