Vûr sûr kha chu hmànnî lawk a la ni, tùnah erawh chuan sîrvate paw’n bu-chheh zai rêlin thingtang-nawi puin an thlàwk kual lêng ve leh ta sang sang e. Hmun mawi danglam tak han làk tùr a la vâng a, hnaivaia mi mai ka’n fawm zung zung a nih hi. Kan kawtkaia squirrel leh rampàrva inkàwm hlim lai te, kan kawmchâr siahthing zâra sava fu vèl mai mai te, piah lawka thing hnah chawr no leh tulip vul sendâng no chùk leh pâr mawi dangte hi in lo thlìr ve mai maiah ka rawn hûng chhuak ve e.
April 10 hma lam ngei hian Washington DC hmun zawng zawng chu Cherryblossom-in a khat paw-chûk dâwn a, a pâr rimtui lêng vèlin a khat ang. Pollen-grains lêng vèlin mit a tina (allergic) leh dâwn tih erawh chu hai rual a ni lo! CVS Pharmacy a lùn hle ringawt mai dâwn tihna a nih chu, tarmit dum an vuah fer fur bawk ang. Car pawh pollen-grains-in a bawh leh lêk lûk bawk ang.
Hei hi he lai rama thâl-chho kan hman ve dàn a ni ber e; mahse, ram zau ngang hi a ni a—a ram khawthlang-hmàr lamah vûr a la tla cheu va, chhim-thlang lam California-ah ruahpui vànàwn leh tuilian—ram lailiah ni sensâ, hmàr-chhak lamah pârmawi tin bàwm a ni ve tan ta!
Click pic for larger image
This is North-East America!
Kan chenna kawtthler —
Kan chènna kawtthlèr phei … thingkùng hlim (shade) hi a timawitu ber atâna ka thlan chhan
Daffodils an pâr a, an chuai leh nghàl mai! An mawi chhûng a va rei lo tak èm! Wordsworth-a khàn a lo phuah a, a vuai har phah hràm!
Hei hi Tulip pâr, thingkùng lian pui pui a ni.
Woodpecker a nih reuh hi …
He sava dum awr bàl deuh hi a riltâm hle, bird-feeder thlîr chungin a rawn fu rem ve sauh sauh …
An vul kim ve hle mai! Hetiang a vul chûk tawh hi chuan, “Nghakuai chiah a hun ta e, Thianpa!” tihna tluk a ni.
He pangpâr hi a pâr parh hmâ em em a, chawhnu lamah chuan a vuai sâwng hman …
April 4th, 2010 at 8:41 am
lolzzz…. :lol:
Report this comment