“Parting is such a sweet sorrow
i shall say goodnight till it be ‘morrow”
tia Romeo-a’n Juliet-i a mangtha dan ang deuha inthenna sweet sorrow riau te hi a awm ve a!
Mihring te hi nung turin kan lo piang a, chu nunna chuan inthenna a ken tel avangin mi nung leh mi nung kan inthen a, mi nungin mitthi kan then bawk a. Mihring hi mihrang theuh kan nih avangin a hun leh a hmun a zir te leh kan mi then a zir tein kan nun a khawih dan chu a dang khawp ang le..
Kan la hmu leh dawn a ni tih beiseina nena kan mi thlakhlelh em em te kan then hian a hun laiin hrehawm viau mahse nakin hun tur te ngaihtuahin kan la hlim thei viau tho thin. Amaherawhchu, he khawvela kan mi hmangaihte thihna avanga kan then hian a dan a dangin a lehpek vak hi awmin a lang lo, Kristian kan nihna angin hmuh leh beiseina chu a awm tehmeuh mai..! Mahse chu beiseina chuan intawn lehna turin kawngka hran, THIH hnu piah lam ram a lo hawn tak avangin thlamuanna nei turin a hranpaa rinna neih a lo ngai a..
Chu rinna nei tan pawh chuan thlamuanna famkim nei tur chuan Vanram-ah a kai ang em? Kai lo ta se, hremhmuna chatuana kal em chu ka ngai ngam bawk si lo… Chuti kan inhmu leh dawn tawh lo tihna..? Zawhna hlirin ngaihtuahnaah kan luangliam a, a chhang theitu awmchhun bakin a chhan theih thil a ni bawk si lo! Buaithlak..Amaherawhchu, kan hmangaih kal ta ten Vanram-ah min lo nghak ngei a ni tih Pathian thutiam rinna atanga kan thlamuan theih chuan a sweet sorrow te pawh a la tih theih awm e..
….engpawhnise, inthenna, dam chhunga hmu leh tawh lo tura inkalsanna leh inthenna hrim hrim aia hrehawm zawk chu an tel lova nun chhoh zel hi a ni. Ka mamawh apianga ka tluk luhna leh mawi leh mawilo zawng lova ka luanliam theihna tur awm ta lo te chuan tawrhna nasa tak min pe a. Loh theih lohna avanga tawt tuna hun ka hman thinna te chuan ka nun ram a ti chau hluah hluah a. Ka va’n ngai thin tak em! Engvang khera kan la mamawh em em lai taka min kalsan nge maw a nih le tiin huattur ber haw ngam si lovin engkim mai chu ka haw hluah hluah a! A
hnukchah hma, a harhfim laia thil awm thei hrang hrang a’n chhut kual velin a kalna tur lama a kal hreh vang ni hauh lovin a kalsan tur te a kalsan hreh vang zawkin a theih chen chen tiin kan tan theihtawp chhuahin a tang fan fan reng a. Mahse siamtu remruatna kal mek zel chu pumpelh theih bik hek lo le, amah aia thlamuanna leh malsawmna thlen theitu zawkin min awmpui dawn a ni tih hre reng chungin thlamuang takin min kalsan ta a..
Ani chu lungawi tak leh thlamuang takin a kal ta tih hriatna avanga thlamuanna karah pawh chuan khawharna leh lunglenna boruak chuan min la tuam hneh em avangin ngaihtuahna a chawmawlh a, lung a leng a ni..! Mahse, piantirh ata min kalsan ngai lotu leh amah avanga nungdam ka nihna Pathian chuan tun hi hun lawmawm a ni tih min hriat nawntir a.. Tawrhna phenah hian malsawmna a awm thin tih ngaihtuah theihna rilru fim min pe a. Thinlung lungchhe tak kar atang chuan ka thiantha kal ta te avanga ka lo luanliam pui thin The Guardian hla, “See u in heaven..” tih behchhanin ka han tawngtai ta ngawt a.
Chu tawngtaina tawngkam chu tawi hle mahse vawiin thlenga ka nun kal zel atana tawngtaina pawimawh tak ni chhovin, ka chak lohva ka chakna a lo nih theihnan ka rinchhan Pathian chuan ka thutiam hlen turin nitinin min tichak chho mek zel a..Amah Pathian nena kan lendun reng loh chuan lunglen khawharna avangin sual lamah ka peng thei a ni tih a hriatchian em avangin, loh theihlohna avang tal pawha amah Pathian nena kan lendun zel theihnan a tihngaihna ka hriatloh harsatna hmang tein mal min sawm a; tichuan, amah ko lo theilo leh au lo theilo dinhmunah bawk ka lo ding leh thin a ni.
A damlai chu sawi loh, a thihhnu pawha amah avanga Pathian malsawmna tam tak ka dawn zel dan te ka’n ngaihtuah a… Ka ngaih thinzia te lo hrilh thin tawh mah ila, tawngka felfai taka ka hmangaihzia ka lo la hrilh miah lo tih ka’n hriatchhuah chuan hun kal tawh hnu hnuh kir leh theih hi ka va han chak thin tak em..! Ka piantirh ata vawin thlenga a hmangaihna avanga malsawmna ka dawn ngaihtuah phei hi chuan….
i wish that i had one more chance to say i love you one more time,
and even though i know i can, i’ll say it in heaven.
i’ll see you in heaven . .
tiin “See you in heaven” tih ngaithla chung zelin Pathian rinchhanin thu tlukna ka siam ta a!!
(Kum kaltaa then tak zawng zawngte tan..)
Similar Posts:
- Pathiana mihringte dinhmun;
- Lalpa Țih {Sunday Pual}
- Nang Malsawmna Ni Ang Che
- Van ram hi eng anga nuam tur nge?
- Lunglei Misual Charity sem Report (with pics)
January 23rd, 2010 at 12:10 am
a lunglen thlak tak em!!! “see you at the heaven Door”
Report this comment
January 23rd, 2010 at 12:31 am
Vanramah hian mi(sual).com a awm ang em le???
Report this comment
January 23rd, 2010 at 12:37 am
Thren lohna ram pan turin thren tak te’n min liam san a, lungduh thren takte tawng leh turin rualduhte min thren a trul si a nih ber hi maw…
Ka ngaihtuah ve thrin.. Hmel intawng miah lovin nel takin kan ti ti hova, kan inngai a, kan inthlahlel hlawm hle a. Engtikah emaw chuan pakhat te tein kan la inliam san pheuh pheuh ngei dawn si a. ‘See you in heaven’ kan intih mai hun hi a la thleng dawn a ni. Mual liam tawhte paw’n thren lohna ram OT huangah min lo nghak reng tawh mai thei a nia. Threnna rama cheng kan la ni miau si a le!
Report this comment
January 23rd, 2010 at 12:42 am
Heaven can wait, if i’m gonna see you, i’d rather see you here on Earth.
Report this comment
January 23rd, 2010 at 1:39 am
Kumhlun lo kan nih kan inhriatna hian kumhlun ram min ngaihtir thin a nih hi. Thi tur nih inhriat reng a nun hi a hahthlak ang reng!!
Report this comment
January 23rd, 2010 at 2:21 am
Van hi a awm tak tak a niha mite beisei anga ka thleng ve a nih ngai chuan, mak tura ka rin ang ngeiin misual leh miten an endawng tam tak ka hmuh ka inring tho a; hremhmun an tih hi ka liamkawn tur zawk a nih pawhin, Pastor leh rawngbawltu tam tak ka hmuh ngei ngei tho ka inring!
A khawi zawk zawkah pawh ka mikhualin ka inring chuang lo.
Mahse, a tak tak ramah chuan ka beisei ang beisei hi Christian ka nihpuite zingah hian an vang pharh. Bible hi a nih ang anga ka rina ka pawm avangin mite theology lar tak tak ang hi chu thrilling chi khatah ka ngai lekfang chauh!
Tanya Tucker-i hla “Texas, When I die” tih hlate kha ka tan chuan a dik tlat, “When I die, I may not go to heaven” … the meek shall inherit this earth, and we shall reign (with Jesus) on the earth —is Biblical! :roll:
Report this comment
January 23rd, 2010 at 2:26 am
chawnghilh, kan mukhual vakin ka ringlo
https://www.youtube.com/watch?v=dnjlJZ1yo8g
https://www.youtube.com/watch?v=ngmakCXGe7M an ziak ang ang hi chuan a awmzia hi chu amak thei ve viau. An sawitum hi ani kher thin si lova !
Report this comment
January 23rd, 2010 at 2:32 am
@HV : Ka hla duh i rawn phawrh, hengte hep hep hi … tel vea a khek ring pawl leh police-in an vuak thut ngai pawl bik nih ka va chak em!
https://www.youtube.com/watch?v.....eature=fvw
Report this comment
January 23rd, 2010 at 3:02 am
Lo OT lawks new comer ber hi hehe…misualho kha zan mut theih loh hian in va hlu tak em!!Regular takin ka lo chhiar thin a,a bengvar thlakin ka hlimpui thin lutuk tlat…Long live misual(dot)com
Report this comment
January 23rd, 2010 at 6:36 am
Thihna hi zawng mihringte tawrhah chuan a na ber a, pumpelh theih lah a ni si lo! Mihringte hian ‘thih thlamiuanna’ hi kan duh thin a, thih thlamuanna nei tur chuan NUN thlamuanna neih phawt a ngai a, chu nun thlamuanna chu Lal Isua Kristaah a awm!
Dam lai ngei hian kan inhmangaih thu te, kan in ngaihsan thu te, kan in fak duhna zawng zawngte hi sawi chhuak thin ila a lo hlu khawp mai! Mi an thih veleha in fak arek leh chiam thin hi kan fak berte khan an hre tawh si lo va, a sawt lo.
Hmanni chu Pastor pakhatin zu ngawlvei thi a vui thu min hrilhah chuan, “a dam chhunga thil tha a tih sawi tur kan han khawn khawm a, a vang duh khawp mai a, ‘A mumangah Isua a hmu’ tih velte kan sawi ta mai mai a…” a ti!
Report this comment
January 23rd, 2010 at 6:50 am
‘Sadhu Sundar Singh’ an tiha khan —thih lam ai mah khan, nun dan zawk kha thiam chian zawk a ngaih thu a ziak dan ka chhiarna kum 30 chuang a ni ta hial, a sawi dan ang chiah chiahin ka sawi chhuak ve thiam ta lo. Sawi chiang thei in awm em? Ka lo ngaichang a che u.
“Krista tana thih a awlsam mai aiin —Krista tana nun a harsat thu” a tarlang uar a ni zawk tak e, ka hrechhuak leh hram e …
Report this comment
January 23rd, 2010 at 8:47 am
Vanramah hian kan la inhyre thrim threm dawn em ni Vaingalsin la haw tlat te hi kan awm ange :!:
Taksa thawhlehna ka ring kan ti sia, kan tisa tello hian kan taksa ruangam nen hian emniang kan inhmuh khawm ang le :?: Thihhnu hun a kan awmdan tur hi rinthu deuh vek ani maia, zirchiang leh zirthuk deuh te’n mumal deuhin han sawi teh u a
Report this comment
January 23rd, 2010 at 12:13 pm
13 nih manah “See you in hell” te lo ti ve thla rawk ila…superstitious awm haih haih
Report this comment
January 23rd, 2010 at 12:19 pm
Pu mzv, thih hnua kan awm dan tur hi Bible-in a sawi bak hi chu tu sawi mah hi kei chuan ka ring em em lo. Bible-in a sawi chian em em chu, “mihring tan vawi khat thih ruat a ni a, chumi hnuah chuan rorelna chu a awm ang” tih hi a ni a(Heb. 9:27)
Chu rorelnaah chuan thiamchanna Criteria pakhat chiah a awm a, “Tupawh amah (Isua Krista) ring chu thiam lohvin an awm lo vang, tupawh ring lo chu tun apangin thiam lohvin an awm…” (John 3:18) tih kha a ni leh mai a.
Rorelnaah chuan “Beram No Nunna bua hming ziakte” chu Vanram, Jerusalem Tharah chuan an lut ang a (Thup. 21:27), “Tu hming pawh Nunna Bua ziak an hmuh loh chuan mei dilah an paih bawk a”.(Thup. 20:15)
Heng bak pawh hi Bible hian hmun tam takah thih hnu lam thil hi min hrilh a, kei chuan heng Bible thute hi a dik ka ring tlat. Mi dangte experience ai mahin Thihna hneha tho leh Lal Isua thu sawi ngei hi kan nun pumpuia rintlak niin ka hria!
Report this comment
January 23rd, 2010 at 12:35 pm
@sma, “see you in hell” tih te hi tawngkam hlauhawm tak niin kei chuan ka hria!
@chawnghilh, “A khawi zawk zawkah pawh ka mikhualin ka inring chuang lo”, i han ti mai hi engnge a awmzia? Kalna tur lam bik a la chiang lem lo a ni maw?
Tanya Tucker-i hla em ni ““When I die, I may not go to heaven” … tiin i la conclude ta deuh deuh lehnghal a, a va zialo ve maw le! NOI
“Chutichuan tunah zawng Krista Isuaa awmte tan chuan thiam loh chantirna reng a awm tawh lo…” (Rom 8:1) tih ringtute tan chuan kan side lam chu a chiang sa mai lo em ni?
Amaherawhchu, i sawi ang hian rin loh tak tak hi Vanrama kan hmuh tur leh, hremhmun kal zingah rin loh tak tak zawng an awm ngei ang le!
Report this comment
January 23rd, 2010 at 3:36 pm
Heti lampang chungchang hi ka lo nagihtuah fo thin a, liapluapa chu ziak tha dup2 khawp mai.
Ni e, mihringte hi beiseina nei in kan nungin kan hun tam zawk hi kan hmang ral thin, kan hmangaih em2 ui ngoih2 a kan then tak te nen hian,
“..lungduh zawng2 chatuan hmunah tawn leh ni a awm angem?” ti a kan in zawh nawn fo hian min hnem em,,,thih hnu piah lam ram leh hringnun hi a kar a hla sia, suangtuahna ramah hian kan thamral leh mai thin zawng anih hlawm mai dawn hi?????!!!!!!
Report this comment
January 23rd, 2010 at 4:02 pm
A time to love,
and a time of peace.
A time to weep,
and a time to laugh;
a time to mourn,
and a time to dance;
I know that there is nothing
better for sons of men,
than to rejoice, and to do
good so long as they live.
Ecclesiastes 3
Report this comment
January 23rd, 2010 at 4:23 pm
To,my dear friends (misual.comers)
The truth is that life hurts. The agony and emptiness when someone we love dies, and the pain of facing our own death. The universal truth is that we are all going to die.
“What is truth?” It’s a good question. Jesus said that to Pilate that “Everyone who belongs to the truth listens to my voice.” But Pilate asked his good question and didn’t listen. John’s gospel tells us that after Pilate asked the question, he walked away.
So the only truth that Pilate knows is the one he sees all around him: The truth is life hurts and we’re all going to die. But those of us who do listen to Jesus know something more. Those who listen to Jesus have heard the Easter message and can hold it close to our hearts on every Good Friday of our lives.
We cling to it when life hurts and when we face death.
We, who listen to the truth that is Jesus, remember that Jesus said, “I am the way, the truth, AND the life.”
We, who listen to his voice, have heard Jesus say, “I am the resurrection and the life; those who believe in me, even though they die, will live” (john 11:25).
That is truth. Believe it.
Report this comment
January 23rd, 2010 at 4:58 pm
@keimah
ka zawhna hi tunai chiang deuh hian min han chhang keuh thei la, anih loh pohin chhiartur link min han pe keuh teh
Report this comment
January 23rd, 2010 at 6:40 pm
@mzv, he link hi ka han pe phawt che ang a, zawhna a la awm leh kan la in chhang zel ang chu:
https://www.gospelway.com/man/life_after_death.php
Report this comment
January 24th, 2010 at 7:08 pm
@rdchhangte: a dam a te hi kan pawimawh ber e an tih kha maw.. Unaunu nikum lama min boralsan ta te ngaih a na deuh e tiin kan han ziak ve mawle..
@keimah: link va rawn pe tha liapluap ve a..
Report this comment