Ram pawna han khawsak ve hnu chuan, kan thil hmuh leh hriat te hi mahni ram, Mizoram tan rual awh a na duh ngang aniang, thil tih theih nisi, kan tih siloh, tih ve atan awh a tam duh hle mai. Tu ka ni bik e tihna lam a ni law, thiam nei liam bik pawh ka ni heklo mahse, Mizoram ka ram hi mihring pangai thlirin ka rawn thlir ve ngei ni a ka inhriat na atangin, fuihna leh rual awhna lam te ka han ziak ve thin mai zawk a ni e.
Awle tun tum chu sawrkar lirthei lam i khel ang aw. Mizoram hi mihring tam dan atanga chhut chuan state sawrkar lirthei ngah ber pawl kan ni ngeiin kan ring ngawt pek a, dik maw dik lo maw! Englekhawle, kan ramah hian sawrkar hnathawk te hian engzat lirthei nge an kawl lam chu an thawhpui ten an hre zawk ngei ang, lo chhut vak lo phawt mai ila. Mahse, a hman na tur ah chiah an hmang ngei em tih te, an hmanglo a nih chuan engin nge chutiang chu a tih reh theih dan tur tih kan sawi dawn a ni.
Mizo te hi tun hma chuan inring tawn em em, rukru pawh sawi zeuh tur an awm chauh ang tih tur, thihna khawp hiala hrem ngai phei chu kan pi leh pu te hun atangin mi pakhat chauh emaw awmna ram kan ni thin. Ram a changkang zel a, mihring pawh kan pung tel zel bawk a. Ram athang a sualna pawh a punlun zel a, biakin thlengin kalh an ngai ta.
Sawrkar chhiahhlawh, (Government servant) a mawi zawnga sawrkar hnathawk kan tih mai te chu, an hnathawh na tur bil atana an hman hawh tir, lirthei chi hrang hrang an kawl ve ta fur mai, ram changkanna in a ken zel a ni, kan ti thei ang. Zirna lamah an nihlawh a, an taimak rah chuan sawrkar lirthei hawh thei dinhmun ah a hlangkai ta hlawm a ni. An lehkha thiamna ah an chhuanawm hlawm khawp mai.
An zirna ah zir chhuah ngei tuma an beih tang tangna a chhuanawm rual rualin, an zir zawh hnu hian an chhuanawm zui ta zel em. Nge ka lal tawh a, ka ziak bo leh vek thei tho tiin mahni ram chhiatna thlentu te zing a mi nih pawh pawi tihna awm ta lovin tam tak te hi an khawlo ta?
Sawrkar chhiahhlawh/hnathawk te hian pawisa fai an eiruk chu thuhran ni ta hrih se, a lang-a-pau a an eiruk leh dan an bawhchhia ni ngei a lang pakhat chu an lirthei kawl hawh an hman danah hian a ni. Ka hriat sual loh chuan sawrkar lirthei hi office hna thawhnan chauh sawrkar in a hman hawh tir niin ka hria. A nih si chuan Mizoram officer zawng zawng deuh thaw hian hetah tal hi chuan an eiru deuh vek in ka ring.
Sawrkar lirthei siam man hi lirthei dang siam man aiin an in dil hnem zawk phawt mai. Chutah, chhungte bazar nan an hmang, mahni chhungkaw thil emaw ah thingtlang kal nan pawh an hmang nasa. Petrol man leh a chhe siam man zawng zawng erawh sawrkar tum a ni lawi si.
Ram thenkhat ah chuan (India pawn) sawrkar lirthei ah te hian, a license plate/number plate ah hian a number chungah, “Government Vehicle” tih an ziak kuau mai, chu mai a nilo, a hnuai lam ah lah, ” For Official Use Only” tiin an la tlip zui bawk. Hetianga an ziah kulh ringawt pawh hian a hmangtu te mi pangai an nih chuan inthlahrunna a thlen dawn hrim hrim turah ka ngai. Mizoram ah hian hetiang ang deuh emaw a tih ve te emaw, tihdan dang engemaw tha deuh a awm ka ring tlat a ni. Entirnan:
Sawrkar lirthei kawl tu leh a khalh tu te hian log book nei ve ve phawt mai se. Sawrkar lirthei hmang hawh thei te hi an hna an zawh hnu hian driver in an in ah emaw va thlah ta se, tichuan a kawl hawh tu chuan a log book ah chuan a driver in a thlah hun leh a mileage ziak thlap se, driver in chuti bawk chuan. Hetiang an ziahna hi thlatin emaw en tlan ni thin ta sela. Hetiang emaw a zuzi leh mai mai lova kan tih theih chuan mahni tul ah sawrkar/mipui pawisa hi a luangral tur tlem tal chu kan hum thei ngeiin ka ring tlat a ni.
Similar Posts:
- Sawrkar Hnathawk leh NGO/Associations
- Bike Khalh Training Pe Dawn!
- Mizoram a sorkar hnathawk hlawh hi a tam lutuk em, Tax pe ve dawn ta ila
- Mizoram Economy leh Sorkar hnathawk
- Mizoram a sawrkar hnathawk – 2005
November 24th, 2009 at 11:47 pm
mygurl i la awm a law…ngai che nia :lol:
Report this comment
November 25th, 2009 at 6:27 am
HV adang daiah emaw i awm ka tih a,kan thenawm pa i lo ni daih mai a,loleng nghal ta che i hman em?
Report this comment
November 25th, 2009 at 11:29 am
Sorkar motor hman dan te chu sawi loh. Mahni private individual personal car/suv ah te pawh an official designation an TAR KUAU hlawm maw le. Hetiang hi India State dangah hian ka la hmu ngai miah lo, Foreign ah te hian an ching ve emaw, ka ring chiah lo.
Tu huat thu loah Engineering Department a thawk ho leh department thenkhat a thawk ho hian an uar khawp mai. A zialo ka lo ti ve deuh mai mai thin.
Kei chu ka motor, ka thawhchhuah liau liau / tumahin saw motorah sawn sorkar pawisa chumi khami zat chu ahmang an tih tur awm miahlo a ka leiah hian sorkar ta ang hrimin ka official designature dah hi ka phal chhe te lo. Ka ta a nia, sorkar min lei sak pawh a ni law, a zah pawh a zahthlak ka ti reng reng.
Report this comment
November 25th, 2009 at 2:30 pm
sawrkar motor cungcang ah hi cuan k ton ve ngei kan soi teh ang. Kan naupan deuh lai hian ka pa hi College principal charge a la a, gypsy a kol ve tlat mai a, keini naupang thukhawn chang cu cuan hi kan han cak ve m2 khop a, mase kan can ve tok cu a hma darthlalang a dih cunga a cung en kha a nia.K nau hian a cang sang ber a cu poh a exam tur tlai maithei dinhmuna a din avangin ka pa cuan a college kal pahin a thlah kha a nia. Kha bak kha cu sorkar ta ania kan ta a nilo tih kha min zirtir dan a nih vang kha nge ni kan hnaih awm reng2 hi k hre lo. Mihring hi alo in an loh theih ngei mai ka ron ti ve mai2 a ni e.
Report this comment
November 25th, 2009 at 2:57 pm
Ehe!! lunglohtui chun iva’n la naupang awm reuh, gypsy chhuah hnuah i la naupang chauh a ni maw!!!. Mahse chulam ka sawi tum a ni law, I pa chu ka zahin ka ngaisang hle mai. Ropui ka ti. Ngalfimin dam rawhse.
Report this comment
November 25th, 2009 at 3:04 pm
ka dawn ve hunah chuan ka hmang rim veuuu ang
Report this comment
November 26th, 2009 at 3:44 pm
rotekawlasepa chu min ti zak dawn lawm le, chutin ka naupang bik lo,hehehe.Min hmu la chu eheu i ti hrim2 ang.
Report this comment