mi(sual).com

Please Mr. Conductor

The Lightning Express from the depot so grand
Had just pulled out on its way;
All of the passengers who were on board
Seemed to be happy and gay,
Except a young lad in a seat by himself,
Reading a letter he had;
‘Twas plain to be seen by the tears in his eyes
That the contents in it made him sad.

The stern old conductor who passed through the car,
Taking tickets from everyone there,
Finally reached the little boy’s ride
And gruffly demanded his fare;
“I have no ticket,” the boy replied,
But I’ll pay you back some day.”
“I’ll have to put you off the next station,” he said,
But stopped when he heard the boy say:

Chorus :

“Please, mister conductor.
Don’t put me off of your train,
For the best friend I have in this whole wide world
Is waiting for me in vain;
Expected to die any moment,
And may not live through the day:
I want to bid mother goodbye, sir,
Before God takes her away.”

A little girl in a seat close by
Said, “To put that boy off, it’s a shame.”
So taking his hat, a collection she made,
And soon paid his way on the train.
“l’m obliged to you, miss, for your kindness to me
“You’re welcome. I’m sure, never fear.”
Each time the conductor came through the car
These words seemed to ring in his ear:

Kan naupan laiin, Lunglei Sèrkàwn tlangvâl-ten Lungleh Town Hall-a an sak ka la hre reng. Khàng tlângvâlho kha tute nge an nih ka hrechhuak zo tawh lo. Beatles-ho thuamin an inthuam a, an hun lai kha chuan an thàwm a na ve khawp. Khì hla khi thiam leh thiam lovin kan sa ve trhìn a, a thu lungkuai tak pawh chuti èm èmin kan hrethiam chiang chuang lo.

Mizoram-ah REL a rawn lùt ve dâwn tawh bawk a … rêl chuan pahin, la sak ve hman kan tum dâwn lo’m ni!

Bairabi khu AD 2000 khân ka zu’ thleng ve hlawl a. Railroad vèl leh a station-te ka va thlîr a. Phàk chinah chuan Sorkâr kan neihte hmalàknaah ka làwm hle. Ka zuk kal laia an thawnthu ràpthlàk deuh deuh pahnih ka’n târlang ve ang e. Rêl chuang zîngah vànduaina tàwk pahnih an lo awm hman ve tawh a … a pakhat zàwk chu Bairabi rawn pan, hnam dang mi — rêl tukverha dâk chhuak —rêlin thil a hrùt aleiah passenger pakhat lu a bung hmawk. A dang leh chu, nipui lai ngang a ni a. Zawhte te hial pawhin kolo bêl an kuah tlawk tlawk hun lai a ni bawk a; Bairabi rêl station atranga Phai lama chhuak thla tùrah passenger an trhu trhep trhawp a. A chhûnga trhu lùt peih bìk lovin, a chungah an trhu fur hlawm a. Chùng zîngah chuan mi pahnih an ding a. Rêl chu a tlàn chak ve ta zèl a, thlìk-thlàwk rì pawh a zing ta thlàwk thlàwk viau tihin a chunga chuangte tân pawh thlifîm a thaw nuam dâwn chauh chu a ang a ni. Mahse, vànduai asiamin telephone hrui inzàmah a ding chhun chu a inàwk ta thut mai a … rêl atrang chuan a let thla a, railroad-ah CHIL CHHUM a ni ta! A ke bung te chu an phu auh auh a… pîbuhdêng ketrang thlàwnsak ang chauh a ni ta! A pheikhawk bun pawh tle tak a ni, pa invawngfai tak pawh a ni ngei ang … kekawr-vâr a hà a … chutih lai kârin, a lo trhu hman zàwka pawh a thidang lo chauh!

A dangah pakai leh lawk ila — naupan zual lai, phaia lehkha zir tùra Silchar Rly Station (Tarapur)-a rickshaw-pu rinawm lo tak chhawra kan phei pàr pàr, bedding put zawh tàwk nèna kan chèt laite min ngaihtuahtîr rum rum a. Inhnial hrep hnuah kan ticket kan cut ve thei chauh va. Lehkhakhawng uk, kutzungpui aia lian hret hi Train Ticket a ni trhìn a. Coupon ang deuh hi a ni ber. Third Class ngeiah kan han inhnawh lùt a. Ngaihbàn Tlâng Leiverh-a narrow guage train-a kan han tlàn lùt thim ruih mai trhìn te, leiverh thim tak tàwpa èng kan han hmu làwk te chuan tlâng pàngpèr kan zawh leh dâwn ngei tih min beiseitîr trhìn. Lower Haflong-ah chàw kan han fàk a, rêl lû khu luai luai a’n kiu trhawt trhawt a … hma lam kan han pan leh, Mikir Hills-ah chuan rêl lu pakhat maiin a hnùk che zo bìk lo bawk a, a hnung lamah locomotive pakhatin mawng a rawn dàwm ve bawk trhìn.

Conductor-in ticket a rawn check ve ta ngei a, hlauthàwng (in bated breath) takin kan lo trhu khiau va. Kan ticket a bo hlauthàwng ngawih ngawihin, kan kamis hmâ iptè-ah kan ak a. Gauhati (tùnah chuan Guwahati) kan thlen hmâ loh chuan kan kutphahin kan kamis ipte kan hup bet tlat trhìn. Third Class chu a bìtin a tàwt thei nasa a, berth-ah tumah an mu thei chuang lo. Kan trhu khat vek a, “Chaai garam … chana, lapop – roti – cake …” rawn ti —chhang leh thingpui zuarin min rawn paltlang reng trhìn bawk. Khua-rei an chang zo ta!

Lumding-a rel inthlàk a ngaihin kan buai thei hle trhìn. Hnung tawlh tluanchhuak zaka Gauhati kan thlen dâwn trèpin Noonmati vèl atrangin rêl a’n kiu hep hep zèl mai chu, khàng laia kan ngaihdànah chuan, “Noonmati-ho hi an mut a tui duh àwm lo,” te kan ti vèl mai mai thrin a. A lo ni lo khawp mai!

Gauhati kan han thleng chiah hi chu … artui khehsà —trhiante nèn Station Platform-ah kan ineisiak ngei a. A ho ta mai mai mang e. APSARA Hall-ah film pakhat tal en kan han tum a. Chutih hun lai chuan, film chhuah tàwpah mahnî dinna hmunah trheuh —khawng takin kan ding a — JANA GANA MANA leh Indian National Flag an lantîr ziah hun lai a la ni.

LAL BUS ti bik kher ila, Assam State Transport Bus hi chùng lai chuan a tlângpuiin SAMAK LOGO-a hmangin Bus sen a ni ziah trhìn a. Conductor-in bus chhûnga tengèng a pawh rìkin a ding a; a pawh rìk double-in bus a tlàn chauh trhìn. Tùnah chuan khawi hmunah mai pawh, an inthlahdah ve tawh khawp niin a lang! Khàng hun lai discipline kha a lo khirh khak khak trhìn teh e.

Rêl chuantirh ber trum chuan trhiante nèna kan titi tui ber chu, “Ka ektum kha a tla chhangkhât ngawt ang,” tih vèl mai mai te kha a ni a. Zoram dung tluana rêl a tlàn hun tak tak a nghahhlelhawm tawh fû mai!

Similar Posts:

• Buhfai tlakchham a hlauhawm
• Gustavo Dudamel
• Mizo in vai kut tuar
• Bairabi – Sairang rel kawng atan Rs. vbc 42.29 dah belh
• Vawi riat lai maw…

Recent Posts:

• NANG NEN NGEI HIAN
• June 2017, Mizo(ram) diary
• MIZORAM POLITICS A PARTY TE INCHIRHTHEHNA TAWP THEI LO: KAWNG CHHIA “MNF hovin anmahni mawng an hlim”
• Dawihzep
• CALL GIRL AN TI!

This entry was posted on Sunday, August 23rd, 2009 at 8:34 pm and is filed under More than words. You can follow any responses to this entry through the RSS 2.0 feed. You can leave a response, or trackback from your own site.