IN PAWLAH KA LO TEL VE
~ Afaka, Saron Veng.
M.N.F Sawrkar an her liam a, Congress Sawrkar an rawn chhuak hlawl mai, inthlan lai vel khan “Ni a chhuak dawn e” an ti luai luai emaw ka lo ti a. Mahse, hei kha Ni kha a hmanhmawh vak lo a ni ang e, a sawitute an hlima an hmanhmawh teh reng nen a ti ang lo khawp mai. Zawlnei der a siam teuh ringawt a nih hi; ka chhungkhat hnaivai takteah hian Politician challang tak te, challang lem lote pawh an awm ve nuk mai, chuti ang chhungkua zinga mi chu ni ve bawk mahila kei erawh siai chu ni ila neutral siai ka ni ang
Amaherawhchu, kan ram hmangaihtute che vel hi phak ang tawka ka thlir ve chang hian ram hmangaih ve mai hi a hlawk dawn ta riauvin ka hria a, chuvang chuan khawi party-ah emaw ber hian tel ve ka duh ta a ni, han tel maina tur ka hriat loh avangin chanchinbu kaltlang hian ka rawn in advertise a, in duhzawng ka lo nih hlauh chuan min rawn be pawp ve tawh mai dawn nia, mahse in party-a ka lo tel chuan in-candidate ve ngei ka duh dawn a, seat chu min pek ve ka beisei tlat dawn a ni, inthlan leh huna in Party candidate ka nih chuan heti ang hi politics ka khelh dan tur chu a ni :
1) Vote thlak hma chu Angel ten min awmpui reng emaw tih mai tur khawpin ka nui sang reng ang a, milian leh te ka thliar rih dawn lo inthlan hma chu! Tin, hmelhriat leh hriat lem loh te, tun hmaa ka lo kal pelh thin mai maite pawh kha nui sang chungin ka chibai deuh reng bawk anga, mahse min lo thlang tling anih vaih chuan tumah ka hre zui tawh hauh lovang, chibai chu sawi loh nuih pawh ka nuih tawh tur a ni lo.
2) Tanpui ngai mirethei leh chanhai inhriat chuan min rawn hrilh zel ula, midangte hriat ngei ngei turin ka lo tanpui zel ang mahse midangin an hriat dawn lem loh chuan min rawn hrilh buai duh suh u, chubakah, ka in-candidate tumna bialah chhiat tawk an awm ngat phei chuan min rawn hrilh vat ula ka tanpui ngei an ngai a nia.
3) Campaing-na thu leh hla lamah kha chuan min ngaihtuah hauh suh u, mipuite chu ka tiln theihna tur a nih dawn phawt chuan ka bum zaih zaih mai ang, engpawh “I ti angem?” min tih apiang a tha lam hawi a nih phawt chuan ka vei zawng tak a nih thu ka lo hrilh zel ang a. Tin, tuten emaw Contract leh hna lam chi reng reng min lo dil lawk a nih chuan min vote dawn phawt chuan lo lungngai rih lo phawt turin ka hrilh zel bawk ang. Amaherawhchu, ka tling a nih phawt chuan ka chhungkhat hnaivai leh ka duh sak zual deuhte bak ka pe chuang miah lovang.
Ka khingpuite chu an that lohna lai leh an tih sual lai chu ka chang ran ang a, mipui hmaah ka sawisel reng bawk ang. Chumai chu duh tawk lovin dawtte paw’n ka puh deuh zauh zauh bawk ang a. Tin, anni paw’n min sawisel ve ngei dawn a, ka huatzawng an sawi vaih chuan ka tlin hunah a ni mai… Ka in-candidate takah chuan cable T.V-te leh chanchinbu lam te paw’n min rawn kawm ngei ang a, chutih hunah chuan ka tih loh tur tha deuh deuh ka sawi vak vak ang. Mahse Pathian nungin Mizoram a hmangaih ziate, kan sual ziate, Israel Parliament, hmasawnna a zuanin a zuang, Pathianin in-candidate turin min ti tih vel chu ka sawi ve lovang.
4) College S.U leh M.Z.P lama mitam zawk ten anmahni tana tangkai tur chauh an be tha a, zak map lova chhawr tum rana thiana an siam zung zung ang hian ka tana tangkai turte chauh ka be tha hawrh hawrh ang a, tangkai lem lo tur te chu engatanmah ka ti lovang.
5) Politics hi ram siamthat nana hmang lovin ka u leh nau, thian tha, ka nupuite chhung, ka makpa, ka monu, ka tu leh fa te leh ka chhungkhat laina hnai deuh te siam that nan ka hmang ang a. Tin, ka Campaigner duhsak zualte pawh vawi hnih/khat vel chu an lungawi nan hna ka pe bawk ang, a va tlem awm ve in ti mai thei, a chhan chu anni paw’n min duhsak vang leh ram hmangaih vang em em pawh ni lovin hna an duh vang chauha min campaing pui mai mai an ni tih ka hriat ve kar avang in Contract ther hlo te te bak engmah ka pe lovang.
6) Min vote turin mi khawngaihna ka dil vak vak ang a, mahse ka lo tling anih hlauh chuan miten khawngaih min rawn dil ve tawh thung dawn a ni, khawngaih ka dilte pawh kha an rawn lang ve ngei ang a, amaherawhchu ka khawngaih let ve tawh hauh lovang, zingkarah Pi tar putar khawngaih thlak awm tak tak te mut rei ka duh avangin ka Bangla kawtah ka in nghah tir thup reng bawk ang a, tichuan ka hnena an thil rawn sawi te pawh kan ti ang ti chung zelin engmah ka tih sak chuang lovang, an lawm nan lekhate chu ka ziah sak ve ang a, mahse Phonein “Lo pe suh u”, ka ti zel ang.
7) Ka lo tling a nih chuan hna ruakte chu pawisa anih loh paw’n In hmunin ka lei tir thin ang a, Written test leh Personal Interview tih velte chu ka tan chinfel a harsa tawh love.
Langsar si loin ka eiruk theih theih ka ei ru ang a, lo langsar ta pawh nise tunlaiah midang eiru langsar deuh deuhte pawh engtin mah an tih theih chuan tak tak loh hi, chuvang chuan lo langsar palh pawh nise ka hlau teh chiam lo, chubakah engpawh lo tisual ni ila tuman min ngam dawn hek lo, min man pawh nise Central Jail ka thleng teuh lo mai, an man chhunte paw’n Central Jail em chu an la thlen loh hi. Tin, ka tlak hma chu ka in chhek nghah hman viau tur a ni ringawt, achhan chu ka lo rethei rei ve tawh bawk em a ni.
9) Ka hnuaiah emaw ka thawhpuiteah midik deuh ka kawng dal thei an awm anih chuan hmun dang a transfer a ni mai, har lo lutuk. Tin, ka chhungte, Party workers leh ka thian hnaivai deuh ten Officer huat zawng an nei anih paw’n ka sawn sak hmiah hmiah zel ang, Tawngkawlawng-ah a ni mai…
10) Ka inti lal hle tur a ni, Traffic zam karahte pawh ka tlan deuh fua fua ang a, thil pawimawhte chu a awm tak meuh mai, kei chu pawimawh vak lem loah pawh ka tlan fua fua zel mai dawn a ni. chubakah min vengtu Police te chu ka nupui tirhkual vel tur te an ni a, kei ai chuan kan nu kha a lal hmel tawh dawn zawk a, achhanchu Minister emaw a inti tawh mai dawn a ni.
11) Ka eiruk thup nan Kohhran-ho zingah ka tel ngei ngei a ngai dawn a, thawhlawm ka thawh deuh teuh teuh ang a, a dik a ni mai, tichuan chanvo min bel theuh tawh mai ang, chubakah Y.M.A te K.T.P leh pawl dang tanpui ngai an awm chuan ka tanpui deuh zeuh zeuh bawk ang.
12) Ka tlin zel theih nan ka bialte erawh chu ka vur hle tur a ni, thlan nawn leh loh chi hauh loh khawp a thain ka bialte chu ka thuam tha ang a. chu chauh chu ka thawh that awm chhun a ni mahna.
Party tinte u, hetiang mi hi induh zawng takni berin ka hriaa, chuvang chuan hetiang hi ni thei turin ka inbuatsaih mek a ni, tunlaiah mitha leh midikte an hnawk tawh bawk si a, an dik zawh pauh leh mi tam tak tan an hnawk zel mai si, chuvang chuan mitha leh dik nih ai chuan dik loh law law ka thlang ta zawk a ni. achhanchu dik taka ka thawh chuan inhlawk thei dawn si loa, min duh loh mai ka hlau em a ni, in pawlah min la lut anih chuan in duh zawng tak mi ka ni thei ngei ang, mahse han luh mai na tur ka hriat loh avangin Political paty-te u, In pawlah ka lo tel ve.
January 31st, 2010 at 11:06 am
lo tel ve rawh :oops: kan chhiar tha leh lawks….
Report this comment
January 31st, 2010 at 11:18 am
“kan ram hmangaihtute che vel hi phak ang tawka ka thlir ve chang hian ram hmangaih ve mai hi a hlawk dawn ta riauvin ka hria…dik taka ka thawh chuan inhlawk thei dawn si loa, min duh loh mai ka hlau em a ni, in pawlah min la lut anih chuan in duh zawng tak mi ka ni thei ngei ang, mahse han luh mai na tur ka hriat loh avangin Political paty-te u, In pawlah ka lo tel ve.”
A negative zawnga lak chuan engmah hi engmah lo vek a ni. Mitin ten kan thlan tlin te hi kan thlawp lova sawisel na tur kan hriat hle ringawt/zawn zel chuan hna thawh tir theih ngaihna a awmlo. Engmah/eng hna mah hi vawileh khata Mizopa duh anga ni nghal thei a awm lo. Kan thlang tlinga, kan rel zui nghal a, kan phun a puih kan tum chuang silo. Ralah kan ang a, an mahni hriatah tha taka thlen awmlem silo. Hna thawh that aiin hlawh pun kan dil, hna ah phun reng bang ngam tawp silo. huiham.
Report this comment
January 31st, 2010 at 11:29 am
Lo tel ve lo ang, nangmah ang hi kan tam tawh!
Report this comment
January 31st, 2010 at 11:40 am
political party mi leh sa kan va nih dan hi duhthu a va la sam lo em. party mi, a nawlpui hi chuan engemaw ther hlo kan beisei vang a ni. Ram hnuk a khawihpha lo. Ther hlo buai pui ngai lo tur a ‘pawl pawl ti lo pawl’ a ka la awmthei hi vannei ka va han inti tak em !!
Report this comment
January 31st, 2010 at 11:42 am
tam tawh mah ulang hotu te ministe ah rau 2 poh cm tlawn thiam i nih loh chuan dept khoro an enkawl tir che ang a nang poh khawro bawk bial poh khawro bawk term leh ah chuan Ex MLA tih i kawngka luchungah a in tar va ang a minister lai a salut trhin te nen kawt lai ah in in mipangngai pelh fo ang zahthlak duh viau tur a sin.
Report this comment
January 31st, 2010 at 11:55 am
Inkhawm tlanbo ho kha in tel ve dawn em?
Report this comment
January 31st, 2010 at 12:09 pm
vaiva. Va reh ve? Inkhawm chhung in i Mafia leh dawn em? :lol:
Report this comment
January 31st, 2010 at 12:16 pm
Ha ha ka reh hlei nem! Hei background ah kan lo edit char char lawm
Tlaiah kan inkhawm lawm keini chu :roll:
Report this comment
January 31st, 2010 at 12:20 pm
Party workers induhsak na khawvel ah hian ram nge an hmangaih mipui nge mahni puipui emaw mahni duhsak bik dinhmun sawhngheh pui theih le?
Ka pawl tel ve duhna chu mipui rawngbawl tur rinawm leh huaisen leh hleih nei lova rawngbawl duh hi ka tel duhna ani. Tuna kan hmuhphak chin hi chu party workers leh a thunei deuh te’n duhsak bik neia ro an rel thrin avang hian sim tur ang ngah ka ti.
Mahse sim trul ani tih erawh kan thlirna tlang atrang ng hian an thlir ve lo maithei thung.Chuvangin mi(sual0 pawlah hian lo tel ve phawt mai teh, kan tui phian ania
Report this comment
January 31st, 2010 at 12:34 pm
Misualah lo tel phawt la,chuan political party lamah aw niang :lol:
Report this comment
January 31st, 2010 at 12:46 pm
Misual party kan din hunah i lo telve dawn nia,assistant member atan.
Report this comment
January 31st, 2010 at 12:47 pm
Tun a kan politrcikthiams ho awm loh hunah pawl kan din ve ang RAM HMANGAIHTU dik tak ho in chu chuan dikna leh rinawm naa dah lal ber ang NGO emaw Kohran hruaitu an nih mai vang in an dah lak hek lo vang DAN chiah a la ang
Pensoner hausa kan tel ve tir lo ang
pu HV,Chawnghilh a ten USA lam thiamna an apply anga tin Aryan in Australia lam ran vuldan te leh kangaroo hman trangkai dan te a thiam kan chhawt trang kai bawk ang
women comisson chairman ah Thaiboy a kan dah ang kan ho tu ber tur a tan chuan pu te MZ.Xaia,Shailendra ,kawlhawk pawh poultry lam i/c ah duh leh vaireng gate ar checktu ah lalber ah kan dah ang hahahahhah
Report this comment
January 31st, 2010 at 12:49 pm
Sawrkar hian hmalakna tur hi a ngah lutuk hrat ka ti. Mipuiin tih tur kan nei lo, sawrkarin hmala se tih a ni zel ringawt
Report this comment
January 31st, 2010 at 1:03 pm
‘Dik na a fam ta, fel na a tlawm ta’ Tunah hian enge kan an zel dawn i lo thlir reng teh ang..
Report this comment
January 31st, 2010 at 1:49 pm
Party worker tha tak tur tawk vela mipuiin kan ngaih ten MLA candidate an han chuh ve tlat thrin hi a zialo thrin khop mai. A khel ho hian an calibre an hriat a pawimawh, MLA tura mipuiin kan dah miah loh ten an han chuh ve ngawt zel hi chu mi nuih an ti za.
Report this comment
January 31st, 2010 at 2:06 pm
@ afaka, ziak tha hle mai, hei hi chu politician nih tum te’n guide book nge manual a tan hmang se a tha ang :-)lolz…
Report this comment
January 31st, 2010 at 2:14 pm
new kawmar ah chuan duh aiin thuhla i ngah mah2, i thu erawh a tha phian e.
Report this comment
January 31st, 2010 at 2:17 pm
Party zuan lawr ho hi ram an hmangaih vang ni lovin an pumpui hmachhuan chunga thil ti an niin ka hria. Kan politician zingah hian ram leh hnam hmangaih vang politics khel an va vang dawn tak!!
Report this comment
January 31st, 2010 at 2:30 pm
muante, 2 party system hian kal ta ila kan zia phian zawk law’ng maw? A nih loh paw’n Dictator, ram leh hnam hmangaihnaa khat tlat, mizo hnam chawisan atchilh talt mi hian min hrual tak2 se… te ka ti thin.
Report this comment
January 31st, 2010 at 2:39 pm
@kawlhawk, Bi-Party system hi kan thiam dawn phawt chuan a tha khawp ang chu.
Report this comment
January 31st, 2010 at 2:49 pm
Muante, kan misual sr te hi sawm ila, party i din ang u hmiang? Mla 1 kan neihtheih phwt chuan tun ang mai2 chuan kn rethei bik lo tawp ang le..
Report this comment
January 31st, 2010 at 3:03 pm
@kawlhawk, chu chu alawm ka sawi thin. Pu mzvision hi voluntary in pension mai se. Vety, Agriculture, medical, education etc. lamah mithiam kan nei sa a, kan hlawhtlin loh chuan a mak khawp ang. Kan nu ho zingah pawh Ph.D ngatte pawh kan nei a nia. Pu Hawla chuan min huphurh ang chu aw.. :lol:
Report this comment
January 31st, 2010 at 3:29 pm
Muante, hei hi khunkhan takin ila sawidun ang hmiang? Tu huat thu nilo se, bjp, ljd, ect…mah an ding ngam alawm le tiraw? MLA 1 neih hi thil harsa mm tur niin ka hre ta lo?
Report this comment
January 31st, 2010 at 3:32 pm
Ekhai din teh tak ang u,misual party eh..member tur pawh kan tam ngawt ang.mahse ZKP kan ang leh si angah..
Report this comment
January 31st, 2010 at 3:32 pm
Kan ram hmangaihtu inti Politician tam takte hian rorelna fawng an han vawn chiah hi chuan kan ram hi an sawr fu a, an zut filh a, an rap hrual nek a, an chhir let a, an vaw sawm a, an sawp chau va, an fep fu leh thin!!! An ei bang nawi, dawhkan atanga lo tla chu keini mipuiten kan lo inchuh ve ham ham thin a ni !
A va ropui em!! :mrgreen:
Report this comment
January 31st, 2010 at 3:39 pm
@kawlhawk, kan MI theih hunah kan sawi dawn nia. Kan chhe lo khawp ang.
Report this comment
January 31st, 2010 at 3:52 pm
pu keimah, chuti chuan…an ni an thua mum kung2a, mihring hmel a thlak theih loh/ siam that theih loh…ti ho hnial nan, tran fuang atana kawh nawlh2 tlak tur khwpin an tha/ danglam thei a tiraw… Bush-a, pa te satha, a ma tawka inkhaithli thler thlawr, hmel fai vang thin kha trem khat ram a hruai meuh chuan a tar bawi a, a pawr chhap a… Tony Blair, naupangte si khan ram leh hnam a’n phurh meuh chuan a tar bawi(h) bawka. Ram hmangaih theuh2 hi an va lo inang lo thei em!
Report this comment
January 31st, 2010 at 4:30 pm
@kawlhawk, kan ram hi a lo thau a niang! Babutea te hovin a thau an han sawk thla a, an han keih hmak hmak a, an han chawm a, an han hawp bawk a.. rawtuai ei hun laia biang thawp sat thinte chu biang ki pawh nei lo khawpin, ram theh mual tha thlan fuh ang maiin a mam pur tawh mai a nih hi!! An han nui te pawh biang sum nei kalh kalhin an nui tawh mai!!!
Report this comment
January 31st, 2010 at 4:46 pm
:sad: :cry:
Report this comment
January 31st, 2010 at 6:49 pm
Politician-te hian ram an hmangaih lo ani hlei nem,tihtak em ah te chuan!Ram an hmangaih em em a ni!mahse a ai a hmangaih dang an nei mai a nia!An thil hmangaih dan indawt ni a ka hriat:
1)An mahni chhungkua
2)An chhung khat laina
3)An campaigner
4)party mi leh sa
5)An MLA bial
6)Ram leh hnam.
An campaign lai chuan a hnuhnung ber a mi hi an dah hmasa ber in an sawi nasa thrin hle.
Report this comment
January 31st, 2010 at 6:55 pm
nia
Report this comment
January 31st, 2010 at 9:52 pm
Nia, misual ho i Party mai angu!!lol
Taktak nie, pu Mzvision-a te, Pu HV-a, Pu Chawnghilh-a, Pu muantea, Pu Kawlhawk-a te Pu shailendra!! Pu Thaiboy-a te etc ho misual dot members ho zawng2 ten Party din bur i la, MLA chu Pahnih thum kan sualchhuak hrim hrim ang ka ti!!..
Nikuma, UDA ai khan kan thawk thra phian in, mipui te zingah kan tlana phian maithei asin!!!:D
Ahnuai amite ho Campaign na tur bial lo ngaihtuah lawksa ang. LOL
1.Pu Muantea hi Lunglei lamah kan campaign pui ang!
2.Pu Mzvision-a campaign na tur lo ngaihtuah ula.
3.Pu Chawnghilh-a pawh
4.Pu Hv-a
5.Pu kawlhawk
6.Pu Thaiboy-a
7.Pu shailendra
An dinna tur bial te,an tlaknatna laiber tur a in ngaihdan kha han phorhchhuak u la. Tun a trang hian Campaign kan tran puiang, Election leh hunah chuan MLA misual dot a trang hian kan vawrhchhuak thei hrim hrim ang.
Report this comment
January 31st, 2010 at 10:13 pm
Flying, va nuam dawn ve!! Kei chu tuikuk tamnaah ka ding ang, tuikuk dèk dan ka thiam hehe.. :evil:
Report this comment
February 1st, 2010 at 1:23 am
@kawlhawk: Ni e, aram chhunga awmte kha han in hmu hlawm u la rampawn lama awmte nen kan thawk ho anga, kan in support anga, kan hriat hriat in share hlawmi la tah chuan Zoram chu khua a var mai ang!!. Tun zoram a kan political Party ho chuan pawnlam mi te ngaihdan leh hmuh dan, thiamna leh finna ramdang a thil tha an sawi kan rama Apply ve theihreng te an Apply duh chuangsi lo a nangni tal in han buaipui ula. Contribution thra tak tak kan hmu nge ang mawle.
Report this comment
February 1st, 2010 at 1:30 am
kan ram politics khawvel corrupt tawh lutuk leh eiruk hluar lutuk nachhan te, kawng tam tak a hma kan sawn theih loh na chhan te, etc etc hi chu keini mipui ho vang hi ani ka ti ve tlats.
Class 11 a kan zirlai english textbook cover chuan “I am the people” a ti… ngaihtuah a ti thui hle mai
Report this comment
February 1st, 2010 at 6:36 am
High School kan kal laia essay kan inziahsiak thin pakhat chu, “If I were the Chief Minister of Mizoram,” tih a ni.
Khatih hun laia kan high school essay ziak ve mai mai leh tlachawp kha—tunlaia a taka kan hmuhte ai hian—kan lo ziak advanced mah mah zawk asin le! A tak rama chet hi a har a niang, Politician-te dem lo ila, mipuiin kan zir lo em a ni ta ber e.
Report this comment
February 1st, 2010 at 7:49 am
Mipuiin kan ram kan hmangaih tawk lova, politiciante pawhin an hmangaih em em chuang lo, an thiltih hi kan hmu lian mai a ni lo maw, kan bawlhhlawh paih duh dan rte, kan ram lui leh ngaw kan suasam danah te hian indem thei kan awm chuang em maw ni le
Report this comment
February 1st, 2010 at 8:16 am
Kei chuan mipui hi ka dem lo. Ram hmangaih inti politician kan nei tam tawk a, hengho hian atakin ram hi hmangaih se mipui chu min hruai thra duak mai ang. Kan ram politics hi a tobul (Mizo Union) atrang khan a dik tawh loin ka hria.
Report this comment
June 21st, 2012 at 3:20 am
Ka la chhiar hman ve hauh lo mai.
Report this comment