Chanchinbu ah vawi tam tak zu fak mawina leh khap a tul loh zia ka hmu thin. Mifing leh mifel tak tak te, anmahni ina zu in dan chin tawk an thiam vang maiin zu an fak mawi ta mai thin a, a pawi ka ti. Thenkhat phei chu kan zosap missionary zahawm tak tak te lo dem phah tawk ta hial te pawh zu han awm a maw le!
Kan buaipui luih luih ZU hi eng ang chiah nge maw a lo nih le. Tun tum chu mifing, lehkha thiam, self-control nei chunga zu in thei chin ka huam ve dawn lo va, thingtlang lama zu avanga harsatna lo awm thin te ka sawi dawn.
Ka naupa’n lai ka han chhui kir a, thingtlanga awm a seilian ka ni a. Kan chhungkua tibuai tu awm chhun chu ZU a ni tlat mai. Vawi tam tak zu avangin kan buai a, chhungkua kan keh darh fo. Ka experience ka han sawi ve hlek a ni e.
Zu hi mi tam takin “Khap ni lo sela, kan in thiam ve mai ang chu” an ti thin. Kan in thiamlo tak hi alawm kan buaina chu. Pa vengva deuh leh hawi zau deuh chuan an in thiam khawp mai. Mahni inah chaw ei dawn ah tlem tlemin an in kerh kerh a, tuma hriat lohvin regular takin an in kerh kerh a, an hrisel phah te pawh a ni mahna, ka hre ve lo le. Kei ve hi chu hetiang hian regular takin in ve ta ila chuan reilo teah ka hnar a tawk ang a, ka biang a thau ang a, ka dul a kiar ang a, ka tihrawlte an sawng te hle ang.
Thingtlang lamah chuan chutiang a ni ve lo. Patlingin zu a in chuan, a hmaa a lo lungawilohna te kha a chhuak thar a, thin a rim thar a. Buaina a hnai tlat zel. Chhungkaw nu ber laka a lungawilohna tam tak, a sawi chhuah duh lem loh te kha thinrimna nen sawi chhuah a lo rem ta. Buaina intanna bawk. Khawtlangah intihbuaina a awm reng rengin ZU a tel zel tih hi ka hai lo fo thin. Hmeichhe lamah bik, hmeichhia in zu an in hian mawihnai taka an lo inthup thinna a bo va, mipa an ngam sarh a, an zahzumna a bo va, sex hman pawh an hreh loh phah fo an ti. Zu a in lohva sex laka a inthiar fihlim theihna kha, zu a in ta chiah a, a bo ve nghal mai ni awm tak a ni.
Zu hi rilru hah min chhawktu a ni lo. Keini tan zawng zu hi zahna kawna min hnuk luttu mai a ni. Zu avang hian kan chhia-leh-tha hriatna ina rem a tih tlat loh avanga kan thil tih hreh tak tak thin te pawh kan tih hreh loh phah fo thin.
Zu in thin pa tam tak chuan mahni inveng ran leh intlawh khalh ran chungin, midang zu in velo te kha an fel bik loh zia te huai takin an sawi a. Tin, mifel tak, mahni ina a tawk tea zu in kerh kerh thin hian a tlangpuiin “Zu khap” hi na takin an sawisel duh an ti bawk. Nangni mifing te u, zu in hlimna te, hriselna te a pek lai che u hian, keini ang thingtlang pa mawl hi chu buaina, lungngaihna , tahna, nupa intih thinrimna, nupa inthenna, uirena, insual buaina leh tualthahna mai min thlen tu a ni si.
Zu hi chhungkaw ti keh darh tu, hmaichhana mite’n a min fak laia hnung lam atanga mi nuihzata min siam tu, mahni leh mahni ‘mifing tak’ nia inngai tlat thei tura min siam tu a ni. Keini anga duang tan ‘zu in thiam’ a awm ve thei lo. Tin, zu hi damdawiah pawh an telh thin alawm tih avang maia in bawrh bawrh chi pawh a ni lem lo. Zu hi damdawi atan chawei kham ah chhin khat/fiante khat te tein in tur ni ta se, damdawi atan hmang peihlo kan awm nual mai lo ang maw?
“Zu hi damdawi ani” ti tu te tan bik…. zu aia damdawi tha a awm ka la ring tho mai. Ka hriat ve chin ah chuan self-control nena regular taka mahni ina zu in kerh kerh thin ai chuan regular taka physical exercise la thin te hi an hrisel zawk tlatin ka hria.
Zu hian hming mawi tak tak a la nei chho zel ang. Grape wine hi zu a ni a, tin distillated grapewine ngat phei chu hming mawi tak “Zawlai Di” tih hial pawh phuah mahse, ka tan chuan zu tho a ni. Grape juice, rice juice, sorghum juice,……. kei atan zawng amaha awm alcoholic content azir in ZU vek a ni e.
Zu hi zu ngawlveia min siamthei tu awmchhun a ni e.
(Y)
October 22nd, 2009 at 4:51 pm
Zu that lohna thrahnem ngai tak a kan lawr khawm thrin ho hi ,zu in mite hi a hre chiangtu ber an ni mahzawk ang.Khap a vang a heng zawng2 hi bo thei ni se tuman zu khap hi an sawisel lo tawp ang!kan khap a, zu a pung zawk mah emaw tih mai tur ,Nitin in zu leh a kaihhnawih man thawm kan hria a,kan han khap tak2 vanglai, SRS an han che tak2 mai phei kha chu,Mihring aiin,Ramsa awmkhawm, Dan leh hrai awm reng2 lo ang mai kha kan ni a computer age a cheng in ti,lehkahthiam tamna!,kristian 100 ah 100 awm na state ni a in chhalngam tan chuan khang ang reng2 a mizo hman tih mualpho na kha a awm thei dawn em ni! Kan zu khap vang a n!”O” ti rawh,an ti a-“AU” ka ti thau2 ang tih ang hrim a ,Zu KHAP hi a thra ber em tih kan problem a nih lai a,Zu thrat loh zia rawn sawi chiam2 ching te hi chuan a buk threlh in an threl a ni.Zu khapna hnuaiah hian a in ngai ten an in reng tho a,a “HUR” puiten an hurpui a nep chuang lo a! zu man a to viau a,Zu in mi chhungkaw budget nasa tak in a buai phah bawk a(a man to vang in).Zu kan khap hian eng chiah hi nge kan goal(tum)?Ram dang mi, Dan lo a sumdawnna hlawk tak kan siam a ni ringawt.Anni lah in Jail tan te mai2 eng amah an ti silo!Sahuai ni do an sawi ang mai a lo do ve viau ringawt hi awm ze awm lo a ni.Awmze awm a Dan hnuai a zawrh a,Zurui buai leh hnawksak tih nep/rem tum lo a,a zu a khap rem kan tum chhung hi chuan kan hlawhtling lo mai ni lo in kan chhiatpui mek a ni!Thil reng2 a “reality” pawm ngam lo a,thu awmze awm lo sawi kual a inhnial luai2 reng hi kan la mawlzia leh Hnam dawihzep kan nih zia tilangtu mai a ni.MLTP-Setan a hmanraw hlawhtling!
Report this comment
October 22nd, 2009 at 4:53 pm
He post chuan darkar 3 ah half century a siam der mai a, a strike rate a sang khawpmai
Report this comment
October 22nd, 2009 at 4:54 pm
@HV: Titau miah nang aw., Comment ah milem nui sang lai lem ka dah thiam lo alawm maw le. “A in thiam” mi tlemte zingah i tel alawm.
Report this comment
October 22nd, 2009 at 4:55 pm
DAWN TISEI: Ngaihtuahna tithui ve thei tak pakhat chu NOVA zu rui kha a ni
Tuilet zawh hlim khan Nova khan Zu a rui thle hle a nih kha. A mu lang vel!
Zu kha khawi atanga a neih nge? Khawvel kha tuilianin a chim vek si a! Lawng chhungah khan Nova khan a lo pai sa reng tih a chiang mai. Chuti anih chuan Zu kha a lo in ve fo ang tih a rinawm, mahse Pathian nen an leng dun tlat! Nova kha a hun lai chuan midangte zawng zawng aiin a tha fal nalh a ni. Mahse, Zu in ve fo chung khan Pathian nen an leng dun em ni dawn? A lawng tuk chhung zawng zawngte khan a lem ve khalh khalh a rinawm ta tlat!
Mahse, a Zu ruih result kha chu a chhe ve khawp mai!
__________________________________________________________
*ZORAM HIAN KUTZUNGTANG ELHA CHHIAR THAM LEK KUM IN NEI TA!*
__________________________________________________________
– started from the Mid-2008
Report this comment
October 22nd, 2009 at 4:58 pm
ZG, nghapih mi tih sek mawle, nghathu pa, chal bekang. Keimah maw ka zuruih result chhia i tih chu. Comment a ka dah kha i chhiar lo a ni maw; ka blood alcohol level kha .02 a ni e. .08 chin chunglam hi dan in intoxicated a tih a ni. A awmzia chu mouthwash a kamthuah ang vel ka blood alcohol a nih chu. Hriat chian lohna in a ti a ruau che a nih kha
caribou, hei hi : type la ahnu ah ) hi dah leh la enter la a ni mai, i khi sang mai ang. Mit siai i duh chuan ; leh ) a ni thung. Tum bur i duh chuan : leh ( ani e. hairehai
Report this comment
October 22nd, 2009 at 4:59 pm
ruihhlo duhlo mifel (inti) tak tak ho khan anilawmi mi te vua a, nasatak a suasam kha?? sualna neilo ang hrimin thenkhat pheichu thi khawp hialin an vua antia mi kha???
mi famkimlo vek awmkhawm kanni a, kan thatloh dan a inanglo mai zawk ani, chuvangin Zu kan inve duhloh avanga a in duh ho lo va judge vak vaka , lo va khap vela, lova man sak vela, lova vuak vel hi thil dik ber ani angem????
Zu aichuan eirukna hi a case a serious fe zawka, mahse kan YMA tehian Zu zuar leh In an tihdan ang CHANVE pawhin anti ngamlo. Eiru ti mualpho a vaw ngam silo hian engahnge an ngam zawng mi chhe fa hetianga an tih bik vak vak. Pathian in engtin nge a ngaih ang?? thleibik an nei tihna animai lo maw??
nge anmahni pawh an fihlim biklo tihna zawk???
Report this comment
October 22nd, 2009 at 5:06 pm
@HV,
Zoram Genesis hi a hming i hriat hma daihin, Rintea nen kan en dun tawh a sin. 
AW! i lam tangin, Bible behchhanin ka rawn cover ve tak trok trok che a! Chutia keini ang US Nghapih pawh ni pha ve lo min lo ambush mai te’n … Zoram Khawvar kan thleng thei nang ..
Report this comment
October 22nd, 2009 at 5:39 pm
HV (US Nghahpih) lawmzawng a nih hmel e!
>> Zoram_Nemesis sawi a va nih duh zawk hmel ve
Report this comment
October 22nd, 2009 at 5:54 pm
Nghathupa, a ni maw no harm done
Report this comment
October 22nd, 2009 at 6:20 pm
In mai2 tur. Hic2 hurray:
https://i33.tinypic.com/2w20zgw.jpg
https://i35.tinypic.com/ngu8zt.jpg
https://i36.tinypic.com/nnktb5.jpg
Report this comment
October 22nd, 2009 at 6:29 pm
@ vl chinzah….nupui kutthlak te chu an ruih loh pawn an thlak tho alawm. keichu ka ruih in ka pawr lo daih zawks, ka awm hle2
Report this comment
October 22nd, 2009 at 6:39 pm
Zu hi chu kan lawm tlang teh e maw!!!! sawi rik a nih dek2 tawh chuan……:-)
Mahse a nuam ve riau, zu khapna a hlih daih chuan phur taka sawi tlan liam2 theih kan nei tawh nang……..
Report this comment
October 22nd, 2009 at 6:41 pm
zu te chu bottle 5 pawh nei ila peg 2 lekah pawh ka duhtawk thiam. Ka duh chuan bottle 1 1/2 whiskey pawh ka in thei. darkar 24 chhungin beer litre 30 pawh ka in thei tho. min ti buai lo zu hian. Mizoram prohibition state-ah te chuan hmanhmawh lutukin zu chhia kan tlak pawp2a ruih sual a awl em alawm. A intu leh indan a zir ani mai.
Report this comment
October 22nd, 2009 at 6:50 pm
Zu chanchin emaw kan sawi dawn ka tia, a khap leh khap loh lamah bawk kan lut leh dawn ta
Report this comment
October 22nd, 2009 at 7:33 pm
Zu ai chuan Khawtlang nun siam that te khi i vei zawk teh ang u. keini misual ho hian
Report this comment
October 22nd, 2009 at 7:36 pm
Report this comment
October 22nd, 2009 at 8:15 pm
Bible hi Mi vuakhlumnan hmang thin ta ila..Bible hi a sual kan ti dawn tihna mi..??? A lo hmang sualtu kha a sual a ni zawk e.Tunlai a Zu that lohna lo la kurpui vak vak te chu a,duh loh chuan in loh mai tur,duh chuan in mai tur..!!;-)
Report this comment
October 22nd, 2009 at 8:29 pm
Zu a tha ti chuan a nupui pawh intir se la….lol…a fate zawng zawng pawh intir se la….haha …. an chhung chhungin in se la…lol…kei chuan zu ka nghei rih don lo..ka la nghei thei rih lo, la in rih phawt ang, mahse, a tha chu ka ti lo rengzzz, zu hi a tha lo, a tha lo topz, ka in, ka in, kum 18 a chuang ha in toh. A tha lo, mahse, sim harsa ka ti, a tha mawlh lo.
Report this comment
October 22nd, 2009 at 8:36 pm
tunlaiah mi an fing toh. zu chu soi loh, meizial tak ngial poh a zu mite chu kan chep tial2 mai…huiha! puipunna hmuna khuk luih2 hi a thring toh. zu ruih phei chu thring lehzual, mahse, kei zong meizial my best friend a ni tlat. hoh u, meizial poh soi ve tho ang u
Report this comment
October 22nd, 2009 at 8:40 pm
Mimawl leh Lehkhathiamlo ho chuan ZU chauh nilo in, chaw thring, Na chhawkna, Tuilum Ip, Tv, Chem kawm, Favah,khawnvartui leh Petrol mai bakah buh hawpkhawp te pawh hi kan tlakchhiatpui fo tho a sin.
Hman ah ka thaw nasa lutuk a ka Nula duh deuh ka chan tawh. Lolz
Kan chhiatpui zawng zawng hi min khap sak vek chuan thawk (breathing) te pawh hi in la khap ang!
Report this comment
October 22nd, 2009 at 9:02 pm
Report this comment
October 22nd, 2009 at 9:04 pm
@HV: Thanks.
Report this comment
October 22nd, 2009 at 9:06 pm
Report this comment
October 22nd, 2009 at 9:08 pm
Eureka
Min hrethiam lawk mai ru.
Report this comment
October 22nd, 2009 at 9:26 pm
Comment ah milem nui lai lem ka dah thiam loh vangin fiamthu pawh ka thawh thei lo va. Nichinah HV an a tih dan min hrilh a, ka thiam ta. Comment nui deuh reng tawh mai teh ang.
Khawi maw ZU chu.
Report this comment
October 22nd, 2009 at 9:51 pm
Ni e…zu hi atha ti tu ten hei hria se atha ang..chaw ei tuina an tih chuan damdawi LEI NAN PAWISA tam tak tak sen ngai lovin zu no hnih khat in a chaw eituina anih ahnu zu in tur hi chhungtin ten kawl vek mai ila? Hnam zia a ni tia hmanlai pi pu nun behchhana tran ten ZU in thiam te avangin HNAM in hma kan sawn phah em tih te, Kristianna nen hian ZU hi a inmil chiah em? Hnam leh chhungkua tam tak ten kan chhiat phahna chu kan tran tlat dawn em mi niang? Thiltha DO tur hian eng sawrkar mah hi an inrawlh duh kher chuan a rinawm bawk lo… teh duah maia..lo ngaihtuah ve neuh neuh mah teh u…ZU HIAN THU LEH HLA ALO NGAH BER MAI ANIH HI..
Report this comment
October 22nd, 2009 at 10:26 pm
Zu bawk maw ………. huihaa ka bang.
Report this comment
October 22nd, 2009 at 10:47 pm
caribou! I ziak tha hle mai. Zu In thiam hi an tlem em mai a, Mizoram-ah ngat hi chuan zalen tak a Zu in theihna dan neih hi a tha ber lo mai thei reng a ni.
Mi tamtak in “Zu khap burna” hi an sawisel thin, a chhan berah chuan Zu a kiam chuang si lo va, a duh ten lei tur an hmu tho bawk si vang a ni ber ang. Kan um phak loh tur DAN hi kan siam ve ngawt thin a, kan khap leh tak tak thei si lo va, hei hi chu a zahthlak ka ti.
Mahse “Zu khap burna” hi awm ta lo se tih hi ngaihtuah tham a tling. Zu duh duh a lei tur a awm kan tih rual hian dik tak-ah chuan duh duh a lei tur chu a awm lo chiang. Zu lei tur chuan a ruk deuh va lei a ngai bawk a, duh duhna lai hmunah zu a siam theih loh bawk. Hei hian zu tam lutuk tur a ti kiam lo thei lo. Zu khapna hi awm ta lo se tun ai hian zu in an tam fe zawk ang tih hi ka rin dan a ni. Tun a zu in ngai lo tamtak pawh hian duh duh a dawr a lei tur a awm a, mi in an in sup sup chuan in phah an tam viau ang tih a hriat. Zu khapna hi tawp ta thut se kum engemaw zat chu chhungkaw buai phah fe fe an awm ngei ang. Mahse hun a lo kal zel anga, zu a zalen reng a nih chuan tlem tlem in zu in dan erawh chu kan thiam ve telh telh a rinawm. Mahse hei hian kum engemaw zat chu a daih hrim hrim dawn. Tin, zu khap a vang a zu in lo, zu khapna a bo tak avang a zu in ta erawh chu an tam hle dawn tih hi ka ring.
Hetah hian a post tu in a ziah dan in “ZU in thiam” tlemte chungchang a sawi lo va, Zu in thiam lo, mizo zu in zing a za a 90 (or more) vel hi chu an ni hrim hrim ang. Nangin zu thiam tak a i in avang a zu in a pawi lo lo tih ringawt pawh a ni lo, zu in thiam lo mi tamzawk, chhungkua a harsatna lian tak siam tu te tan a zu in a pawi zia hi ngaihtuah zawk tur ni in ka hria
Report this comment
October 23rd, 2009 at 12:41 am
CHIN (lai magazine)TINTHANG August thla chuak ni ta in ka hria, he ti hian a in ziak a(lai tawng chuan chiarthiam lo kan lo awm sual ah mizo in)khawvel ram chang kang leh ramtha in an tih duh loh leh an tih theih loh India ram state pakhat mizoram ah hian zu khap mai ni lo in khap bur na dan lek kawh mek xel a ni a,chu vang chuan zu man a to em em chu vang in,an thalai tam tak ten denrite leh damdawi an ti na sa em em.khawvel ram dang ah he tiang ang em em a zu buaipui ram dang an awm lo.tin kei ni lai mi poh he tiang zu siam tur hian chhawr kan ni.(he tah hian a ziah dan chu AN THAWK ti lo in AN THAWH TIR tih a ni e)mizo te hi hnam te nau an nih na a lang zual hle bawk ti in a tawp……..
Report this comment
October 23rd, 2009 at 3:07 am
Chin ho nen chuan kan in ag tawk vel chiah
Refugee in an lo kal a, an rawn thlen tirh in christian tih takah biakin an rawn bel nghal chat bawk nen, christian tha tak tak, conservative tak tak 
khan biakin an rawn belh avangin lawm em em in an lo buaipui a, zu in chu sawi loh, a sawi pawh an sawi ri ngam ngai lo.
Chuan kum hnih khat an liam ta chiah, an in sum thei tawh lo, an lo kal tirh a zu in awm miah lo kha tunah chuan pahnih khat bak in lo an awm tawh lo. Duh duh a zu lei tur zu tha ber ber a awm si, an rui thei hle hi a ni ringawt. Police beng thleng thak khawp a nupui vaw zing pawh an awm. (rui lo se a vuak dawn leh dawn loh chu ka hre law
) Hepa hi jail chu a lut ta lo chuan ka hria, engtianginnge an in rem tak chiah ka hre lo.
Tin, pakhat chu mi in bul kawng sirah a tla, mi in police an lo phone si,a thisen a alcohol level 2,8
kawngsir a tla mai ni lo vin mi han su teh se!! mihring a su lo hi vannei lel lawl tak a ni. Jail-ah ni 28 a tang a, pawisa kha refugee a nih vangin an chawi tlem tir a, chuan kum hnih chhung motor khalh phal a ni tawh lo.
Ka hmelhriat ve ber nu pakhat hi a rilru a hah thei khawp mai. Zu rui chung a an khalh a hmu hnem si, “an thianpa an han man chiah kha rei lo te chu tuman zu rui chung in motor an khalh ngam lo va, tunah chuan an theihnghilh leh tan tawh a, an khalh leh reng tawh mai,an vai hian an simna tur hian man vek se ka ti rum rum mai” a ti ve ngawih ngawih.
Kohhran hruaitu, an mahni lo tanpui nasa em em tu in zu rui a an in sual buai vel tih an hre chiah chu mak a ti lutuk a,” Ti hian in ramah chuan zu in rui a,in in hau a, tawngtai tur in biakinah in kal leh thin a maw?” a ti e, an ti.
Hengho hi keini mizo tamtak ai in an la primitive fe tih hria i la. An tia lawm, zu duh an tam si, an pastor pakhat in a rawn tlawh a, an pastor hmaah chuan an in hnial vel ta a ni awm e. A pasal zuruih vang a vuak hlawh ber khan,a zu in lo awm chhun kha ” Nang pawh zu i in loh avangin i fel bik chuang lo, in nupa in sahdah in hmuam tho, zu in nen a in ang reng” te a ti vel an ti
Engpawhnise kan hnam zia hian a pha thlawt lo ni mai in ka hria. Sap ho zingah pawh zu rui a motor khalh an awm tho, mahse a percent a in tlem hleih lutuk. Party-ah pawh zu inna chiah chuan a khat thei ang ber in car pakhatah an chuang mai, driver in zu a in ngai lo ka hmuh tawh chinah.
Chuvangin zu khapna hi Mizoramah hian han hlip chiah se chuan kan rin phak ai hian kan nasa ang! Chutihrual chuan “Zu khap bur” ringawt hi a dik ka ti chuang si lo, kan rilru nen a in mil tawk, engemaw dan zawn a ngai.. a tha ber tur thurawn ngaihna ka hre bik lo
Report this comment
October 23rd, 2009 at 5:36 am
@elcee: Kan hmuh leh kan hriatte hi sawi mah ila, awih a hlawh chuang lovang.
Pa ber, meizial a zuk leh sahdah a hmuam changa chhungkua buai ngai lo kha, ZU a han in a, an chhungkua an buai, an invel, an tap, an inthen.
Zu a zalen lai leh khuahkhirh a nih hnu danglamna kan hmu phal lo maw? Zanah leng chhuak ila a hriat khawp mai.
Report this comment
October 23rd, 2009 at 5:41 am
@Elcee: I ti tha e. Zu in thiam ve lo te awmdan chiang taka hmutuin huai takin i rawn sawi chhuak a. A lawmawm e.
Report this comment
October 23rd, 2009 at 6:15 am
Sap, Pastor tamtak te pawh hi an bangbik emawni le, an chaweina dawhkan ah chuan Wine nen an in chhawp kengkung thosia, Zohnahthlakte hi mahni leh mahni inhmu hniam leh “sap”. va ngaihsan deuhbik te, an zia va lak Copy te hi kan chinga tiangte pawh hi a thra lo lamah kan Copy tam zawk lehbawksi. Athra lam Copy thei i la hma kan sawnpui nge ang. Zuk leh hmuam lamah ngat pheichuan, Zohnahthlak te hi kan in thlah dah em ema, Inn chhung khuluih luih a zialzu, In a kang emaw ti mai tur khawp a, Office chhunga zialzu,khu luih luih hmuh chante hian Hnamchangkang te entawn a, Inn chhung leh office vel ah leh Public awmkhawmna vel ah te hian chuan dansiam in khap hmak vese la kan tthat tlanpui a beisei awm. Mahni mawngkhak hmu lo vin tthiante mawngkhak hmu tih ang vel ah te kan comment tu te zingah te pawh kan awm leh lawi bawksi, keima tiamin.
Tihchi lo theihe!!!. Zu ah chuan khuaizu ka duhnan, ruihnan chuan zing zu ka duh leh thungsi. LOL
Well.. azl ah pawh michangkang chin te chuan sap kan tihho ang tho hian an in ve thoa, changkang vak lo sap ho zingah pawh ruibuai a mite tana hnawksak tham tak tak rui chhum an awm ve lehtho mai.An motor (driving Licence) thleng thlenga chhuhsak a, Jail bang zut pawh an awm ve pheng phung tho lawisi. Atu a te tihdan ber hi nge kan copy tak angle. Mahni in hmuhthrat a mi dangte va hmuh chhiat kan ching leh em em bawksi. Mahni tihdan sawilan duh lo va mite tihdan va sawi zuah zuah te kan ching hei hi tunlai khawvel in a ken tel, mahni thiamtaka in sawimawia, a ti a te mi dang hnen ah thiamtak in va sawichhiat tih vel hi khawvel mihringten kan thiam hle ni in a lang. Ka Pu fanu pasal hi Midum (negro) ania ka pufa nu chuan midum ho an tihdan chu a hmu mawi em ema, kan han sawisel deuh”. yeu yeu yeu “. yea yea yea, yua yua”, an tih vel te sawi chhiat dawn hian zuk duh ve trhak lo va, chu mi a hnek in, Michael sailo te ho rap hlasak te chu a lasawisel ve leh thobawksi. Tiangvel te hi kan awm nukkkkkkk..
Report this comment
October 23rd, 2009 at 10:15 am
Engkim mai hi a lutuk chu a thalo vek.
Report this comment
October 23rd, 2009 at 10:25 am
He khawvel zau taka hian zu in thiam hnam, hnam khat tak ngial pawh an awm lo. A hnam a han saw dawn chuan, zu in thiam lo hnam kanni tlang vek. Zohnathlak ho chauh hi zu in thiam lo hnam kan ni bik lo. Chuvangchuan, a duh in an in anga, a duhloh-in kan in lo mai ang a, khap bur leh khap bur loh in awmzia a nei chuang lo vang. Zu in tam latuk erawh chu hriselna tan a tha lo bak a, family finance a tibawi thei. Elcee sawi ang hian, kan brothers and sisters Chin ho, a bik takin Lai ho hi keini Mizoram-mi ai mah pawh in zu an heh zawk mahmah an sawi ka hre ve tlat. Dik tak ang maw?
Report this comment
October 23rd, 2009 at 10:39 am
Engkim mai hi a a tha vek mai, a lo tha vek mai.
Report this comment
October 23rd, 2009 at 10:51 am
Pu HV: nen hi chuan Zu inthiam chungchangah hi chuan kan ngaih dan hi a inang thei ngang lo a nih hi aaaaa. Hmanah pawh (thla hnih kalta vel khan) Misual.dot kawm ah bawk hian kan sawi nual tawh tak kha a.
Report this comment
October 23rd, 2009 at 1:03 pm
Zu nge nge comment pawh a lut tha ham ham e. A dawtah chuan sex lamhawi rawn post leh ula, kan ri leh huk dawn nia.
Report this comment
October 23rd, 2009 at 3:56 pm
Mizoramah zu hi thlah zalen ta se:
1. Mizoram a zu neithei ho insawitheihna hmang thin hoin insawitheina an nei tawh dawn lo.
2. Sawrkar hnathawk, drivers trenkhat asen chi nei thei hoin nula thlemthlukna an neih tlem phah dawn.
3. YMA,VDP,etc.. intih lal/intih thuna an neih tlem phah dawn.
4.Tuna zu a eizawng ho tan eizawnna an harsat phah ang.
5. Excise hoin zu man chawia an lei ve a ngai tawh ang.
6. Zu inngailo niawm tak a awm ho, phai lam an zin chang a, duhtawk a in thin tan a manhla em em hran tawh lovang.
7.Synod leh sawrkarin anin sawitheihna ber zu khapna State chu zu zalenna a lo ni dawn vangin pawi an ti ang.
8. Kohhranin an beramte an enkawl hneh loh zia a lo lang chiang ang.
9. A hlimchhawnah chuan arkhuh hawn ang mai a nuam leng a zu in an tam ang.
10. Zu khapbur duh hoin kawng an zawh ang.
Report this comment
October 23rd, 2009 at 10:58 pm
ZU hi a lo thra a nia nge a tia lawm threnawm pa in!Isua thil mak tih hmasak ber ah pawh khan uaiin leh chhang a ti pung kha ania!chhang kha chu bawmrang 12 a chuang a,uaiin kha chu a chuang ve miah lo e, a ti! Zanriah hnuhnung isua ho a an kil pawh khan peter a te khan an lo lem deuh ni tur a ni,peter a rui lungpuam deuh khan Rom sipai beng an sah thlak sak hlawk mai a,nimahsela zinglam a lo nih a,rui a lo reh deuh tawh ni tur a ni Petera pawh khan hmeichhia mai mai hma ah pawh khan isua kha a phat san leh zat2 mai a nia. a ti ve tlat
Report this comment
October 24th, 2009 at 1:39 am
# 90 ha ha aha he
Report this comment
October 24th, 2009 at 6:06 pm
[…] rawn post “Zu hi” tih khan comment a ngah hle a, a rawn ziah dan pawh kha ‘victim’ a nihna atanga rawn ziak niin […]
Report this comment
October 25th, 2009 at 7:39 am
*caribou…hei Churachandpur a khaw pakhat(sawi lang lo mai ang) YMA chanchinbu Publisher ka ni a, i thuziak hi I phal anih chuan kan lo chhuah chhawng dawn em ni aw..? Ka kual ka kual a hemi post ah bawk hian ka lut leh nge nge thin.. I phalna ka rawn dil che a ni e.
Report this comment
October 29th, 2009 at 10:48 am
@Monarch: A sei lutuk hlau chung chunga ka thhziak mawl mang tak i chanchinbu zahawm taka chhuah i duh tih ka hriatin ka lawm e. Sit tak chungin chhuah Ka phal e.
Report this comment
October 29th, 2009 at 12:00 pm
Ka hriat 1 ve thung chuan “Nupuite chu ruih loh tlai apiang hian han vaw mai ila,pa-a zu hi in teh min ti sek zawk mai a lawm”, a ti vêl hihi
Report this comment