Korean Film inti teh fo a, kei chu Vai Fim ngat.(Post/ Pending a tlem bawk a). Naupan laia Vai fim te khan lung an lo ti leng ber e! Chhungrila hmangaihna leh pawnlama an inhmelduhna zawng zawngte chu hla leh che zia/ lam-in an puangchhuak ta a….
Pangpar karah a changtunu’n a sam a trawn kak ngei a, thingkung phen atangin a bialpa/ changtupa chu a rawn thlek-no vel a. A changtupa kawr nghawng hlai tak, zum zèt maite chu thliin a rawn chhem phe hlep hlep a… A changtupa a rawn tlan… a changtunu a kuah… a talchhuak der vel…an inum, pangpar leh thing phenahte an inbiruksiak…a changtunu a tlu sual palh ta…a ke a nä, a changtupa-in a va dawm a tum, a lo ti tau… changtupa’n a thlem, a lem…hla atawp meuh chuan lungawi tak leh hlim taka insuih-in tlang/ mual chhipah an tlan liam ta a.
A changtunu pa hi misual lalpa(Boss) turu lutuk lo nirengin…chutia a fanu duat lai leh hnamchawm tlangval, rethei bawk si tlangval an lo inngaizawng tih a hriat meuh chuan a changtupa mana sawisa hrep turin a ho/ kit rual, nunrawng tak tak, hmuihmul chhah/ lubuk, kawr pawh kilh tha duh miahlo ho chu a tirchhuak ta a.
A changtupa an man ta. A ban leh lam leh lamah misual 5 rual velin an chelh bet…an hnek, an pet, an hlap.. An va sawisa nä em! A ring a thelp, a ban a uai, a khup a zawi… Kil khatah a changtunu chu misual thenkhatin an lo chhiah nawmnah vel…a changtupa hlauhawm zia hrechianglotu pakhatin pawngsual hial a lo tum…a changtunu a mangang, a tap, a au…
A hmangaih mangang authawm a hriat meuh chuan thi tawha ngaih a changtupa a rawn harhchhuak ta! Chu ve leh misual 20 rual velin an rawn din-hual nghal…zawimuanga rawn inbengkangin, a lu a thing sawk a. Misual, a mah dinhualtu ho chu a mal te te-in a melh kual ta…(hetihlai vela music leh khuang an rawn tlir tak tak mai chu hmulthi a ding sung sunga, kan za uai uai thei nia).
Pakhatin a rawn hneka a thle sawk a(nä a hre tawh lo), pakhatin a rawn pet/ kick leh a (a pettu ke a nä tawh zawk), chartin bungin an hlap leh a(a kehdarh chuai a)… Chu tah, a changtupa thinrim chu a khurh hian a khur-sai hlawk hlawk tawh a. A hmuia thisen luang chu a kutzungchal-in a khawih a, a thisen chu a liak nghal a. Amah hnaih bertu misual chu a la lawka bang vawm nan a hmang zui a…chuveleh misual 20 rual vel chuan an rawn bawh huk a. Mahse, ngaiteh… “Yaaaa!!” ti a a changtupa a rawn tho thut mai chu; misual ho khan “Bomb” an bawh zawk emaw tih mai tur hian boruakah an darh suau a… (He ta, a changtupa thinrim sapatal vel hi thiam dan dan, mitthla ang angin han chhunzawm ve tawh ru le…)
January 23rd, 2010 at 2:12 pm
Kei chu vai film hi ka hlimpui thinin hmuhnawm ka ti tlats a, an hla te hian lung hi a ti leng thei veng veng nia aw! hei hi ka tet lai atanga ka hla mawi tih pakhat chu he he
https://www.youtube.com/watch?v=C4_uvFjT1-k
https://www.youtube.com/watch?v=iE2aZEr0EBY
Report this comment
January 23rd, 2010 at 3:37 pm
Vai film hi chu hmeichhe en chi mole
Report this comment
January 23rd, 2010 at 3:47 pm
dd1 leh dd2 ah ngei mai, colour tv poh nilo ah vai film hi chu a hmanlai ang2 khan en ila a nuam ber mai, kan vengah hian tv nei an tam em2 thin silo a, en tur hian a inpuahchang a inpuahchah tak meuh2 a ngai thin, kanlo rei ve ta ni awm e,,,, a hmuhnawm ve hranpa riau, a then tlema tawng lo inti thiam deuh ten an thiam ang2 bak ah tlem an han belh chah a, a chang mittui te a parawl pur mai zel mole…..vai film vai film tha ve riau tetlai khan a hmuhnawm bik…..
Report this comment
January 23rd, 2010 at 5:41 pm
Vai film te wrestling te Boxing te hi rilru pe vak lemlo a en theih ania thra ve pah reng. Mahse misual keuh hi ka thlang zawk thung keichuan
Report this comment