Chief Minister Lal Thanhawla chuan tunlai Mizote chu pi leh pute ang lo takin kan thatchhiat tak thu a sawi a, ‘hnam thatchhia kan ni’ tih hi tum khat chauh lo a lo sawi tawh. Phaizau Minor Irrigation Project Champhai leilet a hawnnaah Lal Thanhawla hian Mizote hnam thatchhia kan ni tiin chiang nawn turin a sawi lang leh a ni.
CM hian hnam thatchhia a tih hian pi leh pute chu a huam lo niin a lang a, hnam thatchhia a tih hian tunlai Mizote a sawi tum ber niin a lang. Hetianga langsar tak (bold)-a sawi tur hian pi leh pute eizawnna leh tunlai eizawnna hi CM hian chiang taka a khaikhina hmasawnna thang zelin hnam khawsak phung a thlak dan chiang takin a chhut phawt turah i ngai ang.
Lal Thanhawla hian thatchhia tia a sawi reng reng hian kuthnathawh hi a sawi uar ber zel a ni, tun tumah pawh hian Mizorama rawn pem lut mi nuai hnih dawnin kuthna an thawk bawrh bawrh chu Mizote thatchhia tilangtuah entirnan a hmang leh a ni. Pi leh pute hunah chuan kuthnathawh bak eizawnna a awm lo, insumdawn-tawnna (trade) a awm mumal lo a, an economy phak tawk chu kuthnathawh la ni.
Kuthnathawka taima taka intodelh thin kha kumpinu sawrkarin min rawn nek a, kan indo viau hnuah a ralthuam nei chhe zawk kan tlawma min awp. Hemi hnuah hian India-in min awp zui leh a, Assam state hnuaiah Union Territory (UT) kan ni chho a, kan hmelhriat ngai loh sum lengvak a tam ta em em mai a, sawrkar hnathawh te, contract hna thawhte chuan hnahnuai-hnung min thawhpeihtir ta lo a ni. India sawrkar chuan sumin min vur a, kan rilru leh taksa a lo thatchhe ta a.
“Lehkha zir rawh a nih loh chuan nakinah sawtiang sawn kuthna i la thawk ang,” tiin nu leh pate chuan an fate an zilh ta a, chu chuan thangthar rilru thui takin a kaihruai ta a. White colour job an tih chauhte chu chhuan tharte chuan ‘hna’ emaw an ti ta a ni. Hei hi UT hangover tih pawhin a sawi theih hial ang, hemi kawngah hian Mizote a tuamah inmawh thei kan awmin a lang ta lo. Hmasawnna kan dawl zawh loh kan tawng thut a, chu chu hnamin kan hak za a, kan tuar za ta a ni.
Chutianga kuthnathawh hmusit tura inzirtir hnam chuan tunah hian kan thawh ai thawktu tam tak lo hnam ta tuam tuam chu kan hmu a, ‘hnam thatchhia’ kan in ti leh ta mai si a ni. Hnam naupang kan la ni tih hi sawi nawn fo a ngai lo, amaherawhchu hnam naupang ta na na na chuan tawrnhriat tur kan ngah tih erawh kan inngaihtuah chhuah nawn fo nan a tul hle a ni. Chief minister ngei pawh hian a hun lai chuan a tu leh fate tan chuan kuthnathawh aiin mawi taka inthuam chunga hnathawh chu a fuihna a ni mai thei, chutiang chu tuna nu leh pa tam tak hi an ni, hei hi kan duhthlanna a ni lo a, changkannain hnam hnufual zawk rilru leh nun thui tak a khawih pawi theih zia a lantirna a ni thei ang. A mawhphurtu kan awmin a lang lo, kan cho loh khawvelah kan lut a ni, nakin zel atan inenfiah nawn nan hman a tha hle ang, changkanna thil dang a lo luh dawnin hnam a khawih pawi dawn em tih zawhna kan inzawh fo a tha ang, tisual nawn leh tawh lo turin i fimkhur tawh i la.
Similar Posts:
- Chhura thlahte ngei kan ni e…
- Mizo te hi hnam thatchhia kan ni em?…
- MAI LENG AN UM NGAI LO TIH LEH CORRUPTION……..
- Mizote leh kuthnathawh
- Eizawnna
March 4th, 2010 at 1:15 am
CM atana ka it chu…
1) A sawi tur ngaihtuah chiang mi.
2) Tawng mai mai pawi zia hrechiang mi
3) A tawngkam khat lekin ko ri a tu thei tih ngaihtuah duh mi.
4) A ngaihdan ni lo deuh thilah pawh State pakhat CM a nihna ang taka Whole State CM nih tling.
Sawi belh tur a tam ang. Pu Hawla, kawng tam takah ka fak che a, tun hnai hian i tawng mai mai deuh ve tan tlat. I chan a that lai leh, hnehna chang ni-a i inhriat lai hian fimkhur zual sauh teh. Nang lo chu tun dinhmunah hian Mizote hian Leader innghahna kan neih loh hi. I sukthlek lam apiang hi Mizote sukthlek a ni tih hriain Fim rawh.
I chetsual leh palh chuan Thupha chawi chunga i campaign lehna hi a hla chuang lo tih hria la, a vawi 3-na chu a sak talh tawh ngei ang.
Heti phawt hi… subject-ah ka rawn lut tha leh ang…
Report this comment
March 4th, 2010 at 1:25 am
Diktak chuan kawng zawh tur hreloa taima taka kal te, thahnem ngai taka tlan te hi thil har tak mai ania. abik takin lo nei mite phei hi chu sawhthing atang reng hian kawng a kuak chuan kan thatchhelo tih chu a chiang reng ka ti.
Report this comment
March 4th, 2010 at 1:28 am
” … i fimkhur tawh i la.”
Kan Mizo tawng heih heih thin hi chu leh! Mi thuziak finvarthlak tak tak chhiar ngai lo hi kan ang hlawm thin teh e!
“Fimkhur tawh ila,” or “i fimkhur tawh ang u.”
Taimak a tulna lamah kan zawmthaw hret niin ka hre zawk, eiruk-ah te pawh Hruaitute nena taima tlang hlawm tak chu kan ni VEK!
TAIMA leh THATCHHIA hi i thliar fel thiam lehzual ang u.
Report this comment
March 4th, 2010 at 1:33 am
Kan thatchhia maw? Teuh lo mai. Sawhthing ngaihtuah rawh se. Sawi thui a ngai lo.
CM hian amaha beiseina lian tak nei chunga thlangtling tute hi an tan kawng pakhat pawh a hawnsak hma hian thatchhia a ti ngawt tur a ni lo. Thawh tur sawi rawh se, awmze nei khawpa kawng min hawnsak a inhuam phawt chuan Mizo Thalaite hian kan tibeidawng hauh lovang. Kan awm mai mai phal hek lovang. Tam tak hian a thlawna tanpuina kan beisei ber lo, eng kawngah pawh Final Stage thleng min kalpui thei hi kan mamawh chu a ni mai.
Politics hi tawngkam thiamna leh tawngkama inchirh thehna ringawt a ni lo tih hi hrethiam tawh teh ang u. A sawia sawi hi chu kan khamkhawp tawh lo. A thawha thawh, a tiha tih kan duh tawh. Hma hruai teh u, huai takin hma han hruai teh u, kan tibeidawng lovang che u. Kan thatchhe tak tak em min han fiah teh u. Kei zawng ka huam e.
Report this comment
March 4th, 2010 at 1:34 am
Kum 1994 kum a vai buai trum pawh khan hnam thatchhia rukru hnam tih lam khan a sawi tawh a. Tunah a sawi leh tawh bawk a maw?
A mah ang politician ho in kan ram hmangaihna tel miah lo a an enkawl vang in kan ram in a nih tur ang ni pha loin a awm pha a nih hi.
Mizo te hi hnam taima thawh hreh nei lo khawvel hnam taima ber an sawi zingah pawh taimak duailo tak kan ni. Tih hi Hawla chu lo hrilh te u ka Mi(sual) pui ho khan.
Tih em ah chuan thawh in awmzia a neih na hmun ah chuan khawkhat thatchhe ber ang hial a an sawi pawh inan thawk peih zel.
Trawn la loh loh in lo trawn fo tawh suh se.
Kan hnam te hi kei CM ber hian ka lo hruai dik loh trhin avang in thawhloh a neih tum an lo tam ta anih hi ti mai se a ti dik fe zawk ang maw le.
Report this comment
March 4th, 2010 at 1:45 am
Hna thawkin zanlai pelh thleng ka meng a. Hna hlawk lo em em ka thawk leh nghal a, CM-in ‘Thatchhia’ min la ti zui. Hui ha!
Kan ram riangte, ka hmangaih em em leh ka hmangaih, ka lenrualte lenna ram hi chhuahsana, thawhin awmzia a neih deuhna hmuna pem ve mai ka va chak thin tak em!
Report this comment
March 4th, 2010 at 1:46 am
Kan taima em ni, thawh tur hlir ania kan thawk peih lo a nih ber hi mawle. A nawlpui (average) a chhiar ah ngat chuan mahse, a infuihna tawngkam lo angreng hle mai
Report this comment
March 4th, 2010 at 1:54 am
“thatchhia” tihhi chu tawngkam mawi lo tak chu a ni reng a.! Mahse, “kan taima lo” zawng a ni.! A nawlpuihi chu! “Hah” kan in ti hmain, kan inkhawngaih hma thin em mai a. Hnatha tak leh hlawktak (changkangtak) thawh tum chuan, harsatna leh hna harsa tak tak paltlang phawthi a ngai thin sia. Step bawh kan kan tum fo bawk nen….
Report this comment
March 4th, 2010 at 1:54 am
Mizote aia hnam taima sawi tur an awm chuang lo. Mahse taimakna hian lukhawng a neih thlawt si loh chuan thil atthlakah a lo chang ta thin a ni. Mite dinhmun hrethiam thei tur chuan an dinhmuna kan din chhin ve zet a tul thin. Nilengin miin hlo a thlawhin a ni tha kha pawisaah chantir se thingtlang lo nei ho ngat phei chuan ni khatah 100 an hlawh tlin loh chang a tam ngawt ang. Taima turin hrisel a lo ngai a, kan khawsak phung a lo hautak vei nen, sum hlawhchhuak mumal chuang si lo tan chuan taimak hi har tak a ni. Chuvangin kan CM pawh hian thatchhia a tihte dinhmunah hian han ding ve phawt se, a hrethiam theiin ka ring.
Hlawkna tham reng reng leh lukhawng nei chin reng rengah Mizote hi kan taima filawr larh tih theih turin khawiah pawh a thatchhia leh zawmthaw pawlah kan tang ngai lo va, kan taima em em vek niin ka hmu. Mahse, hlawhna awm miah lo leh awmze nei hauh lo thilah erawh kan taima duh hauh lo niin ka hmu. Chuvangin Hna tam tak siam chhuakin Project lian pui pui siam se la, thalaiten an intodelh hial theihna tur hlawh pe bawk se, kan taima hlawm ngawt ang. Ar pawh hi ei tur a hmuh lohnaah chuan a tla karh karh reng peih der lo zu nia.
Report this comment
March 4th, 2010 at 1:56 am
Ar maw, a tla karh karh tho ang, ei tur an hmuh loh pawn vaivut tal an chuk peih reng hi a zia a ni tlat, i mitthla mai mai a nih kha
Mizo chu hlawk lawihna tur a nih loh chuan kan tla karh karh rei peih lo.
Report this comment
March 4th, 2010 at 2:05 am
Hnam dang karah reng reng Mizote aia taima hi an awm ngai lo a nia, han chhut ve mah teh u.. Sipai ah pawh Mizote chu a taima ber pawlah kan tang zel. Thawhtur awm se, hlawh pe tha bawk se, kan taima khawp ang..:)
Report this comment
March 4th, 2010 at 2:17 am
Q: India flag leh Pi Rii kekawrte in an na enge? ….
Ans: Pu Hawlan a pawt thla ve ve ! :lol:
Report this comment
March 4th, 2010 at 2:25 am
#7HV, kei chuan Mizote hi hnam ang chuan kan thatchhia ka ti lo. Kan Politicians hmasa te khan vision nei lek lovin kan hnam rilru an lo corrupt(ed) vangin tun generation hian kan tuar ta em em a ni zawk. System mumal nei lovin vawk chawmin min lo chawm rei lutuk hian mahni in haichhuak thiam lo, vote zawn dawna duhthala bum nuam tak mipui min siam ta teuh a nih hi. A fing zawk kan lehkhathiam hmasa te lah mahni in hai vur bak ram tan eng e hnutchhiah an neih? A tam berah thawnthu fahrah te te an ziak chauh lo maw?
#10, Mihringte hi Pathianin ar angin min siam lo tlat, ama anpui ngeia a siam, chhia leh tha hriat hmang thei kan ni. A dik viau mai hlawkna lawih tur lo chuan thawh kerh kerh hi Mizo te chauh lo khawvel hnam zawng deuh tho hian kan peih lo. Juda hian an peih ber ka ring, vision an nei tha em mai.!
#8Jaspi, Zorunpuia sawi ang deuh hian hah inti hma lo turin taimakna hian lukhawng nei se zawng HAH inti har ber kan nih ka ring.
Report this comment
March 4th, 2010 at 2:32 am
Tarmit, ka hmuh dan chuan taima tamtak awm mahse, ambition kan neilo tlangpui niin ka hmu a. Tin, kan chapo na hian eiru thei emaw, hlawk hluai emaw ang chi lo chu thawh peih pawh kan nei vak pawn ka hmulo.
Awmpui neih kan intih hmuh a, inchhung khurah pawh tih peih kan nei ta mang der hek lo. Bawlhlawh takngial pawh a bawm ah chat chat kan paih peih hma chuan kan taima ka ti thei lovang kei chuan.
Kan awmpui ilo neih te, sawrkar in min tih sak zel mai te hian taimak na tur ah pawh kan taima theilo niin ka hria.
Ram dangah awmpui nei lovin, driver pawh tumah vakin nei bawk lovin, taimak lova nun theih loh na turah chuan kan taima viau lawi si, mahni ramah kan that chhe em em mai hi mak ka ti a tullo ka ti bawk a ni.
Tun anga kan awmdan taima kan intih chuan ( a nawlpui) kan future chu a bright lo khawp ang le. I can bet on this
Report this comment
March 4th, 2010 at 2:33 am
ni e, ngaihdanhi a inang lo thei em mai a. Keichuan, “Mizote hi hnam thatchhia kan ni” tih ka tawmpui na nilovin, tunlai thangthar te erawh an taima lo hlea ka hriat vang a nia. Kan pi leh pute kha hnam thatchhia chu an ni lo chiang ngeimai.
Sap nula, (anrama taima tak) hi Mizoram ah han “MO” ula, thatchhia inti thlawt ang. Kan khawsak dan pawh hian kawng tamtak “thatchhia” leh “taima” hi a hril ve a. Kan changkang lohvangin kantui loh zawngte kan tih a tulna chin a awm ve fo bawk.
Mahse, kan dinhmun atang chhut chuan, tunlai thalaite hi chu taima tak an ni lo in ka hria ve tlat.
Report this comment
March 4th, 2010 at 3:30 am
keichu a sawi hi a dik ka ti thlawt ani mahse kan ve vek kher lova ka dinhmun diktak a hmu fiah hle ni in ka hria
Report this comment
March 4th, 2010 at 4:08 am
““Lehkha zir rawh a nih loh chuan nakinah sawtiang sawn kuthna i la thawk ang,” tiin nu leh pate chuan an fate an zilh ta a, chu chuan thangthar rilru thui takin a kaihruai ta a. White colour job an tih chauhte chu chhuan tharte chuan ‘hna’ emaw an ti ta a ni. Hei hi UT hangover tih pawhin a sawi theih hial ang, hemi kawngah hian Mizote a tuamah inmawh thei kan awmin a lang ta lo. Hmasawnna kan dawl zawh loh kan tawng thut a, chu chu hnamin kan hak za a, kan tuar za ta a ni”
Helai hi dik ka ti khoops. Kan tuar kan hak za renga chumi chin fel nan chuan mawh kan nei, rawtna tamtak mi(sual) ah pawh hian kan siam hlawm reng ani. Kan CM thusawi hi taima tur leh taima te duhsak a tumna lama mipui a cho-na angah ngaihsak ila.
Lehkha zir kan uar hle a, Matric chunglam kuthnathawk hi survey nei ta ila an tlem ngawt ang. Mihausa huan leh lo nei ho pawh hian hnathawh ve aiin, an huan a thawkte hna an kan ani chauh, cowboy lukhum parh nen motor nuam tawka kal ngeiin.
Tichuan lehkha zirsang lo deuh vekin kuthna hi an thawk ta a, an hahpui man lamah puih an hlawh nep, thlei chi sem lahin ….anchhedawng chi hlir mai pek ni bawk si sela chutih rualin ni 100 inhlawhna-ah thlan tla mang lovin an kumkhat thar ang kha hlawh bawk si sela … kan future hi ngaihtuahawm tak niin ka hre thrin. Policy mumal tak leh road map chiang kek kawk, sawrkar pawh pachan changa mawhla ngam ngata a inrawlhna te hi ka lo beisei thrin …
Report this comment
March 4th, 2010 at 6:08 am
pu hawla hian “sawhthing kg ah rs.15 in kan lei dawn” rawn ti se, lei tak tak ngei bawk se, tunge thatchhe phal ang le???
kan khua-ah chuan mi tlemte in serthlum an hlawhtlin pui vangin chhungkua zawng zawng deuhthaw in ser huan kan nei ta. sawrkar atangin tanpuina kan hmu ngai lo, kan beisei lo bawk. ser a tâm loh a, a rate a that reng chuan tun atanga kum 5 velah chuan kan bet tlawk2 tawh bik lovang.
Report this comment
March 4th, 2010 at 6:23 am
@pu hv, bawlhhlawh takngial pawh a bawmah chat chat kan paih peih hma chuan kan taima ka ti thei ngai lovang kei chuan helamah chuan naupang kal thei tir atangin bawlhhlawh hi a bawma paih kan inzirtir a, kan hlawhtling chho tan zel. 100% chuan kan la famkim bik lo.
ka thlir zim deuh pawh ani maithei, mahse keini pawn kan theih chuan veng dang / khaw dang pawn an ti thei chiang.
thatchhia min tih hian ka rilru a na thin
Report this comment
March 4th, 2010 at 8:35 am
Mizote hi hnam that chhia kan ni in ka hre ve lo tlat. Mitin hian taimakna lam kan nei theuh a, tun hma-in kut hnathawh in sawi thaih in, lehkha zir taima turin kan in fuih a. Tum leh tinzawn (ambition) mumal nei si lovin, Kuthnathawh hlauh vangin leh kha kan zir ta sup sup a, lehkha zirna lamah kan lo taima ta em em a, School kal lo, kut hnathawk te kan hmu hniam a, ti chuan Zoram chu lehkha thiam ram alo ni ta. Zirsang lemlo te pawh tam mah ila, Zoram chu India ram pumhuap chuan ziak leh chhiar thiam tam berna ram a lo ni ve ta hial a.
Tum nei ran ho chu, Officer lianah an in hlang kai chum chum a, tum nei vak lo leh vanduai te pawh BA/MA ah an in hlang kai fur a, chutih rualin Sorkarin lehkha thiam zawng zawng hna a pe leh vek thei si lo. Hna hmu tur te, loan hmu tur te, sorkar atanga tanpui na hmu tur chuan, Minister lehkha etc. recommend tu tha neilo tan phei chuan a harsa ta si. Sorkar lam lahin tanpui tlak ngawih ngawih thlan chhuah aiin, qualified chiah lo leh ti tak tak lo tur pawh nise, mahni vua leh vangte anlo duhsak zawk zel si a. Kut hna han thawk thar leh tur pawhin anlo zei tawh bawk si lo, tunlaiah engpawh ti dawn ila, mahni a bul tan tur chuan, lu-met an ni emaw, pheikhawk siam an nih pawhin, bul tanna (capital) a ngai zel tawh bawk si.
Bawngtu thlawh leh Chem hum rikngawt hi taima tihna a ni lo. Mitin te hian taimakna zawng an nei vek a, a then chu zai lamah an taima a…mahse lar (popular) mai bak eizawnna tlak alo ni leh silo. Mi ram te angin, zai te hi eizawn nan hman theih se, million air kan awm fur mai thei. Then khat infiamna lamah an taima a, thlen pawh kan thleng sang ve ta e…mahse hei pawh hi, tun hma kha chuan, (India ai awh tur meuh phei chuan) chance a awmlo tluk a nih kha. Tamtak chu, zirna ai a, infiamna lam te, zailam te tuizawk an nih avangin, an in zirsang ve thei ta lo a tih theih bawk awm e. Mahse an thiamna khan din hmun thaah a hlang kai zo thin silo a ni.
Kan seilen danin a zirtak loh avangin kan phu tawk hna thawh tur avan tak avangin, MI TAIMA HNATHAWH TUR NEI LO kan lo tam ta a ni.
Kan hydel project te hi ti puitling thuai thuai ila, power kan lo ngah hnu-ah, Sorkar lam te, mihausa tangrual ten, Industry, factory te din sela, – Passion Fruits (juice), Pineapple juice, Orange Juice, guava (kawlthei) juice siam dan bak-ah, Jam siam dan tur te, pickle te, Wai Wai lam chi te thleng pawhin lo in ruahman ta thung ila, kan ram thlaithar te pawh hi an hlu zual ang. Thenkhat chuan chung ai a ‘tha’ te pawh tih tur kan hre ngei ngei in ka ring. Kan Zoram thei leh thlai tluk a tui leh hrawk-fah hi khawvel hmun dangah a tamlo hle in ka hre thin.
Tin, ‘Lo hal’ (jhum method of cultivation) te ching tawh lovin, ram ngaw kan la neih chhun te hi humhalh tha ila, ramngaw tha tak tak atangin Ply wood/board leh thil dang siam chhuak thei ila, Kan mau tha te hmangin paper Mill te din bawk ila. Lehkha thiam hna hmulo ho hi training te pe-in, hna siamsak chur chur ila, CM hian “THAT CHHIA” min ti fo lovang le.
Tin, hna sang kan thawk emaw hna hniam kan thawk emaw, mahni hna reng reng rinawm takin a tawp rat thleng a thawk mi nih i zir ang u. JF Kennedy pa khan a a fate a ko khawm a, “ Hna sang thawk turin emaw hna hniam thawk turin emaw fuih che u ka tum lo, eng hna pawh thawk rawh u, a pawi ka ti lo, a maherawh chu, hmun phiat (sweeper) hna in thawk a nih pawhin, Khawvela hmun phiat fai BER in ni tur a ni” tiin a fuih a, a ropui hle. Mi tamtak chuan kan hna hmuh chhun te kan iai a, kan thawk zak a…thawrawng takin kan thawk thin..a tawpah hauh emaw, ban emaw kan tawh phah thin.
Report this comment
March 4th, 2010 at 9:10 am
CM taima bera kan la neih chu Brig T Sailo, “CM thatchhe ber,” i inrinsiak ve ang u!
Report this comment
March 4th, 2010 at 9:28 am
Ka pa hawla hi chu tawng duh ve barh barh chang a ngah ngawt mai…
MIZOTE tih a chhe zawng a in sawi nan a hman fo hi chu a tha lo khawp mai, a bik in media lam leh mi chal lang ten.. Thangthar te rilru ah in tuh hnget ang tih a hlauh awm.
Report this comment
March 4th, 2010 at 10:42 am
Ka Pa Hawla chu, a zik-no a trangin a thruaiah ngai mai teh ang u. Thatchhia a min ngai a nih paw’n, kan thatchhiat chhan hi zir chiang se. ZAK chem chem tur zingah a tel.
Report this comment
March 4th, 2010 at 11:03 am
Hnam Run leh Bhavan-a nilenga thu peih kan tam em! Taimakthlak deuh asin. Taima lo tan hetiang hi tih reng peih chi a ni lo, Mizote chu taima deuh kan nia.
Taimak dan a inang lova, a inchen lo bawk. Nilenga hlo thlo peih an awm a, peih miah lo, thiam bawk si lo, zankhaw tairek thlenga Computer bula thu a hnathawk peih an awm leh bawk a. Mi rel taima em emte pawh hian hnathawh an taima leh chuang lem lo.
Kan thatchhia emaw kan taima emaw, chhan a awm ngei tur a ni a, kan taima lova kan THATCHHIA a nih chuan eng vanga thatchhia nge kan nih hi ngaihtuah ngai lai chu a ni. mi(sual) zingah zir chiang peih awm ula, zir chiang ula, in hmuhchhuah chu CM hi pe teh u, mi rilru a TIHNAT VAWNG VAWNG hma hian..
Report this comment
March 4th, 2010 at 11:05 am
Thatchhia tih chu na kan va ti hlawm ve ! a dik deuh tihna em mi dawn le?? :lol:
Mizo nun hrim hrimah hian ‘hnalak na lo’chi chhung hi awm a nia,thlahchhawn leh zia ang a ngaih theih a ni fo.
Rem hria leh hre lo kar chu hla bawk thin mah se khaw en chhung hnathawk thin te chu mi in todelh vawiin ni thlengin an ni reng.
MIstiri Rs 300 kher a thawhna hmuh ni chauh a thawk thin ka hria a,Mistiri vek Rs 200 pawhin thawhtur nitin awm zawk vang a thawk pawh ka hria.Hna Duhtui luatah thawh tur hmuh loh a hlauh awm.
A mamawhtu duhthlangtu emaw intih theih zawkna lakah fimkkhur a ngai thin!!!.
Ka thian hian sumdawnna a nei a,mi 7 a chhawr reng thin.A mamawh aia tam deuh a chhawr niin ka ngaih pui a,a hlawkna tihtham a neih loh ka hlauhpui bawk a.Mahse ti hian min chhang,”Hetia midang eizawnna ka lo siamsak ve hi ka lawm tawk,chhungkaw 7 lai mai ka chhawmdawlah ka ngai mai a.Ka hnuaia thawk an ni taknain ka thawhsen loh min thawhpuitute an ni a,zahawm takin kan in cheibawl vek,Tin,ka chanai eikhawp chu a awm a lawm” a ti sam et.
Zing a tang a nitlak thlengin kan LALPA leh kan RAM tan i thawk ang u
Report this comment
March 4th, 2010 at 11:05 am
Mizo te chu Taima tak kan nia lom.. Aizawl khi han thlir ve chin teh u.. Building lianpui2 mawng ah.. Vawk anla vulh tralh ania.. khi lo liam a taimak khi enge ni ta angle..??
Ka sawi duh tak chu.. kan za vai in kan thawh awm tawk i thawk ang u.. sawrkar hna lian thawk te chuan Ran vulh etc. te hi chu zahthlak ah ngai se.(NOI to ranvulh). a rethei hna mumal neilo te kian ngam ve se , chuti chuan kan economy chain a fuh deuh mahna
Report this comment
March 4th, 2010 at 11:05 am
Mizote hi hnam taima kan ni thin a, tunah chuan hnam thatchhia kan ni tawh tlat. Taima tan hnathawh sen loh a la tam, vai mistiri a tam na chhan hi kan thatchhiat vang a ni, Burma mi te vai sumdawngte hi engvanga lo lut nge an nih? Kan thatchhia a, kan thawh peih loh an lo thawk mai a ni.
NLUP mitin tan kan sem ang tia sawitu Pu Hawla hian kan VIP-te a tih tuna thatchhia a telh leh tak lohna chhan chu NLUP pawh chhungtin hnenah ka sem ang, tia a sawi kha thlan tlin a nih hnu chuan chhungtin hnenah ka sem ang ka ti lo, a tih leh kha…. chutiang chiah chuan inthlan hma khan kan VIP-te chu miretheite a ti a, tunah mi taima a ti leh daih…!!!!!! Lal hma thusawi leh Lal hnu thusoi a va danglam ta eeeemmmm!!!!!!!!
Report this comment
March 4th, 2010 at 2:05 pm
Thatchhia min tih fo mahse hna kan thawh peih tho chuan a poilo ti mai teh ang u.
NLUP hi engtin nge an zawrh kha Kan sorkhar leh anih chuan NLUP chhungtin hnen ah cheng nuai khat trheuhin (Rs 100,000.00) in kan sem ang a ti a ni lom ni .Chuvang chiah chuan a lom a tlin leh ni.
Cheng nuai khat vang bawk hian a tla leh ngei 2 ang a sawi ang a a sem lo anih leh si chuan.
Report this comment
March 4th, 2010 at 2:50 pm
Kan Governor in hmanni lawka Kohhran Hruaitute a kawm naah Mizo ten kut hnathawh kan hreh ta lutuk pawi a tih thu a sawi te nen khan ngaihtuah zawm ila.
Tu comment nge ni, Japanese scientist in Mizo loneitute thatchhia a tih thu a sawi te pawh kha.
Sumdawn tih vel ah chuan kan hrat hraih2 hle, mahse kut hnathawha kan taimak loh chuan hna rum/hahthlak kan thawk peih tawh lo tihna a nia, kan thatchhia tihna a ni ber mai lawm ni? Kan rilru a kanglang tawh tlat a, easy money in min spoil nasa tawh, kan moral a chhe lutuk tawh. Agriculture etc. ah latest technology te pawh chaw lut mah ila, eng teh ual kan ang hlei law nge. :cry:
Report this comment
March 4th, 2010 at 3:36 pm
Taima leh thatchhia kan awm, Rinawm leh rinawmlo kan awm. Zirtirna tha leh kaihhruaina tha kan mamawh hle. Kan ram hruaitute hnen atang hian kan beisei ang kaihhruaina leh entawn tur thil tha erawh kan la hmu hlei thei lo a nih hmel….
Report this comment
March 4th, 2010 at 4:54 pm
Amah LAL THANHAWLA vang hi a lawm mipui kan thatchhiat.
Poisa sem an ching si, annin nuam anlo tawl bawk.
Chumi khami chu chingru, (Tung etc.), a ngaihsak leh duh der silo. Amah avang hian mizo te hian an thawk rim thlawn hnem tawh ltk.. Beisei neilo hian mipui min siam miau hek.
Report this comment
March 4th, 2010 at 5:14 pm
“Hnam thatchhia” in tih leh ngawt thin hi CM tan chuan a fuh ber lovang.. kawng tamtak ah mawh a phur ani amah ngei hian, mahni mawng hlim tepawh a ang rum rum alawm a CM rei tawh si a.
engvanga thatchhia nge kan nih..? Ans: no 1. competition awm heklo, sawrkar chet dan leh policy ah a innghat thuk hle hei hi, sawrkar ina min hruai dan in a zirloh nana na chuan hmabak dang vak a awmlo.
mipui thiamloh ni tho mahse, mipui hruaitu sawrkar in a hruai dan a thiamloh chuan “Sunhlu kung ah thei dang a rah lo” tih ang deuh ani.
entirnan, hna lak chungchangah, (duhsak zawng lak hi chu sawi tello pawh ni ila..) miin thiam vaklo pawha certificate hmang ringawta sawrkara a luh theih dawn chuan, thiam tak tak tura zir vak aiin certificate nei tura ringawta zir an tam loh nakah.. miin thawk rim vaklo a ei a hmuh theih chuan, hah taka thawh tralh aichuan hah lemlova sum hmuh kha engahnge a thlan zawk loh tehlul ang..
sawrkar hian mipui a hrua dan tehi a thlak ani.. nakinah ka sawi zawm leh ang..
Report this comment
March 4th, 2010 at 5:27 pm
Pu CM-a hming ziah dan hi ka lo vei ve mai mai thin, kei engmah nilo misual hian,
Report this comment
March 4th, 2010 at 6:01 pm
@badboy kei tak hian a nia vei…enge an hriat aw ka tia a mi langsar tak tak hetianga ziak tlat hi an awm..ka ngaihnep phah ve top sin kei chuan
Report this comment
March 4th, 2010 at 6:48 pm
Office tan hun taka kan awm kim thap loh danah te, Office ban hun tak hma a haw fai duak te, Cl-X & Cl-XII result a Vai kan tluk hleithei lo te, College classroom aia a chhehvel thingpui dawr leh Common room a student tam zawk danah te, Mizoram Calendar sen thut mai te leh thil dang2 en hi chuan Hnam Thatchhia tih tlak chu kan niin ka hria. Kuthnathawh leh thawh loh lam a niin ka hre lo. Mahni nihna hi pawm ngam ila insaimthat dan kawng a awm.
Report this comment
March 4th, 2010 at 9:23 pm
Kan thatchhe lo, kan Ram hruaitute zirloh vang ani, Naupang pawh hi han sual viau mahse nu leh pa in an zir chuan an tha leh mai thin ani lawmni?!!
Sum a thlawna Sum sem ching, thingtlang loneimi rilru ti piangsualtu leh thatchhiatna khurpuia a hruailut tu Politician te hi ka dem………
Report this comment
March 4th, 2010 at 10:12 pm
karei: i sawi dik chiah. a sawitupa ngei hi dem tur, min hruai rei ber bawka..
a chhan chu maw, entirnan, discipline a chhiat chuan mihring kan inthlahdah zel, dan kenkawh thrat anihloh chuan dan bawhchhetu an tam zel, competition a awmloh chuan thahnem kan ngailo tulh tulh. heihi mihring tam ber mizia ani, thildang pawh sawi tur a tam ang. hetiang zawng zawng siamtha theia siamtha silo tu langsar ber techu vawklallena leng kan politician te zingah pawh thuneihna hun chelh rei bertu ti ila a bulls eye kan teuh ber ang. :lol:
a sawrkar hmasak lai zawng zawng khan “lu pan hnathawh” ansawi ang mai, hmasawnna kawngah ke kan pen muangin kan hnuk delh delh ani ber mai. chutiang zawng zawngah chuan politician te hian mipuite aiin mawh an phur nasa tih hi hre tlang ila.. chutiang hruatu ina thangkhat lian teh meuh min hruai hnu ah mipui dem ngawt hi a fuh ber lo, a zung atangin kai phawk ta ila, who is the snake kan hre thei ang chu.
tun hma zawngin mizo hnam ho hi hnam thatchhia annih kan hre ngailo ang. khawvel hnam dangte ang tho(civillization trantir lam) anni kan pi leh pute kha. chuan leh chuan leh.. Israel fate Jordan lui ral an kaia an party ang deuh khan Mr.Snake a’n State lui ralah min han party pui ve hep hep hnu ah kanlo danglam zo ta ani. :lol:
No Offence intended to anyone.
Report this comment
March 4th, 2010 at 10:18 pm
Thlan lal SAP-ho hi chuan anmahni thlang laltute hi kar lovah an hmusit vat zel! Mahni hmingthatna tur hian thlan lalho hian an beih v=fe a ngai, an taimak a ngai zui reng a ni. Chhui chhuah mai mai an nih lohna tur hian!
Report this comment
March 4th, 2010 at 10:53 pm
Kuthnathawktute hi dem ngawt chi pawh an nih lohna lai pawh a awm ve a sin. Market lam a that chuan taima tak chu an ni mahse a tlangpui chuan mizote hi kan thatchhia in kan rinawm loh ka ti ve tlats
Report this comment