Mizo zingah kutdawh sawi tur tam lo mahsela sawi ţur erawhchu an awm ve tho a ni. Hman deuh aţang khân khawvel hmun danga tih ang deuhvin pianphunga rualbanlo ţhenkhatin khawpui kawngkam lûnlaiah zaiin kut an dawh a, khua leh vêng ţhenkhat khawtlâng hruaitute’n lehkha an siam sak kenga kutdawh an awm bawk ţhin. Hei bâkah hian rilru lama rual ban loh vanga kut dawh an awm nual bawk. Mihring kan pung zela, kutdawh awm lohna State ni hiala inchhâl Mizoram hian hmundang ang bawkin kutdawh kan nei chho ve zêl dâwn niin a lang.
Mizo, intodelh hnam, kutdawh ngai lo nia insawi zingah hian chhan hrang hrang avângin kut dawh an awm chho mêk ta a, hetiang renga kan ngaihthah chuan awlsam taka sum hmuh theihna nia ngai pawl an awm thuai dâwn tih a lang reng mai. Kan ram chhûngah ngei hian kutdawha eizawn tum tam takin an taksaah harsatna an insiam chawp a ni. An kut leh ke an ti tliak lui a, an bânte an tan a, chutiangin hna rim thawkthei lova an lan theihna turin kawng hrang hrangin dik lo takin thil an ti ţhin a ni. Mizorama kutdawhte hi kut dawha an nunkhua hmang zui zêl turin mipuiin hian kan dah tawh mai dâwn em ni ? Mizo zîngah kutdawh tih tham an la awm lova, kut an dawh chhan zir chian a harin a rinawm loh. Tlâwmngai pawl ţha tak tak kan nei a, kutdawhte dinhmun hi zir chiang ila, a pumpelhna kawng kan zawng thei em tih hriat a ţha hle a ni. Kan pi leh pute aţang tawhin kutdawh hi mualphona leh zahthlâk tâwpa dah a ni a, ţhangthar zinga awm ţha duhlo leh baihvai deuhte hian awlsam tea sum hmuhna kawngah an ngai mai ang tih hi vênthâwnawm a tling a ni.
Mizorama kutdawh chungchâng hi ngaihthah a hlauhawma, kohhran, tlawmngai pawl leh sorkar te hian mahni huang ţheuhah zir chiang se la, chuta ţangchuan hmlâkna tur duang thei sela tih chu thil pawimawh tak a ni.
.
Similar Posts:
- Kutdawh dan changkang
- Aizawl a kutdawh tam ta lutuk hi
- Kutdawhna hi I umbo ang u
- Aizawla mi kutdawhtira sumdawnna zahpuiawm
- Kutdawh hausa
April 3rd, 2009 at 3:53 pm
Kawn lunlai thenkhat-ah, mitdel leh pianphunga rualbanloten, Zai a kut an lo dawh te hi chu tanpui an nuam deuh chuan a hriat a. Ni lemlo, pianphungah rualbanlohna engmawh awm lo, kut an han dawh tawp mai ho hi chu ‘ rilru lama rualbanlo ‘ ani ber lom maw ni le !
Tah pawh hian kan sawi nual tawh tak kha maw !
https://misual.life/2008/04/.....changkang/
Pawl , engeng Union te emaw a, Tanpuina an khawn fo maite hi, kutdawhna chi khat chu ani mai lo maw ?
Report this comment
April 3rd, 2009 at 4:36 pm
naupang kum 10 poh la tlinglo tur hi, nikum lunglei a ka omlai hian a pa mitdel kut a dawh pui thina…. school a kal ngailo a.. a pa amah chawm tu tur ber kha hruai a ngai tlat mai si a….
tih theih ka nei der silo a, poisa tlem lo pek bak chu! kha naupang life kha chu a khongaihthlak k ti khop mai..
hope one of the many organisation. can help them out….
Report this comment
April 3rd, 2009 at 6:44 pm
bangladesh tak ngial pawn kutdawh chu jail a khung hmak hmak a tum tak kha.
Report this comment
April 3rd, 2009 at 6:45 pm
Mizo kutdawh hi chu dahtha ta lawk ila. Mizorama pianga seilian ni miahlo, kan duhlian tawng pawh a mik a mak hre miahlo, kutdawh tur ringawta Mizoram chhung anlo lut hi ania mak ka tih chu ni. Kan hriat theuh angin Mizorama lut tur chuan ILP(Inner Line Permit) angai a. ILP lah chu sponsor tu angai bawksi a. A tlangpuiin heng ILP kan pekte hi chu cement mistiri(Karimganj Engineer veng leh lama labour veng leh lama mistiri) anni ber a. Kutdawhho hi chuan khawilamah mah ILP anneih ka ring miahlo. Man tum lah chu kan awm miahlo niin alang. Vai rama kal thinte chuan vai kutdawh tamzia kan hria. Mizoram ah leh zel kut an han dawh hi chu pek loh ngam atha hle mai. Chutah dan bawhchhe chunga lo lut anni leh nghal. Thuneitu lam te pawhin man khawma thawn haw thuai thuai an tha khawp mai. Chutih laiin pianphunga rualban lohna nei miahlo, patling zahawm ang reng tak tak, mizo zingah pawh kut dawh an puang ta tual tual mai hi a zialo hle ani. Sardarji(sikh ho) ho zingah khuan kutdawh an awm ngai miahlo. Kutdawh i hmu palh anih pawhin sardarji lemchang anni mai anti hial thin. Engpawhnise, thildangah hnamdang elphakna nei hranpalo mah ila, kutdawh ngah lamah chuan hma kan sawn khawpin alang a, kan Zawlkhawpuia hnamdang kutdawh hi chu i thawnhawl ngam ang u.
Report this comment
April 3rd, 2009 at 9:45 pm
Ka tet laiin kan dawr ah mizo kutdawh Pafa hi an lo lut a, a Pa zawk chu kum 40-50-ish vel ania, a fapa chu kum 15-20 vel aniang. Ka nu chuan Rs.10/- a pe a, mahse a Pa zawk chu a hau hrep..
‘Fapa kuthnathawk rual i nei a, nang pawh chutiang hna thawk turin ila tar chhe em em bawk si lo.. a zah pawh in zak lo em ni?..” etc etc.. A hun lai kha chuan ka lo khawngaih deuh a, mahse tuna han thlir let leh hian, a tu zawk nge diklo ka hrethiam lo..
Report this comment
April 3rd, 2009 at 10:16 pm
Tingtang neitu khi hmeichhe kutdawh, hang lam deuh —meng kiau ni ngeiin ka hria —in chung khi Zawlkhawpui ka thinlung mitin ka thlir kual a; Pi Darawti in chung, Zarkawt —Blue Hills Dawr bul lawk kawng kual lai vel ni tlatin ka hria! Ka hre sual a nih pawhin kutdawh phah nan em a ni lo’ng chu maw!
Amigo says : Kan ram chhûngah ngei hian kutdawha eizawn tum tam takin an taksaah harsatna an insiam chawp a ni. An kut leh ke an titliak lui a, an bânte an tan a, chutiangin hna rim thawk thei lova an lan theihna turin kawng hrang hrangin dik lo takin thil an ti ţhin a ni.
“Mahni taksa meuh inti-handicapped” hi ka hriat vawikhatna a va ni lawi si em! Fact leh figure a awm tak tak em?
Hur-herh vang ni miah lova —ni tin khawsak harsat luat vanga mahni taksa inzuarte chu an awm ngei chuan tlang hriat a ni a. Kutdawh ni ve siin, tingtang ka tum thiam lo vang tih ka hlau —kan kutdawhte hian talent kei aiin an ngah zawk daih.
Ni tin ei khawp hmu tura zah leh mualphona ualau ber KUTDAWH hna thawh hi TAIMAK ngai hle hian ka hria a; Diplomacy pawh thiam a ngai pah viau bawk. Khawngaih-thlala taka chet a ngai bawk si.
Naupang-rual kilkawia zin chhuah chang ka neihin, ka naupangte zing tho har lutuk hi, “India rama kutdawhte pawhin an eikhawp an dawh hman tawh ang chu,” tiin ka zilh tawh. Ngaihtuah chian chuan a lawmawm duh lo hle. Kutdawh naupang pakhat —cheng 2 zawr deuh ka pe a, a aia thar zawk a ngiat. Kutdawh pawh hi an duhtui thiang ve tho.
Ka la huat lehchhawn chu —thatchhe drug addict ban vung lian ve khanglang, kutdawhten an begging bowl-a an dawn khawlsa RUKSAKTU nih tehchai hi!
Kan rama kutdawhte hi chuan chhunglehkhat leh laina an la nei hian ka hria a; chhungte chhung-lehchhawng (sungte-sung-lehsawng) nen tal pawha KUTDAWH em lova inkhung luih dan hi YMA Branch tin hian hma la ta ila —Veng mawina a lo ni lehzel bawk ang a; a tihchi phian mai lo’ng maw? Kutdawh chhungte pawhin an remtiin ka ring tlat. Hmala hmasatu YMA Branch pawh transparent bawk se.
Mitdel-musician, kawng sira kutdawhte hian tanpuina sorkar atanga dawng ve awm angin an sawi a; an dawn an khawpkham lo a nih pawhin Sorkar fel nei turah inngai ila —Durtlang khua Pu Thanga leh Pu Arsiliana te inkai bek bek hi an Hruaitu ni awma an sawite an ni a —anni pahnih atang hian ningkhawng dik tak zawh chian a theih mai lawm ni? Durtlang YMA Branch vekin hei hi samtein an thlithlai chiang thei bawk ang a.
Hnamdang kutdawhte hi chu ramri-a kan ram venghimtu tura duty-te mutthluk hlana thil thleng a ni mai! A nih loh vek pawhin kutdawh turte hian an lo THAM (bribe) lungawi ve zawk em ni?
A reng reng thu-ah Sorkar lai-puia kutdawh Minister vek kan nei tho va; kan rama mi chhumchhia-kutdawh ve lehchhawngte nen hian EK SAMAAN ang em chu ni hawt lo mah se; a zahthlak leh mualphona tur chinah indawmkang tawn dan thiam se, kan ram riangte hi intodelh lo mah ila —mualpho lova kan lan mawina dap thar ta vak mai ila, a va tha reuh dawn ve le.
Mizote hi inpuia inchhawldawl nuam ti mi kan ni a; kutdawhte zawngchhang nan erawh chuan Lesson thar-ah pakai ila… a sei leh ta, tlar hnih chin lek khi chhiar ula —a tawk mai!
Report this comment
April 3rd, 2009 at 10:20 pm
Pu chawnghilh; ahmun chu i sawi dik mai thei a tingtang khi chu Tuai pakhat ta niin ka hria
Report this comment
April 4th, 2009 at 12:27 am
YMA te hi tranpui ngaite tanpuitu an ni lawm ni, kutdawh lampang pawh hi rawn hma tel se an kuang lo nawr nawr lo hian..tin VC te pawh kan nei,pastor, upa, Pathian rawngbawltu ti zat awm sia kutdawh kan nei hi a zahthlak khawp mai..synod pawh hian hma la se an lo la daih tawh nge chu ka hre lova..kuang lo nawr nawr lo hian..a va thui zek ve.
Report this comment
April 4th, 2009 at 12:32 am
Rawtna-VC (or kohhran etc)te kaihhruaina hnuaiah mahni huamchhung threuhva kutdawh te hming la se,an harsatna hriatsak rawh se,chuan sawrkarah thlen emaw anmahni levelah emaw tranpui dan zawng se,tranpui tlak an ni em etc… kutdawh kan la tam lova,a harsat lutuk a rinawm lo,kan tih peih chuan.
Report this comment
April 4th, 2009 at 5:45 am
to Chawnghilh’ kan ram’ tihhian Hamaa Desh tihna a ni e. Slum Dog… khan thil dik tak kutdawh chungchangah chuan a entir a, tunah hian chhuichiang turin sorkarlaipui chuan hma a la nghe nghe e..
Report this comment
April 4th, 2009 at 7:16 am
Kum 20 vel kalta khan thingtlanga kan awm laiin vai pakhat lei neilo hian kut a dawh thin a (lei nei lo tak2 a nih pawh ka ring ta lo) Tute emaw ni hian lehkha an siam sak a, an unau lei nei lo veka piang an nih thu leh tanpui an ngaih thu te nen. exercise bu ah a pe apiangin an hming leh an pek zat an ziak zela, Rs 10, 20, 50 tihte ani hawlh mai, a petu leh pek zat ziahna a neih avang khan anpe tam deuh niin ka hria.
2006 kum khan khatla ah vainu pahnih kutdawhna lehkha ka en sak chuan hman kuma vai lei neilo lehkha tho kha, xerox copy fiah lo em em mai hia lo ni pek a, mak thei lhawp mai.
Kan khawtlang hruaitu te pawh hian hetiang hnamdang kutdawh hi an ngaithei phian lehnghal, kohrana inhmang deuh te phei chuan Vantirhkoh in min fiahnan a rawn hmang a niang tih hlauvin an pe lo ngam miah lo lehnghal.
Kutdawh chungchangah hian chuan hma thar kan lak a pawimawh khawp mai, kut dawh tam tak hi chu mizoram mi leh sa ai mahin state dang/ram dang tanga lo lut an ni tlangpuiin ka hria.
Report this comment
April 4th, 2009 at 7:22 am
Kutdawh free a!!!!!! kahseee kutdawh vek kan ni zawk lo maw directly or indirectly or relatively in
Report this comment
April 4th, 2009 at 7:42 am
Kut dawh vek..nih duh hmel e
Minister te paw’n centralah an dawh a, an dawn hnem deuh chuan an la uanpui zui
Report this comment
April 4th, 2009 at 8:23 am
@Amigo : AmigA rawn ti che ila —minu i nih mawlh ang! Ka lawm e.
Ka hrethiam ta e — Mizoram-ah emaw ka tih vang a ni — ka la hriat reng thin chu, ni khat chu kutdawh kan inah a rawn lut a, “Isua hmingin kut ka rawn dawh a,” tiin. Kan ngawi vang vang a, ka pa chuan, “Isua hming kher khera i rawn dawh avangin ka pe lo vang che,” a ti ta mauh mai a … a kir leh ta hnaw hnaw a. Chutih lai chuan ka ngaihtuah ril phak vak lo.
“In tih apiangah Isua hmingin,” tih thu Bible-a kan hmuh hi kutdawhah
kher chuan a zia-awm lo bawk. India ramah chuan a ni lah tak a; mahni taksa peng maimed lui chawp hi an tam. Zoram hian kan tih ve hmain, kutdawh hnawh bo dan thianghlim (garabi hatao) hi a awm ngeiin ka ring.
Kan Cheap Minister-te khan an ngaihtuah chiang ngai lo em ni? Tuna kan Chief nge Cheap … Lal Thanhawla hi chuan KUTDAWH neih hi zak riau mai se; chhawmdawl dan ngaihtuahsak hlawm se in tih ve vek ka ring. Khawvela ram danglam (peculiar land) kan nih theih ngei nan! Amen.
Report this comment
April 4th, 2009 at 8:28 am
@triplestar : Puithuna atthlak Superstition-ah kan intat lut hneh a nih khi … mahni LUCK-na tur kan dap avangin kan trha der mai mai … LESSON THAR kan mamawh a ni ber e. Vai kutdawh kan lo pek nachhan pawh unexpected Malsawmna ka MELH daih zawk vang!
Report this comment
April 4th, 2009 at 8:39 am
Reserch te pawh hi neih a tha khawp ang, nitina bazar lun laia kut dawh ho hian an lalut tam thlawt in ka ring, LDC hlawh te chuan an thla khat income hi a phak ka ring miah lo, Aizawl khawpui chhung chu sawi loh thingtlang khaw hrang hrangah zin kualin kut an dawh thin.
Eng pawl mahin kut dawh phalna pe lo sela, mizoram mi leh sa kut dawh ngai khawpa harsa an awm a nih chuan khawtlang hruaitute remruatna leh hriatpuina in sawrkarin tranpui dan ngaih tuah sela, chutiang ni lo, hnam dang kut dawh reng reng chu an rama thawn haw nghal hmak emaw, jaila khung hmak emaw ni sela kan ziawm deuh ang.
Report this comment
April 4th, 2009 at 9:08 am
Pathian kohna chhanga ruihhlo ngai leh rahbi tleu enkawltu thenkhat pawh hian a tirah Pathian an rin chhana, rinnaah an innghat a, a hnuah heng mi khawngaihthlak tanpui ngaite hmang hian kut an dawh zui ta reng mai a ni awm e… an ti bawk a sin!
Report this comment
April 4th, 2009 at 9:08 am
Pathian kohna chhanga ruihhlo ngai leh rahbi tleu enkawltu thenkhat pawh hian a tirah Pathian an rin chhana, rinnaah an innghat a, a hnuah heng mi khawngaihthlak tanpui ngaite hmang hian kut an dawh zui ta reng mai a ni awm e… an ti bawk a sin!
Report this comment
April 4th, 2009 at 9:14 am
Thaiboy & chawnghilh : Pic post-a Tingtang nei tu leh a hmun chungchanga in ngaih danah mark 100-ah 111 in hmu e … Shawl sential a la tel lo mah mah..!
Report this comment
April 4th, 2009 at 9:30 am
chawnghilh comment #14 last para a mi khi…. Pu Vanlalnghaka te leh Canadian eng pawl emaw in documentary film an siam , The Most Christian Place On Earth, tih leh Israel of The East tih ah khan…. Mizoram ah kutdawh an awm miah loh thu an sawi. Kan naupan deuh lai te kha chuan, khawtlang hian mi ang vaklo chawm kan nei thin, kut an dawh ai ah. Khatiang te kha em ni an sawi chhan leh aw ka ti mai mai.
College Park, Maryland ah hian a nei tha an la awm nghe nghe asin kha film kha… en a nuam viau a chhut thui erawh chuan tunlai Mizoram nen in persan tak niin ka hre thung.
Report this comment
April 4th, 2009 at 9:33 am
chawnghilh, ka sawi hmaih chu…khang documentary film ah te khan, Khawvel ram ropui, Vancouver! New York etc a kutdawh an awm teuh laiin, Mizoram, he Kristian ram ah hi chuan kutdawh hmuh tur reng reng an awmloh thu a sawi a ti..a kawmentetawr khan.. bakah homeless an awmloh thu a sawi tel bawk
Report this comment
January 8th, 2013 at 7:33 pm
Very kutdawh.
Report this comment