Mizo ten a Romei kan tih hi Mimkut thla ah thlasik kawng sialtu ang maiin a zam thin a. Fur-khaw-thiang atanga vawkhniahzawn thla (August) alo in her chhuah hian, ram hla hmuh theih loh in Mizoram chungah a zam vel chuai thin. Hei hi Romei tih hming kan pi leh pu ten an lo phuah a. Tunlai thangthar te hian kan khawthlir hliah thei thlasik tiau chhum taidarh te, lo hal khu in a bawh chuk te leh lo hal khu cham bang thalruah tlen fai loh, thli ina a len kual khaw hawi dal tu te pawh hi Romei kan ti ta zel a.
Romei kan tih hi hunbi nei deuh hian kum tin khel lovin kan Zoram tlang nuam hi a bawh ziah mai si a. Engtia Romei hi lo awm nge niang tih chhui chian i han tum teh ang -
1) American leh German scientist ten Indian Ocean chungah thlasik laiin chhum buang USA ram pum tiat vel hi a awm ziah a ni tih 1999 khan an hmuchhuak a. Thlawhna, lawng, baloon, satellite leh khawmual atangte in an han zir chiang a. He Romei hlawm lian tak hi Indian Ocean atangin India ram hmarchhak hrutin China leh ASEAN ram te tuamin thlasik thli in a chhem kal thin hi a lo ni a. Thal leh nipui chho ah kawng ngai a rawn zawh let leh thin.
2) Lo hal meikhu hi boruak ah a in chapdarh a, vansang tak nilovah chhum angin a insiam a, ram hla en theih lohin khaw hawi a hliah ta thin a. Fur ruah tui in a tlen fai hma chu kan ram chungah sang lem lo takah an leng kawi ang leng kawi thin a ni. He Romei hi chu kan lo hal te hi ti tawp ila a bo mai tur ani.
Heng Romei hian ni eng leh zung a hliah tlat a, chu chuan kan thlai thar te a ti hlawk lo a, ruah tui tla pawh a ti tlem thin. Mizoram scenery mawi tak nalh taka thla la tur chuan Romei zam loh lai chan a ngai thin. May 9, 2009 khan Muthi tlangah Aizawl chhuahlam thla lak tumin ka kal a, Romei zam paw chuk avangin thla pawh ka la mumal thei ta lova. Romei hi ngeiawm kan ti khawp a. Mahse kan hlaphuah tu te chuan “Romei zam hian lung a va ti leng em” an ti ve lawi a, a then in “Thal khaw Romei zing riai karah, a lang e chhai lai Di lenna” te an lo ti ve bawk a. Chutih laiin mithiam thenkhatin thawhah (asthma) natna siamtu ah an lo puh ve bawk.
Romei hi khawvel pawhin an lo buaipui nasa hle. Saptawngin Haze te an ti a, Smog te pawh an ti bawk a, black carbon concentration ti te pawh an awm mahna. Chutih laiin scientist rual kal khawm te chuan Asian Brown Cloud an lo ti ve thung.
Fur-khaw-thiang
Romei Zam
Muthi atangin Romei karah
.
Similar Posts:
- Suihlung Len tu
- Ber thla romei zam
- Chawhpawlh
- Han Thlir Teh U Romei by Saihnuna Fanai Lêng Lal
- Thli hi in hlau ve em?
May 18th, 2009 at 7:39 pm
A bengvar thlakin a hmuhnawm bawka, lung erawh a leng vawng vawng thung anih hi.
Report this comment
May 18th, 2009 at 8:20 pm
Chhum chi hrang hrang kan zir thin te pawh min ti hrechhuak rum rum alawm le, mizo subject ah khan. Romei hi a lar in lung a ti leng deuh ber ni awm tak a ni a, hla thu reng ah pawh kan hmu tam e mai. Mahse, kan hriat ngai loh lam i rawn thurchhuak hi a bengvarthlak takzet.
Milem te lah chu lung a ti leng em em mai lehnghal a, khaw lum tak hi tlanchhiat sanin, romei zim chik chek hnuaiah awm mai mai a va chakawm deuh ve le..
Report this comment
May 18th, 2009 at 8:26 pm
i post chu photo edit na software fakna atan before & after tih entirna emaw a nih duh hmel hle mai.
Lo hal khu hian ruah a siam emaw ka lo tia.
Kan romei hi chu a la hrisel deuh em, carbon dioxide an ti a emaw ni hi a tlem deuh em, Delhi ah chuan nikhat nileng a chhuah chuan hnar kua a dup vek thei an tia , tin romei hian humidity chu a siam vak lo in ka hre ve.
Report this comment
May 18th, 2009 at 9:13 pm
hnar kua a dum vek thei i tih na ah ngai ila, a dum vek ka la hre lo …..midang a dum te anih chuan ka hre lo a
Report this comment
May 18th, 2009 at 9:23 pm
Tunhma kha chuan romei hi thal ah a lang thin,fur a zo a,romei a lo zam chiai mai a, khawhmuh a thui thei lo,chuchuan zofa te thinlungah lunglen muhnu a kaitho thin…”Thal romei a zam kai chiai e,lung min len zual an ..” an lo tih vawng vawng thin kha!! Pic. mawi tak kan tih te pawh hi a changchuan a lang fiah lo zawk, suangtuah zui ngai, mit thla a cham,nunhlui min ti ngai tu an ni zawk fo thin a sin. Lianchhiari pawh khan a duhlai hliah tu kha, “Thahnima hliahtu kha, kiang rawh aw thingrihnim”a lo ti hnap reng a ni.Romei, a hming ringawt pawh hian lung a va ti leng ve le!!!
Report this comment
May 18th, 2009 at 9:45 pm
@ fonzcsailo i la kawm chhin lo a nih chuan i chhuah leh vel ah i kawm chhin dawn nia.Lolz
Chuan in ti spy tak in, taxi leh metro ngawt in ami i kal, an sawi dan chuan bus leh rickshaw a kal in a ni duh a ni awm e
Report this comment
May 18th, 2009 at 10:19 pm
ka kawm ve deuh zia, taxi chu ka kal ngai lo, auto leh bus ani mai, a dum vek ka la hre lo nge ka la awm rei loh vang
Report this comment
May 18th, 2009 at 10:34 pm
@Fonzcsailo a ni tawh mai thei CNG deuh vek an hmang tawh an tia. Engpawh nise mihmuh loh ah han kawm tawk leh chhin ta che lolz
Report this comment
May 18th, 2009 at 11:27 pm
cng hma leh hma loh pon hmai chu a bal thei hle…lolzz
Report this comment
May 19th, 2009 at 7:55 am
kan comment chu a Romei raih raih hle mai
environmen lama activist cho chhuak turin Aryan a hian han vaw hawt se ka tih-teh-reng nen. Spikey nen han inhriat siak sela or mkima leh chawnghil an theology lamah han hrut sela literature lamah aputea leh zorunpuia leh kawnga te han che sela XaiA leh Epis te’n pix in min han hrilh-fiah sela chung pix chu father_sphinx thru a zehluh mai tur ania a phal chuan
Report this comment
May 19th, 2009 at 11:40 am
Romei hi kan thu leh hlaphuah tute hian an va han bel fuh thin ve awww
“Romei zamin tlangtin mualtin
A bawm chiai e lunglen nan”
Phuahtu ; Ch. Malsawma Satu : C. Vansanga
“Romei zam leh chhum zing te pawh
An kiang thin e thalah
I zun erawh kumtluang chenin
Kian ni a awm dawn lo”
Phuahtu ; F. Rokima Satu : F. Zothanpuii
“Awm kawhar lenkawl kan han thlira
Tlang a lang romei a zam karah
Tah te khian laitual a leng ang maw
Hmanah suihlung rualpui kha dawn ve maw”
Phuahtu ; Vankham Satu : Vanlalruati
“Han thlir teh u Romei zam karah hian
An lenna Zion tlangah khian
Tual an leng e lungrual takin
An ngai love chul hnu he lei ram hi”
Phuahtu ; Saihnuna Leng Lal Satu: Siampuii Sailo
Report this comment
May 19th, 2009 at 12:17 pm
Aizawl ah pawh Romei awmloh lai pawhin Romei pakhat chu Regular takin Daily in a chhuak thin. he..he.
Romei hi buaipui tham a ni, Example : Putar pakhat zing nilum ai pawh hian an Ral hlafe a Romei zam chiai chu a thlir dauh dauh a, a puan ven(Bih ni lovin) karah a Sazu a lo lang a ni awm a,
A Tu te ho chuan chu chu hmu in “Ka pu.,kha i sazu a lang” an han tih pawh chuan, a ni Putar chuan “A lang lo ve…Romei chhumin a bawm” a ti e an ti.
Chuvangin Globalization humidity kan buaipui ta, mitinin Romei a tam lohnan Meizuk i sim ang u..kei tih loh chuan.
No Objection.
Report this comment
May 19th, 2009 at 12:40 pm
Thildang daih, Romei tih chanchinbu kha a la awm em?
ok. ka hmu leh si. A hma comment ah hian.
Kan in chhang mai nge.
Aw, a la awm e
Report this comment
May 19th, 2009 at 1:20 pm
Romei Editor hi Robert Lalchhuana ania veteran journalist a ni. Khai hla mawi ber kan missed trep chu le
“A khi chhak Zo bawm
Romei zing riai
Zo khawsang lentu chawi velah khian
Thriah loh buk thlam ram
A ding liai e
Chhawl thing hnah nem te’n
Bawm chi chiai e”
Phuahtu leh Satu ori : Zirsangzela Hnamte
Satu dang : Remkimi Chrpoot, Lalhunchhungi etc
Report this comment
May 19th, 2009 at 2:14 pm
@mzvision ka hrethiam a che. Misual lunglai kuai deuh tura ngaih topic han buatsaiha, tum ang he hu-a feedback (comment) a awm leh si loh hian rilru a nuam lo duh thin. Nia, Pu Chawnghilha pawh hi duh ai chuan min bosan rei ta niin ka hria, a thangna chin hria lah kan awm der si lo. Ani hi a lo damlo reng emaw ni dawn ni?
ROMEI hian Mizo literature-ah hmun pawimawh tak mai a luah tlat a, hranghlui ten lunglenthlak hmel takin hla-ah an chawi thin. Keima mimala a thawh dan chu, a eng teh ual lo. Romei zam hun hi ka lunglen lai nen a inrual lo nge, ka lung a ti leng hran ngai lova. A dik tak chuan ka lung a ti zing thin zawk mah. A Romei tak ni lo, a hming te hian ka lung a ti leng zawk mahin ka hria. Engemaw tak hian Mizote min hneh ve tlat. Kan hranghluite thu leh hla vang a ni ngei ang. Romei zam lai hi chuan han hawi vel ila, engmah hmuh thui theih loh, a paw chuai vek ringawt mai a. A thaw-i-pik ka ti tlat nia. Romei hi hming hi awm reng se, Romei zam erawh hi chu Fur ruahtui hian tleuh fai thuai se ka duh zawk mah.
Thil dang ka ngaithuah phah daih…Zochhumpuii pa Lasi thawnthu vel khan kan Rawlthar nun kha tum khat chu min run ve tawh a. Nuihzatthlak ang reng asin. Ka thianpa nen zanah kan chhiar thin a, a tukah kan ramchhuak ve leh ringawt thin. Ral khata ramngaw lang paw ruih mai te khan lung a ti leng a, Lasi te pawh awm turah a ngaih ve theih rum rum thin avang khan kan phur ve em em thin. (Galaxi tih vel te ni tain ka hria, Lasi hming kha…) Zochhumpuii pa kha awihawm hauh si lo, mahse ngaihnawm tak khan thawnthu a ziak thiam a. A plot a fuh em em thin. Mahse, writing skill lamah a sang bik lova, a tawngkam ngaite hi a hmang hnem deuh thin tih tun hnuah ka hre ve chauh. Tun hnai lawk khan ‘Kumtluangin Aw’ tih a ziah kha ka chhiar leh a, ngaihnawm ka la ti reng. Mahse, ka mit ti kham deuh thil erawh a tam deuh ta.
Report this comment
May 19th, 2009 at 2:39 pm
“Mizo ten a Romei kan tih hi Mimkut thla ah thlasik kawng sialtu ang maiin a zam thin a. Fur-khaw-thiang atanga vawkhniahzawn thla (August) alo in her chhuah hian, ram hla hmuh theih loh in Mizoram chungah a zam vel chuai thin. Hei hi Romei tih hming kan pi leh pu ten an lo phuah a”
Mimkut thla hi Mizoram Calender ah chuan September a ni. August hi Thi Trin thla a ni a July erawh Vawkhniahzawn thla a ni daih. Hei hi a dik zawk ania aw @Mzvision.
Romei hi Khasi te, Garo te, Assamese te, Naga te, Meitei te leh Arunachal ho leh Burma lam unaute te hian eng hming nge an vuah ve ang awww
Report this comment
May 19th, 2009 at 3:37 pm
hla ah hian an phuah nasa thei sia a mawi chin chiah hi romei emaw kalo ti mai sin.
delhi ah chuan a awm hmasa ka thianpa pakhat sawi dan chuan CNG an hman hma chuan hnarkua a dum thei ati!!!
hetiang boruak thalo hi zoram ah hi chuan kanla ngai pawimawh teh chiamlo ni tur ani. mahse tunlai ah chuan an buaipui khawpmai Green House Effect nen a inzawm tlat. khawvel lum kha escape theilovin heng boruak chhhe ho hian anlo trap tlat thei chu chuan khua ati lum tulh tulh. ruah sur ah pawh acid level ati sang theia chu chu thlai pawn an ngailo tura ngaih ani. in chung rangva pawh ati tui ek hma mahna
Report this comment
May 19th, 2009 at 3:46 pm
Acid rain pawh a sur thrin reng alawm le. Kan lungpui te pawh a khuar kek kuk hlawm hi
Report this comment
May 19th, 2009 at 3:47 pm
Vawkhniahzawnthla Equal to Vawkhniakzawnthla (August)
Report this comment
May 19th, 2009 at 3:49 pm
Vawkhniakzawnthla a ni lo maw ?
Report this comment
May 19th, 2009 at 4:15 pm
CNG, PNG, LNG, LPG, tih vel niah nuaih hi ka hrethiam lo em mai
Report this comment
May 19th, 2009 at 5:07 pm
Hmanlaia kan pileh pu tena ‘Romei zam’ an tih kha chu tunlaia kan romei sawi nen hian inang tawh lo turah kan ngai ngawt a. Achhan chu boruak tibawlhhlawh thei chi tam tak kan siam chhuah avangin.. Tunlaia romei zam an sawi hi chu lung tihlen chu sawi loh a hnawksak em em mai a; kan Lo hal khu leh boruak chhe infawkkhawm vel mai mai te hi niin ka ring ta deuh e..
Report this comment
May 19th, 2009 at 9:53 pm
ekhai kan comment poh a la Romei Ka Lawme
Report this comment
May 19th, 2009 at 10:56 pm
abestos ai chuan battery chhia leh lead chungchang kha ka hlau khawp ,inverter Thingtlangah an hmang nasa ropui si,cancer vek chuan health care awm si lo ,niza hlawha treatment lak chu ngaihtuah ngam pawh a ni lo.
Report this comment
May 19th, 2009 at 11:02 pm
@Ditto nang ang lo takin i va romei zak zak ve
Report this comment
April 3rd, 2012 at 3:43 am
[...] Romei Blogged with the Flock Browser Share this:ShareFacebookTwitterEmailLike this:LikeBe the first to like this post. [...]
Report this comment