Ka va han inthlahrung deuh em… hemi post han hawng tur hian… mahse mygurl kha ka lo tiam ve lak lawh tawh si a… :lol:
Fiara hi fahrah.. hmeithai fapa ti a sawi thin a ni a. Tunhma chuan Farkawn leh Vaphai bawr vel a khawsa ni a sawi an ni. A chenna khuaah chuan, tunhma Mizo zia ang ngei in, fahrah, hmeithai fa lehnghal chu an chan a sang ngai lo a.
An nitin khawsakah harsatna an tawk fo thin… Tui chawi nikhua te pawhin hmeithaifa chuan tui kang an nghak rei bik thin. Hetiang din hmun a ding hi a ni a. Tumkhat chu a ramvak/ramkal in tuikhur, fianrial tak mai, a tui pawh fim, thiang tak mai hi a hmu chhuak ta hlauh mai a.
Chumi tui chu Tan-kham/tlang atanga rawn luangchhuak ni a sawi a ni. Tichuan, midang hrilh lem lo in chu tui chu a va chawi ta mai thin a. Hmun ualau a nih loh avangin midangin an hre chhuak ve mai thei lo. Tui a thal hnu chuan hnahchhawlin, a tui khur, tuifim tak lo tlin piauna chu a chhilh leh thin an ti.
He picture hi Farkawn khaw dai ami a ni. Tunhnuah a tuikhur hi cemented in, hetiang hian siam that a ni. Picture lai tak zawn vel a var deuh re re khi, a tuikhur hmun (tun hnu a cemented) chu a ni e..
click pics for larger size
Fiara-tui awmna hmun hi hmun 2 -ah in pawh/ in chuh dunna a awm. Farkawn daiah leh Vaphai daiah. Hetah hi chuan, helai hmun a seilian ka nih loh avangin hei zawk hi a ni a, hei hi chu a nilo tiin kei chuan ka sawi thei miah lo. Heng hmun 2 a ka va kalna atanga ka thlalak ve ve te ka rawn pho lang ang. A hrezawk te ngaih dan dan kha ka sawisel dawn lo.
Vaphai khaw daia Fiara tui ni a sawi chu hei hi a ni e. Naupang dinglam zawn, a lungpui bul thut lai/ lungpui hnuai khi a tui tling han suah chhuahna hmun ni a sawi chu a ni e… tin, naupang hma lam a lungpui hnuai khi a ui lo bawhna thin ti a sawi a ni.
(ps. he post hi keini, historian ni lem lo te’n a kan hmuh ve dan han tarlanna mai a ni. Inhnialna lo chhuak thei lakah mawh ka phur lo e…)
Similar Posts:
- Fiara tui
- FIARA TUI
- MZP hruaitu Farkawn kalte hawng lam Vaphaiin lo chang?
- Lamsial Puk
- Mizo landmark #2
October 13th, 2017 at 2:46 pm
[…] Fiara Tui… […]