Johana 3:7 “I pian thar tur ka tih che hi mak ti suh.”
Piantharna chu enge?
‘Piantharna’ tih awmzia chu Lal Isua Lal leh chhandamtu ah pawma, tuiah leh thlarauva pian thar tih na a ni (Johana 3:5). Tui hian silfaina a entir a. Tin, thlarau hian thiltihtheihna a entir a ni. Chutichuan tui leh thlarau chuan Lal Isua zarah kan suahsualna te chu min tlen fai sak a, hnehna min chan tir thin a ni.
Piantharna chuan he khawvel dan leh sualnate lak ata min then hranga, Pathian duhzawng leh lawmtlak ni turin Krista zarah min siamthar a ni (Rom 12:2). Chuvangin piantharna chuan mi tupawh a ngaihtuahna ah te, a thusawiah te, a thiltih ah te leh a nun ah te Pathian hre rengin, Pathian ropui nan a ti thin a ni.
Pianthar a tulna:
Rom 5:12-ah chuan, “Chutichuan mi pakhat avangin sual khawvelah a lut a, sual avangin thihna a lut bawk a, chutiang bawkin mi zawng zawngin thil an lo tihsual avangin thihnain mi zawng zawng a fan chhuak ta a”, a lo ti a. Eden bawhchhiatna avanga misual kan lo nih tawh avang leh Sam ziaktu pawhin a sawi angin khawlohnaa din kan lo nih avangin piantharna chu kan chan a lo tul ta a. Johana 3:1-7 ah khan Lal Isuan pharisaite zinga mi Juda hotu pakhat Nikodema hnenah, “I piangthar tur a ni“, tiin a hrilh a, a chhan chu chhandama kan awm theih nan leh Pathian rama kan luh theih nan a ni. Isaia 53:6-ah chuan, “kan za hian berâm angin kan vâk bo va; mahni kawng kawngah kan peng theuh va…a ti a, hetiang anga boralna kawng zawh mek kan nih avang hian kan pianthar a lo tul ta a ni.
Piantharna dik leh diklo:
Mi in piangthar a nih a in hriat loh emaw chhandam anih a inhriatloh na chhan chu a duh loh vang emaw, Pathian thu a hriat loh vang emaw, Lal Isua lal leh chhandamtuah ala pawm loh vang emaw a sualte ala sim loh vang emaw te a ni thei. “Thil ka tisual lo, kan tih chuan amah chu dawtheiah kan siam a, a thu pawh keimahniah a awm lo a ni” (IJohana 1:10).
Piantharna hi Baptisma chan emaw, kohhran leh thalai pawla inhman emaw, nun siamthatna emaw, thil tha tih tam emaw, kan thil thalo tih thin te sim emaw, tanpui ngaite tanpui emaw mai a ni lova, kan nun hlui leh suahsualna zawng zawngte bansana, sima Pathian hnena kir a, tuiah leh thlarauvah kan pian thar hi a ni zawk a ni (Johana 3:5).
Lal Isua tel lovin a pianthar theih em?
In ti piangthar tha tak, in ti Pathian thu awih tak, thlarau mi ni awm tak anga lang, nun ah ei tur awm si lo, rah chhuak nun nei si lo tamtak sawi tur an awm awm e. Johana 14:6-ah chuan “Keimah hi kawng leh thutak leh nunna ka ni; keimaha kal lo chu tumah Pa hnenah an thleng ngai lo…” a ti a. Chuvangin mi in a awm dan te bansana, sim a Lal Isua hnenah a hawikir loh chuan a nun ah Lal Isua a lal loh avang leh nun Krista a neih loh avangin a piangthar lo a ni. Tirhkohte 4:12-ah chuan, “Mi dang tuma hnenah chhandamna a awm lo; van hnuaia mihring sak zingah, min chhandam tur hming dang reng a awm lo,” a ti nghe nghe a ni. Chuvangin Lal Isua atang chauh lo chuan piantharna dik a awm ngai lo.
Piantharna chu tu tan nge?
Piantharna chu mi tin tan a ni a. Tupawh amah ring apiang an boral loh va chatuana nunna an neih zawk nan leh tuihal apiang tan piantharna chu a chan theih a ni (Johana 3:16 / Johana 4:10).
Engtinnge kan pianthar ang?
Lal Isua zarah he khawvelah hian kan lo piang chhuak ngei a nimahsela chu piantharna chang tur erawh chuan kan duhthlannaah a dah tlat a ni. Lal Isua’n tumah piangthar turin min nawr lui lo va, a duh apiang te erawh an sual te a ngaihdam sak in a siamthara, a fa ni turin a dinthara, a chhandam thin a ni. Chu chhandamna chu Pathian thilthlawnpek ropui tak a ni a (Rom 5:15), a thisen hlutak chuan min tlan a ni (IPetera 1:18-19).
Mi thenkhat te erawh chu an sual em avangin an inchhir chang pawhin Pathianin a ngaidam duh tawh dawn lo ni ten an inhre fo thin a. Chutiang zirtirna diklo tak tak pawh a awm fo thin. Nimahsela, Pathianin sual ngaihdam duh loh a nei lova, setana bia a inthawi thin te thlengin ani chuan a ngaidam thin a ni. Sam ziaktu chuan, “LALPA chuan thinlung lungchhiate chu a hnaih thin a, Rilrua inchhir apiangte chu a chhandam thin” (Sam 34:18) a ti a ni.
Lal Isuan kan sualte avanga ngaihdamna kan chan theih nan leh chhandama kan awma a thlarau thianghlim kan chan theih nan kan tuar ai tuarin a thi a. Chuvangin, nunna kan neih theih nan a nun min petu Lal Isua Krista chu sual kawng leh setana duhzawng te aiin kan thlan a lo tul ta a. (Johana 1:12) “Nimahsela amah lawm apiang chu, an hnenah Pathian fate nih theihna tur a pe, a hming ringtute chu;” tih thu kan hmuh ang hian inchhira kan sual te kan sima, Pathian kan rina, kan awmdan thalo zawng zawngte kan bansana, Lal Isua Lal leh chhandamtuah kan pawm alo ngai ta a, chutah chuan piantharna chu Krista zarah kan lo chang dawn a ni.
Tlangkawmna:
Mi kan lo pianthar hian thlarau thianghlimin min khawih a, a awmpuina leh chenchilhna te kan dawng thin a, min tanpui thin a, a thu chhiar leh zir kawngah te, tawngtai kawngah te, rawngbawlna kawngah te nasa lehzualin min ti chak fo thin. Hei hian Pathian hriatchian lehzualna kawngah te min hruai a, kan thlarau nun te leh rinna kawngah te min ti chak a, kan nun min ti nghet a, sual thlemna eng ang pawh tawk thin mah ila Lalpa hming avangin hnehna kan chang thei fo thin. Tin, midang, rinna kawnga chau tak te leh sual kawng zawh mekte pawh piantharna kawng leh nun nghet, nun tak, nun Krista nei thei turin kan lo kaihruai thei fo thin a ni. A tawp berah chuan, vanram min thlentu, chatuana nunna kan neih theih na tur anih avangin kan pianthar a ngai a ni.
Sawiho tur:
- Tuiah leh thlarauvah tih hi sawiho ni se.
- Engtin nge tuiah leh thlarauvah kan pianthar ang?
- Vawi khat aia tam a pianthar nawn theih em?
- Piang thar teh na tha ber enge ni?
Similar Posts:
- Piantharna
- Thlarau Thianghlim (Pentecost Pual)
- PIANTHARNA
- Tunlai ka mutmawh hnarmawh.
- Pentecost pualin
December 10th, 2009 at 2:23 am
In mu vek tawh emawnile.. kan comment hmasa ber mai ange.
Piantharna hi ka thianpa (ka u animai ang chu) khan a sawi thiam thin khawp maia, a hma a Richard-a kha i’n pianthar chiah khan Michael-a ilo nita.. ti te a a sawi minti hrechhuak rum rum mai
Piantharna tak hi chu kan speaker teho hian an sawi chiagnin an sawifiah thiam thei khawpmaia, amaherawhchu, Pianthar zawh chiah(Jordan lui kan chiah) atanga kal zui dantur lam hi kei ka ngaihpawimawh zawng ani thunga. Mizoramah hian Ringtu piangthar tawh deuh vek anni hlawmin ka ringa, amaherawhchu Jordanlui kai hnu a kal ngaihna vak hrelova aigupta sabel ngaia kir lehta hi tamtak an awmin ka hria.. Zaithiam lar tak piangthar chungchang ka thianpa in a sawi kala hrereng thin, a piangthar a tutute emaw famkimlohna a hmu kualvela.. (sawi thui lo mai ang) ka thianpa chuan, a pianthar danah hian da leh tur chi ani alo ti lawk daih tawh.. a sawi ang tak takin a da leh ta mai reng a..
Mi piangthar tak tak ka hriat te hi chuan mi tlinlohna lam va ngaituah lemlovin Pathian hmangaihna ah hian an lawmin an hlim em em mai ni. Chuti nilova, camp ah te an han piangthar chauha midang va vei nghal em em mai, midang tlinlohna va hmu lian nghal em em mai ho hi an tlu leh tlangpui..
sawi zui tur a tam mange, ka sawi senglo ang midangin han comment phawt sela ka comment leh chauh zawk ange.. ka thil sawi pawh khi hnial natur a tam maia, han hnial ula kan inhnial na lamah kan sawifiah chho zel aniang chu…
Report this comment
December 10th, 2009 at 2:32 am
Sawiho tur:
1.Tuiah leh thlarauvah tih hi sawiho ni se.
Pentecost niah khan mi 3000 chuangin Jordan luiah Isua hmingin simna tui Baptisma an chang. Tui chu tui, Jordan lui kher engatinge? baptisma chu tui tam deuh angai, thlawr anilo tihna, tin, Isua Krista hming a chan tur. Point 2 na nen sawipawlh mai ang.Tui baptisma hi Adama leh Evi sual laka chhandamna ani, sualsa a piang kan ni tihna a ni.Tin, tui baptisma ringawt hi chhandamna kawng famkim ani lo, Thlarau thianghlim chan hi keimahni sualna tlenfaina ani a, sual lak a Pathian chakna kan hman theihna hmanrua a ni. pathian thlarau thianghlim neih loh chuan nitin thlemna Mihring hian a do zo lo, Chhandamna kawng awmchhun a pawimawh dan nep chuang lo pahnih zinga a pakhat anih chu.
3. Vawi khat aia tam a pianthar nawn theih em?
Pianthar tih hi kan hmang nasa mah mah, Pathian a piantharna chu sual sim sathliah hi ani lo, a chuanga kan sawi ring ngai lo rin a, a zawm chuan chu chu Piangthar chu ani. Nitin ka thi thin tih ziak ang khan thlemna do zawh loh chang a awm, mahse inchhirna thinlung dik tak nen Pathian chuan a ngaidam thei. hei hi piantharna chu ani lo.
4. Pianthar tehna enge?
A tehna a awm lo, mahni leh mahni ah a chiang ber. A tehna dik ber chu point 1 ti hlawhtling kha ani ber ang chu.
Report this comment
December 10th, 2009 at 2:45 am
Politics tak pawhin, Jordanlui(Statehood) kan han kai chiah a, Pu Hawla’n Jordan lui rala, hmalam sawna chak taka kal tur kannih zia ngai pawimawh leklova, min han party pui hep hep mai chuan mi tamtak chuan Aigupta sabel ngaiin, UT kannih lai kha chuan Central lam atang pawhin sum a thlawna dawn tur a tam vei nen.. antia nilawmi kha..
LOL (fiamthu mai mai anih hi aw..huat awihloh..) 
hma kan sawn loh chuan nunhlui kan ngai ngei ngei. Thlen chin apianga hmasawn tur kannih zia tehi.. aa.. he topic hi a zau lutuka han sawi fiah thiam mai chi pawh anilove a..
Report this comment
December 10th, 2009 at 2:50 am
ka piangthar na a rei tawh .tunah hian inkhel ka en dynamo kiv vs barsilona 1 1 in an indraw dar 11pm
Report this comment
December 10th, 2009 at 2:57 am
Israel ho exodus lai khan thlaler a rul lem en kha damna CHHANDAMNA a ni, a tam zawk khan an en duh miah lo. An thi reng bawk. Pathian hi ti kher kher ve tak a ni….
Report this comment
December 10th, 2009 at 3:20 am
messi in minute 86 na ah free kick goal bersilona 2;1 in an chak .khawvel tawp trep a piangthar te pawh chhandam an ni thei ang em?hun tawp trem a pet goal te poh an chak phah tho ang hian ha ha ha ha
Pathianin sual ngaihdam theih loh a nei lo setana betu te poh a ngaidan i ti ngawt khi chu a dik ka ti lo Pathian in sual ti a inchhira sim a ngaih dam tih in kei chuan ka pawm sualhan ngaih dam ngawt te chu sual a nuam duh awm sam ziak te khi han en la rilru a in chhir te etc
Report this comment
December 10th, 2009 at 3:27 am
Post tha khawp mai. Pianthar chungchang hi chu Mizote hi chuan kan va hre bel tehreng em! A nunpui lam hi a ni….kei chu sawi tur vak ka nei lo. Mahni theuh hi inenfiah ila, sawi fiah aiah nun fiah i tum theuh zawk ang u tih hi ka sawi theih tawk a ni e.
Ka lawm e.
Report this comment
December 10th, 2009 at 4:56 am
Tui chu TUI, Thlarau chu Thlarau ani. a hrilhfiahna hran pah a awm lo. Isuan a ruh lang rat in a sawi a ni.a chhan chu John3:3-4 thu a hriat chian loh vang in.
Tui ah piantharna chu Tui ah Baptisma chan kha a ni. Marh 16:15-126 ah a ringa Baptisma chang chu chhandam in an ang a, a ring lo ( a ringa chang lo) erawh chu thiam loh changin a awm ang, a ti ani. chu chu Pentecost ni ah khan an ti famkim hle.
Thlarau chhianghlim ( pa thil tiam) Pa hun lai ah zawlnei Joela hnen ah a sawi kha lo nghak rawh rawh u tiin. chhandamna thu an puang nghal mai lova, thlarau an nghak phawt a, an chang ngei bawk ani.
chu chu tuiah leh thlarauah pian tharna ani. Tir 1:8 2:1-17 2: 37-38—-
Vawikhat pianthar a tawk. mahse a piang dik lo anih erawh chuan, Tir 19:1-5 kha ka comment e.
paing thar teh na tha ber chu Thianghlimna a ni. hebrai ziakah Thianghlimna lovin tuman lalpa an hmu lo vang. Peteran min ko tu a thianghlim ang bawkin kan thianghlim tur ani a ti.
Chu ai ah teh fung tha ber chu ISua thu ang hlapa pain thar hi a ni.
Ziak ziak thin mah ila awmzia hi anei vakin ka hre lova, ka ziak peih vak tawh lo nan. a tha pianthar na ngei hi kan buaipui tur ani reng ani.
Report this comment
December 10th, 2009 at 5:23 am
https://chawnghilh.wordpress.co.....new-birth/
Hei phawt —Mizo tawngin nakinah. Pentecost Ni-a Jordan Lui kher khera an lo chan le, Jerusalem atangin a panna a hla awm mang e. Ennawn leh hret a ngaih hmel :roll:
Report this comment
December 10th, 2009 at 5:43 am
Comments hmasa ho nen a in zawm lo viau na in,
Ka piangthar dan hi vawitam tak ka ngaihtuah thin a. Mi dang te piangthar dan ang a, Camp a lut a, rawn piangthar hawng ta mai ka ni lova. “Vawin ah hian ka piangthar ta e” tia, chiang fek fawk a sawi tur ka nei hek lo. Mipakhat sermon vang a piangthar ka ni bawk si lo. Engtik ni ah chiah khan nge piangthar ka lo nih tih pawh hi ka hre bawk lova. Mahse, ka rilru ah hian, “ka piangthar chiang zia” hi a fiah em em a. Chhandam nih in hriat na mai bak ah hian, tun ah chuan “in nghah pumhlumna” nun hi Pathian khawngaihna a zar ah ka lo chuangkai ve tawh a.
Mite ang in, “thlarau Birthday” tia han sawi tur ka nei bawk si lo. Mi tam tak chuan, i piangthar tak tak lo a ni chu min ti duh mai in a rin awm. Engtin pawh in min lo sawi se, kei mah leh Pathian inkar ah a fiah in a chiang em em bawk si a.
Mi(sual) zing ah hian, in awm ve em le?
Report this comment
December 10th, 2009 at 6:03 am
Zir chian lehzual nan kan ti nge, mimal ngaihdan thawh khawmna hrim hrim tur —let’s draw a proper line. Kan bultan danah khian Salvation Army-te tan seat kan kian lo riauvin a lang tlat! Mimal ngaihdan aiin a nihphung TAK TAKah luh i tum theuh zawk ang u aw! :oops:
Pian thar hi OVERCOAT-PAINTING nen a inang hauh lo!
Report this comment
December 10th, 2009 at 8:19 am
Lrpa khian ka sawi tum chu min sawisak tawh.
Report this comment
December 10th, 2009 at 8:20 am
Piantharna hi a BO thei nge BO-THEILO. Overcoat ang leka kan hman erawh chuan a BO thei ngei ang Coat kan hlih rual rual khan.
Mi Piangthar hi chu an nunah change hmuh tur a awm. Biakin lawi 10% hi an piangthar angem le :?:
Report this comment
December 10th, 2009 at 8:25 am
Ka buai ve pha hauhlo mai a
Report this comment
December 10th, 2009 at 8:41 am
@Jaspi, nangmah ang hi ka hre nual tawh. An piangthar tha em em hlawm. Chu mi kha mi ni atang khan…tia an pianthar ni sawi thei nazawng hi an piangthar tak tak lo..an chiangthar lek a ni duh khawp…!
Kan thupui post awm dan chu Sunday School format a ang khawp mai!!
Tha tho ve..!
Report this comment
December 10th, 2009 at 8:55 am
Isua ringtu te chu piangthar sa kan ni mai,Kawng hrang2 a kan nun hmasawnna tur pheichu a tam thei viau ang .Rinna kan neih dan te pawh a in chen lothei viau bawk ang a,Isua ring chung a thlen chin a piang a hmasawn zel hi pianthar na ropui ber 1 niin ka hria.Zankhat emaw karkhat chhung emaw gospel camp-a luh a vang a perfect nih deuh thaw nghal kan tum thin hi chu fuh chiah pawn ka hre lo.
Report this comment
December 10th, 2009 at 9:22 am
Hla pakhatah, Isua hi ringru Chhandamna a ni” a tia. Lal Isua kan ring a, mahse piangtharlo tam tak kanla awm. Tuiah leh thlarauah kan pianthar loh chuan Pathian ram kan lut thei don lo.
Report this comment
December 10th, 2009 at 9:30 am
‘Heti mai hian chandam ka ni a,ka nun hlui leh sulhnu a chhui ve lo, A khawngaihna ka tana Amen lo tih mai hi chatuan atan nunna a lo ni’
Piangthar chu Pathian thu awih ni tawp mai,
Report this comment
December 10th, 2009 at 10:58 am
Piang thar teh na tha ber enge ni?
Piangthartometer awm se a chiang ber ang.
‘In eng chu mi mithmuhin eng rawh se’
Report this comment
December 10th, 2009 at 11:04 am
Piangthar tlut tlut —thanlenna reng reng nei lo. :oops:
Piangthar tih hrim hrim pawh hi hriat fiah chian chu a ngai a ni; tuiah leh thlarauvah tia pakai vat hmain!
Report this comment
December 10th, 2009 at 11:32 am
Piangthar ka hriat ve chuan, Pathian duh loh zawng reng reng an ti ve ngai lo, Pathian thu sawiin aupui chiam chiam lo mahse an nun a tluang a, a mihringpui te tan malsawmna nih a tum thin.
Report this comment
December 10th, 2009 at 11:33 am
rinawm taka Lal Isua hnung zuitu hi piangthar chu a ni mai.
Report this comment
December 10th, 2009 at 11:39 am
mahni tobul ngaihna hi homesick a nih ngai chuan vanram ngai vawng vawng khawp a pathian rorelna leh ruahmanna zawng zawng pawm a,ringa leh tlulut chung a damchhung hmang tan ngam te hi piangthar an ni.Piangthar ka hriat chian leh hriat hmasak chu ka Pa a ni.
Report this comment
December 10th, 2009 at 1:02 pm
#13 leh 22 hian in relate na an nei deuh. 10% aia tlem hi inkhawm hram hram an ni. chung tihram hram ho chu Piangthar nita se inkhawm khat ho tan chuan NO Chance.
Lal Isua hnung zuitu han tih hian inkhawm hram hram hi i tihna ani em le As_Khiangte
Report this comment
December 10th, 2009 at 1:09 pm
Pianthar dan:- Tikhan camp i lo lut ta a,chuan i bethel
a,chuan in chhuah dawn hnaihah,Chapel ah in thukhawm a,in Speaker chuan a maimichhin tir che u a,a aw ti thum in,achang phei chuan echo nen sawithaih titih thlem titihin an au khum vel che a,counsellor te an lo halleluia pap pap reng bawk ang.Chutah nangmah ah eng emotion emawnite kha a lo awm a,Speaker in inhlan zawng ding ru a tih chiah a i din thut khan i piangthar der,a then thiante nen in kheuh zeuh pah a”ding tawh mai ang” ti a ding pawh piangthar tho.Khalh fal bik nih hlauh vanga ding pawh piang thar tho tho. 
Hei bak bak a Piantharna hi zoram in a nei hlawl lo.Piangthar kan tih 90% hi hetiang pianthar na hi a ni .
Report this comment
December 10th, 2009 at 1:55 pm
@mzvision: inkhawm hram hram chu ni phot maia, nun kawng zawng zawngah a ni ber ang chu.
misual krismas carol ka support tops.
Report this comment
December 10th, 2009 at 4:58 pm
Uirenu khan ngaihdam a dil hman hauh lo, a pasal tan chuan lo ngaihdam kha a lawmawm vak hauh lo ang. Mahse, a khawngaih m avangin a ngaidam mai a ni. Krawsa a dinglama an khenbeh khan tui baptisma a chang hman hauh lo, mahse, paradise a kal don tlat. No 10 Jaspi ang khi mi tam tak an awm ka ring- nu leh pa rinna leh felna avang khawngaihna a chhandam. Piantharna chu thli ang a ni e a tih kha: khawi atanga lokal nge i hrelo ang hian i piantharni kha a pawimawh ber a ni lo. ‘Tun’ hi chhandamna ni chu a ni.
Ka unau, vanram i thlen hunah poh trawng zuah2 suh, chumi khami niah ka piangthar, rawngbawlnaah poh ka tel ve vek ti zuah2 suh. Isuan i piantharni a sawisak che nghâk thleng turin ngawi reng ang che. Pathianin a hria che tih hria la, Isuan a chhandam che tih hi pawmthlap mai teh, a tawk fû a ni.
Report this comment
December 10th, 2009 at 5:10 pm
a step hmasa ber atan example tha deuh chu.. Zakaia kha ani, Isua hmel chiang takin a hmu a a piangthar ta maia..
Report this comment
December 11th, 2009 at 12:33 am
@Teatak2 : Krawsa a dinglama an khenbeh khan tui baptisma a chang hman hauh lo?
Dinglam leh vei lama khenbeh tih hi Bible-ah a inziak ngai lo! Isua ber kha misual pahnih inkara khenbeh thu mai ziak a ni zawk ngai e …
A dinglamah Tita, a veilamah Dumaka tih te hi Bible-ah a awm reng reng lo! A dinglama mi a vanneih zawk thu pawh ziak a ni lo. Mahse, khenbeh vete pahnih zingah khan pakhat zawk kha a nihlawh ta thung a ni mai, a dinglama mi tih thu a inziak bawk chuang lo!
Report this comment
December 11th, 2009 at 7:58 am
@chawnghilh
Dinglam a ni lo tih poh a in ziak bik chuang hleinem (dinglam ani hrim2 ang, thrum kan vawr mai don mi?) . Baptisma a chan hman loh thu kha pawimawh ka tihlai kha a nia.
Report this comment