Sam ang then ni te hi,
Lo herchhuak leh thin e,
Ami leng tawnah hian
Tuar dan hril thiam awm maw?
Duhlai leng zing zin tur
Hnahnem hling par an hlan,
Nghilhloh nan ser ang chang thei tak maw?
Nghilhloh ngaihhrui thu di
Thlun nan lo par chhuak e
Inthen ni lo her chang lunglen damte’n thawi nan
Vangkhaw sira se-dai theuva pal kara’n
Thliahlai nghakin a lo par pawl riai.
He hla hi Pahlira Sena Chawngthu phuah a ni a. A phuah chhan hi a sawichhuak lo na in, rinthu in kan trhianhovin kan bawl phuan trhina. Nuam kan tiin kan lungleng lutuk hi kan mittui te a tle deuh ti-tih thei nia. Hmanlai kan nu leh pa te hunah khan sipai tran an intih-hmuh hle a. Sipai kal tur hi chuan am takin an bialnu te an rim trhin. An chhutri lo hawng kal leh tur phei chu an lungleng zual viau zel. Sipai bansan phah pawh sawi tur an tam.
Chutia sipai trang tur chu an bialnu ten an lo hawng leh ngei ang em tih hi beisei si beisei lo ang reng bawk siin, in ngaihhrui emaw in theihngilh loh nan emaw, an zin dawn zing-ah, kawldai hling ngei mai hian an han inchhun trhin an ti. Kawldai hling chhun hi a ser duh an lo tih trhin ngei chuan an banah an han inchhun ve ve trhin a ni. Chu SER ngei chu an ngaihzawng te nghilh loh nan, lungleng takin an chul an zut an en trhin ngei ang.
Lehkha thawn lah ziak leh chhiar thiam an tlem avangin, mi chhiar tir a ngai, phone a la awm lo mobile phone-a sms biahthu thawn te phei chu la awm lo chiang si. He an hmangaih a ni tih an in REMIND na ber chu SER an in-chhun (siam) hi a ni ta a ni.
Kawldai sipai trang ho ten an hmuh ngun ber chu, Shillong lam a mi, tam pawh a tam lehzual. Nalh em em-in palchawi ah an trim. Chung karah chuan, kawldai par pawl riai hian khawilam mah a hisap tir lo, an khua se-dai an kanpui, an lawmnu, ka bialpa hi ka pasal ngei tur a ni ti-a rinawm taka lo nghak tu bak an mithla ka ring thei lo.
Misual ho bawl phonah, duhleh tunlai mil turin ka han chhawpchhuak a ni e. ka lawme.
June 15th, 2009 at 11:51 pm
Nghilh loh nan ser ang ‘cham’ thei tak maw! tih a ni zawk em? Kawldai (forget me not) par pawl riai mai a phuahna mai niin a lang.A hling in chhun tir,kawldai leh sava pahnih,forget me not par leh sipai,Pahlira Sena Chawngthu leh Amar Akbar Anthony tih vel hi ka ngaihtuah buai lo mai te’ng! Kawldai par hla a phuah a, rem leh dik em emin Major leh minor chord in a then hrang a,hla satliah lo tak a ni tih mai hi ka’n sawi rih phawt ange.
Report this comment
June 15th, 2009 at 11:58 pm
A hla thu hi a tha, a thluk pawh a dangdai. A satu hian a sa nalh ka ti vak lo, music arrangement pawh hi a mawi ka tih zawng a ni lem lo, lead guitar phei hi chuan min hruai bo lek lek emawni chu aw? ka ti deuh. Tin, inserted pics leh a hla thu a inzawlna ka hre vak lo. Music beat leh pics inthlak lai hi a ‘sync’ tha tawk lo bawk. A satu a lang lem lo nain ‘lips sync’ dik lo deuha zai en a ang ka ti tlat.
Report this comment
June 16th, 2009 at 12:29 am
Music & Lyrics a ni hluai nain, a LYRICS lamah mzvision hian mi rawn tibengvar hawk mai. Kawldai-par phuahna satliah —thawka phita P S Chawngthu ngaisang laklawh tawhten a vul mawi thei ang bera he hla hi an lo sawimawi satliah trhinah ka lo ngai thlarawk a … Engineering College chhuakin mi han hrilhfiah ta chiam mai chu … ka va han paw-fuh char char tak em! Lawmthu sawi nan he ka Car thar hi lo thlir ve mai mai ang che —
https://img99.imageshack.us/img99/7286/dsc0212v.jpg
Tin, sipaia trang, lehkha thiam sang chuang lote khan kan Mizo literature hi an lo chang chiangkuang hle trhin hian ka hria; sipai lungleng di ngai bang thei lo te thawenthu atranga phuah chhuah hlate hian Zofate hi kan lo inawi dup dup mai zawng a nih hi! Khatia kawldai-hling ngei maia Romantic Scar inngaihhruih nachang an lo hria kha —SMS tih vel ai chuan a ril hle zawkin ka hria. A ni lah tak a, Shillong hmun tam takah zing PT Exercise lak pah ringawt pawha an hmuh fo tur KAWLDAI a rawn par pawt lep pawha REMINDER ni ta zel pawh hian … mahni vangkhua lo luah lumtu Di-bawihteii ngaih a tizual hle mai tur chu … hla namai lo tak a lo ni e. Rawn post lo phei la chu, ka ngaihsan phak vak loh hla a la ni reng tur hi a nia! Tunah chuan, i zarah ka tem ve ta feih feih e … a va ril reuh em!
Report this comment
June 16th, 2009 at 12:37 am
Sam ang trhen ni te hi,
Lo her chhuak leh trhin e,
Ami leng tawnah hian
Tuar dan hril thiam awm maw?
Duhlai-leng zing zin tur
Hnah nem hling par an hlan,
Nghilh loh nan ser ang cham thei tak maw?
Nghilh loh ngaihhrui thu di
Thlun nan lo par chhuak e
Intrhen ni lo her chang lunglen damte’n thawi nan
Vangkhaw sira sedai theuva pal kara’n
Thliah lai nghakin a lo par pawl riai.
—A chhiartu Pahlira Sena Chawngthu —All India Radio, Shillong-Gauhati … Chanchin Tlangpuite …
Report this comment
June 16th, 2009 at 1:16 am
Vanah khian mihring sulhnu, thil pakhat a awm ve ta. Chu chu Isua nakthawl, kut leh ke-a a SER-te khi an ni.
The Old Man and The Sea by Ernest Hemingway pawh —a phena thu inphum hailan tum phetin English Criticism kan zir phah ve a —ni thum leh zan thum teh meuh tuipui chunga sangha, harpoon tum leh harpoon hruiin a hrut thler sanghamantu kutphah te, tlang lam pana chau tak chunga a lawng puanzarna ngul (mast) a pu ngawk ngawk dungthulin Nazareth Isua —a kross pu leh hliam tuar, Kalvary tlang pan ta angin kan hmehbel lui hram hram zel ang tho khan —mihringte kutthak a tawrhna SER chu Isua tan leh a chhandam fate tana ROMANTIC SCAR mawi tak a la ni ve ngei dawn a nih tak chu, tiin … P S Chawngthu hla hausakna hak han tihzauh lehzual nan ka rawn belhchhah duh ve hret a ni e. Administrator-te ngaihdan ni vek kher lo mah se, Ka lawm lutuk tho ve.
Report this comment
June 16th, 2009 at 1:42 am
Youth Icon an thlan tuma Mîmi Lalzamliani’n a hanga a sak kha a ni a. Recordig puitling emaw uluk taka sak pawh a ni lo va. Tin, a hanga sak a nih avangin a beat vel pawh music tel nghal nena sak nen chuan a inang lo a ni. Mimi Lalzamliani Aw chu youtube atanga lain hetiang hian a music hi hmehbel mai mai a ni a.. Uluk tak leh nalh tak tura tih pawh a ni hran lo. A siamtu hi a lung a leng em a, a han ti thla ve rawk a ni tih hi hriattur a ni..:)
PS/ he hla hi chu Mizopa kutchhuakah chuan nalh dangdai pawl tak niin ka hria. A thu a un nalh a, a thluk a mawi hle bawkin ka hria.
Report this comment
June 16th, 2009 at 2:05 am
Tin, sipaia trang, lehkha thiam sang chuang lote khan kan Mizo literature hi an lo chang chiangkuang hle trhin hian ka hria … TIH AWMZIA hi
Mizo tlangval, vai sipaia zu trangte DRAMA IN REAL LIFE kha kan Mizo hmanlai, tunlai hlaah te hian kan phih lut nasa hle a —anniho ber mai khan min lo awi tlei hneh ber trhin niin a lang, ka tihna a ni ber e.
A dawtah chuan kum 1970s chho vela Lalsangzuali Sailo te trhianzaho, Thingsai leh a chhehvel nula leh tlangval rual, Shillong-a zu inzirte khan trhangthar an rawn chawm leh ngawet bawk mai!
Report this comment
June 16th, 2009 at 2:45 am
hlaphuahtute hian an phuahchhan mihring te poh an nei a trhen chuan neilo poh an awm ngei ang, an phuahchhan leh a thu in a tum zawng zawng sawifai leng hi a ethical lova sih-hawnna te chu an lo sawi ri hlek trhin mahna
Read between the lines kan ti dawn nge :?: read beyond the lines kan ti ang
chu chu hla thu bawl phawn tiin kan dah ange. In bawl trha hlawm hle mai, han bawl belh zel teh un.
PS Chawngthu hian a hlate a bu-in a chhuah, a bu ngei a neitu in a roh em em kha ka lo en anga :arrow:
Nghilh loh nan ser ang cham thei tak maw? OR Nghilh loh nan ser ang chang thei tak maw? ka rawn confirm dawn nia.
@Chawnghilh i bawlphawn belh dan hian miril i nih zia a tilang. Ka lawme
@samuelapa Mimi Lalzamliani’n Youth Icon elimination round (?) a a sak zorunpuia sawi anga music belh anih avangin i sawi hi ka trawm che. Rebecca sak leh Ruati sak te kha Mp3 in ka zawng dahtur ka hmu si lo
Engpohnise a thu hi i bawl belh zel teh ang. Ka lawm e
Report this comment
June 16th, 2009 at 9:25 am
Hei hi kan thiannu mission veng nula Lsi , Pu PS Chawngthu te thenawm lawka awmin amah Pu Sena hlabu ngei atanga a copy chhawn ka han tarlang ang e. Tin, he nula hi PS Chawngthua zirtir ngat a ni a. Midangin a thluk leh a thu tlema a lam dik loh lai pawh a hrilh chat a ni.
“Sam ang then nite hi lo her chhuak leh si e,
Ami leng tawnah hian tuar dan hril thiam awm maw;
Duhlai leng zing zin tur hnahnem hling par an hlan,
Nghilh lohna ser ang cham thei tak maw.
Nghilh loh ngaihhrui thu di thlun nan lo par chhuak e
Inthen ni lo her chang lunglen dam ten thawi nan,
Vangkhaw sira sadai theu a pal karah,
Thliah lai nghakin a lo par pawl riai”
Rebecca Saimawii te khan “Samang inthen ni te zawng” tiin an sa thin a, a phuahtu erawh chuan “Inthen ni te hi” tiin a dah thu te pawh a sawi. Ka lawm e.
Report this comment
June 16th, 2009 at 10:41 am
“Vangkhaw sira se-dai theuva pal kara’n” tih laia “theuva” tih khi “theuna” tih tur a ni lo’ng maw le!!!??? se-dai theuna pal kara’n a nih ka ring zawk e a!
Report this comment
June 16th, 2009 at 11:05 am
A van lunglen thlak ve le!Tun hma lehkhathawn kan nghahhlelh thin zia te min ti hre chhuak thar leh a lawm! He hla hi kan lo buai pui ve thin khawp nia ,mahse a thu kan lo chik em em ngai law,SER tih lai vel hian in pumpek na a va han ti chiang em! A pangpar hi eng ang tak nge ni ang tih pawh kan suangtuah ve thin.Artistic concept hmang a ka lo ngaih tuah danin pal kar a thliah lai nghak parpawl ria chu
https://img151.imageshack.us/im.....lpaint.jpg
Tun hma sipai Lucknow a trainning an bial nu ten an thingphur han tlu palh turin “Aw ka rei Lucknow” an tih thla zen thin pawh ka ngaihtuah thleng nia!!
Report this comment
June 16th, 2009 at 11:19 am
@Zorunpuia – I thiannu LSI kha college kan kal ho, He hla ngei hi College Week Solo competition-ah a sa a, thiam ka va ti teh reng… pakhatna a nihpui ta nghe nghe-in ka hria. A phuahtu ngei bula zir a lo nih vang a nih chiah chu..
A hla-in a rilin a thuk a, a hlu hle bawkin ka hria.
Report this comment
June 16th, 2009 at 11:39 am
Kan hre dik teuh thiak thiak hle mai :lol: PS Chawngthu hlabu ami ngei ka scan anga ka han dah har lovang
Sam ang then ni te zawng,
Lo herchhuak leh thin e,
Ami leng tawnah hian
Tuar dan hril thiam awm maw?
Duhlai leng zing zin tur
Hnahnem hling par an hlan,
Nghilhloh nan ser ang cham thei tak maw?
Nghilhloh ngaihhrui thu di
Thlun nan lo par chhuak e
Inthen ni lo her chang lunglen damte’n thawi nan
Vangkhaw sira saw dai theuna pal karah
Thliahlai nghakin a lo par pawl riai.
Report this comment
June 16th, 2009 at 12:18 pm
@mzvision:A hlathu hnuhnung ber a i tarlan a tang hian a chiang ta kuar mai…Sedai/sadai theu va,theu na tih lam ni lovin Saw,daitheuna pal kar a saw tih ang a lo ni tih a chiang a, i taimak zarah kan fiah uar mai a lawm!!
Report this comment
June 16th, 2009 at 3:53 pm
“saw dai” tih nge “se-dai” tih.. hmanlaiah chuan khua hi an hung thrin a… chu chu se-dai an tia… chuan pakhat leh “pal karah” tinge “pal kara’n” tih??? ..la ti tralh teh aangg
Report this comment
June 16th, 2009 at 4:15 pm
“Vangkhaw sira saw, dai theuna pal karah”
tih hian a awmzia a man theih deuh em?
Eg. Sawta saw, m_bawitlung a lo kal e.
Report this comment
June 16th, 2009 at 4:24 pm
I rawn sawi an khi chu anih ka ring vak lo.Mahse ka hre chiang vaklo.He hla hi a nalh a,lung a tileng a,rilru leh tihtak zeta ngaih thlak hian mi a hneh a.Thiamtaka sak ngaihthlak a chak awm khawp mai.
Report this comment
June 16th, 2009 at 4:26 pm
A hlathu solfa nen tlem PS Chawngthu thiziak nen ka nei tawh pdf/jpg in ka scan zawh-ah ka han dah ang.
Ka duh ber chu a thu in a ken han bawl phawn vel hi a ni e :lol:
Report this comment
June 16th, 2009 at 7:02 pm
ka lawm e
Report this comment
June 16th, 2009 at 9:06 pm
Hla thu ril deuh hriatna em em chu inhnial lawihna tham a ni thin reng e, an tia lawm.. He hla hi a ril hle a ni ngei ang..:)
@riangtleii, LSi chu i thiannu ngei chu a ni ang. Keipawhin a zai hi ka remsak ve nasa thin khawp asin.. Nula zaidam, Pathian tihmi, nunchang mawi tak a ni a. A Zonu hle bawkin ka hria. Lengzem a sak pawh ka hre ngai der lo kei chuan..
Report this comment
June 16th, 2009 at 10:09 pm
Heile hla thu (phek 1) https://img220.imageshack.us/im.....par003.jpg leh phuah chhan tlem (phek 2)1/2 = https://img29.imageshack.us/img.....par001.jpg 2/2 = https://img220.imageshack.us/im.....par002.jpg leh PS Chawngthu (phek 1)https://img208.imageshack.us/img208/9086/ngilhlohpar.jpg chanchin
Kan hotute hian a hla thu hi lang nghal tur hian han dah sela aw :idea:
Report this comment
June 16th, 2009 at 10:11 pm
@zorunpui Lsi hi sikulkawn bula phei keuh kha mi, zaithiam asin, mahse missionary in kal daih lo maw :?: hei hla thu chu a bu ami ngei ka han dah e. hlut ber zing ami tur ah ka ngai che
Report this comment
June 16th, 2009 at 11:17 pm
Ka lawm hle mai. Aw Lsi chu i sawi ngei hi a ni e. Nia, M.com a zo va, Samo lamah missionary in a thawk ta daih mai.. a nunchang kha a missionary bawk em a ni.. Nula ngaihsan awm tak a ni e.. I thil min hlui chu ka lawm hle mai, ka lo save keuh ang e..:)
Report this comment
June 17th, 2009 at 1:06 am
Vangkhaw sira saw dai theuna pal karah a lo par pawl riai…han tih hnap mai hi a mawi chungchuang ngawt mai..thliah a chakawm hliah hliah mai ,a milem lang hauh si lovin rilru a kaihruai vawng vawng thei nia..mizo hla zingah chuan belhchet dawl leh thluk lairil fan ngaih ka tihte zinga mi a ni..good post.
Report this comment
June 17th, 2009 at 3:58 am
PS Chawngthu hi lam waltz etc poh a thiam khop mai an ti. chawnghilh hi zanin chu a va reh ve kan miril hi a reh tlats
Report this comment
June 18th, 2009 at 1:35 am
@zorunpui
ka beisei angin he hla hi misual ho hian an bawlphuan trha duh lo riau. PS Chawngthu an a phuah dan a sawi atrang hian novel pakhat tun emaw phuah sela. Hei ka scan kha text-a chantir kan zira, i lo roh takin hei aw :arrow:
Nghilh lohna par
Sapho hian an ngaihzawng, an thiantha te, an chhungkua te, hmundanga kal sawn emaw, zinbo tur pem tur emaw te reng reng hi an thlah dawn hian pangpar chi khat bawr ve deuh reuh, pawl deuh riai hi awm-ah an inthiahsak thin a; chu chu englai pawha intheihnghilh loh nana inhrilhnaah an hmang thin a. Chuvangin, chu pangpar pawh chu a hmingah Forget- me-not an ti nghe nghe a. Chutiang deuh chuan kum 1940 bawr vel leh a aia hma hret-ahte khan Mizoram-ah pawh mi thenkhat chuan inthlah nan pangpar kawr inthiahsak an ching ve thin a. Amaherawhchu, forget me not pangpar tak erawh chu Mizoramah a awm loh avangin amah ang deuh maia bawr deuh, a par pawl ve chu an hmang thin a. Chutiang par chu chunglai chuan hmuh tur a tam em em a, mitin mai hian huan hung nan an hmang a. A thente chuan rualmam tha takte pawhin an chep thin a. He hnim hi hling tur tha tak nei a ni nghe nghe a. Chei loha thlahthlam anih chuan lian tak tak leh sang fe pawhin a to thei a ni. Chei that anih chuan a par duh meuh lo, chei loha to anih chuan bawr tak takin a par chuai thin a, chumi pangpar chu ‘Kawl dai hling’ tiin an vuah a. Kawl dai pangngai anga hnah lian a ni ve lo.
He pangpar hian, hling a neih avangin bawng ilo te pawhin an tawn ngam lo. Thil pung duh tak, a englai kuang pawh phun ila nung zel thei chi a ni. Foreign atanga ka lo hawng, kum 11 lai Mission veng, Aizawl ka chhuahsan hnu-ah kan rawlthar chhuah vela kan chul hluite kan naupan laia thangthlêng leh sahdal kam thinna hmunte, sava vehna hmunte chu fan tumin tlai khat chu ka chhuak a. Chu’ng ka han sawi hmunte chu in leh huan-in a lo khat vek tawh a. Ram palai leng mai thinte kawng leh lamlianin a thlur sung tawh a. Ramhnuai anih laia ka by heart that tehlul nen in leh huan leh kawng alo awm chinah chuan ka leh bo daih mai!. Chutia ka vah vel naah chuan hmana lo a nih laia bawng leh kel luh theih loh nana sedai an theuna hlui karah chuan Kawldai hling sang taka to, tang sei pui pui nei hi ka hmu a, a tang sei pui hmawr ah chuan par bawr tha fahran mai hi a uai zawng hian a lo par a. Hmanlaia kan chin anga inthlahna leh intheihnghilh loh nan tia kawldaihling-par pawl kan thliaka kawr awma kan inthiahsak lai ang kha chu ni se tuemaw chuan an thliak ngei in a rinawm; mahse tunlaiah an ching ta lova. Chuvangin, chutianga thliak tur chu nghak niawm takin pawl riai-in a par a nih hi, tiin hla ka phuah chhan ta a ni.
Report this comment
June 18th, 2009 at 2:04 am
Ekhai, a ngaihnawm hle mai. Ka lo save hmak hlawm e.. i zarah ka hla duh tak mai chanchin leh kalhmang ka lo hre thei a. Thiannu LSi pawhin mi rawn mail a, a hlabu a mi ngei ka copy chuan ka inhria a, ka record ah ka sa sual pawh a ni mai thei a, Tin Pu PS-a pawh a la dam lai kha a nia, a ngaithla ve tho a, engmah a sawisel thu ka hre lem si lo va.. ka sa sual ang a, a sawisel duh lo pawh a ni mai thei bawk e.. a rawn ti hial..
Report this comment
June 18th, 2009 at 2:11 am
Lsi chu facebook atrangin ka zu hrilh a lom le. Concert for Gujarat ah khan ka fapa te nen an zai hova, a zaithiam sia a nungchang a mawi bawk si, lehkha lamah duai bawk silo … hei chuh ka tih lain missionary lamah a kal ta daih a.
A U hi DU a a kal laiin, kan farnu te nen hostel khatah an awm trhin, min bazar pui zak zak trhin mawle. Ka hriat mi tak chhung an nia, khawthlang kawrte lam chhuak te poh an ni deuh asin
Thuziak hi thiam ila chu he hla hmang hian love story novel a siam theihin ka hria :lol: Aizawl i lo chuan chhuah chuan he hla hi MI kan nei anga kan sa ho dawn nia
Report this comment
June 18th, 2009 at 2:25 am
Tehreng e.. Keipawh thuziak thiam tak chu ni ila, eng emaw zawng taka han kawih her a love story tha tak chhuak thei ngei tur chu niin ka hri. Mahse kan thiamna hian a tlin si lo..
Lsi sawi takah chuan kum 1999 vel khan a zai ka rem sak ve zauh zauh thin a, Biak In leh hmun dangah te pawh, hla zir hmaa tawngtaina nena inhla thlap thlap zel mi a ni a, nula nungchang mawi tak chu a ni..
I fapa chu a la tlangval ngei awm si a, a va sawirem mai chi awm ve.. puar-ak lam chan chu ka huphurh miah lo a nia..:)
Report this comment
June 18th, 2009 at 2:25 am
Novel chu siam dawn ila chapter hrang hrang turte-
1) Thulairil thawi zeuhna
2) Hmanlai zokhaw chanchin
3) Lal hunlai
4) A changtute naupan lai
5) In ngaizawng tran chho
6) Sipai a intlar
7) Sipai kaltur inthlah
8 )Shillong rawngrut lai
9) Shillong lama hmelthra hmu
10) Indopui lai
11) Rualawh vangin lehkha zir trha leh
12) An khua ah a hawng
13) A bialnu nau a lo pawm
14) A thil hawn puarak a pek tir
15) Thihrui a dawng BA a passed thu
16) Zirna sang bei zel turin khawhar takin an khua a chhuah san
17) A tawp ta :idea:
Report this comment
June 18th, 2009 at 2:38 am
Heng thawnthu ka mithla hian Ngopa lam ram vel zuk lang daih mai a. Lalzidinga chanchin te kha han lang nawk nawk mai sela. A changtupa kha Ngopa middle sikul zirtirtu atan te, a BA exam zo han hawng kha han sawm vel sela.Nang hma han la teh :idea:
kan fate hi zawnpui an ngai lo hle zel mai :!: mahse nizan ka damsam lo min han kan tu Dr fiamthu chu (nula rim tam chuan mi nu leh pa te psycho chu i man ngei anga NOI) –
“Kan fanu te hi an nausen lai chuan bawlhlhawh a luh hlau reng reng in kan venga. An lo leikang an tleirawl chho lah chu mipa thil a hun lovah a lut ang tih hlau reng rengin kan veng leh a. Hei an han nula senior chhova mipa thil luhna tur an hmu zo lovang tih hlau reng rengin kan buai leh zawng anih hi” a tia kan nui tlorh tlorh mai mawle :lol:
Report this comment
June 18th, 2009 at 3:06 am
Makurin (Rebecca Saimawii) a sak atang khan he hla hi kalo beng-hriat ve tan a.Hmmm, tun ah hetiang hian a thu meuh in lo pho chhuak leh ta… vawi 7 tak meuh a thluk dan dikin, kan chhiar chhuah nawn awn awn chu le.
Hla thu ngei maia lunglen thu, di ngaih hla hranghlui ten an han chham leh phuahchhuah te hi zawng a lo rilin, a mi fan a fiak ril raih mai le.
Khawtlang lunglen leh Di ngaih Lunglen hi engemaw zawng tak chuan anuam hi ka ti thin…ngaihtuah hi a kal thui a, suangtuahna in kan khatliam bawk si nen…
“Se-dai theuna pal” eng anih tih hrelo emaw, la hmulo emaw pawh hi kan tam tawh awm kher mai…
Report this comment
June 18th, 2009 at 10:53 am
He hla hi Mizo hla ah chuan nalh ka tih ber leh tha ka tih ber ani a, chuvang chuan zaithei nazawng sak atan chuan ka phal lo. Rebecca Saimawii khan a sa thiam ber a, record that leh a tum tlat in ka hria.
Report this comment
June 18th, 2009 at 1:24 pm
he hla a ka fever hi a la top si lova ka blog ah ka la phei, pic lang lo lang telin
Visit a comment keuh duhtan leh la bawlphuan zel duh te ka han sawm che u ani hetah hian :arrow: https://mzvision.wordpress.com/.....lohna-par/
Report this comment
September 15th, 2010 at 4:08 pm
Ka lung a vin leng tak
He post ka chhiar hian
Ka lawm e
–LVK
Report this comment
September 16th, 2010 at 12:10 pm
[…] lohna Par By mzvision Nghilh loh nan June 15th, 2009 10:47 pm by […]
Report this comment