T Melody – Thinlung Thawnthu

August 3rd, 2009 9:33 am by Rugga

He ka thinlung hmangaihtu che vang hian,
Aw, ka rilru mangang a rum thin;
Nang hmangaih che vangin, hlimlai ni te zawngte’n, aw, zamual min liamsan ta.
Hmelma hlauhawm ber alo ni, he ka thinlung hi.

He ka thinlung, hmangaihtu che vang hian,
Aw ka thlarau chauvin a ngui thin.
Nang hmangaih che vang hian, senlai nau ang a tahlai banzai rel a har ngei;
Hmelma nunrawng ber a lo ni, he ka thinlung hi.

Tanglaiah run remtir ka phal ne’maw hmelma tan,
Khandaih hriamin aw, ka hmelma chu, fam ka chantir a.
Hreawmtin tawrhtirin, thlanthim hnuaiah zal turin ka hnawlliam ta;
Hmelma hnawksak ber alo ni, he ka thinlung hi.

Chu ka thinlung, famkhaw lawihnu ngei chu,
Thawhleh zai rel renga’n a mawi lo;
Nang hmangaih che vang hian, thawhzai relin i kephah hmaa’n a kun leh si(maw).
Hmelma chimawm ber alo ni, he ka thinlung hi.

————XXX———-

A hmangaih duh miah loh chu a hmangaih tlat si avangin a thinlung, ama hmelma ngei lo ni ta chu tho leh tawh lo turin khandaih hmangin a intukdai ta a, thawh leh zai pawh rel tawh lo chu a hmangaih em avang pekin a tho leh ta nge nge tihna lam em ni le???

A phuahtu pawh ka hre chuang lo, a hla thu ka ngaihthlak a ka hriat dan a ni mai a; a awmzia hriat a har em a ka han post tawp mai. A summary han thawh ve teh u.

5 Responses to “T Melody – Thinlung Thawnthu”

1
Ditto Says:
August 3rd, 2009 at 11:26 am
A ulh em tak a nih hi

I hate myself for loving you kha a ni mai
Report this comment
2
awzoram Says:
August 3rd, 2009 at 2:02 pm
Music siamsa leh hla siamsa thu a chantir vel mai mai anih hmel. A phuahtu hi an thuber maia, hla thu tha lawmman chu a dawn hmel loh
Report this comment
3
Kawnga Says:
August 3rd, 2009 at 2:41 pm
Zaia Blog-ah he hla hmanga a article ziah hi ka chhiar tawh ngei mai a. En ve teh u…
Report this comment
4
Ruga Says:
August 3rd, 2009 at 4:57 pm
Zaitea.blogspot ami chu ka chhiar thuak thuak a, mhs, duh aiin a ril ltk a man thiam a har ngar ngar khop mai!
Report this comment
5
chepahakhata Says:
August 3rd, 2009 at 6:49 pm
He hla thu hi chu a ril em a, mipang ngai tan chuan hriatthiam a har ta ve ang. Mizo hla-ah tiang ang phylosophy deuh a hla thu phuah hi a tam vak lo a, danglam bik leh inhmeh loah ngaih a awl fu maithei.

A phuahtu hi Lalrengpuia a ni e.

https://www.youtube.com/watch?v=195KLd0cszQ

https://www.youtube.com/watch?v=oUcdqdv
Report this comment