Kan sual zawng zawng phura, kan tawrh ai zawng zawng tuara, khawvel leh a chhunga awm zawng zawng neitu fapa mal, chhandamtu LAL ISUA’n a hun tawp a hmanna hmun, hreawm tinreng tuara mualpho taka a thihna tlang “Kalvari Tlang” khi a hlu-in, a va mawi em!
Chu tlang chu suangtuahna mitin han thlir ta la, chhandamtu LAL ISUA, Kros lera hreawm tinreng tuar-a chu i hmu ang. Ka unau, nang leh kei, he thu chhiartu mi(sual) zawng zawngte hi chu tlang (Kalvari Tlang) ah ngei chuan khenbeh kan ni tawh a sin. Chu tlang chu chhandamtu LAL ISUA tawrhna tlang ani satliah lo a, Chatuan nunna nei tura nang leh kei ngei pawh khenbeh kan nihna, kan thihna Tlang ngei a ni si. Chumi avang chuan PA hmaah thiamchang kan lo ni ta! Vuak tuar loin chhandam kan ni ta! Khenbeh loin thiam kan chang ta! Hreawm tuar loin chatuan nunna kan chang ta! A va ropui em!
Chumai a nilo… a fapa tawrhna zawng zawng chu kan tawrhnaah a pawm mai niloin, a thawhlehna chu; Thihna hneha ringtute thawhlehna hmahruaitu-ah a la puang ta cheu a, hmangaihna mak tak zawng a lo ni e. A thuk zia teh rual loh, a san zia chhui ruai loh, a ril zia sawi fiah rual loh PA hmangaihna hi…. Nitin a lawm zawng ti a, a duh zawnga nung a, theihtawp mai nilo, theihbak thleng pawh a tana thawk mawlh mawlh tur hi kan va ni tehlul em!
Khawvela cheng kan ni miau a, he khawvel suahsualna chi hrang hrang; itna, chakna leh Setana lawm zawng taka nun pawisak lohna thinlung kan neih ni leh hunte, kan neih changte a la thleng ang. Tunah ngei pawh hian kan lo khawvel ru viau pawh a nithei e? Mahse, “Kalvari Tlang” -ah khan keimah ngei hi khenbeh ka lo nitawh a, ka fel lohnate, bawhchhiatnate leh ka sual zawng zawngte chu khenbeha awmin, phum ka ni tawh si a. Khawvel mi ka nitawh lo a, khawvel thila inhambuai mai mai thei ka nitawh hek lo…ti a, he kan damchhung reilo tèah hian khawvel thilte chu hnungchhawna PA lawm zawnga nitin-a kan nun teih nan – “Kalvari Tlang” chu LAL ISUA tuar lai kan mitthlana Tlang mai nitawhloin, mahni ngei kan inhmuhna “Tlang” leh khenbeh ka nitawh, thi ka ni tawh tih kan inhriatnawn fona tura “Darthlalang Tlang” lo mi mawlh teh se.
Similar Posts:
- KA HRINGNUN HEI HI HRIA LA
- Sunday a ni bawk a
- Thawnthu hlui chul thei lo (Good Friday Pual)
- Beiseina siamtu thawhlehna
- Isua danglam leh ropui bikna (Ro.1:4)
January 24th, 2010 at 8:52 am
10th
FIRST tih nulh nulh Adm-ten an phal tawh lo!
BECAUSE OF CALVARY tih ringawt pawh hi a ropui ka ti! EMPTY TOMB hian a la chek thuk lehzual a … Van hmuna kaltlang tawh Puithiam Lalber Isua Krista kan nei … tia Paula? pawhin AD 68-a a puang zar hman daih tawh kha ropui ka ti a … sualte a tlenfai hnuin … tih thu hi AD 68-a ziak hman diam tawh a ni a, October 22, 1844-ah a thleng famkim chiah tia dawta inlarna hmu ve ngial kha chu —belhchian a dawl hauhvin ka hre lo! Bible thu hi systematic taka RIN TUR!
Pu HV-a hian mi rawn kah zauh zauh a hrat avangin, ka inpho lang ve zauh a ni pah e.
Report this comment
January 24th, 2010 at 8:57 am
Kalvari tlang kan tih hi, Delhi tlang kan tih ang deuh hi niin ka hria. Tlang tak tak a nih awm reng reng ka hre hauh lo.
Kalvari tlang kan han tih hian kan Lal Isua thihna chawi sanna, tih ropuina emaw, chung chuang bik a nih kan sawi lanna a ni thei ang em? Delhi tlang kan tih te pawh chutiang deuh tho chuan, te ka tia…
a tlang lo lai lai tlang kan tih chhan hi kia hai
Engpawh chu lo ni ta sela, enge “tlang” kan tih kher na chhan hi ni ta ang? Aizawl phai, Lunglei phai kan ti ngai der si lo
Report this comment
January 24th, 2010 at 9:15 am
A ropui thei dap dap hle mai a,
Report this comment
January 24th, 2010 at 9:20 am
Evan Vanlalnghaka pawhin a sermon-naah, “Kalvary Tlang hi khawvel tlang zawng zawnga mawi berrrrrrrrrrrrrrrr …” a tih laiin, nu pakhatin, “Hallleluiah …” a rawn ti nghal var a… Vanlalnghaka lahin a sawi tur a la sawi zo lo, a sawi uar ve lutuk khan a sawi tur sentence la sawi zo hman hek loooooo!
Vanlalnghaka’n a sawi zawm leh ta vat chu … “a ni hran chuang lo …” tih a ni!
Nia le, Calvary tih thumal hi Bible Edition tam takah hian a vang riau va; mahse a awmna Bible a awm.
Mizoramah pawh “KALVARY tih a awm lo,” tih changchawia thu sawi Speaker ka tawng fo. Tih tak tak ralah chuan CALVARY awmzia hi LURUH tihna a ni a, Latin tawng a ni a, Medical lamah pawh ‘Calvary’ tiin a zir chiang mai, GOLGOTHA leh CALVARY hi “bawkbawn leh manta” an sawi ang chiah hi a ni mai e.
Report this comment
January 24th, 2010 at 9:24 am
Mizo hi chuan Tlang hi kan ngaina em a ni, Kalvari pawh hi Bible tawngkam pawh a nilo, Latin tawng a mi Isua khenbehna hmun (golgotha) sawi nan a an hman tak niin a lang a. Mahse a tlang emaw ruam emaw pawh nise, a pawimawh zawk chu Chhandamna hna Isuan a rawn thawh tleitlakna hi a ni.
Report this comment
January 24th, 2010 at 9:26 am
Kalvari tlang ai chuan kalvari tlangah eng thil nge thleng tih ngaihtuah teh u.
Report this comment
January 24th, 2010 at 9:34 am
Pathianni tuk a han chhiar dap dap mai chu ava han nuam em ve leeeee…
As_K. i inkhawm dawn em? Keini chu Thalai ho an inkhawmpui dawn a….
Report this comment
January 24th, 2010 at 9:34 am
Mizote thinlungah chuan Kalvari Tlang tih hian sawifiah leh chuan ngailoin achiang tawk mm ani. Hei hi kan thlahtu, ringtu hmasaten thu leh hla min hnutchhiat atanga kan chhawmchhoh zel vangte phawh a nithei ang.
Report this comment
January 24th, 2010 at 9:39 am
Tlang dang zawng zawng aiin a mawi ber a lawm..Hmuifang tlang ai pawh in..mahse a mawi dan a dang e :!:
A post tu hi a ril ru riau thin :!:
Report this comment
January 24th, 2010 at 9:46 am
Symbolical hi a hausa ngai e, Kalvary Tlang hi kan thihna dial, Pathian nena kan inremlehna hi Tholeh Krista Puithiam Lalber rawngbawlna hi chhui thleng phal ila … Rev Thanmawia of Synod pawhin a tawngtainaah “Kan Puithiam Lalber” tiin a chham ve fo, kan Mizo Pathian Fakna Hlaah Puithiam Lalber phuah thleng pha an vang hle …”Kan Puithiam Lalber leh Krista chu” tih phuahtu bak kha ka la hre bleh mang hauh lo! Dr RDT-te an ngawi rei riau mai!
Hebrai Bung 6 atanga Bung 10 inkar i zir ngun ang u … Puithiamn Lalber rawngbawlna tel lovin Dar Maicham leh Thuthlunna Bawm a inzawm theih ngai loh kha hre chiang turin ka duhsak ve a che u.
“Blood shed” piah lamah “Blood sprinkled over the Mercy Seat” kha chhandamna kalphung principle a ni miau … thlarau lama in mit a varna a thlen ngei ang chu le!
Puithiam Lalber chauhvin Pathian awmna a va kal thleng thei, Tholeh Kristâ puithiam lalber rawngbawlna avang chauhvin Pathian nena inpumkhat leh thei kan ni, Kross-a Messia thisen chhuak kha —van-biakbuk chhungrila keng thlenga va theh turin Tholeh Krista kan mamawh phah, HalleluYah, Amen!
Kristiana pawh khan Kalvary tlang atangin VANRAM KAWNG a zawh tan a ni tih lantir tumin John Bunyan pawhin allegory mawi tak —Bedford Lung In atangin, dawizep tak leh mumanga hmuh ang lekin a ziak ngam awrh, in huaisen fe zawk tawh e. Lo zir ngun ang che …
Report this comment
January 24th, 2010 at 10:33 am
grady,#5 “Mahse a tlang emaw ruam emaw pawh nise, a pawimawh zawk chu Chhandamna hna Isuan a rawn thawh tleitlakna hi a ni.” tih hi a dik ka tih rual rualin heti ngawt chuan ka duh hauhlo mai kei zawng. Isuan thihna a hnehna hmun, min tlanna hmun kan sawi tumna a ni mahse, tlang ni silo, tlang kan ti zen mai hi a awmzia ka hre duh a ni.
Naupang lehzual phei chuan tlang tak tak emaw an tih ka ring hlel hauhlo, dawt kan hrilh a ni mai lovang maw. Kalvari kan sermon apiang a tlang ni hleilo tlang ti a dawt kan sawi ziah chuan, a Pathian hnena hruai lut tu tur zawk khan sual kan ti zawk zel a ni mai lo ang maw?
Mizo chauh pawh a ti tu kan ni heklo, Mount calvary ti te pawn mingo ho hian an sawi tho, enge a awmzia hi ka van hre chak tak em?!!
Kalvary tlang case a nih ber chu ka buaina
Report this comment
January 24th, 2010 at 10:44 am
Kalvary phai!
Report this comment
January 24th, 2010 at 10:50 am
Film-ah te leh sundes skul atangte, pulpit atangte “Tlang” vek ani si a, a hmun/ram la hmulo leh a map enthiamlo tan chuan Tlang anga sawiloh chi pawh nilo, kan lo inzirtir dan leh suangtuahna mitthla dan ani miau si a.
Report this comment
January 24th, 2010 at 11:01 am
A tlang Kalvari ah i buai lo ang u. ”Chumi avang chuan PA hmaah thiamchang kan lo ni ta! Vuak tuar loin chhandam kan ni ta! Khenbeh loin thiam kan chang ta! Hreawm tuarloin chatuan nunna kan chang ta! A va ropui em!” AMEN
Report this comment
January 24th, 2010 at 11:15 am
Luke 23:33 , “And when they had come to the place called Calvary, there they crucified Him, and the criminals, one on the right hand and the other on the left” (NKJV).
Report this comment
January 24th, 2010 at 11:18 am
ka ruih alo reh hun ah coment ve chauh ang
Report this comment
January 24th, 2010 at 11:33 am
Champhai pawh tlang pangah a awm a… Zotlang chu phai zawlah…. Delhi tlang pawh phaiah bawk….. hre thiams… :lol: :lol:
Report this comment
January 24th, 2010 at 11:45 am
Chutiangin Khawbung ah pawh chhim lamah hmar hmun a awm a. Phai lamah Zotui a awm bawk. :smile
Report this comment
January 24th, 2010 at 11:49 am
:lol
Report this comment
January 24th, 2010 at 11:52 am
@Samuel, khawbungah eng network service nge om thei? BSNL, Airtel, Tata etc. Thla thar tir hian rawn zin zawk ka tum deuh a…. chuan OT loh nan Kalvary tlang chu kan sawi zawm dawn nia :lol:
Report this comment
January 24th, 2010 at 12:01 pm
KALVARI tlang tihah kan hmin tlang lo a nih chuan Kalvari phaizawl ah pawh kan lungrual chuang lovang! chuvangin kei chuan KALVARI MUAL lam ka va fang thung teh ang.
Evangelist ho lam nuam tih zawng zuiin golgotha tih hmuk ai chuan KALVARI han lam fan raih raih hian thinlung a chhem mawih zawk pawh a ni mahna le.
Kalvari mual ah ngei khan Pa Pathian thinrimna chu leihbuak vekin in a awm tawh a,a kuangbang a awm tawh lo!.Krista kan aia a tuar tak vang a kan hremna tawrh tur hi sut leh emaw dahthat rih/dah bo rih lam ni lovin ;Pa lung Isua zarah a lungawi famkim ta! halleluia.
Kalvari mualah ngei khan Isua Krista khan AMAH chauhin a in theih NO chu a in a,AMAH chauhin a hlan theih a nunna a hlan a,AMAH chauhin a hneh theih indona hnehin ZAWHZAWZO (TELESTETAI) tiin a au thei ta.
Krista khengbettu chu KEIMAH ka ni ti theitu te chu ama rual zelin a thihna ah thi ve in,phum a awmin ,A thawhleh rual a tho ve in chatuan nunna changtu leh tawmpuitu an lo ni tawh.
JOHANA 3:36 ‘Tupawh Fa ring apiangin chatuan nunna an nei tawh’.Chatuan nunna hi thih hnu a chan chauh tur ni lovin Pathian Fapa ringtu te chuan damlai ngei a chan theih leh damlai ngei a in tan a ni.(chhandam nih inhriat kher hi chhandamna erawh a ni lo ve,inhriat erawh hahchawlhna nuam leh thiltihtheihna a awm )
Report this comment
January 24th, 2010 at 12:25 pm
Shailendra,khawbung ah chuan bsnl,reliance,aircel i hmang thei vek ang.Hmun thenkhat ah airtel i hmang thei bawk ang.
Report this comment
January 24th, 2010 at 12:32 pm
#22. ok thanks. Hla Kungpui Mual bul a Tourist Lodge-ah khan a la thlen theih em le o?
Report this comment
January 24th, 2010 at 12:42 pm
Thlen theih e.A hlui kha an thiat vek a.A thar nalh nuam tak a awm tawh a.
Report this comment
January 24th, 2010 at 2:11 pm
A tlailam leh ta ruih mai,ka zu in tran hun, zemabawk kawngpui phei pawh tlailam ni tla tur in a chhun leh Dawn hnai ta.
Kalvary tlang chu sawi ve tawh lo mai ang.
Report this comment
January 24th, 2010 at 3:28 pm
@ma-a; Zu in vang mai mai a Kalvari tlang sawi bang tur kanni hleinem; kan Zu in hian Kalvari tlang ropuina a ti chuai zo hleinem,chu tlangah kan zuin thin te hi a tlengfai tawh a Piangthar tawhin Zu kan in hi sual ani velo piangtharlo Zu in hian sual phah nan an hmangfo zawk alawm
Report this comment
January 24th, 2010 at 3:35 pm
Tu emaw ang deuhin, “Zu no 1 ka in vang hian ka dâk phah dawn lo” ti theuh ila
Report this comment
January 24th, 2010 at 3:40 pm
@thaiboy: Nia a ni viau,viau chu!!
Report this comment
January 24th, 2010 at 4:03 pm
Eheu,Good friday a hnai leh tawh elo?.A piang chauh emaw tia Kalvari kan tih leh tak.he he.good sunday hman nuam vek u..
Report this comment
January 24th, 2010 at 4:10 pm
kalvari dancer
Report this comment
January 24th, 2010 at 4:25 pm
@kawlhawk, sermon ropui leh tawikim si i va han chhawp chhuak mawi thiam ve le! A ropui thin e!
@chawnghilh-an a han comment tui hnang leh ngei a, thalrau a va fah ve le! Vawiin Pathianni nen pawh a inhmeh khawp mai.
“Thu mak ka sawi nin theih loh chu,
Kalvari chanchin a ni”, tih hi kei pawh ka thunawn a ni e!
Report this comment
January 24th, 2010 at 9:24 pm
shailendra #17 Champhai khua chu a thlang phai an phuah chhan a ni tih i hre reng. Chutiang bawkin Kalvary tlang kan tih chhan hi hriat ve hrim2 ka chak tlat, Pathian thu lam vang lo hrim hrim pawn.
darchhunval, hmin leh hmin loh lam chu thuhran nise, “tlang” tih Kristian ten kan hman chhan hi ka hre chak mai a ni. A thu hrim ah hriat loh sermon sek hi mahni sawi lai pawh hrelo nihna a ni thei mai lovang maw?
kawlhawk ka tihna lam a nilo, khawvel Kristian te hian kan hmang vek, a lo chhuah na a sap tawng takin, a “ORIGIN” hi hriat ka chak ve mai a ni e.
Report this comment
January 24th, 2010 at 10:30 pm
Tlang hrim2 hi a mawi a lo nia nge!Khawvel hmun mawi an tih hi phaizawl nilo in tlangram deuh vek hi a lo ni hrim2 awm a!chu vang tak chuan kalvary tlang,lunghnur lo in,hruikhat vuan in, i vuah thar leh teh ang u!!kalvary phai,kalvary mual,kalvary ruam tih zawng2 hnawl in…auh.
Report this comment
January 24th, 2010 at 11:26 pm
Aw tlangmawi Kalvari tih tui mm a sa ho chuan kan thu leh hla hi an eilo khop ang le. Darthlalanga hian za-a-za chu kan inhmu fiah miah lo na-in a tam zawk kan hmel hmang hi chu kan inhmu, hetiang zat tal hian :Lal isuan kan tana a inpekna hi hmu chiang ila chu kan sual nep deuh ang mawle
Report this comment
January 24th, 2010 at 11:30 pm
Suahsual lam thil a ni law, chhan awm tur ngeia ka ngaih avanga zawt mai ka ni. Mizo chauh hmang tu kan ni tlatlo… Kalvari tlang/mount of Calvary etc.
Report this comment
January 24th, 2010 at 11:35 pm
Kalvary Tlang atanga chhuah lamah Olivet Tlang a awm ve leh a. Kalvary hian min tlan nana a thih leh thawhlehna min thlir chiantir se, Olivet Tlang hian a lo kal LEHNA thleng tep min thlirtir bawk rawh se.
Juda-te pawhin thawhlehna an beisei a, Olive tlang Jerusalem khawpui rawn chhawng lamah an inphum nasa hle, taia-pa pawhin thawkkhat lai khan a thlalak a rawn post tawh kha.
Olive tlanga Isua Kristan a ke a rawn nghah hunah chuan, Golden Gate (tuna inkhar phui) hi paltlang ngeia Jerusalem khuaa Messia a luh hi Juda-ten an beisei a, Olive tlang leh Golden Gate (Kawngkhar Mawi) inkara thlan (graves)-te chu a kal pelh mai mai an ring lo, a kaihthawh an inbeisei avanga inphum an ni bawk a ni.
Golden Gate inkhar rih pawh Isua rawn kal leh hunah chuan a inhawn ngei an beisei … Nangni kawngkhar hlunte u, inchawisang ula … Ropuina Lal hi a lo lut dawn nia … Ropuina Lal chu tunge ni, LALPA chak tak leh thiltithei tak, …indonaa … tih thu Sam Fakna Hla-ah kan hriat thin kha!
Report this comment
January 24th, 2010 at 11:41 pm
hei hi ka hmu e huissss.
https://www.newadvent.org/cathen/03191a.htm
Report this comment