Engtik lai atangin nge mizote hian halpuah, haljit, halmawi, eng ilo etc. hi kumthar lawm nan kan lo uar tih hi hriat chian a harin, a lan danah chuan kan Kristian hnu hian kan ti ve chauh niin a lang. Vai Pooja ang maia Kristian ten Krismas leh Kumthar kan lawm thin hi chu thil inhmeh lo zing ami, chubakah a tul lova sum sen ralna niin a lang. Tin, vaiho tih dan kan copy pawh niin a lang. Henga an hman thin zên (gunpoweder emaw ni) ho hi a bikin naupang leh tar chak lote hian an haw (hua) em em a.
Kum thar hnu lawkah Damdawi Ina i kal chuan a bikin naupang/nausen leh tar an lo awm nuk mai ang. Tin, January leh February thla chho hian naupang kawthalova luak etc. a lêng ziah a, tam tak an thi ziah bawk. I lo chik ngai lo a nih chuan kumthar tir lamah Damdawi inah kal la, he thu hi a dik tih i hrethiam chauh mai thei.
Kan tana tha lo leh tur thil kan tih thin avang ngawt pawh hian kan Krismas hman vel dan hi chu kan ennawn a, inzirtir ngaite kan inzirtir a hun ta. Sum senna tul lova kan sen ral ngawt pawh hi tam tham tak a ni ang tih chu kan hrethiam vek awm e. Chuvangin milem biate tih dân kal pelha, changkan lam kan pan a hun ta.
Tun kumah ngat phei chuan kan Sorkarin a khap nasa a, thuneitute pawhin an man (capture) tan ta, a lawmawm. Man kher ngai lovin zawrh loh mai hi CITIZEN tha nihna a ni. Sorkar phal loh hmanga sum hailuh talh tum, Kristian nih loh hming pu ngam si lo nih hi a tha lo. Chuvangin i zuar lo mai ang u, i hal lo mai ang u, kan boruak pawh a lo bawlhhlawh lo anga. Naupang tam tak thih phahna tur hi a a pumpelh ngêi bawk ka ring. Tin, kan Sorkar chak tak hian huaisen takin tangmar se, thuawih lote pawh manin, dân a siam hi kengkawh ngam rawh se. Thuneitu te pawhin man zel rawh se, tu mitmei mah veng suh se. Dân a awm alawm, an kenkawh that poh leh an hmingtha anga, sorkar pawh a thiltihah a hlawhtling ang.
Ngun takin ngaihtuah chiang ang u, i fate, i unau fate, i chhungte fa, thisen zawmte fa heng thil hal avanga kawthalo luaka thi turin i phal dawn em ni? I nu, i pa, i pi, i pu….. heng zên rimchhia avanga an bawrhsawm i phal lovang tih chu thudik awmsa a ni.
Khawngaih takin, he thu chhiartute zawng zawng, heng huna hetiang harsatna thlen lo tur hian ka Pathian hmingin ka chah duh che u a ni. Zoram nuam i siam ang u, sorkar thuawih hi Pathian thuawihna a ni e. Engnge in ngaih dan ve le?
In vaiin Krismas leh Kumthar chibai tha ber ule……….
************ HAPPY X-mas ******** HAPPY New Year ************
Similar Posts:
- Pu Rokunga leh Krismas..
- Aizawl-ah halpuah ri a awm lo
- Kan khuaa krismas
- Krismas lo thleng tur hi…
- Kumthar Chibai mp3(with permission)
November 28th, 2009 at 1:15 pm
I ziak tha, a dik reng.
Kum thar zan, zanlai a darkar chanve vel an han hal thin hi chu ka ngaidam thei khops mai mole. a khat ve em a.
Report this comment
November 28th, 2009 at 1:20 pm
Hmmmm….State dangah te hian an hal nasa thei hle si a hetiang i rawn sawi ang hi tuar nasa zawk tur tih a lang chiang nghal bang mai. China, Malaysia leh ramdangah te pawh an uar tho si a.
Nge Mizoram hi population kan tlem lutuk a hetiang fireworks vel vang hian kan tuar nasa bik?
Fireworks vel hian hun pui leh hlimawm a nih zia a ti lang sar te ka lo ti ve ngawt a.
Report this comment
November 28th, 2009 at 1:26 pm
@As_Khiangte
I sawi dik – kei misual ve erawh hi chuan ka hal ngai lo mai ni lovin halpuah khu hi ka hua (allergic) avangin ka huphurh thei khupz mai.
Kan hal anih pawhin 31st Dec midnight lai chauh hian phal sela a hnu a tih vak hi chu a MAWL ka ti tops. Chupawh Lammual (AR ground) ah hian fuan khawm ila zaithiam hote zai bawk zela fireworks (meithal lawn) nen mawi leh hlim takin midang tibuai lovin hman theih nise
Report this comment
November 28th, 2009 at 1:27 pm
@mi_sual. I ziak tha ka ti lutuk mahse a zau zawng a thlir dan thiam te erawh angai tunlai hun in mil zelin.
Khawvel in her dang lam ang zelin Hun pui kan hman dan pawh a danglam ve zel thin alawm.
Report this comment
November 28th, 2009 at 1:33 pm
@mzvision: i sawi ang khian tih theih nise a chakom top.
Report this comment
November 28th, 2009 at 2:12 pm
khap viau mahse hal an awm tho chu ka ring, in sawi ang deuh khian Dec.31 zanlai chiah hian hal theih nise, a bak hi chu mitin te in adjust thiam ila…
Report this comment
November 28th, 2009 at 3:41 pm
A hun leh hmun hi a awm ve a, a duhna zawngin an duh2 na hmun, duh2 huna an hal ringawt thin hi a pawi a ni.
Khap lose chuan tun atangin January/fabruary thleng2 in an hal leh ang a. Chintawk hi kan nei thin lo i.!
Report this comment
November 28th, 2009 at 4:10 pm
Halpuah or halmawi leh kan kristianna hi a in zawm ka va ring chiah lo e..
Report this comment
November 28th, 2009 at 5:31 pm
Pawisa sum sen thlawnna i tih hi a dik chiah a, mahse “Milem bia te tih dan..kal pel a” i ti kher leh “vai pooja ang mai a..” i ti khi chu dik ka ti lo. Vai hovin an pooja velah halpuah an hal thin ve mai chauh zawk a ni.
Halpuah hian boruak a ti chhia a, tin, accident tamtak a thlen phah a ni tih chu hriat sa a ni. mahse kumhlui thlah zan na na na hi chuan khawvel ram hrang hrangah (vai kher lo pawh in
) an hal nasa em em. mzvision sawi ang deuh khian ram thenkhatah chuan awmze nei in a huhovin an hal thin. Engpawhnise 31st Dec zan kher kherah hi chuan halpuah hal khap ram hi an awm chiah em?
Mizoten kan thiam loh thin em em pakhat chu sorkar in dan a siam te kan zawm thei thlawt lova. Christmas lai vel a nih tawh chuan halpuah hal ri hriat tur a awm reng bawk. Sorkar in a khap a, a khap chung chung a hal luih ai chuan, a tul kan ti a nih chuan awmze nei zawk a sorkar a dil leh sorkar hneh theih dan ngaihtuah zawk tur a ni. Sorkar pawh in dan a siam hma in uluk tak in ngaihtuah ve thin bawk se, khap tak tak theih loh tur khapna dan siam leh ringawt thin ai chuan, awmze nei in 31st Dec te chuan hal phal ve se, hemi zan kher kherah hi chuan mipui te pawh in halpuah a ri nasa dawn a ni tih hria in kan in ring lawk vek ang. Tin,hemi zan lova hal te erawh chu man in dan hmang in hrem ngei bawk se la. Dan fel thlepthlawp a awm a, dan kenkawh a nih bawk chuan zawi zawi in kan ziaawm ve mai ka ring tlat a ni.
Ram changkang tak tak pawh in halpuah hal nazawng khap mahse an khap thei tak tak chuang dawn lo va an hriat vang nge 31st Dec zan kher kher hi chu halpuah hal an phal tlat. Chuvangin accident a awm loh nan halpuah zawrhnaah tarmit hman tur bik an zuar tel vek a, TV, Radio etc. atangin mipui te tarmit hmang ngei tur in leh halpuah hal a fimkhur em em tur te, midang tan a hnawksak zawng a halpuah hal lo tur te in an in hrilh reng zawk a ni. Chuti chung pawh in kum tin hian accident tawk chu an awm ve reng tho.
Kan awmna vengah hi chuan 31st Dec zan dar 9 vel atang hian halpuah a ri tan zeuh zeuh va, chuan dar 11 velah chuan a ri tam sawt khawp mai. Dar 11:30 velah kan zing a halpuah hal duh pawnah an chhuak a, a halna hmun tur, a him tawk a buatsaih tur in. Dar 11:45 velah chuan halpuah en a chhuak tur in thawmhnaw lum nen mitin an in buatsaih a, dar 12:55 a rik hi chuan halpuah en tur in pitar putar thlengin pawn chhuak lo an awm mang ngai lo.
Halpuah/halmawi mawi tak tak, chi hrang hrang mi in an hal chuai chuai a, a hmuhnawm thei em em a ni.Chuan dar 12 a rik chiahah kan bula awm te kumthar chibai kan in buk vek a, inchhung kan lut leh mai a, chuan zawi zawi in halpuah ri a zuih ral ve mai thin.
Report this comment
November 28th, 2009 at 5:33 pm
christmas hi kristian te tan chuan x-mas i ti fo lo teng u…thil dik lo hi kan x thin a chuvangin x-mas ti loin c’mas ti jok ang u kn lamtoi duh pohin….
Report this comment
November 28th, 2009 at 5:44 pm
A tha khawp mai. Mzvision sawi anga tih theih hun khi a nghahhlehawm ka ti khawp mai kei pawh.
Mahse ‘milem biate tih dân’ tih lai an sawi fo hi chu a dik tho na a milem bia te pawh hian halpuah leh halmawi an siam chhuah hma khan engtin nge an tih ang aw?? an rawn siam chhuah tak ah khan an an la lut in an hmang ve chauh tho ani lo maw? Tichuan sakhuana thil ai mah in a hlimawm nalai avangin keini thleng in kan lo hal ve ta zel a ang zawk. Khawvel ram zau zawk en ila an hmang nasa ve tho em mai, kumthar zan chauh ni lovin function liantham ah hian an hal ngun em mai.
Report this comment
November 28th, 2009 at 5:57 pm
@spam
mi(sual) ho hian buaipui mai ila sponsor tu tur zawng keuh mai ila a thra ang a. AR ho te berem bawk ila. NY ah te Sydney Harbour ah te pawh an tia lawm le Tokyo te khi pui thei asin
Report this comment
November 28th, 2009 at 6:04 pm
Halpuah/halzit vel lah kan sakhuana a inzawm lo tih te, milem be sakhua nena inzawm bika kan ngaite hi chu a dik tluanchhuak lem lo. Kan Lal Isua piang te pawh lawm avangin Halpuah ri ring ber nen pawh lo lawm ila, a inhmeh ka ti tho. Amaherawhchu, midangte tan harsatna a thlen theih thin zawk avangin mumal taka dan hnuaia khuahkhirh erawh chu a tul niin a lang ve chauh zawkah ka ngai. Hal puah ka hal hian min ti Kristian sawt lo va, min ti Hindu sawt bawk hek lo!
Dec 31st zanah na na na hi chuan a ropui thei ang bera hal hi tha ka ti ! Sum sen thlawnna kan tih pawh hi kan duhna taka sum kan sen hi a thlawn kan ti thei dawn em ni? Sum neituin a duhna taka a hman ngei hi a hlu a ni mai lo’m ni?
@elcee, #3mzvision te sawi ka tawmpui bawk e!
Report this comment
November 28th, 2009 at 6:22 pm
Kan duh thawh luat ah hian engkim hi kan kristianna nen hian hmeh bel kan tum thina a pawi khawp mai..
Report this comment
November 28th, 2009 at 6:32 pm
lo lungngai su, khua a var tep tawh ania, ka sawrkar hunah chuan hal na hmun bik kala siamsak dawn che u nia.
Report this comment
November 28th, 2009 at 6:34 pm
Puak theih zawng zawng —hetih hun laia nau pawh puak loh tur! :oops:
Report this comment
November 28th, 2009 at 6:41 pm
@funny :a halna hmun bik atan beraw talng ka propose e :lol:
Report this comment
November 28th, 2009 at 6:43 pm
khiangte, Zemabawk kiang Assam rifles awmna tura an ruahman ah pawh khan, Aizawl ep lam ngei maiah khan fel fai taka duan thlapin han hal mai se chu a hmuhnawm khawp ang le. Thli lah Aizawl lam bengin a thaw awm der si lova, Seling etc lah a hla mawihnai tawk bawk si
tra la la la la
Report this comment
November 28th, 2009 at 6:45 pm
Aizawl tlak lam atan khawi nge niang?
Report this comment
November 28th, 2009 at 6:54 pm
Reiek tlangah!
Report this comment
November 28th, 2009 at 6:57 pm
a hla ltk :mrgreen:
Report this comment
November 28th, 2009 at 7:06 pm
Ni bawk si! :twisted:
Report this comment
November 28th, 2009 at 7:09 pm
reiek tlanga kan tih techuan a Natural beauty kan chil bo vek mai ang tih a hlauhawm alawm, zurui lo tla thla tawk an awm vei bawk pheichuan. Halpuah/rocket halna them vel kha phiahfai mai mai theih nidawn heklo.
Reiek tlang hi chu nakina Hang Gliding vel tih nan khek rih phawt ang
thalaiin nuam anla ti dawn sin aw…
Report this comment
November 28th, 2009 at 7:21 pm
fuynny,very gud vision :lol:
Report this comment
November 28th, 2009 at 7:26 pm
fire works atana vai mi hausa ho in seng nasat theih awm zia hi aw… an festival bawr vela pawisa khel avanga loss na tekha chu anni tan chuan an pathian tana ti kha an ni ve sia, hlauh poh hlep ah an chhiar mawle.
Report this comment
November 28th, 2009 at 7:34 pm
31Dec. tih ngawt theih a ni lo, an neih hma leh an hal hma, an neih tam leh an hal rei. Mizoram lo lut lo se a ni mai. Tun atanga man tan a fuh ber.
Report this comment