Second-hand mai pawh ni tawh lo, “A engine hi chu a la tha a nia âw,” tih a neitu tawh-phawtte atanga a hlawh zèl avànga he Scooter hi luck ve tak zawng a ni thlàwt. Lushai Hills District kan nih lai khân (1960s lamah tawh) Pu Laibàta te inah scooter vâr deuh pup, sei pèl pul deuh hi a awm thìn a, chu chu Kulikàwn-Tlângnuam Roman Father ta hlui ni àwmin an sawi.
Bajaj scooter ngat hi chuan Aijal a rawn luhna a rei ve tawh fû. Tùnhmâ chuan Lushai Hills motor TMB, Bedford leh Jeep-te kha ASO an ni thlap thìn a, ‘Assam State Mizo’ tihna a ni hial ang e. ASO 399, Jeep left-hand drive (chu pawh chu Military Jeep Reconditioned) atanga motor khalh thiam tan ve ka ni a, 1970s hun laihàwl khân. Union Territory kan nih hnu hun engemaw chen thleng khân kan la ASO a; mahse, ZRM-ah kan pakai chho va. Tùna scooter i hmuh pawh hi Pu R. Tlânghmingthanga —a MVI hun laia mi, Liandingpuii-te nèna inrual tlâng pawh a ni zà-lel mai thei a nia!
A neitu zozai tawh te khian … ranngo an phur chhuak kim vek tawh mai thei a ni. A hun lai hi a awm ve zèl a, Driver luck hun lai, sipai tang lai luck hun, Leather Jacket nei luck hun lai, Volunteers luck hun, Vespa Scooter nei luck hun lai … khi scooter pawh khian a pûte chu engemaw tal zàwng a sualchhuahsak ve ngei chuan a rinawm. Tar alamah kan intawng ve a, tumah han phurhna chì ni tawh lo a ni hran chuang lo nàin —a chunga chuan an zak tlat alàwm! Phurh ai chuan thlansa phûlkaia kea kal an thlang zàwk zèl!
Khi scooter khian neitu thar a tawn apiangin —chuan zir nân tak an hmang zèl a, a hmêl khian a tawrh phah hle a ni. Thu sawi thei phei se, “Ka pute rèng rèng hian petrol (gasoline) aiin DETTOL an hmang heh zàwk,” ti tùr a ni hial ang.
He thlalàk hi ka roh khawp mai. Tùnlai thangthar zînga thu leh hla lama namai lo an fuankhàwmna thlalàk a ni tlat! A tlùkpui tùr thlalàk hi a vâng phian mai thei asin. Lunglei lam atanga rawn kal Thuamtea Khàwlhring pawh a awm a, Aizâwl khawpui chhûnga thu leh hlaa Zoram chhûng leh pâwna Zofa chàwm puartute an lang kim khawp mai. Hmêlah chuan èng ni lia lua hlawm lo mah se, “Not their look —but their books,” tih an phû ve hliah hliah thung. ‘Book of the Year’ latu hmêl pawh i thlìr chian chuan i hmu ngei ang.
Thlàn hmuna an thlalàk khi làk a ni a, JIMMY L. CHHANGTE an zalhna hmun a ni nghe nghe. Hemi nang ve tùr hian ka scooter hian ka chhuak ve ngawt nain, kawng lakah mi nawrhsan ta tlat a … mahse, kein ka thleng ve ta tho tho a ni. A khawi’maw lai berah khian min hmu ve ngeiin ka ring; ka lang lo mai thei bawk! Vànneihthlàk takin ZRM pawh ni tawh lo, MZ O1 – …. tih vèl ngat tawh, Car nuam tak leh a chhûnga thlifîm dai seng seng rawn tlehtîr heuh heuh theiin min phur haw ve ta thung a ni.
MZ O2 leh O3, O4, O5 tih vèlte hian Aizâwl khawpui thlèr lùn laia tlàn dàn an la thiam lo deuh fo mai … STOP tih sign awm hauh lovah pawh, “Lawk …” tiin an ding chawt châwk! Traffic Police tâna pocket-money siamna tha tak an ni ve thei tho … ka scooter tàk hian a nia —lìrthei dang leh kea kalte tikhaihlàk zing ve ta tlauh tlauh chu ni … a chhàwl-hàl reh thei lo leh thawchham a vei ve tà tlat hi … a chunga chuang tân lah thlantuiin min bual lo chuang si lo. A body-ah ri thei zawng zawng a ri tliar tliar a, a HONK ber ri thei si lovin! Chhungkaw chawmna aia hautak zawk chu he thilah hian ka bel ral hial awm e. A clutch cable hlui ringawt pawh hian sakhì engzàt fakau phih àwk tawh tak ang maw? Sil thûmin khawi hmun mai pawh hi kan thleng dùn ta fo mai! “A engine hi chu a la tha teh a nia,” tia mi dang han hmìn ve meuh tùr chuan kan huntawn dun hian a zir fahran tawh lo deuh chu a ang khawp mai. Mafâa, khawi’lo a kalna atranga an ina thlah ziah tùr phei chuan, Kulikâwn phei tàwp chin chauh kan inphur thei a … Tlângnuam kawng chho chu ke tho thova a zawh chhoh a ngai ziah thìn pawh hi —min han dàwnpui ve mai mai teh u. Kan vànglai kan pèl ve ta hret hlawm a ni ber e.
Mahse, OLD is GOLD, my dear Scooter, You can faithfully take rest in PIECES when the THIRCHHE COLLECTORS come at any moment —you can still fetch at least some sums. I ever remain grateful to you more and more. Love you, SWEAT HARD!
Similar Posts:
- Khanghu
- AUKHAWK LASI
- Mizo Thalaiten Satanic T- Shirt an Uar !
- Nula te hriat atan
- NGAIHNAWM KAWLEKSAWN – 2 :
August 20th, 2009 at 5:45 am
Me first!
“True love doesn’t have a happy ending, because true love never ends. Letting go is one way of saying I love you.”
Report this comment
August 20th, 2009 at 6:37 am
I sikutar hlui hmathehin, thu ngaihnawm tak i siam der mai a
Bajaj upa zet mai thianpa Ruata (damdawiin a pawisa khawihtu) hian a nei thin. Engtin nge an chham phual vel ka hre chak khawp mai. To deuhin Pu C.Dina meuh a leitir thei tlat, a khalh ngai pawn ka hre chuanglo hairehai
Report this comment
August 20th, 2009 at 6:58 am
Bajaj super lunglen thlak ve… Kan vengah Pu R.Pakunga leh Pu K.Rammawia te’n an nei a, Pu R.Thlahlova pawhin in tha tak a sak hnu pawhin a super bajaj hi a la chelhin a la thlah ngai lo reng reng.
Ka la hriat reng chu Pu Pakunga hian a scooter hi a tlawh nung a, a chuan hmain gear-ah a dah ni ngei tur ani, midang nen an inbe laklawh leh si a, a thih hlau khan a accelarator kha an herh zauh zauh thin a, nakin ah chuan le a clutch hmeh kha a theihnghilh tak tak a, a han thlah ta thut mai a, a dawk chhuak zawk, kawng tan zawnga tlanin a neitupa hian a um ve nghal a, mahse a um pha chuang lova, ko pangah tlan lawnin a rawn tla dawp mai chu…a khu vung vung mai mawle.
Heng bajaj scooter ho hi, a accelarator vir let lo chi a awm em ni aw? ka tih phah thin.
Report this comment
August 20th, 2009 at 7:37 am
Scooter chu a tlu duh bik em mai. Fak mah ula ka nei tawh dawn lo hrim hrim.
Report this comment
August 20th, 2009 at 8:02 am
Vijay scooter??! kha a phek sei tha thin in ka hria,la awm tak maw??
Report this comment
August 20th, 2009 at 8:26 am
India tangka a lei hleih theih loh an tih thrin Bajaj Chetak zawk kha ka nei ve teh tlat mai tawh a,hman ah ,ka chhuang ru ve thei khawp mai :!:
A ngaihnawm hle e. :lol:
Report this comment
August 20th, 2009 at 9:15 am
hlui hmel tawh hle mai..mahse bajaj hmanlai chhuak ho kha a lo tlo zek dawn nih hi. Bajaj Chetak chu ka pate-a hian a nei thin a kan chuang ve nasa thei.
Report this comment
August 20th, 2009 at 9:48 am
dadadadadadang…..dang…..dang…..dang #@$%
First gear leh second gear bak a nei tawh lo, 3rd leh fourth kha chu zu manah a hralh zo tawh. A nu petrol man tur a dil a, a nuin Rs 25/- a pe, cheng 10 in petrol a thun a, cheng nga in khawnvartui, a bak chu nula rimna a meizial man tur. A han tlan chhuak tur te hi sakawr sawizawi loh ang maiin a phit leh auh auh thin..
a head light keh kar atangin petrol a rawn lik (leak) nghal tuam tuam a, first gear ah a han thun chiah a burma radio a rawn man nghal.
Keipawh pachhunga college kan kal lai chuan college ah ka scooter ke a thep ber an ti thin (an sawi tum tak zawk chu a trawng ber tihna). Mahse ka zak chuang lo
Report this comment
August 20th, 2009 at 9:49 am
Ka thianpa pawh in Bajaj scooter hlui deuh a la nei, chabi tello pawhin a nung thei vel, mahse tumahin ruk tinah pawh an tin lo, a him phian. “sweat hard” ve tho a nih hmel.
Report this comment
August 20th, 2009 at 9:56 am
Super Bajaj ho ngei mai kha chu a lo tlo khawp mai. Chhiatna chang hi a hre ve lo emaw tih mai tur a nia, a neituten an siam ve ber pawh hi a rawng an kah thlak tih mai a ni e an ti thin.
Kan vengah pa upa lam deuh hlek hian a nei a, thirsakawr pawh khal thiam uk lovin an zir mai chu a hmuhnawm ngei mai. Accelarator return a awm si lova, a tluk hnute hian a a tei nawk nawk thin. A hnunglamah a ke spare paina bial pap mai a awm, a cover-ah ‘you can’t beat the bajaj’ tih emaw ni a inziah thin kha.
A pick-up a tha a, khal zir ho kha chu an thlawk chiangkuang thin khawp mai.
Report this comment
August 20th, 2009 at 10:08 am
ASO hun lai, Assam Oil, IOC leh Mizofed rim ara hriat hma, BOC (Burma Oil Company) chauh kan hmelhriat lai… rawn phawk hlui hle mai.
Pix link ka dah a lang thei lo va, ka siamtha leh ta mai
Report this comment
August 20th, 2009 at 10:18 am
Pu Mafaa bak hriat kan neih loh tlat chu.
Scooter tunlai a vang ta,scooty a tam thung, a khalhtu chhass an nalh tlangpui.
Report this comment
August 20th, 2009 at 10:23 am
Pu Muantea te Car nen an rik khup tawh hnuah mi ta hlui ka lei ve. Ka khalh thiam lawk thei si lo, an nuih ka ti za thin teh a nia.
Report this comment
August 20th, 2009 at 10:26 am
Hamara Bajaj………
Report this comment
August 20th, 2009 at 10:35 am
Tunhma lutuk tawh lo,bajaj super neihmasa pawl Pu HL a khan a petrol heh loh zia a sawi khan Pachhunga college a tang a Chanmary kan han kual hi ‘Petrol hmang miah lo ang kan ni’ a tia.A thian ten ‘Em em a’ an lo tih khan ‘A nih leh,khelawk khat vel’ a ti e an tih kha tak tak ni maw :?:
Report this comment
August 20th, 2009 at 10:36 am
Pix link dah tel hian Your comment is awaiting moderation a ti ve ziah mai!!!
Report this comment
August 20th, 2009 at 10:41 am
@chawngchilh I hralh phal chuan ka lei duh e(seriously) kum kha lehchen awt em em ka lo wm tawh sin
Contact me at boihpuiab2@yahoo.com
Report this comment
August 20th, 2009 at 11:39 am
pu mafa a pawh a biang ala puar nasa lo tlat
no offence
Report this comment
August 20th, 2009 at 1:32 pm
Scooterrrr… ka u pakhat ta hi tawng ve awm a sin an ruk sak ve a, kawng chhuk tawpah an lo dah tawp maw le! A fapa in “Apa scooter chu a hrang thei” a ti.
Report this comment
August 20th, 2009 at 1:34 pm
Chuanin tlangval pakhat pawh hi, nula a len chhuah pui ve a, bike in, a bike kick nung tur kha a pheikhawk artui a kick tla vel….chu tlangval chu kan zingah hian a tel ve…
Report this comment
August 20th, 2009 at 1:44 pm
Ka sawi lehlo………
Report this comment
August 20th, 2009 at 1:53 pm
Bajaj Scooter hi a thar hlak Rs 6500 velin 1983 kha nita in ka hria ka lei ZRM 2858 ani ka fate school kal thlah nan ka hmang trhin, 3/4 te ka phur trhin.
Manipur lam atrangin ngawrh deuh maiin lei min dila 1988 vel khan ka hralh. La nei ila vintage a tih ve theih mai awme, ka thil hralh ah chuan ka ui pawl ani. Hemi hma hian Vijay phek thler thlur chi kha ka nei, Silchar vai hnenah ka hralh, heihi chu ka inchhir re re lo. Mahse Bajaj Super 150 ka hralh erawh ka inchhir fu mai.
Hmanni chu Scooty hi ka khalh chhuak ve ringawt maia, reflex ka lo neih trhat loh bakah Aizawl khawpui hi tawt namen loh hian a lo tawta. Bazar atrangin taxi in ka hawnga Scooty chu ka fate’n an han la leh top.
Report this comment
August 20th, 2009 at 2:06 pm
I sikutar chu hetiang deuh hian kan lo modify sak dawn che em ni?
https://img228.imageshack.us/im.....oter2a.jpg
https://img268.imageshack.us/im.....ootert.jpg
Report this comment
August 20th, 2009 at 2:14 pm
Sangzuala khi lung a va tileng ve aw… Ka thianpa ve thin a sin mawle… Thu leh hla thiam tak mai kha a nia.. Khawiah tak awm ta zel ang maw?
Pu Chawnghilh, a tu ber khi nge i nih? Min han hrilh chiang law law teh.
Report this comment
August 20th, 2009 at 3:25 pm
Pu H L-a hian a scooter khan iron rod a hnuk thin.
Report this comment
August 20th, 2009 at 3:33 pm
Pu Sawma (Dr. H. L. Malsawma) Scooter kha chu a tha ve thawkhat a ni mai thei, amah ngeiin, “Ka scooter hi chu kangchhe vek mahse a chhe chuang lovang…” a ti! Kha a scooter ngei mai khan Sikulpuikawnah tlangval pakhat a su palh a (nge tlangval pakhatin a su palh zawk!?). Tu thiam loh nge phei zawng ka hre hauh lova, amaherawhchu, Pu Sawma khan heti hian a han liak zui ta pek a ni awm e, “I va mawl ve… UPC i ni lo maw?” tiin!
Kan thianpa scooter pawh kha a chhe lutuk tawh a, All India Radio te pawh a man vel thin an ti! Tak tak ni maw?
Report this comment
August 20th, 2009 at 3:39 pm
Admin te khan comments awaiting moderation ho hi han siamfel thuai teh u a…
Report this comment
August 20th, 2009 at 3:58 pm
Nia, han siamfel vat rawh se
chuank link 2 aia tam hi auto moderated hrim2
Report this comment
August 20th, 2009 at 6:37 pm
chawnghilh I lukhum parh i khum lo a kan hre thei lo che anih hmel, nangmah awm ka hmu zo lo tlat mai. I Hamara Bajaj chu lung a ti leng hle mai ahunlai chuan ava han tangkai dawn tak em. I chhas phurh zozai ten kaih leh puak kawp ten tun te pawh an awm ve ta hmiang
Report this comment
August 20th, 2009 at 7:07 pm
Chawnghilh in hriat duh chuan pa te lam, kum 61 mi awm vel kha zawng mai ru.
chu mi in hmuh loh chuan a awm lo a ni mai.
Report this comment
August 20th, 2009 at 7:15 pm
Min tinui nasa hle mai!
Vijay scooter kha P. Lalthangzauva khàn a han tichhuak a, duh amual mual chu an awm. Gear shift thum chauh a nei a. A ri hum hum mai zèl a. Fakmawi a ngai zual bìk. Tlengtlè hi a ang zeuh-zouh khawp a. Bajaj leh Vespa-ho kha an mawi tiu teu hlawmin, an thau-kawh zar reng mai bìk a. Tih-zui zel atân a duh zui ta lo ni ang e, Vijay scooter kha a chuai ta tial tial a.
Dr HL-a bawk kha, PMG a nih lai 1975 khân —grey a nei tawh a nia, “Thiante i phur haw ngai em?” an tih khân “Haw ngai,” ti chi a ni lo, College kawng kha a la bimboh a, rocky ride lamah a chuti vak bawkin a rinawm si loh, a engine-in a zo hek lo vang. Welding-na kha a tam ve tawh tho va, “Ka thianten mittui tla chungin min thlîr zui vawng vawng trhìn,” tiin a chhâng thung.
“Roman Father ta” tia ka rawn sawi lan khi Pu Laibàta (thìrchher thiam, chutih hun laia tùna Khatla YMA Hall ni ta) te ina kum 1960 vèla ka hmuh a ni. Chutiang a nih chuan 1950s-ah Lushai Hills-ah scooter kan lo kawl ve tawh tih a chiang.
Burma Oil Company (BOC) hun lai kha a lo rei ve ta, tùna Hrângbàna Maruti epa tlâng pàwng saw BOC a ni trhìn. Jerrycan hun lai, Mizo-ten ‘Jerry Gun’ tiin kan lam tlângpui bawk. Thakthîng Tlânga Pu Zolawra pawh kha Royal Enfield Bullet nei hma pâwl a ni, a tanky pawh tùnlaia Harley Davidson ang rât, teardrop ang chiah hi a ni trhìn.
Lungleh lama Enfield thleng hmasa ber chu Hrângzuala Pachuau, chutih hun laia AP (Assam Police) a ni, kum 1963 vèl kha a ni mai àwm e. A rawn khalh thleng chiaha —pitar a sû. Pu Hrângzuala hi tùnah chuan Pângzâwl-a Khuanghlum area-ah a la dam. A bike chasis (khe-ji) pawh Khuanghlum area-ah chuan a la awm mai thei.
Sângtea (s/o Khawtinkhuma) khàn Yezdi kha a han ti ve a, batch khatna bàk a chah zui ta lo. A batch hnihna nghàk fan fan pâwl kan zùzì ta hlauh! Yamaha (Thankùnga) vèl leh Bullet (Zalianchhûnga) kha kan lo duh ber tlat si a. Jawa secondhand pawh khalh bauh bauh trhin kha tunge a nih in la hria em, Sweet Combination drummer thiam tak Dingluaia a nih trhin kha!
Tin, Vênghlui-a H. Lianzèla kha Motorcycle khalh hmasa pâwl, tlàn muang delh delh thiam bera sawi a ni. Tluangchèra leh a trhian Charlie-te kha Bullet bike chei danglam hmasa pâwl an ni bawk.
Report this comment
August 20th, 2009 at 8:24 pm
@Kawnga : Sangzuala chu Mizoram University-ah lecturer a ni daih tawh e, a lehkhabu ziak pakhat ‘HUN AWM TAWH LOH HUNAH’ tih pawh ka kawl a, Library of Congress-ah ka hman hunah ka dahsak ang.
Report this comment
August 20th, 2009 at 8:31 pm
Scooty ka khalh chhuak ve a, Mission vêngthlang-ah thil pawimawhah ka tlàn chhuk, ka chho leh. Ka vawikhat khalhna a ni a. Ke lamah brake a awm emaw tih tlatna rilru ka nei a. Doctor pakhat car ka su tawp, vànneihthlàk takin kan thianpa a lo ni hlauh va. “Ka rawn rap ve char char, kut lamah brake a awm a nih hi maw le,” ka ti a, kan nui dùn tawp!
Scooty khalh hmasahote kha an hmêltha a, nei tharte an hmelchhe tawlh tawlh Vànneihtluanga’n an ti elo maw?
Report this comment
August 20th, 2009 at 8:36 pm
A scooter ai mah chuan ZRM tih hian ka lung a ti leng. Chuan, Lunglei lam mi Thuamtea Khawlhring hi Detective Denga ziaktu kha a ni lawm ni?
Report this comment
August 20th, 2009 at 8:38 pm
ZRM pawhin ka lung a ti leng leh lo, a hmasa bera sas ding hian ………… zawk daih!
Report this comment
August 20th, 2009 at 9:15 pm
Mizoram University a thok Sangzuala in tih hi chu ka hrechiang ve khop mai, khatih hunlai a an hotupa in chhiahhloh chhorin a chhor thin a nia, university ah a nghet lo in a thoh tir a, a duh duh a tih kual tir vel a, miin a hnung lamah a nuih tet tet thin. Anm hotupa hian a in lamah a chhor hrep bok a. an insak na ah cement te a choh tir thul, an hotupa kephah hi a liah fai sak lo chauh a ni mai a. Interview ni ah poh a ni hi chu tling tur sa thokin a tho vel pap pap niomin an soi sup. tun thleng hian an hotupa uibuk an la ti vel.
English dept. a prof. senior ho hi ka thusoi hi i oih lo anih chuan zot mai roh, an nuihzat dan chu buru tak a ni. prof. pakhat phei chuan, a inti thiam si a, thiam ve tak tak atan a itom, a ti vel.
Report this comment
August 20th, 2009 at 9:30 pm
Pu Chawngchilh chu inrinsiak ila… kei chu tarmit dum bun, kamis dum ha bawk khi nih ka ring tawp.
Report this comment
August 20th, 2009 at 9:33 pm
Van ngaihnawm em ! ASO tih hi, A, so-o-so — I tui chhuan A SO – tih ang ri hian kan lam thin kan naupan lai chu !
Khitiang bajaj scooter a, Chaltlang kawng chho, black-top hma ; Foot Path pawh la awm hmaa kan han tlan ve nal nal thin kha chu a nuam e !!
Report this comment
August 20th, 2009 at 10:22 pm
@Bawngkuaivun : Tarmit dum vuah khi chu … la hmêltha tak a ni, kei chu Kawrdùmbêla pawhin mi nuih khanglâng vèl maw le!
Report this comment
August 20th, 2009 at 10:30 pm
Bajaj Super eng ngei mai kha 80s vel khan ka nei ve thin. Bajaj a tlo an ti thin bawka tiin tleirawl rilru pu takin ka han lim kualpui vel a, mi kal theih lohna apianga tlan thei nih kha nuam ka tihzawng a nih tlat si avangin Bajaj meuh paw’n tlin loh chin a lo nei nameuh mai! Tunah hian a la stay in one piece anih chuan Karimganj velah a la ri ve thlek thlek ang chu! Aw!! Ka Bajaj eng, Ka Bajaj eng mawi tak kha!!!
Report this comment
August 20th, 2009 at 10:44 pm
1978 vèla Delhi-a Paper pakhat ka chhiarah … naupang sikul kalte kha an nu leh paten an thlah fo va. Naupang pakhat a khalhtu hmâah a ding thei a, a khalhtu hnungah a nupui, a carrier-ah an fanu. Vaiho phei chu mzvision ang thovin an inphur bâwr thiam khawp.
“Tlai bànah kan rawn lam leh ang che u,” tiin an fate chu an tlânsan ta a. An fate chuan an nu leh pate chu an scooter ri thlek thleka rawn chuang kìr leh tùr chu nghàkhlel takin ring-fàn, dingdihlìpin an lo nghàk a; mahse, khuain a thìm hnan ta … an nu leh pate kha —an va chètsualnaah kìr leh tawh ngai lo tùr an lo ni ta si!
Report this comment
August 20th, 2009 at 11:14 pm
Chawngchilh, I thawnthu sawi chuan lung a va kuai mai mai tehreng ve aw! Ngaihtuah a ti thui hle mai…
Fapa 1 ka nei a. Kum 2 leh tlem mi chauh a la ni a. Mahse, Bike in ka phur chhuak fo thin, nuam a ti thei lutuk. Amah ai mahin keiman khatia han inphurh vel kha nuam ka ti zawk fo.
Kei chu ka fapa in phurtu tur PA min la nei (A va lawmawm em!) — tute emaw chuan phurtu tur an nei ve tawh si lo…
Report this comment
August 20th, 2009 at 11:55 pm
@chawnghilh
1988 khan Bangkok ka kal tumin Jimmy L Chhangte intih hi anih chuan kan hotel thlenna ah min rawn hmu ve vang vang mai.Khang hunlai khan Travel Agent ah ka thawk a lo ti daih tawh.Mizo tlangval Bangkok zin ve na fam chu kan hotel-ah zuk rawn leng vang vang mai a, a visiting card min pe thlap (a Thai hming erawh ka nghilh ta), ka ngaisang khawp mai. Kha pa kha anih ngat chuan 1989 khan Mizoram a lokal, Serchhip-ah kan quarter ah a lo leng hlawl mai.
1990 khan Bangkok ka han kal lehin an inah ka tlawh chhuak teh ang ka ti, mahse ka’n phone chu phone min lo chhangtu khan min welcome lo hle tih ka hre thiam ve mai.Hemi hnu daih hian Mizoram ah rawn pem let lehin a boral ta tih ka hre tlai khawhnu, hei tunah a thlan ni ngei tur thlalak kan hmu. Mihring reilote ka tawna, a titi ngaihnawm leh ngaihthlak leh chakawm tak a ni asin le.
Report this comment
August 21st, 2009 at 12:16 am
@mzvision : Jimmy kha ka pa student-te zînga mi a ni ve asin! Sàptawng hi a neitute kâra khawsa leh inzir tak tak a ni bawk a, a thiam chiang, an ne ne ne thlengin a thiam vek. “Thâmral Lo Mitthlâ” tih a ziak a, a lehkhabu chhûng thu kha khawvèl hmun hrang hranga a chèttlat dàn ngaihnawm leh bengvàrthlàk a tling. Mahse, MAL lam atangin an hlut pha meuh lo tih chu a lang àwm e …
I han kal lai leh a lo awm lai, a hnu leh thilthleng chu Mizo pakhat han thleng ve avàngin an nupa nun a chimchhia a … ka sawi thui lo mai ang. A pawi thui ta a ni.
A memory-te kha a tha thlàwt a, ka pa hla phuahte pawh a lo la hre hlawm hle a, kan ina ka pa a rawn kawm dâwn pawhin ka pa hla phuahte a rawn sa lùt deuh kher thìn.
Report this comment
August 21st, 2009 at 1:47 am
@chawnghilh
Thamral lo Mitthla chu chhiar ve a va chakawm vele. I pa zirtirtu a lo nih vang ani pakhat ngei ang heti tak maia thu i thiam hi le :?:
Report this comment
August 21st, 2009 at 2:21 am
THAMRAL LO MITTHLA chu Pu R. Lalrâwna (Gilzom Offset) neitupa khàn a kawl ngei ka ring —9436140473-ah dial la, Electric Veng, A/54-ah an chèng.
Kei ve teih teih te chu à … in zârah thil ziak dàn ka zir ve chauh!
Report this comment
August 21st, 2009 at 3:11 am
Kan pa paw’n hei aia changkang NV a neia; Bagha thlengin kan inphur vel. Scooter hnunga chuana mipa han kuah hnap mai hi chu nuam ve tak a ni.
Report this comment
August 21st, 2009 at 3:31 am
Pu Chawnghilh, i pic dah a mi kawr pawl trial ha hi tunge aw? min hrilh thei em? ka rin dik leh dik loh ka hre duh tlat
Report this comment
August 21st, 2009 at 3:37 am
@zodin : A hming ka theihnghilh … tùn hmaa “Hei le Pork Chou” awmna kiang lawkah Computer Dàwr a siam thìn a; tùnah chuan Bairabi lamah MAU (Bamboo Processing) lam buaipuiin a khawsa tawh …
Joseph Ralte .. ni tlat em kha âw! A ni tain ka hria.
Report this comment
August 21st, 2009 at 4:19 am
Niemawle Joseph Ralte zorincompugraphics neitupa kha nih khi Chawnpui Veng ah an awm, mobile phone awm tawh hnu thlalak anih khi.
Report this comment