Hmangaihnain a a bual at, fa lu hloh thak khawpa a hmangaih Krista hnungzuitu Tirhkoh Paula chuan Korinth khuaa mite hnenah ti hian hmangaihna awmzia a lo hrilhfiah tawh a, “Hmangaihnain a dawhthei a, ngil a nei bawk thin; hmangaihnain a itsik lo va; hmangaihna a infak lo va, a uang lo va, a che mawi lo lo va, mahni hma a sial lo va, a thinur duh lo va, sual lamah a ngaihtuah lo va; fel lohnaah a lawm lo va, thutak erawh chu a lawmpui thin a; engkim a tuar hram hram a, engkim a ring a, engkim a beisei a, engkim a tuar chhuak thin (I Korinth 13:4-7) tiin. Hmangaihna hi mithiam ten an inhrilhfiah siak thin a, ropui tak tak, ril tak takin an lo hrilhfiah tawh thin. Mahse he hmangaihna hi naupang te hian engtin nge an hrilhfiah ve thin le?
Tumkhat chu mithiam rual intelkhawm te hian naupang kum 4 atanga kum 8 inkar te hi ‘Hmangaihna hi enge a awmzia?’ tih zawhna an chhan tir a, naupang hrang hrang tena an chhanna chu a inang lo hlawm hle, naupang tena Hmangaihna an hrilhfiahna thenkhat chu hetiang hi a ni-
“Ka pi chu natna khirh tak a tawrh avangin mahni pawh in bawisawm theilo khawpin a bawk sawp a. Chutih lai chuan ka pu chuan ka pi chu theihtawpin a enkawl a, amah pawh chu natna in a tlak buak ve thlengin ka pi chu a bawihsawm a, hei hi Hmangaihna chu a ni”. – Rebecca, kum 8
“Tu emaw in a hmangaih che chuan i hming a lam dam chu a danglam bik ang. I hming chu a ka chhungah chuan him takin a awm tih i hre thei ang.” – Billy, kum 4..
.. https://serchhip.wordpress.com/2009/06/20/hmangaihna-hi-enge-a-awmzia/ ah hian a chhunzawmna a chhiar theih e.
Similar Posts:
- Hmangaihna hi enge a awm zia aw?
- MAWII TAN
- Hmangaihna hi enge a awmzia dik tak?
- Hmangaihna chungchang
- Korean Flu
June 21st, 2009 at 11:26 am
Hmangaihna dik kan neih theihnan Bible chhiar leh tawngtaina nen bul kan tan tur ani.. tichuan, Hmangaihna ka neih hi mite tan a lo thuk telh telh dawn a ni.. tawite in..
Report this comment
June 21st, 2009 at 12:56 pm
Ka sawi ve hun. Hmangaihna hi a va lo mak ngai em! Tu’n nge hrilhfiah thiam ta ang le? Hmangaihte lakah chuan lian lua a awm lova te lua a awm thei hek lo. Sweet mum khat lek pawh ni se hmangaih ber kut ami chu a thlum tui bik thin. Hmangaihna avangin thikthu chhiat chang a lo thleng thin a, chu thik thu avang chuan tul lo pui ah rilru a hah fo thin. Chutihlaiin thikthu ina a pawlh hauh loh hmangaihna erawh a rinhlelhawm viau lawi si. Hmangaih luat vanga lawm luatah bianga mittui a luan laiin, chu hmangaihna avang vek chuan lungngaih mittui sur in tahna ruamah min liam tir thei ve thung. Hmangaihna chuan huaisenna min pe thei a, chumi avang chuan hmabak engpawh hmangaihte tan chuan tih kan huam a. Theih phei chu nise siar lak pawh kan huam ang chu. Hmangaihte kiangah chuan engkim mai hian par an chhuah laiin hmangaihte tello chuan tlai nitla engmawi tak pawh lunglen tizualtu mai a ni a, chhawrthla eng lah a mawina a chuai zova, khawvel a ngui ruai in a hriat thin thin. Hmangaih ber nena zan a rei loh thin zia te, zan dang zawng aia zanlai ar a khuan hma bik thin zia te kha, chutih laiin hmangaih ber tello chuan chhun a rei bik a, zan lah a rei em em a, a reh hian a reh vawng vawng thin. Kei zawng hmangaihna hi a mak in a ril em mai a ka hrilhfiah thiam ve lo a ni e. Diktea Pa leh mazualtea pa te’n an hre chiang ang.
Report this comment
June 21st, 2009 at 1:22 pm
Love is ….. never having to say that you’re sorry tih Erich Segal a novel atranga Love Story film a ***ring te kha tute nge kha?? Aw Ryan O’Neil leh Ali Mac Graw te channa kan enlai kan sawi daih te’ng –
…. movie hall-ah neih chhun chhun in balcony ticket kan leia, ticket chang tura tha-hrui ka sen nasat zia kha ka sawi tum a ni lo. kan han en ta ngeia chhass hruai han nih poh kha nuam kan ti veng veng maia. hall luh dawnah serthlum ka lei thim tham zingah a kheh, a mu zawng zawng kha min dot dot vangin a remove vek a chu chu min han pe ngei maia, kan lem chu hmangaihna hi ka lem tel vawng vawng mai nia :lol:
Khanglai kha chuan Love is …. tih cartoon kha paper leg mags lar ho chuan an chhuah chhawng vek mawle. Khang era ho kha chu an lung a leng ve ngei ang mawle misual ve se chu
Report this comment
June 21st, 2009 at 1:24 pm
Hmangaihna ka la rawn sermon ang… ka tui..
Report this comment
June 21st, 2009 at 1:36 pm
@Admin Love Story hi a entheihin han dah ula
Report this comment
June 21st, 2009 at 1:41 pm
Hmangaihna huanga zuan luh tak tak meuh hi chuan thil hi a lo danglam viau niawm ani (kei chu hriat ka nei ve miah lova). Hmangaih ber kianga han thut ringawt pawhin a hma zanga rilru nawmlohna leh lungmuanlohna zawng zawng te kha a kiang nghal duak a. A kiangah chuan dawn a tawi tek mai . Engpawh lo thleng dawn se cho chikimin kan cho hliah hliah mai a ni. Hun leh dar in mumal a nei thei lova, chhun nise duhaiin a tawi a, zan lah a rei lo lutuk zel si. Sana ban tawi ber pawh hi a tlan in a tlan ta emaw tih tur a ni a. Zan dang zawng aiin zanlai ar a khuang hma ziah lehnghal! Zanlai arkhuang meuh pawhina mi a hnar haw hleih theih loh chang pawh a awm fo thin. Rin aiin hmangaihna par zu hi a lo thlum a, a ril dan hi a hma chuan ka lo hre ngai lo. Kha leh chen hmangaihna lo muhil tawh kha a thangharh ta a, a luan in a luang liam a, kan tuiral ani ber mai. Chutah zet zawng lung a awi hliah hliah a, rilru a hlim veng veng thin. Engkim mai hian parmawina a chhuah ta emaw tih mai tur hi ani a, engahmaha kan ngaih loh Tlangsam par takngial pawh duhberte kut atanga dawn anih chuan , hlu tak ani hlu tak! Hei lo liama damlai pialral, hei lo liama hmangaihna.
Report this comment
June 21st, 2009 at 2:41 pm
Hmangaihna hi mihring tawng mai a ni lo maw? Mi hrang hrangin an sawifiahna ka hre teuh. A practical vak lovin ka hria. Hmeltha kan tih deuh te hi kan hmangaih emaw kan ti mai mai hlawm a ni lo maw?
Report this comment
June 21st, 2009 at 4:00 pm
Chawnghilh-a kha a hman veleh he thu hi a chepa kai atanga chhuiin han sawi zau ve teh se.
Report this comment
June 21st, 2009 at 4:07 pm
Its a short word, but contains everything……
Report this comment
June 21st, 2009 at 4:08 pm
A sawi zel a 1Korinth 13 .. 9-12 Tirhkoh Paula khan A kim lovin kan hria-a a kim lovin thu kan hril bawk trhin, ani. A famkim a lo thlen hunah erawh chuan a kimlo hi tihban a ni tawh ang…… tunah zawng darthlalangah kan hmu riai ruai a ni chutih hunah erawh chuan in hmatawnin a ni tawh ang.”
tuna keini ho hmangaihna sawi ve hi chu Paula chuan hrechiang lo leh hisap fuh phalo a sawi kan ni tih hrilhfiah nan darthlalang a tehkhin – helai hi kan sawifiah ve duh ani. Khang hunlai khan darthlalang mirror hi an la hmuchhuak lova, dar phek hi a nawt tle a chu chu inchei nan an hmang trhin. An in hmu riai ruai ani. Chutiang fiah lova inhmu riai ruai leh Pathian atranga HMANGAIHNA hi a la hmuh kim loh zia a tehkhin ta a ni.
Chu thil ril lutuk Paula sawifiah zawh loh chu kan sawifiah zo dawn em ni tih hi kei misual ngaihdan a ni e. Ka lawme
Report this comment
June 21st, 2009 at 4:11 pm
Hmangaihna hrilhfiah na leh hmeichhe hmaibawl damdawi tha deuh chu hmuchhuak ila kan hausa ngawt ang, he khawvel ram zau ah hian :!:
@mzvision: Junior Statement(JS) kan ngaih san theih zia te,a last issue leh editor Desmond Doig(?) ban vel kan lo enghelh thin zia te kha Love Is…. i han sawi takah chuan a milem nen min ti hre chhuak zawk mai :lol: I van phawrh hman lai eee..
Report this comment
June 21st, 2009 at 4:26 pm
@XaiA
chawnghilh an auva ka lo theolgian (anygian) vel hman asin. Desmond Doig (RIP) te i han sawia JS hunlai a a contribution India trhalai te’n an hlut zia te. Nepal ah hreh chung chunga a pem thu te leh Mother Teressa chanchin a ziak te leh a sulhnu hi ngaisang tu a ngah reng ang.
Love is …. giving her most of umbrella tia ruah sur lai a mipa ruah in a far zawih zawih lai hmeichhia a khum tir vek lai lem te kha
Report this comment
June 21st, 2009 at 4:36 pm
Love is…pretending not to mind when the other is all the time busy with misual.com!
Report this comment
June 21st, 2009 at 5:00 pm
Love is … giving tea regularly while he is busy misual-ing :lol:
Report this comment
June 21st, 2009 at 5:05 pm
Love is…giving laptop in the bed even if you are sick for misual.com :lol:
Report this comment
June 21st, 2009 at 5:22 pm
Love is …. keeping quiet while he is spending most of his time with lap-top
Report this comment
June 21st, 2009 at 6:05 pm
I thawmhnaw bal te, i mawza bal te, i theh darh mai mai a, ngawi renga a tukleh zing lama alo fai leh har mai thin te, i eitui loh hlauva a phet chung chung chuan…. this can also be included as love.
Report this comment
June 21st, 2009 at 7:50 pm
The word Love is from Old English lufu, connected with Sanskrit lubh, ‘to desire’ and Latin lubere, ‘to please’.
Report this comment
June 21st, 2009 at 7:57 pm
A Hebrai tawng te, a Grik tawng tein engtin ve nge?
Report this comment
June 21st, 2009 at 9:32 pm
Love is Hmangaihna, Hmangaihna is Love ti i la!.. a fiah mai lawmni? Hmangaihna chu athlum emaw a al emaw in tehkhin chi anisi lo a rilru, chhungleiril a tranga rawn irhchhuak anih miau a vangin a tem a tem a ngaitlat. Hmangaihna, in sawi hian a huap zau em sia sawisen chi rual ani lawng!.Nupa in karhmangaihna, Nula tlangval in hmangaihna,Pa fa in hmangaihna, Explaination, Defination tamtak in a sawitheih dawnsia. Pathian leh Mihringte in kara hmangaihna, Hengho zawngzawnga Hmangaihna a huaptel a ka ngaihchu, Mipa khat in a hmangaihtana a mah a in thapngam( Sacrifice)hi Hmangaihna tingah ka ngaih ve dan ania in ngaihdan nen chuan a in perhkalh san mai thei ani.
Report this comment
June 21st, 2009 at 9:45 pm
Love is Hard work !
Report this comment
June 21st, 2009 at 10:02 pm
no omzia
Report this comment
June 21st, 2009 at 10:27 pm
Hmangaihna dik hrilfiahna ka hriat pakhat, ril ka tih deuh chuan tihian a hrilhfiah – True LOVE is when you are still dancing long after the music has stopped!
Report this comment
June 21st, 2009 at 10:34 pm
Hmangaihna hi anihna tak hrilhfiah thiam awm maw kkhawvel ram zau ah hian????
Report this comment
June 22nd, 2009 at 8:30 am
U elldy teh nawlh chuH….Theihtawp chhuah a Hmangaihna i hrilh fiah hnu ah pawh Ala awih thei meuh nange a??
Del ah a mi ila awm ??
Report this comment
June 22nd, 2009 at 9:48 am
Hmangaihna hi Greek tawng chuan Eros a ni a, a chiang em em a ni.
Report this comment
June 22nd, 2009 at 10:42 am
Kei leh ka chhungte tan zawng Hmangaihna tih thumal hi a Greek tawngte, Latin tawng te, aaa… tawng-hriatloh te nen lam ai pawhin Duhlian tawng nge nge hian a chiangin a fiah ber mai.
Report this comment
June 22nd, 2009 at 12:30 pm
Hmangaihna tih hian hmangaihna chi hrang hrang a awm thei treuh mai! Pathian in mihring a hmangaihna te, mihringin Pathian/pathian a hmangaihna te, mihring in mihring vek a hmangaihna ( hei pawh hi then hran theih teuh ang : Nu in fa a hmangaihna, mipa in hmeichhia a hmangaihna etc.)etc. Chutah hmangaihna kan tih chu a hun leh hmun avang te, hmangaih tu rilru put hmang leh hmangaihna dawng tu chhanlet dan atangte a danglam nuaih thin ani. Hetiang a nih duah avang hian hmangaihna thumal khat lek si huam ngah em em hi naupang in a hrilhfiah chu sawi loh puitling tan pawh famkima hrilhfiah theih a ni lo.
Kan rawlthar ve lai a “Tuifinriat tui zawng zawng hi lehkhatuiah chang se chu pawh chuan ka hmangaihna che hi a ziak zo seng lovang” tia a tlang kan han kawm ve thin te kha, kan hmangaihna chu dik lo pawh lo nita se, a thu erawh a dik in a nung ve hliah hliah thin a nih kha!
Report this comment
June 22nd, 2009 at 1:22 pm
Hmangaihna chu………. zalenna a ni!!!
Hmangaihna avangin sual bawih a ta chhuah zalen kan lo ni ta a. Hmangaihna avangin itsikna lakah kan lo zalen ta a, Hmangaihna avangin awhna sual lakah kan lo zalen ta a. Hmangaihna avang bawkin hmelma lak ata kan lo zalen thin bawk a. Hmangaihna avang ngei khan mihring mihrinna laka ta zalen in mithianghlimte nun dan mawika lo thlir thiam ta a. HMANGAIHNA avangin min Siamtu anna kawngah hma kan lo sawn a, chuti chuan sual bawih a ta kan lo zalen ta deuh deuha lo ni!
Hmangaihna vang erawh chuan mi pakhat tan kan nun kan hlan tur a ni lo a. “I tello chuan” tih vel hi hmangaihna a ni lo. Hmangaihna avanga kawng dik lo zawhtu te hian hmangaihna chu Zalenna ah an hmang lo, bawihah an in siam tir zawk ani. Hmangaihna chu Zalenna a nih ang bawkin mi zawng zawng hmangaih rawh!!!
Report this comment
June 23rd, 2009 at 3:02 pm
Chhiartham elhawlh deuh ka rawn thawh ve ang.
Report this comment
June 23rd, 2009 at 10:31 pm
Kan mi hrang kal ta Fam JF Laldailova chuan “Love, to be true and perfect, must be essentially admitted Jealousy” a ti mi kha. Thikna tello hmangaihna chu a ho ngawt ang le, tiin bul leh bal awmloin han puak ve pawp mai teh ang. Khawvel chhandamtu pawhin a chhandam te lakah chuan a thikthu a ti chhia ani. Amah thlang lova khawvel mawina te thlang lo turin a ti ani.
Report this comment
January 30th, 2012 at 10:11 pm
Ka hmangaih che.
Report this comment