Dec 10 chawhma dar 11:00 hian LAD Lawibual Pinic Spot-ah 1st Inter Higher Secondary School Swimming Championship 2009 (Aizawl district) chu zawhfel a ni dawn ta. Final-ah hian Sports Minister Pu Zodintluanga chu khuallian a ni dawn a, Sr.Sports Promotion Officer Pu C.Laltlanthanga chu khualzahawm a ni bawk ang.
Swimmer 85 atanggimaga inthlifim chho zelin final round hmachhawn thei tur thlan fel an ni tawh a, final ni hian School hrang hrang atangin special item a awm dawn a, tui inhleuhsiak kar lak hun awlah programme hlimawm taka neih zel a ni ang. School tinin swimmer an thawhchhuahpuite an tawiawm tha hle a, tawiawmtu nei lo swimmer te an khawngaihthlak duh hle. Final ni hian final lut school naupang neite chuan school puma an swimmer te tawiawm an tum vek dawn a, chuvangin a hawn ni aia bukin LAD, Lawibual Picnic Spot-ah entu mipui an pungkhawm dawn a ni. School thenkhat chu a tan ni atangin Principal hovin an thawkchhuak a, Bus leh lirthei dang hmang tein Lawibual lamah an inphur liam zut zut mai a ni.
He intihsiaka mite tan hlawh tak pakhat chu LR School naupang pakhat ban bul tel ve tlat chu a ni. A ban lehlam a bul si a, pakhat chauh hmangin kut kekim neite tluk loh khawpa chakin tui a hleuh thei tlat.
Intihsiakna Swimming Pool hi a thui zawng Metre 21 a ni a, vawikhat (heat)-ah mi 4 zel ten hleuhin a thleng hma hma an tling ngawt lova, stop watch hmanga an hleuh thlen hunte chhuta chhinchhuah vek a nih avangin a fair tawk hle a, hun hmang rei loten round sang zawk an lut chho zel a, hun hmang reite an tla zel mai a ni.
Hetiang hi vawiin Intihsiakna hrang hranga final lutte leh semi final-a an hun hman dan a ni
Swimming final turte
20m freestyle (mipa)
J Laltanzela (Mamawii HSS) – 15.22 sec
JJ Chakma (Synod HSS) – 17.13
PC Lalmalsawma (KM HSS) – 17.28
Lalhmingmawia (KM HSS) – 17.59
40m freestyle (mipa)
J Laltanzela (Mamawii HSS) – 33.67 sec
PC Lalmalsawma (KM HSS) – 38.03
Lalhmingmawia (KM HSS) – 41.04
B Lalrammuanpuia (KM HSS) – 41.94
40m backstroke (mipa)
Lalngaihzuala Pachuau (Oxford HSS) – 19.56 sec
Lalhmingmawia (KM HSS) – 20.19
J Laltanzela (Mamawii HSS) – 20.53
B Lalnghakliana (Don Bosco HSS) – 21.72
20m freestyle (Hmeichhia)
Jolynn Lalrinawmi (Chaltlang HSS)
Helen Zaithanchhungi (Don Bosco HSS)
Rekha Chakma (LR HSS)
V Lalhriattiri (LR HSS)
4 x 200m relay (mipa)
Don Bosco ‘A’
KM HSS ‘A’
Synod HSS ‘A’
Don Bosco ‘B’
20m backstroke (hmeichhia) final tawh
Gold : Rekha Chakma (LR HSS) – 31.75 sec
Silver : J Lalrinawmi (Chaltlang HSS) – 39.69
Bronze : Debashree Chakma (LR HSS) – 45.53
Similar Posts:
- Mizo Tui inhleuhchak siak kha A Tawp Ta..
- 2nd Mizoram Swimming Championship
- Coconut Grove resort
- HSSLC 2012 result a chhuak ta!
- Flooded village near Tlabung
December 9th, 2009 at 3:17 am
:oops: Chakma lamten an va hui tlem zawk ve! Pu TKA Tuikhuah kan ti mai thin a; 1968-te kha chuan a la ramhnuai hle. Tuihleuhnaah ka kut ka tihliam ve tawh bawk; thlen thlaka li lian ber thlanga li te deuhah khan!
Tunah chuan LAD lamin Pool ang ve tak takin an siam tawh a; a tui pawh a thianghlim turah dah ila. A lunglenthlak mang e. Tetea7 nen kan fang chiam tawh!
Swimming Pool hi Model Veng-ah a awm ve thin a. Tui a awm ngai chuang lem hlei lo va; naupangten infiamna hmunah an hmang thin. Model School Exam-naah Football Essay a chhuak a; naupang tinten “We play football in the swimming pool …” ti deuh vekin an ziak! :roll: Mark tha tak tak an hmu vek bawk!
LR School hi ralkhat atang chuan hriat chian a har khawp mai! A lampum-in a ziak theih em?
Report this comment
December 9th, 2009 at 3:29 am
Pu.chawnghilh, engtin nge maw i milem te hi i tih sen phet phet bik le. A che zeuh zeuh leh nghal a. Hmui tih chet dan kha chu ka thiam ve tawh a. Mahse, eng tin nge i tih sen phet phet bik a? Min hrilh ve la….!
Report this comment
December 9th, 2009 at 3:34 am
@Jaspi : I cursor kha icon chungah khan han dah chhin teh. Thil inziak a awm em? (:oops:) :oops: bracket tel lo zelin ti ang che. (:roll:) :roll: ! Best of Luck!
Report this comment
December 9th, 2009 at 5:13 am
He inelna hi HS ah chauh lo pawh chhunzawm chi a va ni em. Lawmman leh publicity lam pawh han ti thra chho zel sela
Report this comment
December 9th, 2009 at 5:28 am
Pu.chawnghilh, ka lawm e,
Kan ti chhin reng reng teh ang :oops:
Dik em ang chu maw? :roll:
Khawi atang nge heng thil hi in thiam seng bik ka ti thin. :lol:
Report this comment
December 9th, 2009 at 5:38 am
:mrgreen: congratulates Jaspi on having mastered in creating icons like this :twisted: Ui mawngkua atanga kan click chhuah vek maw le!
Report this comment
December 9th, 2009 at 5:41 am
Tuihleuh lam maw, a tha viau zel e.
Report this comment
December 9th, 2009 at 6:50 am
Nipui laia tih awm zawk tak a ni…temperature control theih a nih hmel lem loh bawk sia..an pool hman hi..a vawt awm em mai.
Breaststroke hi nuam ber sin maw le..a hahdam berin ka hria..tinge an telh loh aww..
Report this comment
December 9th, 2009 at 9:34 am
An van khawngaih thlak hlawm ve a, state pumpuia swimmingpool pakhat lek pawh a awm lo ania, khitiang ang pool te lutuk ah te chuan ban an vai hlek anga a kotlang an thleng nghal zel awm sia a buaithlak awm ti ila Paris a Olympic an neih hmasak ber pawh khan seine luiah a lawm an in hleuh siak vel mai mai, tui luang chak laia hleuh phei chu a chak duh lutuk an ti
Report this comment
December 9th, 2009 at 9:51 am
@ Aryan he he.. nia ti raw… State khat inelna ve lem a Lawibual han hleuh tak vak mai chuh… :lol: :lol:
Report this comment
December 9th, 2009 at 10:41 am
Hman a kan zuk kal ve kha chuan a tui kha chu a hring vek a.. Kan zuang lut ve pop2 a.. Kan han dak chhuak leh chu patek hian kan khat vek zel:)
Report this comment
December 9th, 2009 at 10:46 am
pu chawnghilh ih maw borhsap tui khuah tun a tenis cort ni ta ah te khan i cheng ve trhin em vai pathian paihnan an hman trhin kha
Report this comment
December 9th, 2009 at 10:53 am
pu chawnghilh chuan bawrhsap tuikhuahah chuan pawisa nawi a zawng fo tawh thin ngei ang.. hehehe… tunge kha, a kotlang atangin a dive ve ngawt a, tui chhung dum a dive bur chat ka… ?? :lol:
Report this comment
December 9th, 2009 at 11:26 am
hmasawnna kawng khatah ka ngai a tha ka ti.Khi khawilam Ch* nge maw an nih hlawm a le.An hming chu…
Report this comment
December 9th, 2009 at 2:37 pm
Kan hunlai khan hetiang inelna te hi awm tawh se chuan tuichhunga lungtum ang em chu kan ni bik lo tur!
Hmasawnna tha tak a ni e.
Report this comment
December 9th, 2009 at 2:39 pm
kan naupan lai chuan tuikhur ah kan cheng ve na sa thei khop mai.kha nen kha chuan a in ang lo tawp ang chu..
Report this comment
December 9th, 2009 at 3:38 pm
a vawt eeee
Tuikhur a nú lo chung poh kan ti nu chop, kan cheng nghal jei… lung a va leng ve !! :
Report this comment
December 9th, 2009 at 4:44 pm
Engtikah tak swimming pool hi nei ve ang i maw? State dang te ti ti ruala ti ti ve tak tak tur chuan neih nei ve ila, a inthlahrun awm loh deuh tur.
Report this comment
December 9th, 2009 at 8:29 pm
HSS naupangte tan chuahva buatsaih chu nilo se ka tel ve ngei ang
Keipawh ka hriat than dan zawk chu; Pu TKA tuihkhuah tiha ni thin. LAD ta a lo ni maw ! Aryan a swimming pool a nawm hmel daih zawk mai
Report this comment