Zan dar 10 a pel deuh awrh a, kan khua, thingtlang angah chuan zanlai dar 12 tluk ani ta. Thlasik khawvawt tak hnuaiah chuan sikul bula hmeithai, Pi Biaki ui bauh lauh lauh bak hriat tur a awm lo, a reh hian a reh tlawk tlawk ani ber. Tleirawl thisen lum rual lek mah ni ila bang awng kar atanga thli vawt tak rawn thaw lut heuh heuh chu a vawt kher mai. Chu thli vawt tak chuan min chhem harhin, ka pa siam mau chik khumah ngei chuan mutchhuak lo chungin ka mu meng kawm ngal mai a. A reh a reh ta na nä na chu tawkvangah chuan ka lo maimitchhing ve ta diar diara, mumang hmatawng te pawh a rawn in lar tan ta.
Tin ngaiteh, chutia mumang rama ka chen tan mek lai chuan Biak In bul, Pu Chawnga te in vel atanga thawm rawn chhuak, zaipawl kutbeng ri, tingtang leh khuang ri te chuan min rawn ti harh ta a. In bengkang meuha ngaithlain….”Thimin lei atuam laiin….” e he,kan kohhran thalai pawl kerawl an nih chu! Yes… kar leh mai khi Mas ani tak e…mutchhuak zawng zawng vawi leh khatah a bo nghal veka engtin emaw ka awm.
A va nuam reuh! Ka mur chum chumin ka hria? nge,ka zauthau, ka helhhawlh zawk…chutiang pawh chu a ni chiah bawk si lo,a…ka sawithiam lo. Kar leh nilai zan khi urlawk zan! Kerawl ho chu an rawn hnai zela an pen ri te, an tawng ri mur mur te pawh ka hre thei ta. Pu Tlanga te kawt vel an rawn thlen chuan…”A mi a riang maw…” a va ngaihnawm em! An hla sak, a thu leh a thluk vang lam niloin, kerawl an nih vang hrim hrimin ka chhungrilah hian hlimna leh lawmna nasa tak an rawn thlen ani, chu baka sawifiah dan ka thiam lo.
An thawm pawh kan In bul pengthuam mai ani ta…”Bethlehem mual tlai thla eng a…” aw, zai zel rawh u, “Mal min sawm turin…” tih te, “Kumpuisual a lo vei changin…” tih te kha. Khalai pengthuamah ngei khan han zai tlaivar zak mai ula pawi ava ti lo em! Ka nu leh pa an tho a, pawisa nge kan pek ang buhfai…antih thawmte,an kawngkhar hawn thawmte ka hriat hnu chuan mumang ka nei chhunzawm leh ta a.
Tunah chuan khawvel a changkangin nun alo danglam zo ta. Zan reha Krismas Kerawl thawm hriat tur a awm ta lo. Kohhran thalai pawl kerawl thawm a bo a, thianzaa kerawl an awm ta lo. Kan khua, In zahnih khua, zan reh tak mai thin ai khan, tunlai Zawl khawpui hi alo reh zawk alo ni.
Kerawl, Aw…Kerawl, Masi ti Masi-tu Kerawl tak kha aw… !!!
Similar Posts:
- Kalsawn zawng a har e
- Thlasik hi a lo nuam ber e
- Thlipui vawt!
- Shimla daifim leh Delhi vaivut
- Mumang mai mai…
December 20th, 2009 at 11:15 am
1st mai mai ang
Report this comment
December 20th, 2009 at 11:16 am
Kan tetlai a mi Krismas Carol dan hla chu ” Kan Carol, in neih ang ang min pe ru, hnapkhir fiankhat pawh!” an ti thin
Report this comment
December 20th, 2009 at 11:23 am
Keipawh thingtlang khawvawt hnuaia kan thian zaho a kan kerawl lai kha,avan nuam em, ka theihnghilh thei lo
Report this comment
December 20th, 2009 at 11:30 am
Kerawl chu ke a rawl duh.
Aizawl veng thenkhatah chuan pa valai ho an kerawl thin.
Report this comment
December 20th, 2009 at 11:32 am
Carol hi chu anuam alom.tunlai kan veng poh an carol sup sup mai.MHIP ho phei chu motor in an carol!
Report this comment
December 20th, 2009 at 11:35 am
Kan naupan lai chuan “TKP Carol ho hi an ke ah thingfakin vua ila, na an ti miah lo,” an ti thin. Tak tak anih leh nih loh ka fiah ngam ta ngang lo anih kha.
Report this comment
December 20th, 2009 at 12:13 pm
Kan naupan lai khan drum lem hi khawnvartui trin chhia hian an siama – tang kar lang kang kang tih pahin XMas Kerawl kha naupang ho khuang tlir thiamin an ti ka lung a ti leng khoops.
Kum 13 vel kan nih hian tlangval Sr kaihhruaiin kan kerawl vak bawk, duli siki kan dawn khawm khan chhang kan kang kan hlim ve khoops
Bessy Choir kan inah an rawn Kerawl zet erawh mittui hruin Bedroom ka lut sek mawle
Keini classmate ho hi Class of 99 kan inti kan classmate boral tawh te tlawha kan Kerawl khan tunthleng hian rilru ah a la riak nia.
MI zana kan rawt hawt danin mi harsa chhumchhia te tranpui nan kan Kerawl dawn alawm le
Report this comment
December 20th, 2009 at 12:21 pm
Carol hi chu a NUAM a ni top mai.
Report this comment
December 20th, 2009 at 2:36 pm
kan cerol ve trhin nuam ve rap kohhran ho mass nawn na a kan inah te an rawn kerol muttui lai tak in min rawn thawngharh trhin te kha nuam ve tak a ni trhenawm in vel an zai hriat phak tawk an zai lai hian lung a ti leng zual bik
Report this comment
December 20th, 2009 at 2:49 pm
Thianzaho a han carol kha chu a nuam ve thin ngawt mai… kan sum leh thil nepnawi kan dawn ho kha kan chiang hlur mai zel kha a ni thin a….
Report this comment
December 20th, 2009 at 2:55 pm
kan naupan lai carol chu ‘kan carol party, in inah kan lo leng dawn, kan duhtawk chu sikithum, pengleng hui le hui’ tiin kan zai thin.
Report this comment
December 20th, 2009 at 5:28 pm
@lrpa, kei ni pawh kan sa ve thin lawm, a thu khi a in ang chiah. lung a va ti leng reuh ve
Report this comment
December 20th, 2009 at 6:40 pm
Tin khuang khawr nen, sipai khuang tlira mi thilphal chhungkaw CHIL kha a nuam, “… kan duhtawk chu sekithum/sikithum…” ti ngawih ngawih pawha hawihai taka kir leh hna hna kha chu a zia lo thei!
Aizawl naupang carol rual kan neih chhungleh khatte patling an ni tawh a —kum 1975 hnu lamah kha chuan mipa naupang carol party min rawn chiltu kan nei ta ngai lo!
Report this comment
December 20th, 2009 at 7:38 pm
Tunlaia CAROL dan dangdai —
Source Zonet.in
Aizawl Bazar pui-a Krismas bazar thahnem tak zingah, pawisa tibo leh chhar bakah Bazar-a kalpuite hloh leh rukru an awm deuh reng niin New Market thuneitute chuan Zonet an hrilh a, tun thla ni 1 atanga vawiin thlengin pawisa tihbo report chu cheng 68,560 a ni tawh a, cheng 4,300 hmuh let a ni a, mobile phone bo 6 report atangin pakhat hmuh let a ni. Mi pawisa ru, mi 6 man an ni tawh a, bazarpui-te nena inhloh, 30 report a ni bawk a, mibo report te hi chu an inhmu leh vek a ni.
Report this comment
December 20th, 2009 at 7:55 pm
Kerawl kha chu a lo nuam thin ngawt mai. “kha” kan tihna chhan chu kan naupan lai ang “kha” kan tih deuh kher avang ania.
Tel tin ruak hi uluk deuh hian sipai band party khuang ang deuh hian kan khawr ve a, tichuan khuangpui pangai emaw, Pu Thanthuama (kulikawn) band party thin te khuangpui emaw hawhin khuang kan “tlir” thin. Rome sipai in an hnunga puan sen an bang liam ang deuh hian Mizo puan dum kan bang liam ve a, lal lukhum lem lehkha a khawr kan khum bawk a, tichuan pakhatin Phaiphuleng hamin Kristmas hla saa khuang tlir a remin Aizawl veng hrang hrang kan fang thin.
In khat atang hian Sikithum emaw Duli (50 paise) emaw te min pe thin tlangpui. Zan khua, tlaivar dawn a kan Kerawl hnu chuan Rs 100.00 emaw, chutiang bawr vel chu kan hmu ve thin.
Heng kan pawisa hmuh ve chhun te2 hi nauhnuchham enkawl na hmun ah emaw kan pe lut thlap zel. Lung a van tileng vele, ” I Lal thuthleng leh I Lal lukhum,” tih vel, “Kal-ran” a khuang kan thlir lai vel te kha…
Report this comment
December 20th, 2009 at 8:04 pm
HV. ‘Judai ram Bethlehem-ah’ tih kha tlir zin pawl chu a ni ti raw… hehehe
Report this comment
December 20th, 2009 at 8:08 pm
Ni chiang e mawle, lung a leng mange a
Report this comment
December 20th, 2009 at 11:53 pm
‘Kan kerawl party,
I inah kan lo len chuan;
Kan duh tawk chu siki thum,
Pengleng hui le hui.
Naupan lai hla…e khai lung a leng e :smile:
Report this comment
December 21st, 2009 at 12:17 am
Ka pianna Zawlkhawpui, tlawm an ka phallo che, tho leh ta che maw…. lung hlui a van eng vele.
Report this comment
December 21st, 2009 at 12:34 am
22nd zanah, Pu Mz-a in atangin tunhma (val u te tleirawl lai) a carol ang khan kan carol chhuak dawn….. hehehe…
Report this comment
December 21st, 2009 at 12:45 am
aha
Report this comment
December 21st, 2009 at 3:47 am
tleirawl ve lai vel a ngam tlak deuh hen a kerawl a zu han in ho vel te kha a van nuam ve theih tak.
tun lai chu lung a leng ve tran tak tak ta mai.
Report this comment