Khawvel Hausakna….
He khawvelin Mi hausa a tih te chu In leh lo ngah, sum leh pai ngah; duh tawka hman tur nei, hman sen loh nei te pawh ti ila, chutiang mi chu an ni thin.
Khawvel ngaiha hausa te chuan he khawvel thil na na na chu an duh ang zawng zawng an leiin an nei thei thin. Chutiang dinhmuna din chu a nuam hle dawna hria pawh he lei mihring zawng zawng deuh thaw hi kan ni mai awm e. Ma’rawh chu sum in a lei theih loh Thlamuanna te, Dikna te leh Hmangaihna te hi an ban phak a lo ni chuang hauh lo mai nia maw le. Chumai a la ni lo, rilru leh thlarau lama lungngaihna leh hreawmna ata hi sum hmanga in lei chhuah chi a lo ni hauh lo mai. A pawimawh ber leh mihringin kan zawn ber HLIMNA phei hi chu a lei thei lo lehzual nia maw le.
Khawvel Hausakna in a lei theihloh….
He leia kan cham chhunga kan rilru, nun ti buai thintu sual leh min tihreawm thin tu anchhia kan phurh theuh laka in lei chhuah i duh thin em? A man maw? Sualna nei lo Pathian Fapa thisen leh nunna a ni. Lungngai suh, i pek a ngai lo, pek tawh a ni. Chu chu kan rin, A thu kan zawm, Amah Lal Isua mahni Lal atana pawm mai kha zu nia maw le. Chu mai chuan heng hrehawmna leh lungngaihna te lakah hian min chhanhim thin nia.
Engtin nge min Chhanhim?
Khawchin tehna Thermometer chhunga mercury awm hi khua a lum chuan a chim chin a sangin, khua a vawh leh a hniam thin. He khawvel hlimna leh thlamuanna pawh hi chutiang chu a ni. Min bawmtu in a ken boruak a zirin kan thla a muangin kan hlim in kan hlim lo thin. Krista neitu erawh chutiang an ni lo. Refrigerator a thermostat an tih hian Refrigerator a vawh dan tur tawkin a chhunga boruak chu a thunun thin. Chutiang chuan Krista neitu te chuan anmahni a awm mercury ‘Thlarau Thianghlim’ thiltihtheihna in a bawmtu a ti danglam zawk thin. Hrehawmna leh Lungngaihna tur ang chi pawh lo thleng rawh se, Hlimna mak tak maiin a hliahkhuh a, chutiang boruak chuan a ti buai ve tawh ngai lo.
I Duh Ve Em?
Chu ralthuam chu khawvel hausakna-a lei chi a ni lova, Rinna, Pathiana innghahna chauhva lei chi a ni. I duhthlanna hmang khan han lei ve teh le. Sum leh pai, he khawvel thil materialism in a chim phak loha awmte hausakna hi Hausakna Mak tak zawng a lo ni e.
July 19th, 2009 at 9:18 am
Amen…. Engkim neitu hi kata ani tih hriatfiah hi huasakna dik chu ani.
Report this comment
July 19th, 2009 at 11:27 am
Amen. He hausakna mak hi chu vanah a chhawm luh tlak ka ring. khawvel sum tin reng leh lunghlu kan tihmai – thuneihna te hleih neihna te larna te hl;awhtlinna te, sum leh paia hausak thur thurna te hi chu vanramah chuan a ken luh theih dawn loh.
Mite tana MALSAWMNA DIK erawh hi chu a chhawm luh theih mai lawng maw tih hi kei misual hriat chian loh ani.
Kanidar ka lawme i thil post hian mi fan raih raih mai, kan te chem chem mai
Report this comment
July 19th, 2009 at 12:01 pm
Hausakna dik a hausa tur chuan Amah neih a ni a,ngaihsantur dik kan ngaihsan a tul a ni.Kan value system kan thlak a ngai a,sum ngah ngah hmeltha tih ngawt a dik thei tawh lo,ngaihsan loh tur dik thlan thiam a tul bawk awm e. Pathian hian a mah thlang hmasa a,dah #1 tu te chu..”chung zawng zawng”chu a pek belhchhah dawn a lo ni.
Report this comment
July 19th, 2009 at 1:13 pm
Amen……He khawvel ah hian rochan kan neilo anih pohin i vui mailo ang u.Min Siamtu ro chan kan ni a,tawmpui thei din hmun ah kan ding anih chuan Ro tamtak kan nei dawn asin!!!
Report this comment
July 19th, 2009 at 7:58 pm
Mihring hlimna siamtu diktak chu, RO neih (wealth/fortune)hi a ni. Khawvel thil taka hlim ho pawh hi khawvel ah wealth/rosum an neih vang te ani thin. He khawvel a rosum nei ve lemlo te pawh kan hlimna ber pakhat chu, rinna in next life ah Vanram ah ro khawl anga kan inngaihna vang a ni fo bawk. Ro vanga mihring hlimna hi awm a ni kan ti thei ang… Hla thuin, ‘you’ve got to serve somebody’ a tih ang deuh khan…khawvel ro vangin emaw Vanram ro beisei vanga hlim mihring…tra la la la la.
Keizawng, ka ro chu ka chhungte hi an ni mai…
Report this comment
July 19th, 2009 at 8:08 pm
A tlangpuiin neinung deuh hlek hi chu kan hlim tlangpuiin ka hria. Tum buau tur pawh ni se retheih ai chuan hausak ka thlang tho tho kei chu.
Report this comment
July 19th, 2009 at 8:22 pm
hairehai
Report this comment
July 20th, 2009 at 4:39 am
Mi hausa in ka hausa an ti lung lung lo. khawvel thil a hausakna hi chu a lova awm theihnaah hian a inghatin ka hria.
Report this comment
July 20th, 2009 at 5:15 am
Kan thupui mil angreng tak vawin chu Sandei sikul ah kan zir a. Puitling zirlai bu nei chuan lo bih mah teh u… ngaihtuah a ti thui khawp mai.
Report this comment
July 20th, 2009 at 11:02 pm
Kan hausa emaw, hausa lo emaw a pawimawh ber chu LUNGAWINA hi a ni mai ang em? Mi Hausa emaw mi rethei an ni emaw, an lungawi tlat chuan an nun a hahdam ngeiin a rinawm. Lungawi theih tlat loh chuan sum hian awmzia a nei thui ngut lo mahna..!
Report this comment
July 22nd, 2009 at 5:54 pm
Tunlai chu ka ro bon tlats.mahse ka chhiar chhuak vek tho.
Report this comment
July 26th, 2011 at 11:24 pm
ÄÅÌÎÍÒÀÆ ÐÀÑÖÅÍÊÈ…
minny…
Report this comment