Camping han tih hian chhandamna camping, revival camping tih te leh ruihhlo ngaite pual camping te kan rilruah a lo lut hmasa ber thin awm e. Tun tum chu Kohhran lam nilovi a YMA lam zawngin i han sawi dawn chhin teh ang.
Kan khawtlang nun mawi tla hniam ta lutuk; naupangin aia upate zahna tlachhamte, thalai hna thawh tum miah lo te,nula/hmeichhia hnam mualphona ngaihtuah miah lo te leh nun dan mawi hre lo hrim hrim te pawh kan tam ta.
Heng hi a chhan tam tak a awmthei ang, then khat chu an sen tet atanga nauawmtute kuta an dah, nundan tha engmah zirtir lohte pawh an ni thei, thenkhatte erawh chu an nu leh pa ten an zirtir loh hrim hrim pawh an awm ang, mihring hi sual tur emaw tha turin emaw a hranpain an piang ngawt lo, zirtirna kan dawn loh vang te leh kan environment te hian nasa takin min thunun thin a ni.
Heng a chung a ka han sawi tak harsatna tam tak te hi pumpelh emaw, a siamtha turin emaw YMA hian camping hi buatsaih sela a tha viau law’ng maw tiin rawtna ka han siam a ni. Kohhran mal pawhin camping chhawng 4 chhawng 5 an siam theih chuan Mizorama pawl lian ber YMA hian eng vangin nge a siam theih loh bik lem ang ni. He camping-ah hian Mizo takin thil kalpui ila, kawng hrang hranga thalaite mawhphurhna te inzirtirin hnam anga kan dinchhuah theihna tura hma kan lak dan turte inzirtir ni sela, kan mithiamte sawmin an paper ziahte zir ho ila.
Hetianga kar khat emaw a aia rei emaw ram leh hnam tana harhtharlehna camping kan neih phawt chuan kan thalai tam tak hna thawh tum lo leh ruih hlo khawih a tal mai mai ho hian ram hmangaihna rilru puin an nun an sim thah anga, eiru thin ho pawhin ram pawi an sawi a ni tih an hria anga, zirlaite pawhin an mahni leh an chhungkaw tan chauh nilovin ram tana inpek duhna rilru an pu ngei ang.
A chhe tawh hnu siam that tuma Deaddict centre dina sum tam tak sen ai chuan a tha lai te tangkai lehzuala chher tura hma lak te hi a trul tawh zawk em (hum sual dai te hnuchhiah si lovin). Kan ram hi hmangaih ila, hei lo hi chu ram dang kan nei tawh dawn lo, kan ram a boral chuan keimahni pawh kan ral thuai ang. Sawi tur tam tak a awm, a sei lutuk dawn e, ka han sawi takte aia tha a rawtna leh ngaihdan nei pawh tamtak in awm ang, eng tiangin nge kan ram tan hian hma kan lak ang le?
Similar Posts:
- Combined Post – 3 in 1
- Camping leh crusade rau nge Thlarau thianghlim?
- Harold Camping a hawihai
- Synod Revival Camping Centre
- In run thu leh Piracy Chungchang
April 22nd, 2009 at 12:10 pm
Tha viau mai thei.YMA in camping kan buat saih fo thin a,mahse chhandamna camp hlir ani,ruihhlo etc a fihlim lo te tan kan ti ber thin.Tun a rawtna ang chi hi a tih chi khawp chuan ka ring,mahse a hlawk kan ti ang em, a nawlpui hian?
Report this comment
April 22nd, 2009 at 1:07 pm
Heti zawng hian kan sawi daih teh ang, Camping hrim hrim hi athalo chu kati lo, mahse engatinge Camp ah kan luta, reilote ah ka DA leh ta kan tih leh thin, hanti ve khanglang ila, foreign ah hian Chhandamna Camping hi an siam thawm erng reng hi kala hre fuhlo, ka hawi zim deuh vang te pawh a niang, hman deuh khan ka thianpa Justin, (USA) ami chu ka zawt tawha, chhandamna Camping an siam ngailoh thu in min chhang. mahse Music Camp te, Summer Camp te leh Winter Camp erawh chu an nei ve thin.
Engpawh nise kan ram Mizoram ah ngei hi chuan hei aia tha chu kanla hmuchhuaklo chu a ni lawm ni?
AIDS awareness Campaign te kan neia, ruihhlo ngai te kan fuankhawm vak a, atha e, amaherawh chu naupang zawk te tan hian tun aia tankai lehzuala thi fi thin hi atha awm hle mai.
Report this comment
April 22nd, 2009 at 1:27 pm
Kan Zonunmawi chhawm nun zel nan a camping siam rawt duhna lo chhuakta chuan ngaihtuahna avan ti thui deng deng ve le ! Ania sin, YMA te hian tlawmngaihna hi kan inzirtir tahw lova, politics rawngkaiin min YMA pui ve ta mei mei ani.
In evng YMA theuh kha han en la, tlawmngai, aia upa zah turin emaw thu an sawi angai em. Chutiang chuan hma an la em? Minhnawhchhuah leh mi vuak vel mai mai ah an tui a, CYMA lama luh tum phetin an buai ta maia ni hi ! YMA HRUAITUTE U HARH TEH U ! Ka ti lutuk em aw !
Ka lawm e
No offence!
Report this comment
April 22nd, 2009 at 2:55 pm
Chhandamna camping a kan Pianthar rei theih loh chhan in hre duh a mi?
Camping buatsaih tute hian hlawhtlin loh an hlau em a.. In hlan na hmun an siam thul, inhlan ve thei lo anlo awm pawn, “tun atanga rei lo te ah i THi thei a sin, i thih chuan meidil ah i kal ngei don sia” etc. etc. an ti thla zen a.
inhlan tir hi min tum em.. chuan camping chhuah ah an camp buaihsaih kha hlohtling ta em2 in alo lang ta ngei bawka, anmahni pawn hlotling ah an in ngai tel ve leh mai bawk. Mipui te an bum bakah an mahni pawh an inbum zuk ni reng a!!!
Report this comment
April 22nd, 2009 at 3:11 pm
Ngaihtuahna a ti thui hle mai.
Aia upa kan zah tak lohna chhan hi – i sawi ang hi a dik khawp mai. Chu bakah, sorkar hna kan thawk a, aia upa Peon kan nei ta te pawh hi a ni tel ve thei ang em! (haha!) tin, chu lovah, nu leh pain kan inzirtir loh bakah hian, khawtlang inzirtirna hi a awm ta meuh lo. Kan thalai, pawn chhuak thinte hi thawveng tak tak kan tam ta a, a chhuak lo lah mahni In lumah, computer kan bih ngut ngut a. Hengho hian an chhiar tur a tam thei ang ber ziahte pawh hi a hlawk ngawt chuan ka ring.
YMA chuan camping chu han siam sela, inhlanna hunte pawh siam a ngai lo anga. Kan inzirtir nak nak chuan, inzirtir loh ai chuan a sawt ngei chuan ka ring. Thenkhat sawi ang hian, kan hruaitute hian ‘hotu’ emaw an inti fo a, YMA hruaitu nih tak avanga khawtlanga Power nei ta viaua inngaite pawh awm theih a ni bawk. Member te mai hian Camping kan mamawh lo, hruaitute pawh hian hruaitu an nihna zawnah hian camping an mamawh lutuk niin a lang
Tin, hruaitu thenkhat hi chuan hruaitu nih rei an chak hi a mak ka ti. Hruaitu ni rei Chawimawina kan siamte hi a tul lo ka tih ber zinga mi a ni. Hruaitu chuan a hruaitu nih chhungin member ‘mai mai’ te kha hruaitu ni tlakah a chher tur ni awm tak a nih laiin, midang hruaitu ni tlak ve awm tak lo awm vete kawng an hnawhping rei thin lutuk a, hei hian kan YMA hi a tichhia niin ka hre ve deuh bawk.
Report this comment
April 22nd, 2009 at 3:35 pm
@ Triplestar:
Ka vei zawng tak i rawn post a, ka lawm hle mai. Kan ‘social transformation’ zir chiang tur, Social thinker hi kan mamawh hlein ka hria. Aia upa zahna kan hloh tial tial pawh hi kan socio-political transformation-in a hrin chhuah niin ka hria.
Tun hmaa Mizo Social Structure kha ‘Pyramid’ ang deuh a ni. A chhipah lal a awm a, a dawtah khawnbawl upa leh val upa, a dawt lehah tlangval leh pa ho, a mawngphahah naupangho an awm. 1946-1956 chhunga Mizo Union hmanga Political Revolution khan he kan structure hi kan thinlungah a nuai thlu sawp chhe vek a ni. Engtin?
Lal ban an duhna lutukah khan naupang an fuihpawrh a, lal in te lungin an deng a, lal te kha an au nawmnah a ni. Pukpui lalpa Taikhuma an auh nawmnah dan phei chu, tlangval pakhatin, “Tunge hmai hlai ber?” a tia, naupangin “Taikhuma” tiin an chhang rual dual dual a ni. Lal ber khatia an auh nawmnah ngam tawh chuan, kan Social Structure-a a chungnung ber lal an zah tawh loh chuan, aia upa satliah zahna chu bo lo thei a ni lo.
He Political Movement hma lamah hi chuan Mizo te kha sipaiah pawh, zirnaah pawh a chungnung pawl, hotute mit tlung, hotute duhsak an ni deuh vek. Non-commissioned-a sipaia lut pawh Honorary captain, Subedar Major tih velin an pension a, Commissioned officer pawh Captain, Lt.Col, Major, Brigadier, etc. an ni fur.
Lal ban political movement hnu lamah chuan, Mizo te hi sipaiah pawh, zirna lamah pawh hotute zah thiam lo, huaikawm bawl kan tam ta mai. Kan thinlungah hian ‘Social Structure’ mumal tak kan nei tawh lova, chuvangin, aia upa zahna pawh a bo ta tial tial a ni.
Engtin nge kan thinlungah hian Social structure thar kan din leh ang? tih hi ngaihtuahna hmang hote chuan kan ngaihtuah tur niin ka hria.
Report this comment
April 22nd, 2009 at 6:18 pm
Gospel camping hi kan ram ah chuan pathian hman rua ani a, a hloh tling lo kan ti ngot theih lo, eng kim hi ram dang leh hnam dang tih dan nen kan compared thei bok lo. camping chhuak da leh te hi kan hre tam hlur a, a kal tluang leh tun thleng poh a kohhran a in hmang zui a, nupui fanau te nen a om hi kei chu ka hre hnem mai, a then te phei chu synod revival speaker ni hial poh ka hria. a hloh tling lo kan tih hian tukverh pakhat chiah atang in kan en thin vang te poh a ni mai thei.
Tun a YMA Camping tih hi kei chu tha ka ti, a voi khat naah chuan a hloh tling lo poh a ni thei, hloh tlin hun chu a la om tho2 ang, beidawng lo a kan tih tang2 chuan tih hi ka rin dan a ni. school cholh lai te hian siam ziah thei se a tha ngot in ka ring. thil tha hi kan beng ah lut tam se, zom hun a om nge2, he yma camping ah hian engkim mai hi in zirtir ne se a that ka ring, faina chungchangte, bawlhhloh a hmun a peih tur a in zirtirte, kan kuhva ei sen em2 mai te chak mai2 loh te, chi nei te hi bang a tat2 mai2 loh tur te thleng hian in zirtir thei ila… tiang a kan tih chuan kan in zirtir tan a tang a kum 5 ah chuan a hlok na eng a mo tal chu kan hmu hrim2. lehkha kan chhiar hian kan lehkha chhiar zong2 hi kan hre vek kher lo, mahse kei mah ni ah be chin, hriat chin kan nei thin chu chuan kan nun kong min kai hruai in, chu chu a hun a kan hman tang kai thin a ni si a.
Report this comment
April 22nd, 2009 at 10:08 pm
Sikul thaah chuan MEPH (Manners, Etiquette and Personal Hygiene) hi subject pawimawh ber berte zinga neih —academy-a bet tel tlat, chuta kan mark hmuh pawhin result a khawih danglamna khawp hiala pawimawh lutuk a ni.
Mussolini khan, “Catch them young,” tih thupuia hmangin naupang innocent tak tak rawn zichhuakchho tur a hrual fel hma a. An sawtpui khawp; an NAUGHTY fe tawh hnua hrual leh ai chuan dang tak a ni. Kan Zoram institution-ah reng reng MEPH an lak urhsunna ka hre lo va (ka melh zim a ni mai thei); tin; Camping pawh a chhe tawh tuam dam tumna lamhawi vek a ni tlangpui.
Khawvel pawh hi a harhchhuak tlai a; thalaite hman tangkai hi Indopui Pakhatna atang vel chauh khan a tulzia an hrechhuak a ni. Khami hma lam khan rual u deuh vekin mawhphurhna an hauh kim thin.
Zoram-ah Camping kan sawtpui a nih chuan kan kal dan pangngaia ti tawk la awm zui zel se; duhthawhna huang dang atangin YMA Leaders-te pawh ZO NUN MAWI piah lama NUN MAWI, zir belh ngai ang thil hi chu an inzir belh ngai hlein ka hria. Kan khawtuala zei tak pawh; kan han thleng hla telh telh a, kan khawtuala kan zei ang ngawt kan lo ni rang khawp mai.
DON’T ti ringawta inzirtir hi ka hne hle a; DO’s tam tak, Zofatena kan zir belh tur hi A TAM THAM a ni. Chutiang hria, vision nei thui LEADERS tur chu kan mamawh, kan inhmu zo lo achha chu a ni ta!
HRUAITU NI REI chawimawinate hi ka kham hret; HRUAITU THA chher chhuak rang thei Hruaitu hi chawimawi phuin ka hre zawk. “Kan Veng tihdan” tih sek te hi thanmawhbawk a ni.
Excursion-ah naupang leh zirtirtute an kalho fo; table manner inzirtir tur chuang awm lo te kan ni zauh zauh fo. Sikul-ah te pawh hian thirfian leh thirkut hum dan; chaw ei dan hrim hrimte pawh hi inzirtir ve vek tawh se … dailuah kutbawra chawm kawi hluah hluahte hi ramri pawn lamah chuan a zahthlak. Kan National Flag hi Saffron (Dal), White (Bhaat) leh Green (sobji) mah ni se … Indian nih dan chintawk thiam tur, Ram dang danga che thiam bawk turin TRAINING chu kan lak thar ngai viau turah ka ngai. Manners leh Etiquette hi a bulthuta pawimawh hmasa a ni teh a nia!
Report this comment
April 22nd, 2009 at 10:12 pm
Lily_Parmawi hi ka rilrua awm leh ka ngaihtuah, ka sawichhuah fo thin i han sawi leh tlat mai….iti lawmawm e. Chhandamna Camping hi kan addict tawh hlawma a khat tawka kan neih loh chuan kan chiri dawn tlatin kan hria niberin ka hria. Mahni fate pawh enkawl tha hlei theilo, mahni fate sual hmuh kana thenawmte fa sual vei tlatho hian Camping chu an addict chiang khawp mai….Nia, camping ah hian mahni Veng Kohhrana tantu dinhmun pawh chelh pha meuhlote hian misualber ini minlo ti a, kar 2 chhung vel “brain washing” an han bei tak taka sual ber emaw kanih kan inti nghal a, Revival Speaker ho min zirtir hlawhtlin zingah chuan Kohhran Upa leh Pastor te chu kan hmu ro em em tawh mai ani. Chuvangin kei chuan Chhandamna Camping hi chu kan ti zing lu lai tawh em mai a, kum 20 vel chu chawl ila atha in ka hria. Tin, kan YMA hruaitute pawh hian mahni kuanglo hi an nawr peih lutuk ta deuhin ka hria. YMA hi stepping stone ah hian an hmanga an hruaitu tam zawkte khu chuan an thlen san phah em tawh khu….sawi tam tlak pawh ani love
Report this comment
April 22nd, 2009 at 10:19 pm
bawngkuaivuna… i rilru a lo in an chu … hehehe fiam thu..
Report this comment
April 22nd, 2009 at 10:24 pm
Thlarau dawn lohna camping, intih piantharna rei lotea lo pianhluina hi chu kal kal loh tur. van thlarau thianghlim hi kan dawng tak em? Bible mi ang ngeiin kei mahni ah prove a awm em? tui ah leh Thlarau ah an pain thar loh chuan pathian ramah an lut lovang tih Tu thu sawi mah ani lo, ISUA thusawi (Comment) ani. he thu lo chuan tumah vanram an lut dawn lo kei pawn ka ti ve Isua thusawi ka trawm pui..
Report this comment
April 23rd, 2009 at 1:06 am
Thlarau mi em em —khawtlang leh ram tana eng ni vak si lo hi an awm nual tho mai!
Report this comment
April 23rd, 2009 at 1:11 am
Triple Star rawtna chu, kei tha ka lo tih pui khawp mai. Kohran in Thlarau Camping an buaipui hi a that rual rual in, YMA Camping emaw Boy Scout camping ang hi chu Tleirawl leh thalai tan thil that tak a ni in ka hria. Puan in ah riak in, ram ah awm dan te zir thei se, chuan skills – cooking, swimming, star gazing, hiking, knots, cycling etc ang reng honors te an neih rual in, Mizo tlawmngaihna leh mizo mizia mawi inzirtirna hun ah hmang bawk se, discipline khauh tak nen, naupang ho tan thil tha tak a nih ka ring. Thlarau leh Kohran camping hi chu Spiritual lampang deuh hlek a ni ta a, hetiang ang YMA camping ah hi chuan, tawngtai te leh thlarau thil dang in zirtir rual in, Physical fitness – hiking, swimming, etc leh Mental fitness – star gazing, geology etc te huam tel se, thalai in an hlawk pui in, nuam an tih ve viau ka ring tlat a ni.
Report this comment
April 23rd, 2009 at 1:26 am
@Zopatriot : I blog-ah hian Pasighat i tarlang a; ka lung a tileng mang e. Khilai hmun vel khi ka tap hrep tawh a; East Siang District velah khian.
Tin, i rawn sawi kai Scouting Movement hi sikul tina introduce chi a tling khawp mai… khawvela Youth Organisation lian ber a ni a … ka kalna ram apiangah hetiang lam mi hi ka zawngchhuak ziah thin; harsatna tam tak ka pumpelh phah ziah.
Mizoram-a sikul tinah khan Scout Master tur leh Guide Captain tur pakhat ve ve State Training Center, Tanhril-ah training la se, mahni sikul theuhvah naupang 33 vel ve ve Scouts leh Guides Unit an din thei a … inzirna leh syllabus an nei changkang a, khualehtui hmantlak leh mahni intodelh thei an nihna tura Organisation rintlak ber an ni. J. Buana hovin kan bei chiam ve tawh bawk. Scouting vang hian khawi hmunah pawh ka tlangnel vek zel —i rawn rawtna hi ka pawm khawp mai. Tunah pawh Boy Scout of America handbook chi thum lai hi (tar zur tawh mah ila) ka kiangah hian keu mai theihin a let reng. Scouting skill-ah ka mikhual lo khawp bawk.
Report this comment
April 23rd, 2009 at 1:55 am
YMA chhang tih angreng kha kan nei thrin kha ania,engvanga titawp ta nge an nih le aw,a hre deuh kan awm em? kei a thra riauvin ka hria,inzirtirna a thra thrin a,mi kan inpawh phah a,YMA nunchan zir lawkna a nih na laiah awmdan tur kan hriatphah,hruaitu inchher puitlinna atan pawh a thra awm hlein ka ring.
Report this comment
April 23rd, 2009 at 2:41 am
YMA Br hi 800 vel kan neia Br tinin Tin3 hmun aia tlem lo ram bua leh chhe deuh ah YMA Park nei vek ila Tin 2500 hmun NGAW hring dupah kan siam ang …… Aw ka nghakhlel chung hun thlen chu
Report this comment
April 23rd, 2009 at 2:42 am
Thlalak post dan min han hrilh ru YMA Park thla ka han post ang
Report this comment
April 23rd, 2009 at 2:54 am
@mzvision : hotute hi an reh hmel e mai, kan lo hrilh mai ang che
https://misual.life/2007/02/03/picture-post-dan/
Report this comment
April 23rd, 2009 at 2:56 am
@mzvision : ka comment a in moderate daih
how do I? khi tlik rawh…
Report this comment
April 23rd, 2009 at 10:12 am
A hmasain YMA hriuatute hi an inchherhriam hmasat ber a ngai a, hmanlai ZAWLBUK hunlai ang a, thalaiin dan leh thuneihna sang tak an kenkawh ang khan tunanglaiah chuan a rem tawh lo a. Sawrkar dan leh hrei kan nei tawh a, titutur police, excise, CID, etc.. heng hi kan nei tawh a, an ni ho hi ring ngam i la, a tul dan a zirin an hna an thawh thatna tur a lo nawr leh mi tamzawk sawrkarin lakbelh tur a lo nawr ang chi te chu ti zawk choh ila.
Thangthar hun inherdamlam zel angin kan Mizo culture pawh kan herrem loh chuan ka buai kan buai fo ang. Ram leh hnam tan kan thawk emaw kan tih laiin ram leh hnam tih hmingchetu leh ti changkanglotu a ni zawk hlauh thei.
Sociology & science, psycology,etc.. heng course te hi YMA hriautute hian zir thei se, duhthusam phei chuan tiang degree la hi ni hlawm se. MYA atang heng subject zirtur bikte inthlangin YMA hian chawm se, kan society hi chiangtakin han zir chiang se, tha takin mithiam inzir bikte’n min han hruai se chuan tunai hian nasa takin hma kan sawn ka ring tlat.
Kan kuanglo kan nawr nasa lutukte pawh hi kan society leh kan tihawm kan hriatchian tawkloh vang a nia. Tin, hmanlai ZAWLBUK inkaihhruaina ang kha hmang kim tak tak siloin, peih tak tak bawk siloin kan awm a, kan rilruah khawtlanga misual, rukruk hmang, drug zuar/vei,etc.. ang chi hi kutthlak ,zilh hau, man, hnawhchhuah, etc.. theihna la nei tlat angin kan la in ngai hi kan hnam tihmingchetu leh unau in pumkhatna daltu lian ber a nih phah ta a nih hi.
Report this comment
April 23rd, 2009 at 10:39 am
Chimral kan nih lohnan thil te tak te2 a tran phawt hi a tul a e.g mizo nawlpuite kan attitude hi,politics te hi engatan nge kan tih ber? kan party an tlin chuan kan khawsak a zia awm ang tih lampang deuh hlir..tin, moral reformation hi a hniam ber a tangin a ngai 9-5 job te hi labour emaw officer emaw tan pawh 9-5 a ni tops tur a ni dar9 a thlen a inzik mar kual a dar 10 vel a thoh tan chauh leh dar 4 hma a inseng hawi a 4;30 a haw inpeih at te hi a ni thei thlots lo 9 a thok tan at tur a hma a kal a 5 thleng thoh a insengkhawm tur ni awm tak hi Burma lam unaute leh Patharkandi hoin min tih khalh miau si chuan engagnge min chimral loh ang.
Report this comment
April 25th, 2009 at 12:21 am
Comment No 6 khi a tha thlawt…
Report this comment