Krismas a hnai leh tawh sia, ruai theh lam i sawi leh tawh mai teh ang u

November 14th, 2009 5:21 am by The Flute

Christmas a lo hnai leh ta hle mai. Christmas ah hian mi tam tak chuan ruaitheh ngei kan duha, chutih laiin chhungkaw harsa zual tan chuan a hautak in Chritsmas ruaitheh hi thil huphurhawm tak ani bawk si.  Christian te tan a ni pawimawh tak ah hian ruaitheh loh hian hlim takin kan hmang thei tho ang em?

Nge thlarau thianghlim a tlak that loh kan ring. Christmas ruai theh hi tul kan la ti em? Nge a hautak si a, tih toh loh in duh zawk. Chhungkaw tam tak tan chuan christmas ruaitheh nana pawisa thawh tur hian rilru hahna a thlen ve thei a sin. Enge in ngaihdan le? Misual thiante u in sawi khawm ve mai mai ang u

s
Hei hi kan khua a nikum 2008 Krismas ruaitheh nan a an talh Bawng lu a ni e.

Similar Posts:

Recent Posts:

35 Responses to “Krismas a hnai leh tawh sia, ruai theh lam i sawi leh tawh mai teh ang u”

  1. 1
    H.Vangchhia Says:

    Kristmas hi kan Lal Isua piancham kan lawmna, kan hriat rengna a ni phawt mai. Thawhlawm chungchang i rawn sawi a, Isua van a lawm hnu khan a zirtirte hnathawh na pakhat atang khan Pathian ngaihdan chu a hmuh theih awm e. Nupa tuak khat chuan an neih thukru in tlem te chauh thawhlawm an thawh a, an tlu tawp a an thi nghal a nih kha.

    2 Korinth 9:6 ah khan kan thawhlawm thawhdan tur pakhat chu a awm. A dang pawh atam mai. Kan pek zat ni lovin, kan pek dan, phal takin kan thawh em/kan pe em tih lam a ni a en ni, kan Lal hian.

    Thingtlang ah anuam ka ti ber, masi chu

    Report this comment

  2. 2
    changban Says:

    Ruaitheh mo?? Keichu nuam ka ti lo top mai! Mahse Ruaitheh hngakhlelh leh nuam ti tam tak an om sia.. a hautak lo thei angber a tih nise…

    Kei anga riang hi omve tak ang mo??, tun kum Masi chu.. :-(

    Report this comment

  3. 3
    sonju_a Says:

    Theh ngei ka duh. He hun lawmawm lo thleng hi kan thin lung zawng zawngin lawm ila, Pathian kan tan a inpek tanna ni a nih angin, hausa leh retheite’n kar bi siam lovin, tun thlengin a neite thinlungah Pathianin thu a la soi zel chu a nih hi a.

    Report this comment

  4. 4
    wanttostrokemypuppy Says:

    Ruai theh ngei ka duh kei pawh.

    Report this comment

  5. 5
    grady Says:

    Pitar sa khai zawk khi ka duh lutuk, a va lungawi hmel tak em!! Ka lawmpui hliah hliah. A hmel atang khian sa a ei ngun vak hmel bik si lova, khitia Masi man a sa leina tur a lo khawl ngei mai an hmang ta khi dam man a awm a ti ve ngei ang.

    Report this comment

  6. 6
    Alpha-X Says:

    Zo tak mai ruai theh kha chu a nuam ngawt mai. Naupang harh rual lam kan ni tawh awm e. Fatu hoina changel hnah an phah darh hlap mai chunga chaw khu vat2 awmna kha kan han kil khawm tai a. A lai kan han hai kua a,chutah chuan ruaisa kha fatu ten an rawn bunah…chu velah mahni hmazawn theuh a changel hnah kha kuttin kan han rin kawk mai a, sa tui kha automatic takin a rawn luang lut hem2 mai thin mawle kan chaw ei lai ah khan. Nuam ve tak chu a ni e…Tin, ran ke leh lu lucky ticket an han siam ngei a. Man fuh hlauh phei kha chuan tu tu emaw samsei nen khan kan han tlaivarpui leh nghal ah..

    Aw a lo va han nuam ve mai mai thin tak em

    Report this comment

  7. 7
    changban Says:

    Tunlai ah chuan Disposeable anti zel toh a. .town tamtak naupang chuan changel la a chuah poh an experience ve don ta lo anih hi mo… :-) MERRY CHRISTMAS TO ALL

    see ya all in a week..

    Report this comment

  8. 8
    lalhmeltha Says:

    Thawh zat tur a thu ani mai lawmni a hautak leh tak lohna chu.Kohhran tinten an memberte din hmun ang zelin christmas thawhlawm tur an bituk thin niin ka hria a,chutia hautak leh phurrit na khawp tur chuan an siam ka ring lem lo.
    Khrismas ruai atan a thawhlawm ai mah chuan nu leh pa, thawh chhuah nei vak lo, an fa tena rual an awh hlau reng reng a, an christmas thawmhnaw thar leina tur ngaih tuah buai reng reng a hun hmang an awm thin hi an khawngaihthlak awm thin khawp in ka hria. Christmas ruaithehna tur thawhlawm ai mahin, nu leh pa thenkhatte tan sum leh paiah an fate avanga hun lungaihthlak tak pawh a ni mai thei awm e khawvel thilah chuan.

    Report this comment

  9. 9
    Pc-a Says:

    Mirethei tan hlei2 hian ahlu in, a nghahlelhawm thin mas ruaitheh hi. Mahse, Upa te an bengvar a ngai thungin ka hria.

    Thawhlawm tlemazawng tal thawh thei lo khawpa harsa hi mizo zingah sawi tur hi an tam vak dawn a mawn le. Chutìhlaiin hausa ten harsa zawkte thawhkep an hreh lo thin bawk si. Kristian nih leh Mizo nihnawmna lai tak niin ka hria, mas ruaitheh hi.

    Sa chi hrang hrang kan ti thin hian ati hautak tihmailo chu hnawl phal chiah ka ngai lo.

    Report this comment

  10. 10
    I.Hnamte Says:

    Ruaitheh hi kan pi pu te atanga lo chin tawh ania. Culture tin hian hnam zia kan nei theuh a chu mi a zir zel chuan lawm dan a dang lam mai chuvangin tun a kan Mizo hnamin Christmas a ruai kan theh ziah hi a ropui bik ka ti.

    Kei chu Ruai nen ngei a Christmas lawm hi ka la duh ber mai… Nawm dan a dang dai riau baka Kohran mi leh sa te kan in pawh phah bawkin ka hria.

    Report this comment

  11. 11
    Mr. Pitch Says:

    Kei pawh ruaitheh ngei hi ka ngaih dan a ni. Kan culture kan vawng nunna a ni a, ruaitheh hian min ti pumkhat tlang a, mi zawng zawng ang khatin min siam/dah a, hei ngei hi kan ram/hnam inpum khat na a tan a tha in ka hria.

    Tun kum chu kei pawh ka han theh ve ngei tawh the ang Pathianin rem a tih chuan.

    Report this comment

  12. 12
    chhangte_ll Says:

    Ruaitheh hi hmasang Mizote kalphung kan chhawm chhoh zel ania. Mahse ruaitheh hi nuam ka ti vak lo, belpui sa hi puar a har em mai, in lama ei that leh ziah a ngai tlat :twisted: A hausa ten thawhkep mai se a tha mai lawng maw :D 50:50 ani e ;)

    Report this comment

  13. 13
    Taikheri Says:

    mi(sual) ho hian ruai theh ang u. HV awhfik ang :D

    Report this comment

  14. 14
    As Khiangte Says:

    Hausa leh rethei apui apang ina Krismas leh kumthar ruai hmun khata kan han kil ho thei hi a ropui ka ti em em thrin. Hetianga ruai kan threh theih loh hun hi a la thleng ang tih ka hlau thrin.

    Kan kohhranah chuan kum tir atangin krismas leh kumthar thawhlawm kan khawn a,tlema harsa deuh pawn rit sak lovin kan tlin ve mai a, a ziaom phian ;)

    Report this comment

  15. 15
    shailendra Says:

    Mahni in a tui tak a mahni duhzawng siam a ei hi mi thenkhat ngaihdan a ni tan a. Mahse krismas leh Kumthar a a nawlpui a ruai han theh hi chu a la hlu ber mai….

    Report this comment

  16. 16
    XaiA Says:

    Krismas Ruaithreh genaration a sei lian keini ang tan chua n lung lenthlak leh thlakhleh awm tak a ni,duhtawk a sa kan ei ve theih hun…Mahse tunah erawh ven thawn tur a pui kan lo ngah ta em mai a :!:

    Report this comment

  17. 17
    chhana Says:

    Tunge ruai theh nuam tilo kha? E,k’u changbana a ni maw khah, theh ve lo tawp se a ni mai alawm. A nick hi chhangban ni zawk se urlawk niah deng ila; masi tukah ei ila; a tui ngawt ang.

    Report this comment

  18. 18
    XaiA Says:

    Ruai han puah vel hi chu a buai thlak fu,mahse a nuam bawk si https://img690.imageshack.us/im.....090888.jpg
    Ruaithreh dan erawh a changkang ta mah mah a,a nuam lo zawk em aw(?) a tih theih e https://img4.imageshack.us/img4.....19copy.jpg

    Report this comment

  19. 19
    Pc-a Says:

    Ril in ti tam e a.

    Report this comment

  20. 20
    Zoram_Genesis Says:

    @HV: Mizo chhangban, kumin thar diai kan hmet mek :)

    https://imtransfer.im4mobile.co.....3-1237.jpg

    Report this comment

  21. 21
    Zoram_Genesis Says:

    A hmettu nula hi i duh zawk em? :D

    https://imtransfer.im4mobile.co.....3-1240.jpg

    Report this comment

  22. 22
    cstea Says:

    A hlutna ngaihtuah loh chuan ruaitheh hi ho deuh mai asin! chhungkaw pakhatin kan chaw vawi 4 ei vel tur man zat kha kan thawh a, kan ei puar mang loh phei chuan!

    Report this comment

  23. 23
    ZerO Says:

    Ruaithreh leh threh loh sawi sawi a tul lo. Nuam/nuamlo ti mah ila threh tur a awm dawn tho. Ruaithreh huaina lam zawk a ni, sawi trul chu :):)

    Report this comment

  24. 24
    cstea Says:

    Ruai thehna-ah huai a ngai dawn em ni? Chaw pawh ei ngam lo khawpa dawihzep a awm theih dawn e maw ni le! Ha! Ha! Ha!

    Report this comment

  25. 25
    lalpeace Says:

    ZerO, ruaithreh huaina chu shailendra mawhphurhna ah dah mai chi. Zokhawthar lam expert a nia. :D

    Report this comment

  26. 26
    Taikheri Says:

    U a ma ruaitheh hi hmanlaia kan tih dan khan tih leh tur a ni. Hnak lakte kha nuam deuh a sin!

    Report this comment

  27. 27
    mzvision Says:

    Lemchanna chikhat mahse harsa zawk te tan hlu ang reng fu si, ei trawk ai chuan, vengchhung mi harsa puih nan kan eiral hi sem ila a fuh zawk ang em auh

    Report this comment

  28. 28
    funny Says:

    krismas dawn bazar tawt lai hian mi hnute nek tur ringawt a bazar a kal an awm thin anti :D kan thianpa pakhat chuan heti hian a hisap a, israel point atang khian nula hnute nek tur ringawt in power point thleng han innek sawr phei ta ila, nula hnute engzatnge kan nek hman ang aw.. ati :D

    Report this comment

  29. 29
    H.Vangchhia Says:

    nangmah maw? :D

    Report this comment

  30. 30
    funny Says:

    Pu HV: hahaha, kei techu ni tehlul nang aw :D duh ila chuan Lal Solomona nupui zah bakah a fin chhim tura lokal chhim lam lalnu thlengin ka chhai thlu thei ang chule :D

    Report this comment

  31. 31
    ma-a Says:

    Ka threh leh pek dawn lo.Ruaithreh awm ve silo le lo hetah.Train chhung a vai ho krismas-a ni tih hre map lo te nen a kan chuan ho changte kha lung ti lengtu te an ni mah mah.

    Report this comment

  32. 32
    H.Vangchhia Says:

    weinch :D

    Report this comment

  33. 33
    lalhmeltha Says:

    ma_a,#31 i inen chian a ngai anih chu.

    Report this comment

  34. 34
    +@fzz Says:

    nuam taka ruaitheh tur chuan pianthar phot angai..in ti ve chawm teh ang(teh daiha in ti m)

    Report this comment

  35. 35
    H.Vangchhia Says:

    Mahni in hnathawhna hmun ah ka awm a, he post ka chhiar atang khan ruai theh lam alang reng mai. Ruai theh pangai erawh a ni hauhlo mai.

    Ka pu Laldailova damlai a, a ho ngei mai a thlangra chung a hnah phah a ruai kan kil bial laih hun te kha ka ngaihtuah kir a, ka lung avan leng tak em vele. Ka pi nen khan Pathian tih em em mi an niin ka hria a, Pathian hi a awm ngei bawk anga a hnen ah an hah chawl tawh ngeiin ka ring. Ruai theh zawh ah ka pu hian Kel-ek-chana emaw lapawchini emaw hi min lei sak anga hlim takin ka nui thin. Zan a lo nia, zanlam tawngtaina kan sawi zawhah Mizo thawnthu hi an inkar ah ka mutlai ten min hrilh thin. Ka va han ngai thin tak em vele. :(

    Report this comment

Leave a Reply

You must be logged in to post a comment.