Ka thianpan Mizoram YMA ten Mizoram tan a thil tha deuh mai an tih a rawn sawi chu a lawmawm ka ti lutuk a, ka han share pui chak riau mai che u ka ti.
Tun hnu hian YMA hi eng eng emaw vangin a thang chhe thei angreng viau mai mahse, tuntum ka thu dawn chuan rilru ah phurna thar, beiseina thar leh lawmna a siam chiang ngei mai.
Sangha hrai thu te kan hre leh zauh thin, hetiang han hriat hi chuan rilru hi a hnim a thinlung hi a lo then ve tlawk tlawk thin. Awle, ka thianpa chuan YMA in sangha fuan ang veng thin tih min rawn hrilh hlawl mai a, a sawi zawh hma hma in kei chuan ring fe mai hian, “Eng a!” kan ti thla nghal rawk pek a. An lo veng ngei mai mahse, man tura veng ni lo vin, sangha fuan lai khan, sangha pun theih dan tur TV lam te hmangin mipui an lo zirtir thin zawk chu a lo ni awm a, a va han lawmawm tak em.
Sangha tui kha keuin 30% pawh dam chhuak ta se, a kum leh ah chutiang zel chuan, reilo te ah Mizoram lui ah te hian Len leh Nghakuai a man tur kan nei ve thei tawh mai dawn a ni. Hemi ah hian Mizoram YMA branch hrang hrang an in hnamhnawih a ni awm a, an fakawm ka ti tak zet a ni. Han ti fan fan teh se, hetiang lama YMA in tan a la chu thlawptu a ngah ngawt ang le!
Similar Posts:
- Aizawl sa dawr – tunlai sa man leh a behbawm
- Nghafuan ven
- Thalai te tana Eizawnna Tlak- “Sangha Dil Siam”
- Sangha in man ve ngai em?
- Dawhduai (sangha manna)
December 13th, 2009 at 1:29 pm
Kan ram chhung lui ho chu bleaching, chinai, insecticides leh electric current hmangin kan sawisa nasa tawh lutuk. Luiah sangha a vang lutuk tawh. Tui a luang satliah tawp chu ani tan der e. Sangha khawi chi chauh zawrh phal anih hunah thil a fel mai ang.
Report this comment
December 13th, 2009 at 1:29 pm
1st tek mai mawle:!:
Report this comment
December 13th, 2009 at 1:32 pm
caribou chu aw…
Report this comment
December 13th, 2009 at 1:34 pm
Kan natural resources te hi mahni hman khawp leh ei khawp lek lek chauh lak phal nise, sumdawn nana hman khap hmak ni rawh se.
Lui sangha leh a rep zawrh, mautuai, thing, mau, meihawl zawrh te hi control ava hun tawh ve le.
Report this comment
December 13th, 2009 at 2:12 pm
Mualpheng ho ni ta in ka hria, an khaw luipakhat a sangha fuan man phal lo a humhalh kha. Zonet Cable TV in an rawn cover vak tawh kha maw le….
Report this comment
December 13th, 2009 at 2:37 pm
Tui vawk te hi humhalh bawk i la
Report this comment
December 13th, 2009 at 3:06 pm
a huho in an khap a a mal te te in a ruk in an ti leh si a nge khaw pakhat joint yma pre ve meuh poh kha nungcha humhalh kum puan lai khan an president lo chiah chu saiphai vel ah a ram vak char char silai nen ha ha ha ha .
lui sangha hi ei thiang lo ti ilang an pung mai mah na
Report this comment
December 13th, 2009 at 4:56 pm
Pu hv,shailendra sawi zarah ka hrechhuak zawk,mualpheng yma an ni tak e. A tir chuan duty te siamin kan in veng hle a,tunah chuan a humhalh tu kan ni vek tawh anti. Zonet-in an cover tak e. Mahni ram nghafuan ngei han hmuh chu Animal planet ami ai ngawt chuan rilru a khawih deuh..
Report this comment
December 13th, 2009 at 5:28 pm
Tuipui Darzokai khaw bul a sangha an humhalh zozai te hi in hmu ve toh em?a ropui asin.
Report this comment
December 13th, 2009 at 5:33 pm
Makim, ka va hmu ve tawh e… an hmuhnawm ka ti, ferry atang khan ka en a….
hehehe… nimin a naupang ho nena dil sangha kan man lai thla rawn upload ka chak vei nen, tuna ka comp atang hian pictures ka upload thei tlat lo…. computer hi chu ka engineer-na a ni lo a, a hman chiah hi limit deuh chin thleng chauhin ka thiam ve sawih sawih a ni mai si…
Report this comment
December 13th, 2009 at 11:18 pm
kawlhawk, a hmuhnawm ngawt asin, Chhimtuipui fuan hi ka hmuh ve chhun a ni maithei thung. Mizoram lui dang te hi chu kum tawp lamah hian an fuan tlangpui awm e. Chhimtuipui erawh hi chu February bawr hi an fuan hun a ni tlat thung. Tum loh deuh a khek/huih pup pup! a awl khawp mai hetiang hmuh hi chuan
Report this comment
July 1st, 2010 at 2:23 am
Yma hian sangha fuan chauh an veng lo inhmang tam la i hriat belh teuh mai ag, i lawm na erawh ka lawm ve tho marawhchu an hnathawh tak hre vek tur cuan activities ah han tel tam la ce mai ag
Report this comment