Hetiang tal hi Aizawl leh Lunglei dai hnaiah, tlai lenkhawthawn daih nan han nei ve tawh ila ka tih chang a awm zauh zauh. He mi hmun hian mi a hip hle; athletes-te tan jog-na hmun nuam, tar leh rawlthar, tleirawl te tan FAWR THIANGHLIM-na leh len khawthawnna hmun nuam a ni.
Pangpar chi hrang hrang he lai hmunah hian anmahni season indawt dan zela partirna hmun a ni bawk. Daffodils han chuai chiah se, chumi hmun chu thian fai lengin — Rose an dah phui leh chuai ang … an vul hun theuhva an han vul tak tak mai chuan khuai leh phengphehlep mai a ko lo … mihring nge ngein camera chi tinreng nen an rawn pan chum chum mai a ni — kei pawhin ka camera mawl te ka va hum chhuak ve a … “one two three —smile,” ka ti a, he lai spot hi ka rawn hmet ve ta chhak a ni ber e.
Similar Posts:
- How creative…Our God is…
- Pangpar zu dawt
- Pangpar te hi an mawi thin teh e
- Hei hi kan tlai lam hmeh tùr ni se
- Some of my works – I
(Y)
June 2nd, 2009 at 4:44 am
Ka lo suangtuah ve fo, thiante pangpar uar deuh ho (hmeichhe thiante) hmanni ka Aizawl kalin an in kiang vel a an tih tura ka it thu ka hrilh ang deuh chiah ilo sawi mai chu le. Telepathy hi a awm tak tak nge ni dawn… kan suangtuahna mitthle a in hmu zawk chu le. America hi ka thlenthlak na midang angin la rei em em lo mahse, an pangpar sawngbawl dan hi ka lo hmuh ve zeuh2 tawh na atang hian Mizoram a chin theih ngei nisi kan la tih ve loh a nih avang hian ka lo suangtuah ve fo thin asin. A ni ngawt mai…
Kulikawn veng tal khian han ching chho thei seng chuan Kulikawn tal chu Aizawl ah a mawi zual tur a…tichuan, Khatla in rawn uar ve leh ta ang se, chutiang zelin
…hairehai.
Report this comment
June 2nd, 2009 at 4:45 am
mitthle ni lovin, mitthla zawk ni awm tak a ni.
Report this comment
June 2nd, 2009 at 5:37 am
kan ram tunang mentality ah hi chuan awm ve se a bul vel hi a trop ngot ang
kan zoram tlangram hi a phul zo trep ani, kan lui dung te chu polythene in chei trop zo ta 
thlalak i va thiam ve NIKON D 60 hi a model thar chhuak tawh mahse, a performance hi a hmangthiam leh frame dan tawk mai bakah click-savvy tan chuan a trha thloits alom le
Ka lo zin ngai anih chuan hemi kam ngeiah hian zoram vision kan sawiho dawn nia
Report this comment
June 2nd, 2009 at 7:19 am
Nalh lutuk tlat.Mizo ten hetiang deuh a chei tur chu kan nei nual ang,kan rilru pawhin hmun mawi enkawl dan a phak tan lek lek tawh a nia.In awm na lam theuh kha a pic. han thawh chur chur teh u,kan hmu ve chak a nia! Nangnin Mizoram lam in hmuh chak viau ang khan.Keini pawn thawh kan lo tum chhunzawm ve zel ang e…”Nangmah mahni hmunah,kei ka hmunah” tih ang deuh khan.
Report this comment
June 2nd, 2009 at 8:23 am
Ram changkang te nen kan ram riang te hi kan han khaikhin nazeng thin a, rual awh a na a ni, a dik e. Mahse an thil neih that leh system ang te kan ram tan kan awt leh ngawt mai thin piah lamah hian, chutiang thleng phak tur chuan kan hmaah tih tur, neih hmasak tur tam tak a in chhawp a ni tih min hriatchhuah tir thin.
Kan buh bar tur pawh thawkchhuak lo, a leina tur pawh min pek chawp ngai stage atang hi chuan sam an sam luat a awm lo tih ngawt pawh hi a ni ber thinin a lang lo.
Kan tih ve theih ngei tur tam tak erawh a awm, @Pu HV sawi ang te khi, mahse khimi ti ringawt ila, kan khawtlang nun leh kan nih phung hian a maintain zo rihin ka ring lo, chu chu pawi ka ti.
Hawh u, huau huau leh enge maw mai mai a in tlak ral lovin, hmasawn i tum teh ang u. Sawrkar ringawt behchhan a hmasawn kan tumna rilru te paihin, mahni ke a din i tum teh ang u. Hnathawk lova awm mai mai lovin hna i thawk bawrh bawrh ang u. Hna, thawk peih lo chiah hian hna hi an hmu lovin ka hria.
Thiamna leh Finna kan neih ve loh Nei Company ten kan ram hausakna haichhuah hna an thawh atanga an hlep ve tur itsik ringawt vanga, kan ram hausakna kan Utrawk tur vawn duhna rilru te hian min ti thuanawp in ka ring. India ram leh China pawh Economy ah nasa takin an thrang tih a takin kan hmu. Engvang nge? India/China in an thiam ve loh thil ah a thiam ko lutin, in hawngin hna an thawh vang a ni ti ila, a dik thui viauin ka hria.
A sei ta hle mai.
Report this comment
June 2nd, 2009 at 10:52 am
Beautiful. Varak ho hi bird flu ti darh tu chi anni lem lovang chu maw. Misual ho hi thlalak in thiam hlawm hle mai. In hming ka phuah- CLICK-O-MANIACS. Nang zawng thiam awm reng ini, ‘tha thang’ kha ini tlat a.
Report this comment
June 2nd, 2009 at 12:13 pm
Pu chawnghilh hi chu thlalak a thiam bon tih ka hriat na a reiiiii tawh! Ka cousin te inneih pawh a la a, professional photographers ho an koh aiin a lak chu a nalh fal bik nalh. Thil in ang rau² pawh la nalh bik tlat chi a nia, kan misual.com pu hi chu!!
Report this comment
June 2nd, 2009 at 12:22 pm
Thalai te hian FAWR na hmun tur kan mamawh a ni…
Report this comment
June 2nd, 2009 at 12:30 pm
Chawnghilh chu thil a hriat viau bakah thlalak lehzel pawh a lo la thiam em em mai a, a awhawm ngawt mai.
Report this comment
June 2nd, 2009 at 2:02 pm
lal-kanidar-a sawi khi, vawi sawm 50 vel ka van amen nawn chak em! Mirama changkang tawh a, thil tam tak lo paltlang tawh ram ah kan awm ve dek dek a. Mizoram, country pawh nilo, hmanni lawk a state pakhat ve mai nen hian kan khaikhin a, kan la sawisel vak vak zui lehnghal a! Mizo rampawn a awmte u , Harh teh u! ( Keimah tiamin )
No offence!
Ka lawm e!
Report this comment
June 2nd, 2009 at 3:00 pm
Shillong Haidari Park te pawh a ang lek2 mai.
Kan rilru mil tawk ang zel hian ram te chu a thang ve zel a lawm, kan la nei ve mai ang.
Report this comment
June 2nd, 2009 at 3:02 pm
Lal-samuelapa te in bula April par pawh hi a mawi thei a par vul lai chuan !
No offence
Ka lawm e!
-VK
Report this comment
June 2nd, 2009 at 3:28 pm
Tlai len khawthawn nan tih khi, Thosi len khaw thawn nan tiha kan chhiar pek chu le !
-VK
Report this comment
June 2nd, 2009 at 9:00 pm
Aizawl khaw chhungah khan naupangten hmun kan nei pha ta lo va; Children’s Park kha City Park a ni ta daih mai bawk a. Children’s Park pawh ni se, motor kawngpui (two-ways) kawng kual laia awm a ni miau a; Pu RK Pautu unaupa pawh khalai kualah ngei khan motor-in cement bangah a su bet hlum tawp mai kha a ni a; naupang chumchiap tan phei chuan hmun hlauhawma tling hrim hrim bawk a ni. Kum 1974 khan ka thianpa Gorkhali pakhat nen Children Park pal ban khur chovin ka inhlawhfa tawh.
Bethlehem Vengthlang leh Lungverh Mini Zoo pan tur hian naupang mai tan chuan tih chi a ni lo; mahse, rawlthar rual fuankhawmnaa puitling an involve ve kher a trulna hi hrethiam chiang ila. Lianhmingthanga Picnic Spot, Dr Palaia Picnic Spot etc etc., te pawh a hmunah chuan naum taka cheibawl an ni hrim hrim a; khawpui mite tan lirthei nei deuh ngeite leh sum leh pai sensona ngai chi a lo ni thung a … chuvangin, Sorkar hian min dawmkan a chak rau rau a nih chuan INAUGURATED BY … tih kher tarlang lo pawhin thil thar, mipui tana chhenfakawm hi chu an din ve thei turah dah ta ila … Model Venga Swimming Pool reng kha … a kiang lawka sikul naupangte pawhin an exam paper chhannaah, “We play football in the swimming pool,” an tih pawhin mark kim an hmuh theih hun chhung kha Sports Director-te pawhin an hre ve tho chuan ka ring trhin!
Thla ka la thiam a ni lo; ni eng —kelvin degree ka chik ngun a ni zawk e. Tin, kum 35 vel kalta atrang khan compensation dial hi Mizo zingah chuan a hmang rim ber ka nih ka inring a, ka dawtah chuan Kima Hauhnar a ni mai thei. Hmet pawp, nalh tak taka la thiam hi an tam tawh bawk a.
Report this comment
June 2nd, 2009 at 9:11 pm
Children park sawi takah chuan hmaanah khan khilai kawng kualah khian drug addict nge zenge ka hre lo,min rawk an tum pek a,pahnih an nia..ka thin a rim teh mai ania,mi an rawn kal hlauh va,eng kan ti ta lo chu a nih kha…park etc. pawh awm se tun dinhmunah hi chuan a trawp leh dawn tih chiang sa,mi pangngai tan a kal chi loh vang,addict ho in ka vawr e,sateekebale an tia nga..huis..
Report this comment
June 2nd, 2009 at 9:25 pm
Pu chawnghilh i thlalak hi ka en en a, analh a amawi bawk, hman ni deuh khan SLR camera Canon400D ka lei ve a ka hmang thiam theilo miin camera tha anti ve si a; nalh deuh deuh a lak awm tak hi ania……. ka mobile camera N73 hi ka hmang thiam zawk reng mai, mang a ang duh teh e.. thlalak lam hi rawn sawi deuhla kava duh emmm ve le.
Report this comment
June 2nd, 2009 at 9:42 pm
@Viking kan kawtah April par a awm lo. Saron (bougenville) par a awm
https://img15.imageshack.us/img.....le4qu8.jpg
https://img10.imageshack.us/img.....le2lk0.jpg
Report this comment
June 2nd, 2009 at 10:41 pm
@Thaiboy : A hmanrua i nei trha tawh a; thlalak tur hmun i thlan thiam a ngai a ni ber mai lo maw?
Tun hma Click III hun lai kha chuan ‘tlai ni nem’ kan nghak a; kan shadow pawh a lang thui thei khawp mai. Tlai leh zing ni chhuak kelvin degree hi color-ah chuan a na lutuk a, a eng (yellow) phut trhin; chu chu thlalatu tan chuan avoid hram hram a trha.
Hmanah kha chuan Rollfilm-ah INDU, ORWO tih vel kan han hmang a; emulsion leh temperature pawh kan thlei hrang chuang lo, contact printing-in kan print chhuak ve mai a. Kei pawh ka pa-in 1966 vela min zirtir, Yashica 635 leh Isoly II vela tichho ka ni a … 1976 vel atanga Yashica, Canon, Pentax MV1, Pentax E etc, hmang mai mai … 1980-a Nikon F3 ka neih te khan, MD4 a ngai hranpa leh vel, ka insengso ve hle. Film cameras vek an la ni a; a heksakin a muangchang bik bawk. Color Lab-te hi ka ti ve nek tawh bawk a; 1980s vel khan. Nuam chu ka ti phian.
Camera trha man to ka hmang ngai lo; a handle dan azir a ni ti tlat mi ka ni. A chunga thlalak aia ka duh zawk ka rawn tarlang nawn leh e —thlalakah hian NUNG RIAU BIK a awm chawk …
https://img76.imageshack.us/img76/2721/dsc0131.jpg
Megapixel sang tak tak ka awt hranpa ngai lo va, 4 chunglam tawhphawt chu camera trha-ah ka ngai vek. N72 pawhin ka la hnem tho, 3.2 vel lek mah ni se a trha viau tho; N73 i hman thiam chuan Canon D400 a danglamna tur ka hre lo. Atir berah chuan, engkim kha Automatic-in dah kim vek rih mai rawh, manual lam chu tlema i khawih sil hunah kan la tharthawh chiam dawn nia!
Report this comment
June 2nd, 2009 at 11:15 pm
@Chawnghilh, hmanni Sialsuk road photo ka capture ho kha lo post tlak awm lo khawpin ka’n lak hlawm chu mawle.. Ni kha lo sa lutuk a, a var vo vek mai a. Ka lo post duh ta lo nih kha. Nisat deuh lai hian engtinnge set tur pawh ka la hre ta chuang lo. Lak nalh kan tum ve teh lul nen aw..
Report this comment
June 2nd, 2009 at 11:18 pm
@Kawnga : Kha kha ka lo chang reng asin … ka rin-hriat tlat che. I camera pawh vawikhat chu ka hmang tawh ni ngeiin ka inchhut!
Report this comment
June 2nd, 2009 at 11:24 pm
@Chawnghilh, i mi rina kha ka ni lo tih Pu H.V-a chuan a hre tawh sin. I bo rei em nih vei kha.
A tih dan chu min han hrilh ve puat teh. Nisat laia var vo lova lak dan.. ni tawp mai
Report this comment
June 2nd, 2009 at 11:30 pm
Compesation Dial kha hmetin, + leh – lamah jogging dial khan adjust mai rawh; background var viau leh thim viau chuan jogging dial atrang khan adjust char char mai rawh … a mawi bera i hriat i thlang thei ang. Mahse, manual setting-ah chauh compensation dial hi hman a ni tlangpui; camera kalphung danglam bik zawk zawk riau a awm chuang hlei nem. A lang nalh bera i lak kha a nalh dan tur ber chu a ni tawh mai!
Report this comment
June 2nd, 2009 at 11:35 pm
@Kawnga : Ni sat lutuk chuan … aperture tihzim mai tur, chu chu pinhole camera pattern diak, Physics-a i zir thin kha a ni bawk e. Eng lutukah i mit-naute a inhawng zim a; eng mang lovah i mit-naute a inhawng zau ang chiah khan i lens kha hmang mai rawh. Chu bak formula dang a awm lo.
Silai kah i tui em? VR awm hran lo lens-ah chuan silai kap thiam, keini ang hi, kan nihlawh. Kan hmet blur ve mai mai ngai lo. Chankhan pawh silai kap thiam chuan a thlang thiam angin, camera-ah pawh chu chiah tho chu!
Report this comment
June 2nd, 2009 at 11:42 pm
On tawpa hmeh pawp ni mai a. Ka tih ve thiam chu. A click dawn tak hian kut hi khur lo se a phe lo duh, tih kha ni leh mai a. Hriat a lo tlem deuh nih chu.
@Thaiboy ang deuh hi ka ni e. N73 handset hian ka la nalh zawk mah zel ni e. Ka lo inzir ve deuh ange. Rualawh in ti na khawp mai.
Report this comment
June 3rd, 2009 at 7:05 am
123 smile tiin i lo hwn hunah kan family portrait tur min lak dawn em ni :?: i nikon camera ngei hian
Report this comment
June 3rd, 2009 at 7:52 am
sRBG leh RBG te Adobe RBG te danglam lamna hria lan awm em aw…?
Report this comment
June 3rd, 2009 at 8:25 am
#25;Colour space a ni mai red,green&blue..RGB hi sRGB leh adobe RGB an awm.Printer hman tur a thu leh process dantur a thu in a in that hleih ang.Proffesional kut a dah chi a ni mai. sRGB 90% ah a tha e,AdobeRGB 99% ah..ti mai ang..kan tan chuan a dang lam vak lo vang…ka hriatthiam dan a nih chu!!
Report this comment
June 3rd, 2009 at 10:02 am
A nalh ngei mai..heng hmun te hi a mah ngawta rawn mawi ta thut a nih hmel bik lo va,uluk takin khuanu remruat ropuina tawmpui chunga duan chhuah a nih ngei a rinawm. Hetiang ang tur hmun hi kan ramah pawh hmun rem chang tak tak chu a awm ve ngei ang,melh deuh ila chuan.Mahse tih a ngai leh tlat thin, hetiang ang hmun nei ve tur chuan mipui mimir hausakna hian a la tlin phak kher lo a nga,lo tlin ve ta pawh nise hnam tawp tak Mizote hian hmun tawp takah kan chhuah leh thuai mai ang tih hlauhna hi rilru ah a rawn lang chawpchilh ve ngawt a,a pawi thin lutuk.
Khuanu kutchhuak hmun mawi tak mai te a hlimthla chauh a ni emaw,a tak ram a ni emaw,han thlir ve chang ni te hian dam man a awm a,Pathian hmangaihna ropui zia leh lei mihring fate tana ro hlu a hnutchhiah hnem zia hian ngaihtuahna chhungril a fan vawng vawng thin.
Mi thahnemngaite zarah kan hmuh ve phak ngailoh hmun mawi tak tak hlimthla te kan lo thlir ve leh khiah thin a,in ti ropui thin ngawt mai,ngal fim karin dam te u… a bikin a rawn chhawp chhuaktu Chawnghilh chungah lawmthu awm rawhse..
Report this comment