Ar vulh hi tunhma chuan eizawnna tling leh chhungkaw intunnun-nana tlingah kan ngai meuh lo. Amaherawhchu, Broiler ar thang duang tak, thla hnih thum chhung leka eitling mai thei, kan rama a rawn luh tak hnu hian vulh nuam kan tiin vulh kan intihhmuh leh ta sup sup a, eizawnna atana hmang ta pawh sawi tur an awm thluah ta. Broiler ar hi a than chak em avangin mizote rilru hmanhmawh zia nen chuan inmil tak a ni a. Khawpui mai ni lo thingtlang kilkhawr thlengin Broiler ar lo chu kan vulh ta meuh lo.
Amaherawhchu, kan vulh dan phungah fuh tawk lo leh thlak ngai tam tak a awm a, intin deuhthawin in bula pali nga kan vulh hi a hrisel lova, a hlawk lova, a changkang lo a ni. Chutihlaiin, eizawnna’n-a hmang mek te pawhin a enkawl dan (management) an thiam tawk lo fova, tin, a hralh chhhuahna lam thleng pawhin harsatna an tawk fo thin. Chumaibakah, eizawnna’n-a arvulh hmang duh tan bultannna tur sum lu (capital) a hautaka, a chaw leh a note leina tur sum pai nei lo tam tak kan awm ngei ang. Hei vang hian kan ramah hian Contract farming hi kalpui ta ila a fuh phian zawk ang em? tih zawhna rilruah a awm a, kan sawi dawn a ni.
Engnge Contract Farming chu?: Contract Farming hnuaiah chuan ar vulhtu te leh Company te’n ‘Ar vulh contract’ an ziak dawn tihna a ni mai a. Company-in ar vulhtu (Farmers) te hnenah archaw te, ar note te, damdawi te leh veterinary services te thlengin a tum sak ang a, a thlawnin a puitlin thlengin a pe dawn tihna a ni. A vulhtu lamin ar in leh tui, electricity leh tha leh zung a lo seng ve dawn tihna a ni a. Ar chu hralh rual anih hunah company hian an lei let leh vek thung anga, amaherawhchu, an leina man zat hi company-in a duh angin a chhiar ve thung ang. Hei hi company leh farmers te’n contract an ziah dawnah inremsiam thlapa tih a ni thung ang.
A tlangpuiin company hian ar man zat tur an tuk dan chu Feed conversion ratio( FCR) hmangin a ni a. FCR awmzia chu ar chaw kg khat kan pekin ar kg eng zatin nge a thanlen tih tehna a ni. Company te hian FCR bik an nei theuhva, entirnan Company-A in FCR atan hian 1.5 hmang ta se, archaw 1.5kg pekin ar rihna chu 1.0kg a tling ngei tur tihna a ni. 1.5kg aia tam peka ar rihna 1kg chauh a nih chuan company-in farmer kha a a leisakna a tihniam emaw hremna a siam thei a ni. Chu aia a chaw senso a tlema a rihzawk bawk chuan arvulhtu chu hlawkna dang/ lawman (incentive) a pe ve thung dawn a ni.
Company hian mithiam an aiawh (representative) neiin heng farm dinhmunn hi a thli-thlai reng ang a, record fel tak neiin famers te dinhmun leh harsatna te a enfiah reng dawn a ni. A tul dan ang zelin farmers training te buatsaihin ar enkawldan leh hlawk zawka vulh dan an zirtir thin ang. Company hian archaw siamna hmun te, ar note awpkeuna hmun te, ar hralhna hmun te a hranin a nei thlap thin a. An company kut chhuak ngei quality tha, an ar vulhtu te hnenah an sem thin.
Contract Farming vs NLUP: Tun sawrkarin mirethei chawikanana a tlangaupui NLUP hnuaiah hian ran vulh tum kan awm nawk ang a, Arvulh trade-a thlan tum pawh kan tam viau ang. Sawrkar hian eng tiang chiahin nge kalpui a tum thuk takin hre lo mah ila, tuna a lan danah hi chuan kan ran vulh trade thlang tu te hian kan dinchhuahpui chiah ang em aw tih hi ngaihtuah tham tak a ni. A pawisa faia sum sem hi a that viau laiin tu te maw sawi dan takah kan NLUP hi a zai leh rut rut anga, a tlan khu leh rum rum mai ang tih a hlauhawm hle a ni.
A hnu leh zela enkawl dan tur leh vil bik tu tur mithiam dah anih loh chuan Farmer te hian hre ber ni awmin an duh danin an enkawl leh anga, Doctor te leh mithiam te sawi an awih leh chuang lovang tih hi kan ziaah a chiang a ni.
Dik takin tun dinhmuah chuan Bazar khar chhawng nu hovin tunkar chu duhtawk ar ka nei tawh an tih chuan Farmers tan chuan tihngaihna avanga, vulh zelin a hlawk lo tial tial bawk si, a thawpik thlak thin a ni. Aman tlawm zawkin min dawna pek loh theih loh a ni thin. Contract farming ah chuan heng a chung kan sawi tak zawng zawng kan thanmawh-bawk leh kan harsatna te khi a awm lo a, hlawk zawk leh thlamuang takin kan vulh thei a ni.
Awle, contract farming hi khawvel ram chang zawk te pawhin ranvulhtu te khai chhuah nan an lo hmang tawh a. India ram leh khawvel ram thang mek te pawhin he farming system hi an hmang mek a ni. India ramah chuan heng companies, Venkateshwara Hatcheries Ltd., Suguna Poultry Farm Ltd., Amrit Feeds Ltd. te leh company dang te’n hlawh tling takin contract farming an lo kal pui tawh a ni.
Tun anga kan ar vulh dan intin deuh thawin tlem te te a kan vulh pet pet hi chuan khawi mah min thlenpui lovang . Tin, khawpuiah phei chuan in kan inhnaih-in thenawm te tan a rim chhia a a hrisel lo hle a ni. Ran hri lengah kan vai pulh mai ang tih a hlauh awm a ni.
Kal pah mai mai a kan vulh hi sim a hun tawh a, hmasawnna leh kan ram economy khawih dang lam rawk khawp tura hma kan lak angai a ni. Chumi tur chuan Contract farming hi ka ramah kalpui ve chhin ila hmasawnna leh kan rama ar vulh tu te dinchhuahna a thlen ngei a rinawm a ni.
( He Article hi Zozam Times-a chhuak tawh a ni a, in comment/feedback ka hriat duh vanga rawn post ka ni e. A thui deuh vangin tlem ka paih then bawk)
Similar Posts:
- NLUP Vrs. CONGRESS Manifesto
- Tun lai SSA leh RMSA th
- Ka Va Awt
- Chrysler a bankrupt ta
- NLUP chungchang- enge i ngaihdan?
April 17th, 2010 at 10:05 pm
1st
Report this comment
April 17th, 2010 at 10:05 pm
hahtak a thawk te kha hausa/sumnei zawk ten a bum bak2 mai ang tih hlau awm loh mo? loks ka chhiar nawn leh vek a a that hmel leh si.. ka buai zo vek.. vulh ve don nge ooo mi vulh tir ang?!!!!
Report this comment
April 17th, 2010 at 10:10 pm
kawlhawk ngaih dan han besei hmasa ila :?:
Report this comment
April 17th, 2010 at 10:15 pm
Kan Lal Isua lem Post hian kei zawng misual ah hian minti tuilo zo vek zanin chu.
Report this comment
April 17th, 2010 at 10:25 pm
Sorkar lam in tum dan fel tak a neih a ngai. Ar chaw to lutuk leh a man control si loh hi enfiah angai. Chutih rual in sa man bithliah tur leh control turin sorkar in Department a ruat lawi bawk si. Tuna policy hi chu Pro businessman, Anti Farmers ani rih tlat.
Report this comment
April 18th, 2010 at 12:47 am
Sumdawng leh sumdawng indawr kual vel naah hian mi tam tak, a ngaihna hre ve lo chu nek chep in kan awm mek sia lawm le, he article chu tha hle mai ………….. mi tam tak tan chuan high school trigonometry ai chuan chhenfak awm zawk ngei ang le…. A ngaihna hria chuan han tlangau pui zel teh u,misual.com chhiar pha velo te hnenah pawh, Ramtuk tur ram kan vai sawt em hi….
Report this comment
April 18th, 2010 at 12:48 am
Nitin chanchinbu a chhuah atan ava tha zawk ve o
Report this comment
April 18th, 2010 at 1:08 am
A trha khawp mai ,System nei deuha thil tih hi chu a trha in hlawkna tak 2 a paw chhuak ngei ang le. A leitu ngam na zat 2 zat a lei tawp mai hi chu a zia lo deuh a lo.
Meat procesing lam te pawh hi lian tham deuh in nei ve ilang (MIFCO) ni lo private ta ngei tichuan sa hniang hnar leh trha leh hrisel leh thianghlim regular tak a ei tur leh leitur te a awm phah bawk ang a trha hle ang.
Report this comment
April 18th, 2010 at 1:24 am
A post hi a tha khawp mai! Mahse kei ka chemkalna lam a ni tlat lo! Sawithui tur ka nei vak lo a, mahse zawhte chu tunge thi awrhtir ang? A hria khan hma han la teh u!
Report this comment
April 18th, 2010 at 1:30 am
A tha ka ti kawp mai management rilru atang chuan. System mumal tak leh remruatna fing tak atang chuan hmasawnna duhawm tak chu kan chhar chhuak ngei ang….
Sumdawng mi chuan plan mumal tak leh procedure tha tak a neih loh chuan a tan hlawhcham mai a hma bak a ni. Tuna I rawtna kan ti dawn nge advise zawk hi kan arvulh mi tan chuan hlawkpuina tham chu a nih ngei ka beisei. Lo thlir pawt mai teh ang. Keichu ka tuina lam ani vak lo tlats… :lol:
Report this comment
April 18th, 2010 at 8:02 am
Post a va tha rem rem ve le. Kan ram dinchhuahna tur chu agriculture leh veterinary farming atang chauh ani. Hetiang lam hi lo post zel teh u.
Report this comment
April 18th, 2010 at 9:31 am
Rinawm tak a thawh a ngai dawn a,kan tlin ve turah ngai i la.
He tiang ang hi mahni sum seng tam lo pawh a tih theih tur thil tha tak a ni a,mahse mi hausa te thuhnuai a kan beh tlat loh nan ‘terms & condition’ fum fe kan mamawh hle ang.
Report this comment
April 18th, 2010 at 10:31 am
Mizoramah chuan Ar note leh a chaw to lutuk hi, Vety ho Ar chaw her ve hi heng Samrat,Amrit etc quality hian siam ve ta se, chuan tamtak siamse Ar chaw hi phai a trang a lakluh khap hmak sela,kuthnathawktute’n Vaimim etc Ar chaw tur kan ching treuh anga Vety in anleizel anga Tin, Vety Deppt hian Arnote awpkeuna annei a Broiler an awpkeu tir lova, an Deppt hian Broiler Pullets Farm nei se phai a trang a lak ngailoin Zoramah Broiler note chi thra Sorkar hian tamtawk keu tir se Phailam a trang a lakluh awihloh ni bawkse, chuan Arsa hi lakluh awihloh bawk sela Arsa leh Archaw ah chuan kan intodelh tur a nia..
Report this comment
April 18th, 2010 at 10:38 am
@Xaia, “mi hausa te thuhnuai a kan beh tlat loh nan ‘terms & condition’… ” a dik chiah . Ka sawi tawh ang khian inbum loh nan inremsiamna company leh farmers ten an ziak phawt ang. An leina tur zat te, a thi a lo awm palh in engzat mortality % chin nge company in a ngaihnthiam ang tih thlengin.
NLUP hian Capital tum sak mah se a monitor lam that loh chuan a hlawhtling chuang lovang. Tin, lo hlawhtling ta pawh ni ila thar chhuah a tam poh leh a luhaithlak.khawiah nge kan process va ang?. bazar nu ho rate siam ang angin farmers ten an hralh, ka duh tawk an tih chuan hralh na tur a awm tawh lo….
Tun thlenga kan kalphungah chuan Arvulh dinchhuahpuita hi mi tlem te an ni..
Report this comment
April 18th, 2010 at 10:41 am
@dr-feelgood, antifarmers policy a ni i rawn tih na hi ka va hrethiam mai lo ve..
Report this comment
April 18th, 2010 at 7:35 pm
Ar vulh hi a hlawk! Taima leh ti hram hram peih tan… Tunlai hian Ar a vâng em em a, a vulhtu ten an duhtawkin Rate an san. Ar 500 vulh dam tha pangaiin Thla 2/3 chhungin atlem berah Rs. 30000 chuang an hlep tlangpui(ka chiang!) Mi tamtak, ti tak2 peih lo, mi hlawkna ringawt hria ten ar vulh a hlawk tiin, an rawn vulh leh sup2 anga, ar a tam leh hluai anga, Rate a tla leh duai2 anga, Ar vulh avanga sum tamtak hloh an awm leh ang. Chuan, ar vulh a hlawk lo tiin, an bansan leh sup2 anga, ar a lo vang leh anga, bansan ve duhlo, taima taka lo vulh hram hram te an hlawk leh ang a… Hei hi kumtina kan kaldan ani. I ar vulh kha mi ar te anga lian thau tha pui2a puitlin tir i duh anih chuan Mizoram Vety Ar chaw pe hlek suh ang che. Ka thu hi ring rawh!
Report this comment
April 18th, 2010 at 7:47 pm
e
Report this comment
April 18th, 2010 at 10:19 pm
@evergreen# 15. Anti farmer policy ka tihdan key chu, tun dinhmun ah chuan ar a sumdawnna ah chuan a vulh tute chan a chhe ber. Ar vulh puitling tur hian a senso 70% vel hi a chaw man ani tlangpui. Tah chuan ar chaw zuar te hi sorkar in a control si lova, an ‘duh tawk’ an chhiar maia, tin, a zuar tute hi a khar chhawng tu leh market lam control tlat tu anni. Chvangin an khar ngamna tawk lo chuan an khar duh lova, farmer tan lah ar hralh a hun tawh chuan chaw an heh lutuk a, hralh ngei ngei an duh bawk si, chuvangin an ngam na anga pek mai a tul thin. Chutichuan an tana margin tha tawk lo chuan an khar duh lo va, a hralhna rate sorkar in a fix chuan, a aia tlawm fe lo chuan farmers ten an hralh thei lovang. Chuvangin, a loser chu Farmers te anni. Chiang ang chu maw?
Report this comment