Faina hapta chu India hnam Pa Mahatma Gandhi pian chamah hman tan alo ni ta a, Aizawl leh District capital-ah chuan ropui takin hawnna inkhawmte buatsaih a ni hlawm a, kan fai rei peih ngut ang e maw chu aw ka ti. UD & PA Minister-in kawtlai tihnawktute hrem nan a lei chawi tir dan tur Sawrkarin a ngaihtuah a tihte hi ataka hlawhtlin tir theih nise ava duhawm em, kan fai rei phah ngei awm si a.
Tin, Pu Gandhi-a piancham-ah hian zahna entir nan Pangpar-te a Lim hmaah an dah hlawm a, a that viau laiin kan nihna diktak minti hrechhuaktu zuk ni tlat pek a!! Kolasib-ah pawh khuan YMA Park Venglai-ah khuan Mahatma Gandhi Lim hi a awm ve a, mahse, Kolasib ka awm thin lai vel kha chuan tiduhdah tak an ni.
Tlerawl harh zual deuhte an ni ang chu ka ti mai a, tute emaw khan a Tarmit-te kha a Chalah an hnuh chhoh sak reng mai a, tum thum vel lai chu ka vuah that tir a. A chang leh Cigarette anlo peh khuk tir vut vut a, hetiang reng rengte chuan alim hi siam loh tawp awm ka ti rum rum thin. India hnam Pa a nih angin a Lim kan dah dawn a nih chuan, zah tak leh uluk zawk a humhalh ava tha em.
Similar Posts:
- USA-a Mormon kohhran-in Mahatma Gandhi “baptisma” chantir
- India-in Pu Gandhi-a a theihnghilh ta em ni?
- Mizoram Private Sikul neitu te leh Sumdawnna
- Zero-rupee note
- Kolasib
October 3rd, 2009 at 5:40 am
Vandal hnam ang mai kan ni —vandalism hi kan kuthlei nen hian a la inhmeh riau, a tifai zawng ni lovin, a titawphnawk tichhe zawng hian —lim chu vawn zahawm theih deuh nan Kohhranin auction-ah inchhan siak sela, Christ the King Church an champion viau ang em aw?
Fai demonstration hi October 2 – 9 inkâr chauh na na na hi kum tin chuan kan ti ve ziah. Agriculture Department-ho kan iang zo ta —demonstration-ah an inhmang ral rak, demonstration bàk hi eng vak an ti thei lem hlei lo va. Lo lama eizawng kan tamna Zoram-ah hian thil tak tak a la zir puitlin theih loh! Mau kan kit leh hum hum ang a, hna pui tak tak thawh aiin kan thalaiten Chêràw-kàn kan zir leh mup mup dâwn a ang khawp mai! Bawngkawn atanga Kulikawn thlenga Cheraw-kan —a ho èm mai, Taxi Driver-ten protest ngei bawk rawh se.
Zai kan ngainat ber chhûng hi chuan … eng vak kan angin ka ring lo. Mi pakhat zai thlîrtu, hna thawhna kut tichàwl kan tam trhiap trhuap thei si. Mi ram invawn faizia pawh hi sawi sawi a zahthlàk. President hlui Abdul Kalama khan, “Mi ramah chuan bawlhhlawh a bâwmah kan paih ve thei mai a; kan ramah erawh chuan paih luh kan tum leh si lo hi …” a ti em ni ta kha?
Report this comment
October 3rd, 2009 at 9:17 am
A hapta a zawnga kan kalpui chhung chu kan fai complete chuang lovang. A Hapta zawh ah hian chhunzawm turin thiam takin inzilh thin mah ila kan rilru in kan khar tho tho, Faina hapta zawh ah tihhnawk hapta in a chhunzawm nghal zel tho vang, Ghandhi lim zahder te chu kan la hlat vek vek em! Chuvang chuan a Hapta hi hmang lo ila, tun aiin fai hi inzirtir ngun leh zual zawk ta ila, a khatmawi tawkin fai fal lawmman te hi sem ni zeuh zeuh bawk se kan fai rei thei zawkin ka ring.
Report this comment
October 3rd, 2009 at 12:28 pm
faina hapta hi kumtluana hman ni ta se a tha ngot ang… vengtin hian tun faina hapta a an tih ang hian kumtluanin hunbi neiin emaw veng tihfai hnatlang hi nei sup2 reng mai se
Report this comment
October 3rd, 2009 at 12:48 pm
“HNAM MAWL LEH BAL TAK AN NI”
Tuipui ral atanga Sap Missionary ten Mizoram an rawn luh a, Aizawlah Mizote an han hmuh a, kar 2/1 an cham hnu-ah chuan an Diary ah heti hian an ziak, “Mizote chu hnam mawl leh bal tak an ni” tiin. Tin, Dr. Fraser a lo thlen pawh khan,”Khawvela hnam ka hmuh tawh zawng zawngah Mizote chu an la bal ber” a ti.
Heng kan Zosapte min hmuh dan hi tun thleng hian kan Aizawl khawpuiahte pawh a la dik chho zel zawng a nih hi … … … … … …
Vanglaini 2nd Oct. 2009 Article, Zosiamliana ziak a ni. Comment-ah ka han kharchhawng lok a nia, mi pawi ka sawi em lo’ng chu maw.
chuvangin ka ID pawh ‘bawlhhlawh’ a ni ta hial reng zuk nia!!
Report this comment
October 3rd, 2009 at 9:27 pm
Fai Pathian kan an theih teuhna ber a ni.. Cleanliness next to God… an ti thin. Pathian hi a fai viau a ni phawt mai le.
Pawn lam lang theia Faina hi a tha em em a. Hnawk leh bawlhhlawh ngai thei lo mi tak, pianpui ve hrim hrim chi tan lo chuan Fai vang reng mai hi kei chuan har ka ti riau nia.. Mahse, kan ti teh ang. Pawnlam aiin rilru ngaihtuahna fai hi ka ngai pawimawh ve zawk khang lang. Rilru fai lovin harsatna a thlen hi pawn lam fai lovin a thlen ai hian a buaithlak zawk thei fu lo’ng maw? Mi kheuhbeuh, midang tana rilru chhe pu reng mai, lawmna reng reng hmu zo lo, phun ang reng mai, huatthu chhe em em, khawvela chenpui nuam hlawl lo te hian Faina Hapta a lo thlen hian an thinlung hi thianfai ve mawlh teh se. Famkim kan awm lo, a chiang. Mahse, han ngaihtuah mai pawh a uchuak deuh chin hi chu kan awm a ni.
Statue chungchangah chuan, kei chuan eng he huah ka ngai lo ve tlat. Popularise vak chiah pawh ka ngai lo. Pu Gandhi-a ka ngaihsanna leh ka zahna hi a lim ka hmuh avang hian a zual phah lova, a chanchin lehkhabu-a ka chhiar hian a zual phah zawk thin. A lim hi ka hmusit ka tihna chu a ni lo. Tul ka ti viau hek lo. Kan ramah hi chuan theih nise, kan Pasaltha ho lim te hi zo treng trawngin dah thluah zawk se kori a tu zawk mai lo’ng maw? te ka ti ve mai mai…
Report this comment
October 5th, 2009 at 10:35 am
Faina hi faina haptaah chauh kan ngaih pawimawh chhung chu kan fai tak takin a rinawm loh. Faina hi nitina kan nun pui hunah kan fai chauh ang.
Report this comment
October 5th, 2009 at 12:10 pm
Mizote hi kan intichangkang ve viau a, faina kawngah hian kan la hniam rih khawp mai. Fai tur chuan taihmak a ngai a, kan fai loh viau hi chuan kan la taima tawk lo tihna a ni thei.
Report this comment
October 5th, 2009 at 12:32 pm
kuhva hi ha ti bal tu chu van ni ve chiang tak!kan duh ve lap2 hlawm siah!
Report this comment
October 5th, 2009 at 12:40 pm
chink, i comment hi kuva ei pah a kan chhiar chu le. Ka inthiam vak lo
Report this comment