Inawhthìk hi a ninawm lek lek, a tak tak thil awm mang si lova, a ‘RAU ram ringawta thil in-e-mail te hi. Kan hmu ve ruau va; kan hisâp a. Chil hâng lem mai kan chantàwk a ni vei maw? Duhthu kan sàm belh chiam anga a ni mai alàwm!
Nia le, a thlarau lam ang riau-ruau thil mai ni lovin, rilru-mitthlâ mai pawh ni lo —heta a làn ang ang hian —a tak ngei, ahring ahràn ngeiin khuai-no, koh duat nâna “KHUAI BABY” ka lo tih hial thin chu —zanriah hmeh atân han chhùm sàwk ila, zo-anthùr-kau hnah tlêm han thlàk tel sek bawk ila. Bula kìl vete’n han ràp riau mai se, mahni èm lo pawhin—a duh vetu an awm loh pawhin—han hâwp zo vek mai ilah!
Zo-hmarchàtè, han râwt chìp nial hlawm ila … a va tui dâwn tak èm! Thilpèk ka dàwn azawngah chuan ka la làwm ber pâwl a ni nghe nghe asin!
Khuai-no season hi engtik hun lai nge? Champhai-a an khuai-no zawrh a chùm deuh ber thìnin ka hria … Reièk leh Ailàwng lam product a sîn deuh … no khat man hi ni elh-awlh tak a tling zèl bawk. Inbelh vak an ti lo tlângpui! A hlu bawk a niang!
Khuai làk hi thil namai a ni lo va, thi lo aruangin an rawn kìr leh hi a ni ber a. Khuaino hmeh theih hi thil namai a ni lo.Zu chiah-puam tawh tih hriat reng rengte pawh hi, “E khai! Khuai la hàw lam ang châr i ni tawh mai —i tui tlàn thlàk vat a ngai tawh a nih kha!” tia infuih hi a mawi lo hran hauh lo zù’nia.
Similar Posts:
- Nghalpui-no lak zan kha aw……….!
- Buh thar leh khuai-no
- Chhura leh Nahaia
- Tlai len khawthawn nan
- Champhai ah kan misual
August 30th, 2009 at 10:50 am
Tui hmel ve…khuai no chu a tui ka ti khop asin.
August 30th, 2009 at 10:55 am
Khuaino season chu tun hun hi a ni mai lawm ni. Hmanni ah nghalpui no a thlarin an rawn zuar a, Rs 3500 an ti. No 1 Rs 100 an ti a, no 2 ka lei a, a va han tui tam em. A flavour bo lova chhum dan chu sil miah loh tur a ni.
Lehlamah chuan kan harvest nasa lutuk anga kan ti che rem zo ang tih chu a hlauhawm ang reng. A farm te hi siam ta zawk ila, a thla la turin thing sang tak tak lawn a ngai dawn si lova, hahdam tein a no te chu a mal melh melh mai theih dawn a. Khuai kan tih hian bee leh wasp an awm a, bee hi chu an khawi thin a, wasp hi khawi chi a ni em ka hre chiah lo, experiment atan a tha viau mai thei….
August 30th, 2009 at 11:57 am
Khuai no hi kei pawh tui ka ti khawp mai,ka nu pawh in a duh hle thin.
Mizo chawhmeh hi kan ei hrawmhraw viau a,nu te hi kan chhun emaw,min lo tihhmuh emaw a niang,ka nu khan a duh hrawmhraw ve riau a :!:
Nu an lo pawimawh hle tih kan hriatchhuah phah belh leh tak chu, he mi a tang hian :!:
August 30th, 2009 at 11:58 am
Hetianga ei theih loh leh kan bula awm ve lo tura thil in awhthik hi alawm, ka huat chu, ha…ha…. min lo sawm ve teh… Ka chil hian ‘puuut’ a ti a nia…
August 30th, 2009 at 12:00 pm
Marem (Zalen Editor), dam thin maw? Bangalore-a kan zihote kha a va ngaihawm ta em tiraw?
August 30th, 2009 at 12:21 pm
No. Thanks, ka ei chak lo ve.
August 30th, 2009 at 12:38 pm
Tui hmel ngawt mai!
August 30th, 2009 at 1:07 pm
Ba lung hi chu ka ten thruai.Khuaino hi chu a tui overrrrrrrrr…mahse chhim lam ah sawn an ei ngai vak lo a ni awm e…ka chah thin a…kum 2 ka awm chhung khan min la rawn pe lo.Chhim lamah chuan hruizik saw a tui overrrrrr….ka ngai hruizik.Aizawl ah lah hian a to lulai reuh sia.Chuan enge a hming ka hre tawh lo..a bial mum,thingkungah ah rah thin a,anthur tui ang deuh hian a pil vel an chhum a..chu chu Phura,Mipu,Supha etc velah a tam mai.
August 30th, 2009 at 1:49 pm
A va tui hmel ve aw.. chaw sa ver vor leh vawksa rep chhum la khu vut2 nen dawhkan ah han hung ho ila, vawksa hlir ka suak mai awm e… Hehe. Hman deuh khan Khawzawl ah ka zin a Nghalpui note 3 vel chu ka ei ve a, a hang tui khop mai.
August 30th, 2009 at 2:22 pm
@burgerstud, chhim lam i tih hian Lunglei hi min huaptir em aw? Min huaptir anih chuan i tisual. A chhan chu maw Khuaino chhum puam Rial No 1 hi Rs 50/- vel a ni tlangpuia an zuar rei vak ngai lo, a zo zel! @ frajent24: Nghalpui ni lovin Ngalpui a ni zawkin ka hria. Ngalfek a awm a, Ngalpui a awm bawk. Ngalfel ngal hi a fek/zen zaiha hei vang hian ni maw Ngalfek an tih ni.
Hman deuh khan kan bathlarah Khawibel bu awm thu kha ka rawn awhthik tawh che u a.Hei Chawlhni vawihnih liamta khan kan ui an zuk hrep azarah 16 zetin min zuka, Zu no2 nen chuan tawrh a ziaawm deuh. A tuk Thawhtan zanah kan la ta a, a lo tak tha khawp mai Rial No (Glass) 20 vel zet a tlinga, kan ei tluk tluk mai.Tui tak a ni tui tak!!!!!
Tunlai vel leh favang thawt chhoh lai hi Khuai no lak hun lai tak a ni e.
August 30th, 2009 at 2:52 pm
Khai awwwww, ka Champhai awmlai min va ti ngai ve le. Kan ei nasa thin teh a sin awwww. A ekdum pawh hi kan hmetchhuak ngai lo re re, kan vam pap pap thin maw le. Nghalpui no ngat phei hi chu tui tak a ni tui tak…… sawizawm zel chuan lung a chhe thei mai dawn e a!!!!!!!
August 30th, 2009 at 3:23 pm
Aizawl ah kha chuan,”inawhfik” kan ti mai thin ni khan kalo hria a. Aizawl pa thoin, “inawhthik” a rawn hmang chu, huh ka ka hau mai alawm mawle! Mizoram dung leh vang hi ke leh ke lo pawn ka fangkual hneh ve hle tawh ania, ka vawikhat hriatna a ni tlats. Inawhthik tih hman lai ka nanglo pawh a ni mahna le! tra la la la la
Zo hmachete?! Hmachate/vaihmarcha = hmarcha te chi tihna ve ve emaw kalo tia
Outside magazine (Outdoor nilo)chuan khuaino pakhat hian nikhat chhunga mihring taksa mamawh hriselna lam chu a keng kim vek tiin a chhuah. He magazine hi adventure sports lam leh outdoor activities lam kaihhnawih lam thlur bing lehkhabu a ni.
Khuai no lak te chu thil nuam ber pakhat alawm mawle, phurawm sarh alawm. Lak zawh a lem pap tur han awm nghe nghe se. Khuaino lak hma hian zu i in sa chuan, a zuk kha a ti na zual ang mahse, a zuk hnu che a i lem erawh chuan a ti ziaawm daih thung.
August 30th, 2009 at 4:52 pm
muante:Ni lo..saw tah zawk…Saiha Dist lam zawk maw le.
August 30th, 2009 at 4:58 pm
‘Awhfik’ leh ‘Awhthik’ chungchang hi kei pawhin ka lo ngaihtuah fo tawh thin. Aizawl lam ka thiante ho hian AWHFIK an ti ziah a, keini Lunglei lam hian AWHTHIK kan ti mai bawk sia, atir lam phei chuan awhfik an tih hian an uang/fiamthu emaw ka lo ti vel. Mahse, an tih dan ve reng a lo ni zawk a.
A dik ve ve a niang chu maw?
@Muantea hian a khuai no lak No 20 vel lai kha min duh sak a no khat min rawn pe ve a, ka lawm tak tak a ni, tui ka ti khawp mai.
Khua hmuna len man a awm khawp mai. 
August 30th, 2009 at 5:55 pm
awhthik tih hi ka vawikhat hriatna
August 30th, 2009 at 6:33 pm
Keipawh Awhfik ni ngeia sawi nanah Awhthik in rawn ti a, ka vawikhat hriatna a ni a, khawi lamah hian nge Awhthik tih hi an hma hlawm le? dialect chikhat chu a ni phawt ang a.. Awt tura kan lo rin te hian, lo awt awzawng si loin emaw, lo thik hauh lo ta se, awhthik tih chu a dik lo phawt mai lovagn maw..:)
August 30th, 2009 at 6:52 pm
Kei chu Muante-a’n khuaino min hleh(?) ve phal lo. Amah zuk hreptu te an ni bawk a, a ei tau sawk sawk mai.
August 30th, 2009 at 6:55 pm
‘Awhthik’ tih hi chu Lunglei lama thiante ho chuan an hmang tlangpui.Kut zungchal pawh kut zungpir.Khawivah no kan hmeh ve a hmanah,a tir chuan ka rap deuha ka ei duh lova.Ni hnih vel a thin hnuah ka ei ve ta chauh,a thin hnu ah a tui zawk an ti!
August 30th, 2009 at 7:03 pm
‘Awhfik’ leh ‘Awhthik’ hi ka hre tawh ve ve a, mahse chhim lam leh hmar lamah an hmang hrang tih ka hrelo ve tlat thung.
August 30th, 2009 at 7:22 pm
Daibuaia, ka lawm hle mai mi rawn hrilhfiah a. Lunglei lam ti mai ang, chhim lam ka kal hi chu puitling nih hnu ania,”awhthik” tih tawngkam hmang rual ka kawm loh vang te pawh aniang e. Hriat ve hrim2 ah a tha alawm. Thanks.
Chhimlam awm tamna lah kha Chawngte vel bawr kha ania, Chakma ho leh MAP Hrangdawla te ho kha kawmtam leh hmuhtam ber an ni mai a. Awhthik an hmanglo kher mai si a leh.hairehai
muantea hian a thiante hi a lo “awhthik” ve thin em aw, te ka ti ta mai mai a…tra la la la la
August 30th, 2009 at 7:29 pm
Awhfik leh awhthik hi misual a trang chiah ka lo hre ve.
Kei ni khaw chhak lam chuan awhsik kan ti ve leh thung.
August 30th, 2009 at 7:34 pm
Chawngte sawi takah chuan Pu LVMS-a SDO civil thin kha a “MAN” thei khawp mai. A sazuk khawi a quarter thlang ngaw ah a chhuah a a zuk kap hairehai. A quarter bangah, “i am the boss of this house because my wife is not here,” tih artist a ziah tir ngawt a. An nu a lo zin, a thinrim mai mai. A fapa nen kan nuih char2.
A quarter pal hrulin, babel insang a tih mai hi a sak tir a, (vietnam war laia an duty post ang deuh hi) tah chuan ZU a han in thin. An nu a chho ngam lova, a chhuhsak theilo. Rul te kha melh hlum a tum thin. Pui bem bem tak a ni hairehai
August 30th, 2009 at 7:55 pm
@Thanghmingliana
E khai va ngaihawm ve, Guwahati-ah meeting in ka zin mek keipawh
August 30th, 2009 at 8:17 pm
@v_vantawl
human trafficking zirho hian wine trafficking an hneh duh zek an tia mi? Fiamthu Beatles Night lam pawh a kal bek bek e OT
Khuai No kan duh em em te hi a pawi mange, kan vir lutuk hi chuan Bamboo forest kan eizo mai dawn kan ram ro neih hlu chhun pawh.
Khuai No kan ro Zu nen a inrem te chu an la ti ta deuh deuh, Insect rights activist hi awm sela ka ti ngawt mai kei misual hian
August 30th, 2009 at 8:28 pm
Pu mz, @12 a ka ziah ang khian, khuaino chu a hrisel em alawm, ei zeuh2 chu a pawi lovang, ka ngaihdan chuan.
Mau pawh hi a tuai/raw tuai/mau tuai kan lak hian a dang ato hnem phah an ti tlatin ka hria. Hei pawh fiber source tha tak ania, USA ah te Japan ah te chuan a to em em a ni.
https://www.bambooya.com/bamboocuisine.html
August 30th, 2009 at 8:29 pm
V_vantawl hi ka hre chiang mai! Samsei thin, tunah chuan a sei tawh lo an ti! Zoa Tlau sawi ka hriat a nia! Chuan, Bangalore an zin tumin Rail atangin a tla tawh an ti bawk!!! Tak tak a ni em?
August 30th, 2009 at 8:30 pm
Keini chhimkun ho chuan Khuai no tluka tui tih kan nei lo! Hmarcha erawh hi chu…. ei ngam tawh lo. V_Vantawl te anga a thalai a awm chuan Lalpan malsawm rawh se tih tur ang chi em ni lo mah ila!!!
August 30th, 2009 at 8:40 pm
Khuai-no ka duh em em vang pawh ni chuang lovin , hei hi kan lo thawh ve a nge ! A thlar nen thlap
https://i27.tinypic.com/2lvgyet.jpg
August 30th, 2009 at 8:43 pm
@HV
Mau tuai or Rawtuai kan ei avanga a pung tih chu DAWT ani. Bamboo hi kum 5-10 an dam khami hungah khan a dang an lo chawr (tuai) thrin chu tuai tak chu kan kheh a kan ei ta thrin ani.
Vaihmarchate BEC kan tih mai hi chu a rem trep a thar a hlawk loh avangin tuman an ching thra duh tawh lo. A rem loh nan project kan mamawh zawk anih hi
August 30th, 2009 at 9:20 pm
Khuaifung bu lian vak lo ka hmuh tawh chuan, a zu a awm nge awm lo , hmawlhtein ka hawlh a, hmawlh hmawr ka liak a, a zu a awm chuan, an awmnna thing zar/trang hi ka thliak a, ka vei kual pawp pawp pahin ka tlan a. Tlan pahin a thlar, a no, a bal, a zu & a hnun chawpin ka ei kuit vek zel. A zu a la awm loh chuan thla bial zanah ka la thin a, thla bial zan hian khua zu a tam duh bik khawp mai.
August 30th, 2009 at 9:24 pm
Awhsik hi “awhthik or awhfik” in ti hi chu ka bengah hian dik lo deuh riau hian ka hre thin a, a dik zawk erawh ka hre hran lo a. Keini khawchhak lam chuan “Awhsik” kan lo tih than vang pawh a niang nge. Itsik te pawh hi Itfik or Itthik ni ve awm tak tur a nia, It thik or Itfik ti a hmang te pawh kan awm leh mial lo maw?
August 30th, 2009 at 9:37 pm
“Inawhthìk” tiin a bul ka rawn tan a … CHHIM MI ka nihzia in lo man thiam nghàl mai ang. Ziaktu kan nih chuan, kan province tichiang ngam tùrin kan vocabulary hman kha zahpui hauh lo ila … INELSEN nâna hman zui zèl hi chu HISTORY BANK-ah vawng tha ve tawh mai ila (Pu HV, mi elsèn ka ti lo a nia, mi dangte pawhin zau zàwka an hriat ve tawh tùrah ka duh) … chhim lam rau rau-a mi pawh —kan hriat a lo inchen lo hle, NGHALPUI, NGHALFEK ka lo tih ve thin pawh, vawiin atang chuan kan zînga a hre dik ber azârah khian NGALPUI, NGALFEK ka ti ve leh char char tawh mai dâwn a ni. Nghalpui leh nghalfek kha hre reng chungin! Amaherawhchu, in rawn sawi angin, fanna ram azìr zèlin AWHTHIK, awhfìk leh awhsìk chu hmang thiam leh ta ila. Ka hmang zèl rèng a ni. Lunglei Hrângchalkàwn-ah lo ding ila, Lawngtlai kal tùrin motor lo phar ding ila, “Ka lo inthiat ve lùklàk thei ang em?” ka ti mawlh ang.
Unau duh tak e, Thìkthuchhia pawh FIKthuchhia tih èm chu strictly prohibited ti ila a tha ang e. Europe leh Asia-ah chuan, “I don’t know anything,” kan tih puam talh talh laiin, hèngah hi chuan sàptawnga ka ei-loh ber ang chia sawi a ngai ve thung a, “I don’t know nothing,” tiin. A hmun azir zèl hi a lo ngai ve mai. “British English-ah chuan,” tih duah a ngai zèl hran lo. Europe leh India-ah chuan, “I don’t know anything,” kan ti ve leh mai ang.
Khuaino no 20-a no khat dawng ve pha lo han nih chu … ka FIK lo ve, ni lo, THIK lo ve tih zàwk tùr. Zùk hrep tuartu chuan a ui duat pawh a chhan ve mawlh ang chu! An zùk vei âwr âwr che a, i hâwp hmiah hmiah a ni ve mai alàwm! A va han tui dâwn tak!
Khuai-no ka ei hmasak ber tum kha, Lunglei-a ka pute inah a ni a. Chaw-chhùn kan fàk laiin a ni. Khuhhriang-ah ka nîin a rawn chhawp a. Ka vawikhat hmuhna a ni. Pangang phobia nei ka ni a, ka en ngam tàwk nàin, han hàwp luh atân meuh chuan ka hmulthì a ding ur ur mai. A pum dum huar tawh, a then thla nei tawh la vâr puap, a then uk deuh khàk tawh nèn …anthùr-hnah nèn … a inpawlh a, a tui lah bàwnghnute rawng phuai mai a. Ka nî chuan a’n hâwp pàk a. Tui ti takin a’n meng tàl vèl! Ka en tawp. Khuai puitling lek lek tawh pawh chu a seh siah siah mai a … “Ti ve rawh …” a ti a, mit chhîng chungin ka ti ve ta a …a lo tui bawk a niang … ka chhîng hlen phal ta lo … mi duh-hmuhtu chu ka khùm chiang ta hle a ni. Mahse, khuai-no duh luat vàngin ba-lung chu ka ngaihzàwn phah chuang lo.
August 30th, 2009 at 9:46 pm
Patling/nutling pui2 hi thu ho mai2 emaw kan tih ah hian sawi tur te hi in hre treuh bik thin a! :twisted:
August 30th, 2009 at 10:13 pm
Pu chawnghilh nge nge, thu lai a la thiam thin e. Mi tawnghmang atangin khawi bial atnga lo kal nge tih a hriat theih thin.’Awhthik, awhfik, awhsik’ tih atng ringawt pawh hian chhim leh hmar chhak leh thlanga tawngkam kan hman dan inanloh zia a tilanga, amaherawhchu kan inhrethiam tawn vek lawi si hi chu a hlutzia tilanngtu a ni.
Hei hi ka duhthusam ram chu a ni e. Zohnahthlak zinga tawng thangduang ber Mizo tawng tihhausak nan kan thu hman inanlohnate hi hmang ta zawk ila, Mizo tawnga awm chiah lo, sap tawng/vai tawng kan hman tawm ve mai te hi Zohnahthlak tawng dangahte a awm a nih chuan la lutin hman zir ta ila a va tha dawn em!
Khuai zu nei chi ho- Khawivah, Khawipui etc te hi a no an ei ngai tih reng ka lo hre lova.Zu nei lo chi ho no hi chu a tui tlangpui. Khawibel hi Ngalfek hian an pawlh ve fova a kawlh pawh an kawlh bik awm e.Khawichhunmu ho hian Khawibel run hi zuk ching ve riau va! Rannung khawvelah hian Might is Right thupui hi a chiang khawp mai. Ngalpui no hi a lian deuhva ei a manhla viau a ni. Khawivanrial hi an kawlh deuh ber awm mang e aw ka ti a, mihring zuk hlum pawh an nei nual reng a ni.
August 30th, 2009 at 10:20 pm
Pu mz,
Mau hian leihnuai ah zung hi nasa takin a kaih kual hnawk nuaih a. Chumi atang chuan a rawn chawr chhuak thin a ni a, khami kan han sih bulh/mau tuai kan lak khan, Maian kan sih a a lo to pung ta ang thin hian, a dang a lo chawr chhuah belh ta zawk thin niin min hrilh thin.
Mizoram Forest dept’ ho khan an hre viau tur asin. Lo zawt chhin teh u.
August 30th, 2009 at 10:33 pm
@HV
Forest ho hian an hre ber lem lo. Distric Council hunlai khan aizawl bazarah khan rawtuai zuar kha an tlanchhe zak zak thrin, tunah chuan ualau takin zawrh ani. Lo ah kan vat mau hung a tlem telh telh a lo chawr leh a fere telh telh. A tuai kan kheh/khawrh zel avangin hung khatah an tlem telh telh an kiam zel.
Mautam avangin nikum leh tunkum khan a tuai a tam zual kan ei rem em loh pawhin a puitling tur nuaih tel chu kan suat chu anih hi le. Research document ka nei lo. Khawchhakah mauhak an nei thrin a rem an hlau hle, khawrh rem an hlau practical experience an neih vang ani mai.
Hruizik Cane furniture a thra tak tak kan ei rem mek bawk.
Khuai te hi thlai chi polination puitu medium thra tak an ni mahse kan ei rem zel chu anih hi. Tuikuk bazar duh an kawta lamkhuang an kit mai duh ang deuh chauh hi kan ni mai lo maw le :?:
August 30th, 2009 at 10:38 pm
Baptistu Johana kha —khawizû leh khaukhuap, chaw atâna ring thìn niin kan sawi châwk. Chìk zàwka kan sawi dâwn chuan “ram khawizu (wild honey)…” tih kher kher tùr. Bible-ah pawh chutianga inziak a ni kher, a chhan leh vàng pawh KHUAI KHAWI ZU kha khatih hun lai khân Palestina ramah an uar hle tawh a; mahse, chùng chu a in pha lo va, ram palailênga khuai, an zû tlàn mai mai phàk lek a nih thung vàng kha a ni.
A tawngkam a dang hret hian a thil tum a sawi fiah chiang lehzual zèl bawk. Tin, kan Mizo Bible-ah hian, lehlin hmaih hret awm ve chu, Tholeh Krista khàn English Bible thenkhata lang, “sangha hem hmin leh khawithlâr (honeycomb)” a ei thu a chuang a, kan Zotawng Bible-ah khawithlâr kan nei tel ve ta lo.
Thàwkkhat laia Fundamental Baptist-ho lehlin tharah khân an telh ve ta ang em âw? Anni khàn King James Version kher atanga letlingin an inchhâl a … King James Version atanga letling an nih hrim chuan, an tih tel beisei ila, kan Mizo-tawng Bible kawl lai hi chu “Revised Standard Version” atanga lehlin a ni tlângpui a …
Tin, ‘khaukhuap’ tih rau rau pawh hi perhpàwng family-a mi ni lovin, Palestina ram thlalèr thing LOCUST an tih, a zìkno leh rah pawh mi-retheiten chaw-a an rin a awm hranpà a … Baptistu Johana kha rethei taka chèng, puanzaisìn sin pha lo a nihzia pawh a thuam inbel atang khân a hriat vek! Sawi ìtawm tàwk chauh ila, a tha rih ber ang e.
In comment a bengvàrthlàk vek hlawm, ka hlàwk belhchhah hle.
August 30th, 2009 at 10:42 pm
A tuai lak vang ngawt chuan a thilo tawp tih erawh kan google kual na atang hian ka hmu thei. Engpawh nise, Mizoram ngaw chereu zel hi ka ngaihtuah ve em em mahse, mau tuai vang erawh chuan ka buai pha lova, tuman ka rilru hi an sawh sawn hek lovang.
Thing tiak ei thin ni ilang chuan ka sawisel ngei ang
. Puitlin hun an duh rei em asin. Mau te chu thing ni lovin, hnim chikhat a nih angin a then te chu thlakhat ah meter khat te an thang a ni.
Mau tirem tur chuan beih ngial alo ngai a nih zawk hi mawle.
https://www.bamboosourcery.com/.....038;row=15
August 30th, 2009 at 10:58 pm
Mau maw —ka ngaihdàn màwl tak ka’n thawh ve ang e … mautuai chu kan Zorama rethei leh chanhai, taima fâlte tâna malsàwmna (mautuai hàka thi lo chauh)-te pual … kan politician hausa-tawntaw-ten politician neih bar nei lote an deusawhna tawngkam a ni hial tawh a … mau tlàwn chu awmthei leh sorkâr department-te pual a han ni daih thung … Panchgram Paper Mill-ah an liam thla ni tin thung.
Mau a nih tawhphawt chuan, rethei leh hausaten kan inchuh a ngai ve hle tawh a ni mai! A rèm em lo vang a; mahse, rethei leh awmtheiten kan inchuh chu a ngai!
Matu-ho Kâwl atangin mautuai season-ah chuan sum siamin taihmàk an rawn chhuah. A ram neitute kan vuaichà leh thung, mautuai kan hmeh duh tho si! An khawrhsa kan lei lo thei si lo … mùk takin Matu-ho kâwlah KYAT EXCHANGE-ah an sum an tipung thiam hle. Conserve chin chu awm se, in ngaihdàn a tha vek tho ve.
August 30th, 2009 at 11:24 pm
Chhim – Awhthik
Hmar – Awhfik
Chhak – Awhsik
Thlang – ???
May be Awhpik
August 30th, 2009 at 11:28 pm
Mau chungchangah chuan rawn inrawlh ve ta ngawt ila. Kan huanah hian rawthing leh rawnal hung khat ve ve a awm a, a tuai hun lai chuan kan ei kan ei mai. Ka nu leh pa(fam) hian an bai thiam khawp mai a, kan duh khawp mai. Mahse hei vawiin thlengin rinawm takin kumtin a tuai ei tur min la pe ta reng mai, rem tang e chu a ti lem lova, mamawh avangin pum hnih khatte hi chu kan sat leh zauh zawk thin. A ram pum huap a khawrh rawn luai luai ni ta se engnge a an ang tih erawh ka chhut thiam lo.
August 30th, 2009 at 11:28 pm
@chawnghilh
i ngaihdan kan trawm lawk che. kawngkam hnaivai ami hi chu kan khawrh rem tran der chu ania. Panchgram lama supply tur mau rate a competitive lo sawt ang.
Kan unaute hi an taima khawp mai. lengteng tlangah pasalthra hruaiin nauban collect tur zawngin kan kal trumin an ni ho chu damdawi zawngin a lo han rap bel hle mai khing ram pilril lam pawh.
Tihian zawi zawiin kan thil hlu neih te hi chu a rem dawn chu ani maia, conserve tu kan maw si lova leeeee
August 30th, 2009 at 11:34 pm
@muantea
rua hi a rem har deuh anih pawhin mau hi chu a rem duh deuh chu anih hmel e.
ekhai weekend tawp a lo ni leh tih kan hai mai dawn. Mangthra tukchhuah nuam vek u
August 30th, 2009 at 11:34 pm
Kan mau rem zel hi engnge a chhan lian ber niang aw!! Mau tuai khawrh vang ge, Mau hmun kang/Lo atana hal vang nge, Khawthlang tuipui leh Tlawng dung lam atanga mi rama rukchhuah/thawnchhuah nguai nguai vang ni ang aw? A chhanna dik ber ka hrethiam lo. Mahse engpawh hi humhalh chu a ngai vek mai chu a lo nih hi.
August 30th, 2009 at 11:41 pm
@HV: Chawngte ah chuan “awhfik” kan ti ngai lo reng reng. “Awhthik” kan ti thin. “Awhfik” tih tawngkam hi ka thianpa, Saitual khua, khan a hmang thin a, hmar lam tawngkam ni turah ka lo ngai ngawt pek a.
@Muantea & Chawnghilh: Hriat zawng hi a lo inang lo thei khawp mai. KHAWINGHAL ka hre thin. Khawinghal zingah Nghalpui leh Nghalfek ka hre bawk.
Tin, mau chungchangah chuan…. a tuai khawrh miah loh hian a pung chak lutuk tih ka hre chiang hle.
August 30th, 2009 at 11:46 pm
Lunglei Chanmari phei khàmliam kha tun hmate kha chuan mautuai khawrhna hmun namai lo tak a ni thìn. Matu Vênga chèng Matu-ho bawk (Pi Kàpi te, Pu Thangâwma te) mautuai khawrh tuihnai thiam tak an ni thìn.
An rawn zuar ta thìn a, “Mâma nu, mâ-tawi lei duh em?” an rawn tih thìn kha ka la vawng reng thìn. “Eng tuai nge?” tia kan lo zawhin, “Law-tawi te, mâwtak-tawi, thing-tawi, nàl-tawi pawh a awm bek e,” an ti thìn.
Ka nî leh a thiannu pawh, an sikul bànin rawtuai khawrhin an chhuak ve a. Ka nî chuan èmpai khat a khawrh tawh tihin, a thiannu chuan a rawn au vawn vawn a, “Thiani, ka hmu ve thei lo rèng rèng ..” a ti ta mai! Ka nî chuan a thiannu chu a va thlèk phei a, mau kùng lèr lam a lo thlîr chho veng veng mai zu nia! A vâng khawp ang le!
Pumphîr tuai pawh ka ei tawh, rawtuai ang thovin a hâng tui. Mauruangi thawnthu mi tihrechhuak vèl bawk.
Thing tiakte hi a sàn viauin “a tlàn sâng” an ti ngai lo emaw ni, mau kher kher hi chu “a tlàn sâng tawh” an ti bìk em ni? Enga ti nge, “a tro sâng” an tih ve loh?
August 30th, 2009 at 11:48 pm
A tuai chu a lo puitling zel a mau a lo ni ta a, khawrh loh chuan pung chak awm tak Lalcaribou! I fanu neih thar kha han tlangzarh teh!
August 30th, 2009 at 11:51 pm
@chawnghilh: Matuveng a awm tawh hleinem Ramthar Veng a ni tawh alawm! Ramthar Veng mi lar i rawn sawi chhuak e.
August 30th, 2009 at 11:58 pm
“Awh(fik/thik/sik)
Nei ve lo, chil pùt
Uai diah diah …”
tiin, ei tùr eng thil mai pawh kha —kan neih chuan thiante ei tùr nei ve lo kha kan auhkhum thìn a; “Khawi’ve” rawn tingam kha thianah kan lo siam thìn ta em ni kha âw?
Mizo naupang manner kha a mak danglam ve tlat!
Chuvàngin, puitlin laia inawhthìk/sìk/fìk vèl a awm tawh vak loh avàngin he thumal hi chu … naupang vocabulary-ah ka puang e. Mahse, a nihna takah chuan ZORAM mipui nungchang hi INAWHFIK/SIK/THIK-na ram a ni. Mi awmtheiten rethei berh te an AWH lohna khi siamthat a ngai! Politician-te khi a nia, inawt lo ber ber te chu ni!
August 31st, 2009 at 12:01 am
Mau hi grass family, Gramineae ami ani a ni a. Grass family ah rau rau chuan a dam rei ber leh a kung lian ber an ni. Grass family chhung ami ho reng reng chu an para an lo rah hian a kumg a thi zui mai thin. An par hun erawh a inang lo khawp mai. Tunhma kan population ala tlem lai chuan a tuai khawrh avanga lak rem a har. Tunah erawh a kung sumdawn nan, a tuai sumdawn nan kan hmang. Lak rawn luai luai chuan a pung chaklo ta.
August 31st, 2009 at 12:15 am
@Muantea: tlangzarh chi ani lo, Fan a ni tlat.
Khuai note hi ka nel lo khawp mai. Khasi hovin far (pine tree) pangang lian pui pui, pangrem tiat the thaw, an man khawm a, tuisova an chiah hnua an han kang rep that mai te kha, ka ti hlei thei lo.
August 31st, 2009 at 12:22 am
Khuai no ka va ei khat ta em! Hmuh fuh veleh lei ve nghal teh ang. Vaihmarchate chu kan nei ve
August 31st, 2009 at 12:24 am
Tihdikna:
@Muantea: Tlangzarh chi ani lo. Fapa nilo vin, Fanu a ni tlats. Mipa nilovin hmeichhia ani tlats. kha daih kha asiiin. Comment ka edit thiamloh man anih hi.
August 31st, 2009 at 12:24 am
Bakthak-ho Far-pangang ei mawlh khu chu … ka ti thei lo khawp mai! Mahse, zawngtah mu pum eng awng kan han ei hmiah hmiah angte hi an tèr thei lo ve tho.
Manipur-ah phei chuan …zawngtah ei season-ah èk-paihten an hlawh pùn an ngiat ve ziah thìn. Hrawk hi a lo inchen lo thei khawp mai!
August 31st, 2009 at 12:30 am
TLANGZARH tih tawngkam hi Pu James D-a sawi ka ngaithla tawh a, thil thup tùr ni ngawih ngawih —kamtam zualte leh rintlàka ngaih rintlàk si lohte thil lo tih-LEAK ang thàwthângin a sawi. Chuvàngin, “lehkhabu tlângzàrh” tih pawh hi dik tùrah a dah lo. “Mite hriat ngei ngei atâna kan duh thil tlângzarh a ni ngai lo,” a ti tlat!
Lehkhabu tharlâm kan release chungchânga hman tùr chher thiam kan mamawh ta hle, tlangzarh hi chu —uire rù-te awm se, tuma’n an hre lo emaw tih laiin tuemaw hrerutuin lo TLANGZARH ta sela, se’thiam mai em?
August 31st, 2009 at 12:32 am
Khuaibu hi a tu mai pawh hian hmu se, “laka a note ei” chiah an rilru ah zu han awm a maw le. Khuaino hi tlem tlemin, ei khawp lek leka lak theih ni ve se a tha tur. Heti taka khuai kan suat chung pawha ala rem mai lo hi chu a mak ang reng.
Khuai ina a note a hmangaih zia leh englai pawha a note chhan nana a nunna thap a huam zia hria kan awm em aw?
August 31st, 2009 at 12:44 am
Aizawl:Ngeiawm/tawng tam
Saiha:Nghal
Lawngtlai:A hrawk a hrawl
Aizawl:Saruak
Zawlnuam:Ruak tang kawng
Tuipang:Takruak
August 31st, 2009 at 12:47 am
Khuai te chu chawhmeh alawm. Chahmeh hlauva patling, hniak pherh vunga kan tlanchhiat hian, khuaiin a note chhan nan amah leh amah a in sacrifice ani tih kan hrelo.
August 31st, 2009 at 1:18 am
Mr H Vangchhia, khuaino leh thil dang vel chu ka sawi lo ang, zoram lam i ngai ve thin fu lo maw??? Thla en zana zemabawk dai te kha…..
August 31st, 2009 at 2:23 am
@vlfanai : Thla en zana zemabawk dai te kha…..
A ngaihawm dawn tak chu le … Sihphir, Chite kam a ni ta hauh lo mai le …
August 31st, 2009 at 2:26 am
Khuai, amâ zû-a tla-hlum ka hmu tawh a, suangtuah tùr neuh neuh a titam zèk! A lainatawm khawp asin. Hringfate pawh —chutiang tho chu kan ni!
August 31st, 2009 at 3:31 am
Ekhai a, ka va hmu tlai ve. A phek hma lam comment ka chhiar hran lova, an chhang tawh che nge che lo chu ka hre lo. A tlangpuiin mizo in khuai kan lak hun hi chu thlasik hnaih september (a la hun lutuk lo), october leh november hi a ni deuh tlangpui zel ka experience ve tawh ah chuan.
Nia, khuaino aia chawhmeh tui hi han sawi tur a vang ve khawp a nia. A lema i han tarlan khi eng khuai no nge chu ka hre thei mai lova, mizovin khuaino kan lak tlangpui leh tui/hang a kan sawi thin chu Khawidang, Khawivanrial (an kawlh hle), khawibel, khamkhuai(khawichhunmu), etc te hi ka hriatah chuan an ni.
Ei lohna a rei ve ta hle mai, min awhfik ta rau rau khuaino ei turin rawn haw zuai ila a that dawn hi.
August 31st, 2009 at 3:54 am
vlfanai, mi lungleng mi ka ni. Mizoram ka ngaih hi a reh ngai lovang. Zorock in “mi ramah zawng lunglen a na e,” a lo tih kha,a dik chiah a ni.
Zema dai…hairehai. Hmanni kalo haw khan ka va thu vang vang tak asin.
August 31st, 2009 at 9:31 am
Naupang te ka nih lai atang tawha ka hriat ve thin dan “Awhfik” tih hi mi thenkhat chuan “Awhthik” an ti daih a,ka pian leh ka seilenna Aizawl khawpui ah hian chuan ka hriat dan ang nilo deuha he tawngkam hmang hi ka tawng teh chiam lo.Khuai no hi ka ei ngam miah lo.Vawikhat pawh kan u pakhat in min duhsak takin a rawn keng ve hram hram a,kei chuan ei chu sawiloh ka lo hlau nasa mai.Mahse ka causin pakhat hian a lo duh em em thung a,kan pe ta mai,a lawm hle a ni awm e.
August 31st, 2009 at 9:51 am
Yuck!!!
August 31st, 2009 at 12:05 pm
Min ‘awhfik’ mah ula ka ‘thik’ lohna lam tak che u a ni ang.
August 31st, 2009 at 2:31 pm
Tiang khi a tui asin.Han chhum hang i la e,lei hi kan lem tel lo chauh mai a ni.Sappui mingo ho pon ei se a tui an ti ve viau ang ka ring tlat
August 31st, 2009 at 2:52 pm
Ka insumtheihna chi ani ve tlats, awhfik,awhthik leh awhsik pawn’ keimahah chuan awmzia a nei thui lo khawp ang le.
August 31st, 2009 at 3:36 pm
@ Irre: same here …. a chung a mi phei khi chu min pe mahse ka paih vek tho ang….
August 31st, 2009 at 8:03 pm
Ohhhh Crap!! who the hell eat those!!
Almost puke….
I heard some asian country eats Fetus! YUCK!!!!
August 31st, 2009 at 8:52 pm
Yup exactly! I also heard some of these western countries eat pizzas and burgers! Ewwwwww… yuck! blech!
September 1st, 2009 at 12:18 am
@veepee: phek hmalam comment i chhiar loh vangin tunah pawh khuai lak hi a hun tawh a ni tih ka rawn sawi i hmu lova ka hrethiam che.Mahse Khamkhuai leh Khawichhunmu hi chu a inang lovin ka hria. Khamkhuai hi chu Khawipui an ti bawk a,zu nei chi a ni a, Khawichhunmu hi chu a ni ve lo.