Tun tum chu ei leh in lam pang, a eisual lam pang kan sawi ve thung ang. Sunday a khel atan chuan a ho leh dawn mang e. Mizote hi ei leh inah kan fimkhur lo hle thin a. A tui anih chuan kan duh viau zel. Taksa in a mawmawh lam aiin kan ka in tui a tih zawng apiang kan eiin kan in thin a. Eisual avanga pumna leh damlo kan awm fo thin.
Food Poisoning han tih hian Mizo te zingah chuan “Eisual” tiin kan hre lar deuh ber awm e. Eisual kan tih tam tak hi thil kan ei sual vang pawh a ni chiah lova; kan eitur ah natna hrik emaw a lo awm palh thei a, chu natna hrik chuan kan ei hmain tur chak tak a lo siam thei a. Chu chu kan lo ei palh ta a, chu tur chuan kan taksa ah natna mak tak mai a lo siam ta a, kan pum a na a, kan luak a chhuak a, taksa a lo na ta a, chutianga kan eitur siamsa a natna hrik an lo awmsa hian chu chu “Food poisoning” an ti a ni.
Food poisoning chu engin nge lo thlen thin le?
Food poisoning hi bacteria chikhat Clostridium botulinum in a thlen thin a. He bacteria hi tetanus thlen theitu natna hrik Clostridium tetani te nen hian species khat hnuaiah an awm ho a, tur an nei chak em em a ni. Tuna kan sawi tum ber, eitura tur hlauhawm tak siamtu Clostridium botulinum hi anaerobic bacteria an tih te zing ami an ni a, a awmzia chu, heng bacteria te hi boruak tha Oxygen awm lohna hmunah nasa taka inthlah pungin an khawsa thei thin a ni.
Clostridium botulinum hian tur chak tak mai a siam chhuak thin a, chu a tur siam chhuah chu Botulin an ti a. Chu tur chuan taksa a thlen hnu ah natna nasa tak mai taksa ah a lo siam chhuak ta thin a, chu a natna siam chu a hmingah Botulism an ti. He Botulism hi food poisoning rau rau ah chuan a hlauhawm ber pawl a ni nghe nghe a ni. A hlauhawm em em na chu natna nasa tak an tawrh hnuah a then phei chu thihna hial a thlen thei a ni.
Clostridium perfringens ho pawh hian taksa ah tur a siam chhuak a, chu tur chuan ril atangin tui a sawr chhuak chiam thei a, chu chuan kawthalo nasa takin a siam thei bawk thin.
Clostridium botulinum bacteria te hi anaerobic bacteria an nih miau avangin boruak tha awm lohna hmunah an thang / inthlah pung chak hle a. Heng bawngsa tin, sangha tin leh sa tin dangte mai bakah chaw/chawhmeh, tin chhunga pack ho chi reng rengah hian an awm palh duh thin bik a ni. Chuvangin sa tin kan lei dawn reng rengin a tinah hmelhem a awm tur a ni lova, a mawng leh a chhin te a puar pung tur a ni lo. Hawn hnuah pawh ngun takin en ila, a phuan buah buah emaw, danglam bik riau emaw te a awm a nih chuan ei lovin paih ta mai ila, a pawi lo ang. Hengah te hian he bacteria hi a awm ngei ngei tihna a ni chuang lova, “a lo awm palh thei” a ni tih mai chauh a ni e.
Salmonellosis:
Hei hi arsa ah leh artui ah natna hrik chi khat Salmonella an awm ve thin a, chu chuan food poisoning chikhat Salmonellosis an tih te pawh a thlen ve thin.
Aflatoxin: He tur hi hmuar chikhat Aspergillus flavus ina a siam a ni a. He hmuar hian mita hmuh tham loh khawpa te pawh nise, kan eitur a bawm anih chuan tur Aflatoxin a siam chhuak thin a ni.chuan
Artui ah hian a laimu hi bacteria hian beiin an tichhe duh hle a, a pawn varah hi chuan enzyme chikhat lysozyme a awm thin avangin bacteria te hian an bawm tha duh vak thin lo.
Kan chawhmeh tha, bekang-um angah te hian natna min thlen thei bacteria a awm ve inring tho em? Kan chawhmeh chi hrang hrang kan sawngbawl dan te hi a thianghlim tawkin kan hria em? Kuhva panhnah silna thli dum nguk mai han hmuh hian in ngaih a tha veng veng em? Dawra chhang siam mek nula hian a hnapkhir kheuh mial mial se, chhang nuai zawm leh ta mai thin se….. Han sawi zawm chiam teh u.
Similar Posts:
- I ar talh kha silfai kher a ngai lo! (Mithiamten an ti…)
- A va’n hreawm dawn tak em!
- Thingpui Sen Hang
- World AIDS Day pual
- Thosi leh AIDS
March 22nd, 2010 at 9:05 am
Food Poison hi hlauhawm deuh asin
Report this comment
March 22nd, 2010 at 9:10 am
Ziak tha hle mai. Bengvar thlak.
Report this comment
March 22nd, 2010 at 9:12 am
caribou, a bengvar thlak hle mai, sunday chu a pel tawh e! Fimkhur tluk a awm lo, mahse fimkhur vek sen chu a har khawp ang, engtinnge hnapkhir kheuh hnu a nuai leh anih kan hriat ang?
Report this comment
March 22nd, 2010 at 9:20 am
Mizo te hi kan fimkhur zawh tawk loh nen Food Poisoning hi kan nei khat zawk khawp mai :!: A bengvar thlak hle mai.
Report this comment
March 22nd, 2010 at 9:22 am
Hetiang hi ka tawk toh ORS in vak vak a poimoh. XXX Rum in hian a zual zel a veng an ti bawk.
A enkawl dan lam han thawh te un
Report this comment
March 22nd, 2010 at 9:25 am
Hetiang ei palh hian meihawl dip (powder) ei vat te hi a tha an ti.
Report this comment
March 22nd, 2010 at 9:32 am
Hnapkhir hi eitlàk leh eitlàk loh thliar hran ve tho tùr! Mamit naupang hnap tawlh, tui pipe fawp ngar ngar thla kha a ropui ka ti bon top! Chhang nuai se, far kauh se —nuai chhunzawm zèl se, tunge hre chuang ang le? Nîmki al palh, tui tak a ni tho tho dâwn!
Bekang hi a tui, khawsak a harsàt phei chuan, a pum puma hmawm phal chi a ni mang raih lo! Mahse, hmawm dawn chiang ru ra!
Pu A. Thanglùra chanchin ngaihnawm ka tih ber lai chu FOOD POISONING lai kha zu ni tlat a!
Zoliana Royte pawh … Zoram hmàr tàwpah, ek in awm lohna khuaah a kal vei rawk, sùkbùklen ti tihah a va tlà-lam … mual zâwlah lah mipuiin a thusawi tùr ngaichângin an lo nghàk thup tawh si.
Kekawr dawr leh kàwnghrèn chilh phei kârthlàk mawlh mawlhin a rawn hmanhmawh ve hle, a hnungah vawktè lu berh deuhvin a rawn ùm zui chan chan mai maw le … mual laiah vawkte lu berh deuh kha tlangvâl tlàwmngai fâl zualten an ùm lèt … kha daih kha asin! FOOD POISONING hi thihpui èm lovah chuan a chanchin ziak an tam lo va, ziah chhun chu ngaihnawm tak a tling zèl …
Mizo mi ropuite pawh FOOD POISONING lakah an him chuang lo zauh zauh! MIFCO a infak tak tak phei chu, bawnghnute zuar vetu dangte tana chhiat phah rawihna khawpin tenawm an sawi thiam …
Kei pawh —ka inpuang rih lo mai ang! Han ziak zèl phawt teh u, ka la rawn ziak ve mai thei a nia!
Report this comment
March 22nd, 2010 at 9:43 am
nia Food poisoning hi hlauhawm ve thei khop mai….nikum khan kan college ah chuan pakhatin a thih phah a,kan fimkhur toh khoopsss..a bengvar thlak hle mai….chhinchhiah tlak tak a nih hi…
Report this comment
March 22nd, 2010 at 9:55 am
Food Processing, Quality Control lam hi ka tuina leh chelh ve ka hna kal laimek ani ve a, tiang lam tuimi ten in han ziak hi chu chhiar a nuam hle mai.
Keini kan Industry/company ah chuan, kan Food products reng rengte a khawihtu te in thuamna thra tawk tak Provided, a siamna, Smoke area a zirin, kut kawr, lukhum, kawr thleng in kan nei kan haktir bel tir vek zel. Tih rual in area to area, Processing area chhung an luh dawn a piang in an Kut an silfai, Hot water in, ti chuan an kut kan Sanitized tir thlap thlap trhin.
Food Poisoning hi hlauh awm em a , food siamtu te invawn thiang hlim a ngai.
Kan products te kan siam reng reng in, hnathawk tu ten an kut in an Hnap emaw, a mit emaw an nuaithei lo in an khawih a thiang lo va. Mipa ten an Hmuihmul an Cut/thianfai tur, a zuahten, Hmuihmul tuamna an hmangtur anibawk tih thleng in uluk tak in dan kan siam a zawm lo te chu an chungthu kan relsak a kan hnawtchhuak/ban mai zel.
Food safety hi abik in keini mizo/mizoram state a awmte pawn ngaipawi mawh i la, thianghlim thei angber in vawn dan kawng kan ngaihtuah ve chu a hun ve tawhkhawp mai.
Report this comment
March 22nd, 2010 at 10:22 am
Avil mum in chhawp sa in ka chhiar
Thuthlunghlui lam a ei thiang lo hi, ei sual a tam/awl bik lo maw :?:
Report this comment
March 22nd, 2010 at 10:27 am
sunday-ah a chhuak hman ta si lo a, Thawhtan hian food poisoning chu khel mai ang auh…
Chakai hi tun hnu a ka han ngaihtuah hian, ei fimkhur ngai tak niin ka hria. Achhan chu a thil ei reng reng hi a ngai ngai hian a kawmkawraw, a pumpui-ah hian a lut nghal mai a. Pangang leh a rannung ei te pawh a ngai ngai hian an hmuh theih thin. Ek te pawh an tlan ve tho a nia !!! Ni 2/3 chhung chu tui thianghlimah ka khawi ta ngei ngei. Chakai ei thei lo, bawl/thak thin te pawh kan awm hi. A theih hram chuan a kawmkawraw hi keu phel phawt ila, chutah chhum/kan turin sawngbawl ta chauh thin ila a tha in ka hria…
Report this comment
March 22nd, 2010 at 10:32 am
chakai ai chuan vawksa tui zawk hrim2
Report this comment
March 22nd, 2010 at 10:36 am
Ziak tha khawp mai, @caribou.
Tlemte han belh hlek ila:
Food poisoning hi chhan chi hrang hrang a awm a, a tam tak hi chu Virus vang a ni thei. Bacteria zingah chuan Clostridium botulinim vanga awm hi ‘Botulism’ an ti a, a serious em em nain a vang pawl tak a ni thung. Botulism chuan nerve a khawih avangin a veitu chu a hmai atangin a zeng tan a, reiloteah a taksa pum a zeng thei a, thaw thei lova thih mai a awl hle. Chuvangin, Botulism hi Medical Emergency case a ni bawk.
Zin veivah naa kawthalo (Traveller’s Diarrhoea) an tih mai hi Shigella natna hrik vanga awm a ni tlang pui.
Food Poisoning lanchhuah dan hi: Pumna, luak or luakchhuak, kawthalo, khawsik, etc a ni tlangpui.
Luak leh kawthalo enkawl dan ber chu tui tam tawk in a ni ber. ORS a awm phei chuan a tha lehzual. Alcohol lam chu in tam loh a tha. A tlangpuiin ni hnih khat bak a awh lem lo. A nasat lutuk emaw, a rei lutuk emaw chuan damdawiin pan a tha ber.
Report this comment
March 22nd, 2010 at 10:42 am
Leh lawk: Food poisoning-luak leh kawthalo thlentu leh, kan han ei zawha min tivual tup tup thin hi thil hran daih a ni e. Hetianga min tivualtu hi chu ‘Food Allergy’ ti ila a dik zawk hmel. @Diktea_Pa #10 sawi ang hian Avil mumin awmzia a nei mai thei. Luak leh Kawthalo atan erawh chuan Avil chu a tangkai lutuk lo vang!
Report this comment
March 22nd, 2010 at 10:49 am
caribou,
I ziak thain bengvarthlak hle mai, hetiang lam hi a tam thei ang ber han thawh belh zel teh. Ei tur inmil lo deuh leh inhal deuh- kawchhunga pum nâ, kawthalo, luak, bawl/ thak siam thei chi hi a awm hrim2 lo maw? Khawchhaka ka thianpa chuan Doctor ten ei tur, chawhmeh ei/siam pawlh chi vak loh, a bu-a an siam ka nei a ti. Hmanlaia a inhal, ei pawlh loh tur an tihte kha tunlai hian kan palzam ta mai2 si a.
Report this comment
March 22nd, 2010 at 11:04 am
Ekhai…a ngaihnom khop mai ka var uar2 ta e,sangha tin te hi tui thin viau asin male,kan trih deuh thut chule…..
Report this comment
March 22nd, 2010 at 11:10 am
A tha hle mai Mizo te hi ngaihsam tak hnam kan ni a eisual kan tih ho hi food poisoning a nih lam hi kan hrephak mang hlom lovin ei huat zawng nei ang ten kan sawimai te poh hi he tiang food poisoning lam a nih leh nih loh poh kan hre lo a .
India ram pawn a awm rei deuh tan chuan kan Zoram ah hian tui ti tak a han ei na mai tur restaurent leh hotel te hi a vang duh hle in ka ring deuh chinchang lo hre ve nual tan phei chuan .
Ei leh in sawng pawlna food prosesing neitu te pawh hian heng thu te hi an hriat chian a ngai hle in ka hria.
Zoram ah chuan kan food prosesing nei tam ber chu backery te hi an ni hmel a heng ah lah hian vai trawp tak bak kan chhawr mang bawk si lova ….
Report this comment
March 22nd, 2010 at 11:37 am
chawhmeh thenkhat hi chu eipawlh nuam lo tih deuh ka la nei. Artui leh bekang te… mahse kan ei pawlh nawk nawk tawh chu a nih ber hi. Tunhma deuh khan zu leh fanghma hmeh pawlh te kha kan duh lo thin kha a ni si a, vaiho lah chuan an hmehpawlh ang nawk nawk a…
Report this comment
March 22nd, 2010 at 1:40 pm
Food poisoned tawh hi chu ei loh a him berin ka hria….. midang ngaihdan erawh ka hre lem lova…
Report this comment
March 22nd, 2010 at 3:14 pm
Ka ziahsa hi ka paste leh tawp teng a chhiar peih tan.
https://zochepa.wordpress.com/2009/03/08/ei-leh-in/
1.PATHOGENS, hei hi mihringte tan a hlauhawm mihringte min tina theitu a ni a, mahse bacteria sang tam tak zingah natna siam thei hi tlemte choh a awm a, tam tak kan ei tel hian eisual kan tih food poisoning hi a lo awm thin a ni. Pathogens bacteria hi chawhmeh thing, chaw thing leh sahringah te an awm duh bik a, a tlangpuiin eisual(food poisoning) ho hi an taksa chak tawk loh vang leh an pumpui/ril hna thawh that tawk loh vangin bacteria hnathawh hi a zo loh vang a ni thin. Mihrisel tan pawn he hrik hi an ei tel ve tho an hrisel vangin nantna an tuar ve lo mai zawk a ni, mahse an pumah heng hrik a luh ve vangin an lo pun tam chuan a hlauhawm ve tho a ni. Heng bacteria tui(spore) hi tuisoah dar kar-4 chhuanso hnu pawn an la dam thei a, dar kar-4 ai tam chhhuanso hnuah an thi choh a ni. Tin, engmah eiin leh tui awm miah lo pawn kum tam tak an dam thei a ni.
Notes:- Food poisoning siam thei bacteria-te hian temperature 37° Celius(98.6 ° F) ah hian rang takin an pung a, 37°C(98.6°F) chunglam atang a 63°C(145°C) inkarah hian a pun belh vak tawh lo a, a then chu an thi ve bawk. refrigerator(1-4° C/34.9 ° F) an dam khawchhuak thei tawh lo a, mahse an tui(spore) erawh a la chhe chuang lo a rawn keu leh thei tho a ni.
Report this comment
March 22nd, 2010 at 3:36 pm
caribou, post tha thuai thuai ve aw, a bengvar thlak e.
Vanneih asiamin eisual hi ka neih awm ka ngaihtuah chhuak zolo. “chumi leh chumi ei pawlh chu a in hal,” an tih te hi ei lui ngat ngat ka ni thin. Vanneih thlak tak maiin food allergy hi ka nei miah lo a, mahse, pollen leh Zawhte ka allergic
Khasi ho thingtlang chaw dawr ah hian Vawksa etc hi lumlo/a daiin an rawn chhawp chhuak mai thin a, bacteria tan chance a tam viau tur a nia.
chepa… i ziah chu “Hmangchang” post nen a in zul
tra la la la la
Report this comment
March 22nd, 2010 at 3:50 pm
Food microbiology lam ah hian mizo te kan la ngawng khawp mai. Han thawh zel teh u.
Report this comment
March 22nd, 2010 at 7:10 pm
Caribou, bengvarthlak thin e. Food Poisoning chu a va lo den ve! Pu Keimah sawi Botulism phei khi chu a rapthlak roh.
Food Allergy hi chu ka nei zeuh zeuh, ninawm ve khawp mai, avil leh cetirizine ka pai trat reng.
Report this comment
March 22nd, 2010 at 7:18 pm
Thailand a holiday in Tom Yum Gong (kaikuang kan thur) ka ei sual tawh a lawm, ka pum a na a ri ruih ruiha, pumpui a puak keh dawn a maw tih tur khawpin ana a, a hnu lawkah ka kua a thalo nghal a ka luak bawrh bawrh bawka khawvelah hian a van hrehawm tak em, ka luakin min hnawh hlum trep ni in ka hria. Ambulance an kova damdawiinah min hruai vat a antibiotic aniang chu, min eitira muthilhna in min chiu bawk a zan hnih hnu ah ka chhuak ve leh mai.
Ka rin dan chuan kaikuang kha khing eng hrik ber emaw khian an bawm hman anga tom yum an siam hian a tui sovah minute hnih khat vel bak a kaikuanga an chhum ngai si lo va, bacteria vel an chhum hlum hman lo anih ka ring. Tun thleng hian eisual hi ka trih khawp mai. Eitur hi hmin deuh hian chhum ila a hrisel ber mai, a thing pawh chhum so bawrh bawrh ila, artui hel te hi hip loh a tha, a bikin mizoram/india ram ang hygienic condition awm lohna ah phei hi chuan.
Report this comment
March 22nd, 2010 at 7:51 pm
Botulism:
Within hours the patient begins to feel paralysing symptoms. There is blurred vision, impaired speech, difficulty in swallowing and chewing and respiratoratory stress. Limbs become flably, a condition called” flaccid paralysis”. The toxin inhibits release of neurotransmitter. Nerve stimulation ceases, diaphragm fails to contract. Death by respiratory paralysis may occur within a day or so.
Antibiotics a tangkai lo, Antitoxin a ngai.
Report this comment
March 22nd, 2010 at 8:00 pm
Eisual hlauhawm zia hi kan hrelo mai mai ani. Taksa ah microbes chi hrang hrang kan la lut a, a khawi ber hian nge toxin siam? Eng toxin symptoms nge taksa ah lang chhuak. Infection vang nge toxin vang?
Infection vang anih chuan antibiotics a tawk. Toxin vang anih chuan “Specific antitoxin” a ngai. Enkawl a buaithlak. Ei leh in ah fimkhur ang aw. Mahse, a tawp apiang tui ti thin kan ni si.
Report this comment
March 22nd, 2010 at 8:23 pm
@ Shailendra 11, a bengvarthlak hle, mahse chakai ka duh si a ka ei dawn apiangin ka hrechhuak ziah dawn tlatin ka hria.
Report this comment
March 23rd, 2010 at 12:41 am
Food poisoning siamtu bacteria in sawi te hi a dik khawp ang, mahse eisual hi a eitu a zir a ni thei. Kan thil ei than te hi kan taksa hian ngaihah a neih ve zel. Chaw thianghlim lo kan ei than chuan kan taksaah natna dotu a insiam ve zel. Hrisel leh hrisel loh lam ni in ka hre lo. aryan pawh chaw thianghlim a ei than tawh avangin a thil ei a zo lo a ni mai lawm ni. I thil ei ang chiah chiah kha Thai hovin ei se an eisual kher lovang.
Kan kuhva ei thin ringawt te hi ngaihtuah chuan tenawm deuh asin. Kuhva zuartute zingah hian kuhva khawr dawn a kutsil nge tam kutsil lo? Kuhva rah kan chhin lo va, panhnah kan chhin bawk lo va, kan dawr te a thianghlim loh hlawm nen, thenkhat phei chuan kuhva ei chung in, chil per deuh khan ti ti chung in kuhva an han khawr ngei bawk a
Report this comment
March 23rd, 2010 at 3:49 am
Tui van laiin, tui ren em em in mawng an sil a, eitur an khawih zawm leh a.
Report this comment