“There is nothing either good or bad, but thinking makes it so” tih thufing ril tak hi Hamlet thawnthu-ah William Shakespeare-an a dah vei reuh a. Ngaihtuah cheuh cheuh tham thufing niin ka hria. “Sual” kan tih hi Greek tawngah chuan ‘Fuh tur fuh lo’ (Missing the target) an ti a ni awm e. Kan duh danin chhui dawn tawh mai ila.
Sual hrim hrim hi hlawm lian pui pui pahnihah a then theih. Pakhatnaah chuan, Saptawnga ‘absolute sins’ an tih mai, khawi hmunah pawh, eng hunah pawh, tu tan pawha sual ni vek a awm. Bible-ah a tam mai. Entirnan, Pathian rin lohna te, chapona te, huatna te, sexual immorality te, tualthahna te, uirena te.
Sap tan pawh, Mizo tan pawh, hnam tin, chi tin tan sual a ni vek. Pahnihnaah chuan, Saptawnga ‘relative sins’ an tih hi a awm leh a. Entirnan, zuk leh hmuam, lengzem hla ngaihthak leh sak, incheina, ngaihzawng neih, fiamthu, etc. A hun leh hmun azir te, society azir te, mi mal azirin heng thilte hi sual a ni thei a, sual a ni lo thei bawk.
Lengzem hla sak leh ngaihthlak pawh hi, thenkhat tan sual, an rinna tidal thei a ni. An thlauthla hlauh a nih pawhin dem ngawt tur a ni lo. Thenkhat tan chuan chuti em ema rinna khawih buai thei thil a ni lo thei bawk. Piangthar ka ni a, mahse, lengzem hlaah hian a hla thu leh a phuahtu rilru (nia ka hriat) azirin tha tih ka nei nual. Entirnan, ‘Zan tin mangtha’ tiha ‘Mal ka sawm che khiangawi i chan thlengin’ tih lai hian a hla pumpui hi a ti duhawm ka ti. Duh ve ngawih ngawih, pasal an neih huna malsawmna nena thlah liam hi piangthar tam tak tan pawh a har.
Tin, Dolly Parton hla, ‘I will always love you’ tih hi a hla pumpui hi a kristian ka ti bawk. A duh ber a chang lova, kian zai a rel a, “I hope life will treat you kind, and I hope that you have all that you ever dreamed of..Oh, I do wish you joy and I wish you happiness; but above all this I wish you love….” han tih hnap mai hi chu a kristian raih raih khawpin ka hria. J&J hla “Min then lo’ng” tih te hi a kristian lohna ka hre lo. Don Williams-an mawi taka a sak “You’re my best friend” tihte hi Pastor leh Kohhran upa te pawhin an nupuite nen bengsikin ngaithla fo se ka ti.
Heti zawnga ‘Lengzem hla’ te hi kan thliar thiam a pawimawh in ti ve em? Kohhran thalai hruaitu, thikna avanga mahni bialnu that ta mai te, mahni bialnu (an inngaizawng a ni chek ang a) sex hmanpui te te a, midang tana neih tlak loh khawp tura an sex video te tlangzarh leh duh mipa kan pun chhoh mek lai hian, kristian rilru atanga phuah, mahni hmasial lo lengzem hla hi pung tawlh tawlh se ka ti khawp mai. Engnge in ngaih ve dan le?
A thuhrimah, huang khata dah tur pawh ni se, lengzem huanga awm zawng zawng thlirdan pakhata thlir tum tlat hi a fuh lo. Politician zingah pawh Pathian tih mi, mi dik, mi rinawm an awm thei ang bawkin, lengzem huanga kan hla khung khawm zingah hian a zepui kristian ruih a awm thei tho. Category hrang hranga thil thliar hran thliah thliah hi a that rualin, ze khat vek nei anga puh thluk der erawh kan tisual thei. “Fanai ho chu an chuti khati” tih tawp ang te, “Burma lam chhuak chu belhchian an dawl lo” han tih tawp ang te hi a fuh lo fo.
Similar Posts:
- Lengzem vrs Pathian hla
- Sual
- Ka vei zawng thenkhat
- Lengzem hla atan a ka duh dan!
- Khawi chinah nge ramri kham tur?
April 13th, 2009 at 9:30 am
“kristian rilru atanga phuah, mahni hmasial lo lengzem hla hi pung tawlh tawlh se ka ti khawp mai.” – Amen ! Zu in avanga ruih buai kher tum leh lengzem ngaihthlak/sak etc. vanga sual nia inhriat tlat hi huang khata luantir chi niin ka hria.
Report this comment
April 13th, 2009 at 10:36 am
Lengzem/love song hi ka rilruin a vei reng thrin.In huatna ni lo,hmangaihna thu mawi deuh a hla a an siam chhuak thei hian rilru a hneh thrin!A thluk a nalh phei chuan a boruak ah min hruia lut ve thei a, a sa tu in a thiam viau phei chuan kan lo tawnhriat te min hriat chhuahtir thrin!!Sual a ngaitu tan chuan sual ani mai a,mahse sual chu Pathian min hlattirtu a piang hi ka tan chuan SUAL a tling mai a ni e!!
Report this comment
April 13th, 2009 at 3:53 pm
Eizawn nana hna kan thawk ang hian Lengzem hla hmanga eizawng an awm a ni mai.An nun tak va teh nana hman kher a tul lo.
Report this comment
April 13th, 2009 at 4:10 pm
In buaipui ho e a..
Report this comment
April 13th, 2009 at 5:25 pm
Ka la hriat reng chu Pastor pakhatin nula pakhat a bialpan nupui a neihsan avanga intihhlum tum nen Pathian thua an inkawm thu a sawi a, intihhlum tum a tih khan kan nui huk a, mipui kha min hau a, “Nula leh tlangval inhmangaihna hian thih leh dam a hril asin, mi tam takin an intihhlum phah a ni, nui reng reng suh u,” min ta ta hrep mai a. Khata tang khan Love song te hi a lo ho lo, a lo pawimawh tih ka hriat phah hlauh.
Report this comment
April 13th, 2009 at 8:17 pm
‘Love Song’ – Hmangaihna or Hmangaih Hla.. A hming a tang pawh hian a mawi a sin. Sual lam a kawk lo. Lengzem kan tih hian a engemaw ti riau mai mai zawk lo maw? Englekhawle, kan rilru hi chu a zau tlangpui tawh chu a nia lawm, thangtharte chu. Tunah Kohhran Upa thenkhat, a fir zual tlem vang hian kan la free haih lo mai mai alawm. A fel vek mai ang.
Tuna Upa fet deuh ho hi demawm chu ka ti chuang miah lova, an thanhnan tlat tawh rilru, keini thangthar ten vawi leh khatah thlak thut thei tura kan beisei chuan kan tisual chhiava a ni ang.
Ka lawm e
Report this comment
April 13th, 2009 at 8:31 pm
Lengzem hlasak hi thrianho inkawm khawmna atante hian a thra teh asin,sual a nihna ka hre hauh lo va,miin a thlarau nun a chauh phaha a lo ngai aniha sak loh a thlan chuan ka dem lem lo,ka tan erawh sual a ni lo ve.
Report this comment
April 13th, 2009 at 9:43 pm
Epikurian leh Stoik (Grik philosopher trhuang hnih)-te rilru hneh tur khan Tirhkoh Paula ngei pawh khan Grik hlaphuah thiam, Kilikia thliarkar kilkhawr daiha teihawi ARATUS-a hla, LENGZEM akarah pawh an pathian Jupiter chawimawina hla thu ‘for we are also his offspring,’ tih kha a rawn thurchhuak hmiah mai a; a inthlahrung lo khawpin ka hria —SUAL (Grik HAMARTIA; fuh tur fuh lo; missing the target) lamah ngai lovin, a tum DIK TAK zawkah a rawn khawh fuh chat mai a ni (cf. Tirhkohte Thiltih 17:28).
Lengzem hian LENGLAI chauh hi min zem bik lo teh asin! Upa-te pawh hi a lo ZEM chiai chiai vek tawh —MISSIOLOGY-ah lengzem hla hmanga thalaite rilru Pathian lama hnuh thlen dan hi zir chian a manhla khawp ang.
Chhungkaw strict kara seilen hi a hahthlak asin; ka nau chiah hian LOVE SONG a sa lang lang lai ka hria a; ka pa hnenah ka hek a. Ka nau chuan tran a khawh ve hle, talhfiak a pumpelh theih nan!
“Aw Pathian samsuih ni thei ila …” tih hla kha a nia; inthlahrung miah lova a sak theih nachhan kha eng dang ni lovin, PATHIAN tih a tel vang kha a ni. Ka nau ngei chuan, “Pathian tih pawh a tel,” tiin explanation call-ah a insawifiah!
Report this comment
April 13th, 2009 at 10:33 pm
Kan ngaihdan a inang riau mai. 2006 ah khan Lengzem Vrs Pathian hla tih ka post tawh a, i post nen hian a in zulzui khawpin ka hria.
Report this comment
April 13th, 2009 at 10:50 pm
Lengzem hla hi in hmangaihna thianghlim tak atanga phuah a nih chuan sualah puh chi ni lovah ka ngai ve bawk. Mahse Krstin kan nihna angin kan thinlung chhungril luahtu erawh Van lam hla ni rawh se. Sawi zau hret ila heavy metal angte poh hi in ni ve emaw keichu ka resist thei lo, thalai nih lai chuan tuina lam te ni bawk nen, sual tiah ka inngai hran lo. Pathian hla kan ngaithla lo ta ni lova. Ka ngaithla chhunzawm zel bawk ang
Report this comment
April 13th, 2009 at 10:55 pm
Mipa nep ve takin nupui tha deuh an nei ka hmuh hian, Pathianin kha mipa kha a hmangaihzia a tarlangin ka hre tlat. Amah buaipuia enkawl turin hmeichhe tha tak hnenah ‘life-time appointment’ a pe top mai a nia……
Report this comment
April 14th, 2009 at 12:50 am
comment no 9 a dik khop mai. in thil ngaihtuah a ho!!!!!
Report this comment
April 14th, 2009 at 12:55 am
sei zek lehnghal a, KL liana ziah te ani hial lo maw
Report this comment
April 14th, 2009 at 1:07 am
mi pangngai zingah hian mittui tla lo a sawi thei kan awm a ngem le?
Report this comment
April 14th, 2009 at 1:30 am
wonderboy, keimah heta hi ka awm e… voikhat mah nula ngaia la lungleng lo val
Report this comment
April 14th, 2009 at 1:33 am
funny ka hriatsual loh chuan KL tih hi hmanni V.I.P tih tunge mawni ron post ziaktu KL Biakchungnunga kha niin ka hria, a nih chuan ka mi ngaihsan zinga mi ani. Ka ngaihsan vang chuan eng teh lua chu a nih belh phah lem chuang lo ang
Report this comment
April 14th, 2009 at 1:36 am
vawikhat mah nula ngaia la lungleng ngai lo val chu..hahahaha
Report this comment
April 14th, 2009 at 1:39 am
zodika13, nula pawh ila ngaihloh chuan i thih hunah Pawla’n a sai dawn che nih chu
I to loh vang zawk ani lo maw. hehehe
Report this comment
April 14th, 2009 at 1:48 am
ammi leh funny,
ngai tih hian thil tamtak a lo mean a nih pek roh hi le
Report this comment
April 14th, 2009 at 3:05 am
Teh duah zel chuan leh! Hei chu mimal ngaih dan
Report this comment