– Wg. Cdr. Lalzawma, Venghlui, taken from Vanglaini.org
1966 March thlabula Aizawl (Mizoram) Jet Fighter hmanga beih a nih chungchang hi fiahfai deuhva sawi chhuah tulin ka hria a. Ka hriat sual loh chuan hetih lai hian Indian Air Force-ah Mizo Commissioned Officer pahnih chauh kan la awm a, officer junior tak kan la ni nghe nghe. Wg. Cdr. (Rtd) Lalnghinglova leh Wg. Cdr. (Rtd) Lalzawma te kan ni.
Pu Nghinglova hi Agra-ah 19 Squadron-a awm a ni a, kei erawhchu Assam-a Air Force Station pakhat 11 (Eleven) Wing-a awm ka ni. Pu Nghinglova awmna hi a hlat deuh avangin Mizoram Air Operation a hrechiang lutuk lo mai thei.
Kei erawhchu vanduai vang nge vanneih vang pawh ka hre lo, kha Operation kha ka awmna 11 (Eleven) Wing atanga hmalak a ni tlat mai a, tin, hei mai hi ni lovin Officer Junior te mah ni ila Air Operation and Air Movement khawihtu zingah ka tel ve a, nuam lo pawh ka ti khawp mai thin.
Mizoram Operation chungchang han sawi changte phei hi chuan thin pawh a chhe duh khawp mai. |umkhat phei chu tum lawk pawh awm hauh lovin Flying Officer Bamzai ka hnek phah hrep nghe nghe a ni, tin, Volley Ball khelhnaah Fit. Lt. Deshpande pawh ka thuai hrep mai a, a zia lo khawp mai.
Aw le, fiah deuh taka han sawi ka duh chu – Aizawl (Mizoram) Bomb a ni lo tih hi a ni. Jet Fighter leh Bomber ten khatihlaia Bomb an hman thin kha 250 Pounder, 500 Pounder, 1000 Pounder etc. te an ni. Hetiang hi Mizoram beih nan hman a ni lo. Chuvangchuan “Aizawl Bomb” a ni tih hi thil dik lo a ni.
Aizawl beitu Jet Fighter-te ralthuam hman kha 60MMRP (Rocket Propelled) a ni a, hetiang Rocket hi tunah chuan Obsolete (thil hlui) a ni tawh. Tin, FG (Front Gun), Machine Gun ti ila kan hrethiam mai awm e, hengte hi hman an ni. 60 MMRP aia lian hman a ni lo, Bomb hman a ni lo. Maneacher rifle-in min kap sela, Laipuiin min hnawl rup mai tih te nen pawh a inang deuh awm e. 60MMRP (Rocket Propelled) Shell ruak hi hun mawi atan Venghlui ka Sitting room-ah ka dah nghe nghe a, hmuh theihin a awm.
Meghalaya Legislatures ten Aizawl Bomb na them tia Assembly House-a an lek chhuah te kha Bomb them ni lovin 60MMRP Shell them a ni zawk. Jet Fighter chi hnih – Hunters leh Toofanis (French Oregan) te hman an ni. Hunters hian 60MMRP bakah Machine Gun 20MM Calliber FG (Front Gun) a hmang a, Toofanis hian 60MMRP bakah 16MM a hmang ve thung.
60MMRP leh 20 & 16MM FG rounds (Silai mu) te hi HE (High Explosive) vek an ni a, an target a va fuh hian nasa takin a explode (puak darh) leh a, chuvangchuan a thawk na em em a ni. Hunters Fighter hi British siam a ni a, Toofanis Fighter hi French siam a ni thung, tunah chuan hman an ni tawh lo. Sub-sonic (ri aia speed chak lo) ve ve an ni a, Hunters erawh hi chu a dive-in Super-sonic (ri aia chak) a ni.
Indopui II (2nd World War) lai khan Kumbhigram khu Operational Base lian zet mai a ni a, thlawhna Squadron nga (5) teh meuh a awm thin. Indopui zawh kha chuan enkawl zui a ni ta lova, nikhatah Indian Airlines Dakota vawikhat emaw vel chu a rawn operate thin awm e.
Khatia Mizoram Jet Fighter hmanga beih a tul tak khan Operational Base a chawp leh chilh han siam mai chu thil hautak zet a ni. Group Captain JJ Bouche (Anglo Indian) Station Commander-ah dah nghal a ni a, Jet Fighter Operate-na tur a buaipui nghal a ni. Hetiang thil buaipui tur hian kei pawh rei vak lo chu Kumbhigram-ah hian ka han awm ve a, nuam lo ka ti khawp mai.
Runway hi Feet 6000 (sangruk) leka sei a ni a (Lengpui hi Feet 8200 a ni) Hunters tan hman theih a ni lova, Toofanis tan fimkhur taka hman theih hram a ni. Tichuan ka awmna 11 (Eleven) Wing atangin 29 Toofanis Squadron atangin Fighter 6 vel detachment a kal tir nghal an ni a, hei hian Aizawl a han bei ta a ni. Tin, Jorhat atangin 17 Hunters Squadron hmangin Direct Operation ti tura tih an ni ta a, an thlawh rei theih nan Drop Tank (Extra Fuel) kengin Jorhat atangin chawl lovin an han bei ve leh ta bawk a ni.
Jet Fighter hmanga Aizawl beih a tulna chhan chu khatihlaia Assam Rifles ho kha tuna Commandant Office etc. awmna tlang (Vanapa Hall) chhakah chhuak thei lova dan beh an nih vang a ni. Amaherawhchu, Assam Rifles WT (wireless) tih chhiat a ni lova chuvangchuan Zoram pawn lamah “Distress Message (SOS)” an thawn chhuak thei reng a, tin, Silchar – Aizawl kawngpui dan chah a ni bawk a rangtakin Army Operation thlak theih a ni bawk lo a, Jet Fighter hman a tul ta a ni.
Mizoram Operation-ah khan Bomb hman a ni lova, Mizoram Jet Fighter-in a Bomb tia sawi hi Technically & Scientifically-in a dik thei lova, hun lo la kal zela kan sawinaah pawh Mizoram (Aizawl) Jet Fighter hmanga beih, tiin sawi ila, record-ah leh History-ah pawh hetianga ziah hi ni ngei sela a dik ang.
5th March ‘Zoram Ni’ tia hman naah pawh hian hetianga sawi hi ni sela a dik ang. 1-000 Pounder Bomb pahnih vel lek pawh Dawrpui phei beih nan hian thlak lo ni ta sela a sawp chu nasa tak a ni ang a, in ding hmuh tur alawi a awm lovang a, a vaivut deuh dup mai ang.
Hetih lai hian IAF hian Jet Bomber a hman chu Canberra Bomber a ni. Squadron thum (3) a nei a, pakhat Poona (Pune a la ni lo) ah, pakhat dang Agra-ah a pathumna Kalaikunda (W.Bengal) ah te based an ni. Heng Jet Bomber te hi Mizoram beih nan hman an ni lo. Hemi chungchang hi tunah leh hun lo la kal zel tur atana dik zawk leh fiah zawk, a nih dan tak kan hriatthiam theihna tura hetianga han ziak hi ka ni e. Hrechiang leh zual duh tan englai pawha zawh theih reng ka ni.
Similar Posts:
- Aizawl a bomb an ti…
- Mizote thlawhna hmanga min beih lai in Naxal te erawh beih an ni ve dawn lo!!!!
- Help: Aizawl an bomb chungchang kha…
- “Head-Hunters” Mizote hi kan ni lo
- March 5, 1996 hraitreng nan “Zoram Ni”
February 27th, 2010 at 12:11 am
He thuziak chungchang hi midang sawi tur an neih ka ring. A nih leh India hian India ram chhungah ama mi ngei beih nan JET fighter hrim hrim hi engzat nge a chelek tawh le? Hman deuhah india chhimlam ah mi rikrap nan hrim hrim ahmang tih an sawi.Hemi bak a hmang ngai chiah em?? Tunhnaiah Naxalite beih dan pawh a hmang ngam lo a ni lawm ni. Zawhna ala awm tho.
Tin, tun hma pawhin debate vawi engemaw zat a awm tawh. Historian ten vawiduai lo an sawi thin. Thudiklo ni ta se, he a ziaktu “Wg. Cdr. Lalzawma, Venghlui” hi khawnge a awm bo daih le? Tlai khawhnuah confi deuha a rawn ziak loh roh hi si hi..”bengtulul leh” tih mai chi a ni.
Report this comment
February 27th, 2010 at 12:15 am
Tin, a ziaktu hi (inchhung a lo ni palh emaw ka hre lo, i dont care) Wg. Cdr. Lalzawma, Venghlui hi Congress party ah hian advisor vel a ni lom ni kha?
A thu ziak hi a fact laiah hian engchin nge ideology a vawrh tel tih hi chhut tham deuh fe tho a ni lo maw??
Report this comment
February 27th, 2010 at 12:16 am
vai sipai kut kan tuar bawk Mizo ngei MNF kut tuar awm bawk, a khawi lam2 mah ka tan lo, mi dik lo hi chu khawilamah poh hian an tam anih hi.
Report this comment
February 27th, 2010 at 12:19 am
India in Mizoramah Jet fighter a rawn hmang hrim hrim hian min ngaihdan a tilang thokhat viau in ka hria…!!
Report this comment
February 27th, 2010 at 12:21 am
Kum AD 2009 April thla ral dawn khan New York khawpui chungah jet fighter leh US President Boeing 747 bik chu hniam mangkhengin an rawn thlawk a, mipui ralkhel kha baklengin, ANOTHER NINE-ELEVEN leh tur emaw an ti hial a … mifing-te hi chuan mipui ralkhel rilru thawi dam hlen nan, TIHPALH LIAU LIAU, Ngaihdam an dil tlawk tlawk a … keini thlawhna khalh thiam vete zawng, Human Rights hmatheha Brig T Sailo sulsut kuakah an rawn eleventh hour um-pawngpar ve a ni ber e … “Murgi chor” ti em chuan Mizo leh Mizo kan inauh khum dawn lo nia! Pu Hawla ngei pawhin Editor a nihna thin MIZO AW phek hnung lam Editorial tlar tawp berah “… Chhantu kan va ngai em!” a tih chhiartu Brig T Sailo a rawn per tho ta at a nih kha! Thawveng thar thar tur leh uang nuah nuah tur hi kan awm LO teh a nia!
Wg Cdr rau rau pawh politics-a an rawn zuan luhna party hi a dang ve sang sang tho a nia! Mahni hamthatna huang lovah tunge fu chat chat ang! Battle ground-a va trum chut chut pilot an ni lo, mahni tana a himdam leh thau sawhna thlir thiam an ni ber e.
Lunglei tlangval an chau tawh, an nulaten an beih chhawk. 18 Assam Rifles-ten puanvar an rawn zar ta! Jet Fighter-in a bei hman ta lo … ka va ngaisang, mahse, MNF policy leh an de de de ka tawmpui themte liak lo!
Pu Hmangaiha, Lunglawn —science lama kan mithiam Lianthanga pa, Lianthanga te naupan buchip lai hian an kawt zawl zau takah MNF rammute ration tur Mizo nulaten an chhum mup mup mai a … Lunglawn-ah pawh Sethlun lam hnaihah an ni nghe nghe … khua a va han var lo —khatih lai khan. Pu Duha (mit khing del) khan report a rawn pe sual, “Sipai an rawn kal” tiin. Kan han ralkhel leh tak tak … BRTF truck pawl pakhat a lo ni lek! Pu Duha fanute hming hi Lianzari leh Ngurtinchhingi te an ni tain ka hria! La dam hlawm tak maw aw?
Jet fighter thawmah ka pi a mangang thin, “Thawnthua kan sawi ni hi la her chhuak thei se,” a ti. A tuarte leh thih phah, in leh lo senmei leh meikhua zam ral hi a awm tam ve fu … thawnthu chi hnih inchirhtheh mai mai nan maw a kal pen leh tak si! Kan mithiamten BOMB A NI LO ti mahse, kan tawrh leh inhloh kha a ngai reng, rawn kir leh ngai tawh lo thil vek a ni tho! Bomb ni lo, rocket deuh reuh pawh lo ni ta teh reng se, Wg Cdr-a hian engtikawng mahin min rul let pha chuang lo! A sawi hi dik lutuk pawh ni se, kan hloh kha a ngai reng tho a ni e.
Sairang leh Lengpui —a chhevelte buh leh bal tharna tur ber nawr luiha lo hal pawh ruahin a nan hlumsak a, hei pawh hi mi awmtheite zin veivahna thlawhna vang bawk ni awmin an sawi. Bomb chu a phur lo ngei ang!
Report this comment
February 27th, 2010 at 1:35 am
a hrim2 in Assam rifles pawh hi kan lo va hmangaih awm em2 ve …a vai a,a zo in,..west bengal hi an va jet fight har tawh ve..jawan or policeman hi an hmangaih ve lo a mi…
Report this comment
February 27th, 2010 at 1:58 am
he thu hi inhnialna tawp thei lo a ni ringawt, duhtawk tawh teh u.
Report this comment
February 27th, 2010 at 4:27 am
Inhlahthlem a chi loh, India Sorkar-in Assam state-a Mizo District chawrche leh district hlamchhiaha awm, Mautam sazu avanga tampuiin a beih mek Mizo District, Chief Minister BP Chaliha mi tirhin, “sazu pakhat mah ka hmu lo,” tia a report —District an ngaihthah em em kha hriamhrei lek a lo nih takah chuan jet-fighter rual leh rocket nen meuh a bei chiam ta a lo nih zawk tak chu! Ka man chiang ta e. Bomb hming pu lo mah se, a tihchhiat leh tihhlum kha a ngai reng tih Zofaten hre mawlh teh se!
Kan Mizo pasaltha pawhin Flying Officer Bamzai a hnek phah hrep nghe nghe a; tin, Volley Ball an khelhnaah Fit. Lt. Deshpande pawh a thuai hrep mai a, zia lo a tizui khawp mai!
Report this comment
February 27th, 2010 at 4:42 am
He post hi tawp thei dawn lo. Insawi zel a, kan hriat belh zel bawk a. A bomb leh bomb loh ai mah in, thu kalhmang leh India sokar chetzia kha ni lawm ni, kan huat em em?
Mapuia (zihphir) bomb thlak ang pawh khan chhungkua chu tibuai ve thei viau :razz: Thlak puar pep.. :lol:
Report this comment
February 27th, 2010 at 7:59 am
Ka comment hi sawifiah a ngai The show must go on and whosoever killed innocent victims must be rewarded proportionately.
Am totally against shooting bombing or beating of innocent people.
Kan tawrhna raptlak tak hi kum sang pawh ral se kan nghilh tur ani lo, Israel te pawh Palestina nen kum 3000 an inbei tawh, keini bei let ni lo tawrhna rapthlak zia lantir hi a kal zel tur ani.
Nunau anmahni beitu pawh nilo thattu te leh hetianga inhnamhnawih te reng reng hi an phu tawk lawmman (hremna) dawng ngei rawh se. Sa talhtu pawh an thih chuan an chalchang chu rapthlak tak ani tih ang deuhin nunau pawisawilo an DO pawh nilo heti tak maia rawng taka thah leh sawisak kan ni hi mawhphurtu reng reng hi kan DEM tur ani. India sipai pawh hnam sipai pawh nise an DO nilo kut lo thlak hi chu a PA lo em mai.
Hetiang khawvel dan pawhin a hnawl pawisawilo nunau te kutthlakna rapthlak mi tam tak thihna thlentu hi kei mi(sual) hian ka pawmzam thei thlawt lo.
tih ang vel hian kan let ange ka rilru zz chu ka sawi chhuak thiam vek lo na-in
Report this comment
February 27th, 2010 at 8:13 am
Mzvision : Zoram buai kaihhnawiha pawngsual tawkte list kawltu pawh ka hria asin! Kei chu ka lo Mizo deuh a ni awm e, MNF policy zawm hauh si lovin! A tul chuan a kawltu pawh ka la rawn sawi nalh mai ang, heti taka kan tawrhna sawi nep tumna hi ka ngaithei lo. A kaihhnawiha kan tawrhna zozaite hi … ROCKET-IN India-in jet fighter hmangin Aijal leh hmun dang of Lushai District a bei chiam! A zahthlak haih haih em mai! Pu Hawla hi MNF atanga Indiaa in-surrender hmasa ber an ti em ni? Ka va hre chak! Han inzawt kual teh u.
Report this comment
February 27th, 2010 at 8:17 am
@chawnghilh
Min la rawlruk keuh dawn nia public place lo deuh-ah. I rilru i sawi chhuah loh zz kha ka trawmpui maithei che ania auh
Report this comment
February 27th, 2010 at 8:37 am
Mizo in kan ngaihsan em em Indira lal hlim (hmeichhe PM thar,insawhngheh duh lai) tactic chu a lo ni reng ang a… ka pawm ta deuh tlat mai :roll:
Report this comment
February 27th, 2010 at 9:03 am
Cm hlui Pu Zorama pawh hi inremna vang ni lo in surrender vang zoka lo chhuak an tih teh tlat chu..khatih laia an lo chhuahna hmun chhimlama lo dawng songtu sorkar officer khan Pu Rama leh a hote kha lung lehkha a awrh tir vek tak kha maw le.
Report this comment
February 27th, 2010 at 9:12 am
Ram buai laia Civilian casualties chungchang kha Pu Laldenga khan engtinnge a comment kha… han sawi keuh dawn emaw ni le…Hriselna (Monthly Mag.) a Vanapa battalion ho chanchin fiamthu ang renga an ziah thin hi ka hlimpui thei hle.
Kan buan loh tur kan lo buan a ni ber a…Rambuai laia thlama a chaw kan va pek thin eefffiii ho te kha la dam tak maw…nge PAMRA zingah hian an lo tawm kuk zok..
Report this comment
February 27th, 2010 at 10:24 am
Kan soi tui tlang hlawm borh2 e..insum miah lo khan han chhakchhuak borh2 teh u..keichu ka hnehloh ka sual chang po’n,ka aia an chungnung a,min hnek hrem avag khan ka dem ngailo a,next time a,thl engkimah amah aia ka chungnung zok theih nan ka theih top ka chhuah thn…
A tuartu nih chuan mahni dikna chauh hmuh hi a awl khop maia, a hunlai chuan a trul reng a ni.. Mahse, a hnua thlir let lehna neih a nih chuan thl thleg reng2 kha eng dimension atang po’n a possibilities awm thei zog2 kha thlir let vek ila,conclusion chu a dikin a rintlak duh khop mai..
He thu ziaktu khi ka hre ngailo a,ka la hmu hek lo..mahc,ama hriat dan ang2 a rawn ziak ve mai niin ka ngai..a mimal tak han dem ngot chi poh niin ka hre lo..
Report this comment
February 27th, 2010 at 6:08 pm
Pu Zawma hian Gramatically a “bombed” kan ni lo a ti hi “Historian” ho tan chuan a record chi viau ang a. Mahse kei ka lo tuar ve dan chu thlawhtheihna hmang a beih kan ni hrim hrim hi bombed/shelled/machinegunned pawh se a na hrim hrim a. Ka lung a awi thei chuang hauh lo. Rilru a la na tlat. Jet fighter chuan sairawkherh pawh hmang se, bomb nen a danglamna ka la hre chuang lo. A tirtu thinlung kha a kha zawk a ni.
In hnem nan a rocket 60mm RPG te a sawi obsolete kher erawh hi chu a hun lai a a tuar ve loh vang a ni thei em? Indian Airforce in an hmang tawh lo a nih chuan thudang, Iraq leh Afghan ramah chuan naupang pawn Hummer kah nan an la hmang ber a ni lawm ni? Somalia a “Black Hawk Down” pawh kha RPG hmang a kah thlak an la nih kha.
WWII lai a anti-tank weapons RPG origin – British PIAT, US Bazooka/Stovepipe, German Panzerschreck, Panzerfaust, Soviet PTRS, PTRD ho zawng zawng kha kan hmusit mai tur a ni lo, a kahnat ngai khan a la kap na reng……..
Report this comment
February 27th, 2010 at 6:45 pm
lushai_er , khawngaih in ka comment leh midang comment hmasa lam kha lo chhiar ta che.
A bik takin, #1 leh #30 kha ilo chhiar ngei dawn nia.
Buannel.com ah sawn an rocket/missile pic pawh an dah saw… Air to Surface missile (unguided) a nih saw.
Kei leh khawvel chuan rocket a kah hi “bomb” kan ti. Rocket in bomb kha a propel (nawr chhuak/thlawk) a ni si a.
“Talibans were bombed in Northern Afghanistan,” emaw an ti ang, Talibans were “rocket propelled” in Nothern Afghanistan,” an tih ka ring lem lo hairehai :lol:
Report this comment
February 27th, 2010 at 9:00 pm
Ka ngaihdan tlang deuhin kan sawive tawh ange. Pu Laldenga leh a ho te khan buaina lo thleng tur zawng zawng leh kan Independent thei dawnlo tih chu an hmu tlang rang. mahse an Political advantage a tan Mizo mipui mawl zawk te kha min fuih pawrh a, chu chuan nunau nasa tak a; tuarna kha a thlen ta ani. Chuan; pawisawilo tam takin ( A zo a vaiin) nunna an chan a; kuttual lei chhamin tam tam an awm bawk. Vawiin ah hian Khawvel hma ah thiam chan tum a, in sawifiah na hun ani tawhlo.Mi tamtak ram hmangaihna rilru chawh thawhin a awm a an nun an hlan lai khan a chawk tho tute khan Independent rilru them pawh an pulo!! a theih loh zia hrechiang tute an ni.
Khang Mizo Thalai tam tak bum a,kan ram retheihna tawpkhawk hruai lut tute kha, dem ngam ang u. Jet Fighter a beih kan tawhna chhan khan Pu Denga leh a hoten kan ngam loh chal a chil min hnawm tir vang ani.
Report this comment
February 27th, 2010 at 9:05 pm
In va sawi hnem tawh em, “Hang him upside down and blow it up his arse, then we will know whether it’s a bomb or not. A bomb is nothing but an explosive device”
Report this comment
February 27th, 2010 at 9:53 pm
“Khang Mizo Thalai tam tak bum a,kan ram retheihna tawpkhawk hruai lut tute kha, dem ngam ang u. Jet Fighter a beih kan tawhna chhan khan Pu Denga leh a hoten kan ngam loh chal a chil min hnawm tir vang ani. ”
Well said ThaiBoy!!
Report this comment
February 27th, 2010 at 9:58 pm
@apatea: Tunlaiah pawh tleirawl thalai zawng Silchar vai bumin an awma, mahse khang hunlaia Mizo hmangaihtute kha an tluk hmel loh khawp mai
Report this comment
February 27th, 2010 at 10:07 pm
@ThaiBoy : I sawi khi a dik chiah chiah. chawnghilh@gmail.com-ah min mail zeuh teh. I ID ka zawng hmu zo lo.
Report this comment
February 27th, 2010 at 10:17 pm
Pu chawnghilh hei ka mail chu maremaralte@yahoo.com chuan vawiinah misual XaiA nen Khamropui ah kan kal. ka thlalak sa ka Camera siam na lamah ka delete palh ka ui lutuk.
Report this comment
February 27th, 2010 at 10:27 pm
ThaiBoy : I ui tlukin ka ui. XaiA kianga i awm chuan hma i sawn khawp ang. Hmanrua in nei tha dun bawk a, tin, media lam i ti bawk a, hmanraw tha chu i handle thiam a tul khawp ang.
XaiA hian thiam tak takin a thiam, mawi a hria —rilru chawktho thil hi a hre em asin! Hote anga a rawn pho chhuah hi a nep ngai hauh lo! Fakawm tak a tling.
Kham Ropui hi ka la hre ve lo, thawkkhat lai khan tuemawin a rawn tiri zauh, mahse hre zawkten an rawn chulh nawn pawh khan ka hre phak ve tawh chuang lo.
Thanks for your ID, thla in lak ka hmu chak tawh teh mai! Keini chu thla laa chhuahna khua a la kaw lo, spring a nghahhlelhawm tawp tawh.
Report this comment
February 28th, 2010 at 12:16 am
kei erawh hi chuan hmanlai MNF hruaitute kha engtikawng zawng mahin ka dem dawn lo.an tih tur tak an ti ani. Pu Denga leh a hoten khan kan ngam loh chal ah chil min hnawm tirah ka ngai lo.ngam zawng kan ngam chiang alawm.mahse kan hnehlo deuh mai ani.hnam an chhan vang ah ka ngai..khati khan mizo te kha hrehawm tuarin kan awm reng dawn ami?tu emaw kha chu ram tana pen chhuah angai alawm..midang an beih dan hian min bei ve maise..jet fightera beih loh pawn kawng dang a awm ang.nunau pawisawilo te tawrh angailo..dan pawh anilo..an duhleh INDIA sawrkar laka hel te chu bei ang hmiang..kan hnam pasaltha,kan ram leh hnam tana nunna hlan ho zawng zawng thlarau te kha a zahawm lutuk e..a in dem zawng hi chuan i ti tawhlo ang u.MIZO vek kan ni.
Report this comment
February 28th, 2010 at 12:44 am
Hehe..hneh loh chala chil hnawm phei chu thil zawngchhang thlak tak ava nih hmel loh ve..eg, ka nau chu ka hmangaih em avangin a ngam em2 chu a hneh dawn lo tih ka hriatchian em avangin a sualpui loh nan nasa takin ka fuih a. A hneh thuai theihnan a taksa t chak sot turin exercise ka lak pui thn ag..
Report this comment
February 28th, 2010 at 12:46 am
a ho sawt
Report this comment
February 28th, 2010 at 7:15 pm
Kan awmna chengker zetah a hian rual pawl ve tum in Internet te ka’n pawt ve a, rual pawl lo tawk lek in kan awm zui ta zel zawng a nih hi!
Ka rin ang ngei a ni! A bawp lawk a la an awm laiin, a nep zawng a sawi an awm ka rin lawk ang ngei in BOMB kha an tlak ta lo reng a! Tuarna a thlen hi ka chhut chuan, BOMB(?) ai a lian kha Zoram chuan a tuar! Kan ngaih tuah chiang em!? “CHAL A CHIL HNAWM HMA-SA-SA”
Tiang vel chu a ni ta duah a nih hi! Zo-trawng tak in, Rawng thliar hrang thiam lo khawp hi kan tam belh ta zel em?! Martar-te thisen a hlu, tuartute manganna nat em vang a tlawm ta kan ni meuh em? Zawhna hi a va in chherchuan nasa em!??
Report this comment
March 1st, 2010 at 4:25 pm
kan la comment leh fo teh ang, MNF thah ho kha nge sipai thah ho kha martar chu le, kan khua hmeithainu pakhat fanu mal, nula chu dawta puhna avangin MNF ho khan an thah saka anu hian rethei takin a dam chhung hun a hmang asin. kan thiam lo tlang ani e.
Report this comment
March 1st, 2010 at 5:10 pm
hetiang lam post hi thar thawh leh a chakawm khawpmai, keipawn sawitur kala ngah riau a, mahse post a liam tawh sia ka sawi duhlo thin ani e.
Report this comment
March 4th, 2010 at 6:20 pm
#1 HV : BRAVO !!
Report this comment