A thupui ka han tarlan khi mi tam takin Debate thupui-ah te hmangin kan in hnial hrep tawh in ka ring. Tam tak in Mizo te hi hnam thatchhia kan ni, thawk lo a sum hmuhna a nih chuan midang chanai pawh kan hlep ru duh in eiruk pawh kan hnial lo ti an awm lai in, Mizo te hi hnam thatchhia kan nilo kan Pi leh pu te atangin hnam taima leh mahni a in todelh tum ran hnam kan ni ti an awm bawk a.
Ka ngaih ve dan chuan…
Mizo te hi hnam thatchhia kan ni lo kan ti phawt teh ang. Midangte neih ang neih ve loh hlau in a sur a sa hnuaiah, a thim a var thlu lo in kan thawk dawr dawr peih. Sawhthing ni se kan sorkar hotu ten ‘ching rawh u in kawtkaiah kg khat cheng sawmin kan lak sak ang che u’ an tih chuan mitin in kan ching peih, chu mi piah lam ah, kan lak tawh na hnu pawh tlem a la awm takin tiin nileng in nisa hnuai ah kan zawng nawn leh peih. kg khat cheng 10 mai ni lo cheng 20 ten min lak sak dawn se tunge ching peih lo awm ang? Mizo te hi kan thatchhe lo…
NLUP kan sem dawn an ti, Cheng 20000/- vel in bul min tan tir an tum a. Bawng vulh tum tu te bawng pakhat vel in Bul min tan tir an tum a nih chu. Chutiang zel in, engtin nge dingchhuak se min tih le te ka ti thin. Thenkhatin mahni intodelh tum in NLUP ah sapthei an thlang a, sapthei kha kan sokar hian kg 1 cheng 3 ten min lei sak leh si chuan tunge intodelh tumin sapthei ching duh ang?
kan sorkar hian kut hnathawk te dinchhuahna tur in Factory te min din sak in, Eng Industries emaw te din se kan thil thar chhuahte hei aia hlawk zawk a hralhna min siam sak in , thla khat a kan thil thar chhuah hi sorkar hnathawk te hlawh ai sang a hralhna nei thei zel ila tunge kut hnathawh peih lo awm ang?
Enge i ngaih ve dan?…….
Similar Posts:
- Cheng 4000-5000 an sem dawn an ti
- Sapthei
- Sa Heh
- Mizoram a sorkar hnathawk hlawh hi a tam lutuk em, Tax pe ve dawn ta ila
- Mizoramah Zu a vang em?
April 11th, 2011 at 9:39 pm
Thil reng2 generalised deuha soi hi dik ka hre tlem khop. Vai an phakar, an sual, mizo chu hnam thatchhia, hnam hmeltha, burma mi chu kut tim lo, sual hreh lo…tih ang reng, mi thenkhatah a dik ang a, thenkhatah a dik lo ang.
” there’s a yin for every yang..”
April 11th, 2011 at 9:40 pm
Ni lo ang,kan hlawkna turah chuan kan tai ma khawpin ka hria.
April 11th, 2011 at 9:40 pm
I ti dik ang…keipawh ka ngaihdan deuh reuh ani.
April 11th, 2011 at 9:43 pm
Mizote hian kan thawh phu tawk hlawkna kan hmun dawn phawt chuan thawh peih loh kan neih ka hre ngai lo.
Tun hnu-ah erawh chuan mahni thawh chhuah ni lo a hlawkna hmuh tum mi eng emaw zat kan awm ta niin a lang, amaherawhchu heng mite hi chu mi tam tak an ni lem lo, a tlangpuia lak chuan hlawkna hmu dawn ni a kan inhriat chuan hrehawm mahse kan thawk hram hram zel chu a nih hi maw.
Kut hnathawktute thawh chhuah zarah thawk ve miah lo ten fel hlel deuh takin hlawkna tam tak an lo tel ve thin erawh hi chu a ngaimawhawm deuh chuan ka hria.
April 11th, 2011 at 9:50 pm
Hlawkna duhlo kan awm hlei nem,hlawk kan tum lutuk zelna hian min ti buai zawk niin ka hria..thil awlsam leh hahdam taka hnathawh kan tum theuh vang hian alawm thatchhia anga kan lan mai mai..#xaia,i ti dik chiah..!!
April 11th, 2011 at 9:53 pm
Ngun taka ka ngaihtuah hnuin, Mizote hi hnam taima kan ni e ka ti ta a ni. Mipui pawh a a tam zawk chu kan taima, tun thleng pawhin. Khawpui chauh hi ram leh hnam thil teh nan kan hmang thin. Mizoram pumpui hi thlir thiam thin a tha. Ka lawm e.
April 11th, 2011 at 9:55 pm
NLUP a ka ngaihdan ka soina ni lo se, rs 20000 hi a tum tan cuan capital chhawrnahawm tak a tling thei, ka ti ve tlat. Rs 100 vela paan dukan (dawr) atanga store lian din chho poh an om nual asin.
April 11th, 2011 at 10:00 pm
triplestar a ngaihdan khi ka ngaih dan chiah ani e
April 11th, 2011 at 10:01 pm
a hun leh a hmun a zir ni ka hria, kei misual hian!
April 11th, 2011 at 10:01 pm
NLUP hi a hlawhtlin ring lo mahila , a lawm awm ve hrim hrim ka ti.
Chuan mizo te hi ‘Hnam taima tak kan ni’ tih hi ka pawm e
April 11th, 2011 at 10:04 pm
# 7 ReMpY_ScisSoR i sawi dik na meuh mai. Ka sawi tum tak zawk chu kan Sorkar ka dem-na ni se. NLUP hi a hlawmin sem se chuan hei ai hlawkpui leh din chhuahpui kan tam zawk in ka ring tlat a ni.
April 11th, 2011 at 10:08 pm
#11, mi rilru nei leh NLUP dinchhuahpui lo tum ngei tan cuan rs 20000 hi chu a nep deuh tiro…a lem ka ti. Mse a hlomin sem se, cellphone nei thar, laptop, fridge, tv.. etc nei thar an om leh nok my ang a..ka ti deuh.. NOI
April 11th, 2011 at 10:10 pm
@ReMpY_ScisSoR, Zanin chu FB lamah CK(check) ila???
April 11th, 2011 at 10:11 pm
NLUP han tih hian kan chief minister zahawm tak hian ti a ril deuh reih rawih tak mai a han kawmen ve theih ka va chak tehlul em
April 11th, 2011 at 10:15 pm
NLUP hi in sawi ve ziah mai. Sum hi a tlem/ a tam tih a ngai lo, sawrkar NLUP Exec Summary in entirnan a an hman ho mi hlawh tling te hian bul tan nan an hmang tlem khawp nia! A tak a nih leh nih loh chu chhui ve tawh mai rawh u. An address nen a lan saw!
OT dalah, Mizote hi hnam taima tak kan ni. Fuihpawrh erawh kan ngai
April 11th, 2011 at 10:15 pm
Hnam thatchhia chu kan ni lo… mahse thawh duhloh/thawh tlakloh a ngaih hi chu kan ngah deuh lo maw awww, chhiang vak lo.
April 11th, 2011 at 10:22 pm
@volume 1, i van sawi dik tak em!!! Hna sang leh hna hniam thliar nasa ber hnam kan ni awm e. Engkim thawh kan hrehloh hunah Hnam Taima tiin inchhal chauh ila a awm vel ka ti.
Kan thawh zah/hreh thawktu hnamdang an la tam lulai lutuk.
April 11th, 2011 at 10:22 pm
Mizote hi kan thatchhe tawh!
Mi hlawhtlingte hi kan han awt viau ṭhin a, mahse hlawhtling tura an thawh nasat ang hian kan ti peih ve meuh ṭhin lo ni berin a lang.
NLUP pawh hi a hlawkpui tur leh hlawhtlinpui tur chu mi taima tlemte chauh an nih ka ring. A hlawm chuan sem se Two Wheeler zuar leh TV dawr tih vel chu an hlawk ngawt ang
April 11th, 2011 at 10:27 pm
Kei hnam taima tak chu kan niin ka hrelo. Kan pi leh pu te leh hman deuhte kha chuan anlo taima ani thei. Tun dinhmunah chuan thawh tur ngah tak, mahse, a thawh tur hmuhte sit a, thawk peihlo kan Thalai zingah hian ka hmu tam lutuk tlat. Ka hnathawh ang hi thawk peihlo a, engmah thawklo a, leng mai mai an kuh tul mai! Kan taima lo ka ti a hnam ang chuan. Mimal taima tak tak erawh hmuh tur chu an awm.
April 11th, 2011 at 10:30 pm
Kan thatche hran lo a, kan inthlahdahin kan zelthel a ni ber e.
Keini aia thatchhia an tam! Keini aia taima lah an tam! Kan thawh lo chuan kan tam ang… tih vanga thawkte hi taimaah ka chhiar lem lo, a tulnain a nawr thlu a ni mai.
Thatchhe dik tak chu : thawk lo mah ila ka nghei dawn chuang lo… tih changchawi a, a enga mah thawh tum lo/ thawk peih lo ho hi.
Taima chu : thawk lo mah ila kan harsa mm lo e… thawk teuh mah ila ka hlawh tur zat ka hlawh tawh tho … ti reng chung si a, thahnemngai taka thawk fan2 ho hi.
April 11th, 2011 at 10:39 pm
NLUP a sum sem zatah hian buai a awl khawp mai. Ka hriat ve chin kan sawi mai mai ang a. Nuaih leh a thenah chuan nuaih chuang dawng tur te an awm a. An sum dawn tur hi stage hrang hrang, an hnathawh dan tur a zir a ‘release’ a ni. Vawk vulh tur chuan tun a Rs 20,000 a dawn khan vawk in vel a sa phawt ang. Chutah, a sak zawh hunah a note leina tur a dawng leh ang a, chutah stage hranah a chawman, a enkawlna tur damdawu man, etc etc. Huan etc thlang tan, a hmun vah faina etc atan Rs 20, 000, chutah, a ram siam rual nan etc etc, a dawng leh ang a, chutah, thlai chi/ a tiak leina atan etc etc, a stage hrang te te in. Tumkhata a sum hlawm tel lawih lo in. Chumi ‘plan’ avanga an sum dawn tur hi then darh a nih thu ka dawng…
April 11th, 2011 at 10:40 pm
OT: Mizoram Pa Chak ber(??) Chamtea vawiin ah Lunglei a lo lut. Theihtawpa ropui a inpuahchahna nen lo hmuah a ni. Kei erawh ka tel ve hman nganglo.
April 11th, 2011 at 10:40 pm
Ngaihdan a inang lo nuaih ang. A hnam anga taimak tum chi poh a ni lemlo a, mahni hma threuh thlirin duh kan thlan a ngai a ni maiin ka hria. Retheih poh poi ti lemlo, nih dan ang ang a tlei leh thawveng kan tam viau in ka hria, hna hniam tak thoh ai cuan nei ang ve deuha lanchhuah der a lungoi ta mai poh kan kat nok ang. He he. Eng eng emoni hi tihian ka lo soi ve niah2 a, ka innuihzat.
April 11th, 2011 at 10:41 pm
A tlangpui thu a lakin kan thatchhe love. Kan rilru(moral) erawh siam that a tul viau.
April 11th, 2011 at 10:46 pm
ReMpY @23, Tha/ ril lutuk! (i kawmen ve nihniah ho hian ngaihtuah a tithui thei fu zel) Mahse, i inthlahrung mah2… Luak ve bawrh2 rawh
April 11th, 2011 at 10:48 pm
@Rempy_Scissor
Kan OT lok.topic han post ve leh tawh la, hla thu nen kan lo chhawn leh teh ang che heheh
April 11th, 2011 at 10:57 pm
@doc_lib: lerh hi thatchhiatna chi khat a nia
ti hian an awm a, an ingaihtuah lungngai kual vel a, thatchhiat ah an tlak nge nge thin 
April 11th, 2011 at 10:57 pm
Mitlemte rinawm loh vangin hnamdangin mizo pumpui hi hnam rinawm lovah an ngai thei. Vai hnena a hlawma hmarcha rep zuar thin pakhat chuan a rukin tui a leih a, a hlawk phah khawp. Mahse chumi avang chuan vaiin mizo hi rinawm lo ah a ngaih phah thei. Meihawl zuar thenkhatin a rukin meihawl bag ah thing kang bung dah an hreh lova, sawhthing bagah leitlang thun an hreh lo bawk. Mi thenkhat rinawm loh vang te, sual vang te, thatchhiat vang te hian a hnam pum hian a lo inhmuh khaw loh theih dawn khawpin ka hria.
April 11th, 2011 at 11:13 pm
@Vaiva
I thikthu i pe chhe lutuk. Love lam poh ka sawi loh khi. Hla thu in ka lo chhawn ang che ka ti mai alom hahaha
April 11th, 2011 at 11:13 pm
ka ngaihdan tawi te – “SUM FAI HMUH ZUNG ZUNG THEIHNA TUR ATAN KAN TAIMA EM EM A, CHUTIH LAIIN A HLAWKNA VAWI LEHKHATA TEL MAI THEIH LOH ATAN ERAWH KAN THATCHHE HLE THUNG”
Chul ram hnim pik karah sawhthing to kan zawng peih a, tlaiah kan hralh nghal thei mai. Chutiang bawkin thil dang dangah pawh sum hmuh nghal theihna turah chuan kan taima hle.
Amaherawhchu lehkhazir te hi…nakina kan la hlawhtlinna tur leh kan la hlawkna tur a ni tih kan hre vek na a, kan thatchhe em em lawi si.
April 11th, 2011 at 11:20 pm
Khaw pakhatah chuan zan thla engah pawh sawhthing an cho peih….a hmun vah leh lin chu an peih hauh thunglo.
April 11th, 2011 at 11:37 pm
Hnam ang zawng chuan kei chuan ngaihdan neih a har ka ti.
Kan pipu te kha chu an taima ka ti khops.Mahse tun thangtharte ah hi chuan kan Taimakna dan a dang ka ti.Chu chu khawvel changkannaina a ken tel ani.Kan tui zawngah chuan kan taima khops.Mahse kan taimakna tam tak hi thil tha ber chu ani lo khops.Vai ho hi kan la tluk miah lo ania……..Individualistic tih loh ah leh thil dang tam takah…hihaaahaa
April 11th, 2011 at 11:47 pm
@30 Argo i ngaihdan ka tawm e. Mi hnuaia in hlawhfak chungchang te pawh han swi kai u la male.
April 11th, 2011 at 11:57 pm
Pawisa leh Tisa chiah puam lamah pawh kan taima! Risk lak huai fe fe kan tam zia te, Zo-Ar hi Broiler in a dominate tak thut atangte hian thang duang leh pung nasa lawm hnam kan nih zia te a lang.
April 12th, 2011 at 12:14 am
Kan taima kan inti emaw thatchhia kan inti emaw kan ngaihsam hi ihan sim phawt mai teh ang u.
Keyboard kan su teh ang , hruk ngawt chi ni pawhin ka hrelo
April 12th, 2011 at 12:22 am
@ 1..rempyyi thawk dik ve trum!
Taimakna…hardworking (?) hi relative term ani. Hna neih loh chuan a taimak theih loh! Hna thawh tur nei, thawk tha peih lo hi thatchhia an ni. Hnathawh tur nei lo, awm mai mai hi an thatchhe ngawt thei lo..hnathawh an nei miau loh chuan..!! Hei hi general view ani (khawvel).
Taima a hnathawkrim tur chuan enge hlawhchhuah tur hriat angai a, hlawhchhuah tur a that lem loh chuan taimak khan awmzia a nei lem lo..taima ten an taimak hman an hmuh theih nan mipui te hian sawrkar kan din ani…a dik em awww!!
April 12th, 2011 at 12:30 am
ka la chhiar peih lo,,,,nakinah later
April 12th, 2011 at 12:34 am
thawk loa pawisa lak luh lamah chuan kan taima lutuk
April 12th, 2011 at 12:46 am
Sorkarah hian a theih hram chuan in nghat ltk lo thei ila,a khalh ngil turin tangrual thei zawk ila duh thusam chu mawle…..sorkar do leh tan tlat leh tan lo thei lo ho nen inpawlhsawp nukna a la nih avang hian a buai thlak deuh chu ani.
#35. I Keyboard chu eng tui in nge suk i tum chu aw…
ka hreve duh ania…
April 12th, 2011 at 12:47 am
Taima infak chawp angai lo asin. Kan vel ami ten min hmu in ralkhat atangin min thlir reng tih hi hria ila tichuan… sawi peih tawh lo mai
#39 Keyboard chu, Ultra Screen Cleaning Gel, CPU chu air spray chi $3 man lek te hi ka hmang mai. Su han tih ah ka sil ani ber zawk e, kan sawi uar ve hlak anih kha.
April 12th, 2011 at 12:49 am
lrpa dik thawkhat viau mah se mitaima tan chuan thawh tur awmlo leh thawh zawh awm thei dawn mi aw? chawlh lailawk chu awm tho na in
April 12th, 2011 at 12:52 am
kan pipu te kha an taimai kan tia mahse, khati tak khan taima lo se engnge an ei ang? Ka ti mai mai.. Mahse mizo/tlangmi ho hi kan thatchhe em em lo mai thei, officer lian tak2 nupui(kut hna thawh ngai lemlo) tam tak pohin in bulah kitchen garden te an nei peih a, vawk vulh peih an awmbok a, chuvangin a tlangpuiin kan taima mai thei.. Ka hre bik lo
April 12th, 2011 at 12:52 am
ngaihsam lolzzz
April 12th, 2011 at 12:53 am
#39 Isopropyl alcohol pawh ka hmang thin tho.
Tin,
Insawi taimak chawp angaih hi chuan thil felhlel a awm a ni mai.
April 12th, 2011 at 1:09 am
Thatchhe chaw heh chaw hmeh heh! hmelchhe ek thring bawm.. By Sir Pu Kungtea of Rahsiveng.
April 12th, 2011 at 1:19 am
#40/44. Pu HV, Ka lawm e.Mahse ka bo tulh tulh mai…
Pawnchhe faia hruk chiah ka thiam.
Vai rilru kan pu tana Individualistic ltk avangin
corrupt lamah kan taima a,chubakah tih hlut lamah kan taima bawk.
April 12th, 2011 at 1:37 am
Fanai Metal #46 Isopropyl alcohol chu Nail polish remover te pawh ani tho. Alcohol hul/ro vat chi Acetone ang chi hi a ni mai ang chu.
April 12th, 2011 at 7:33 am
Kan thatchhe lo a nawlpui chuan, NLUP pawh sem sem a ngai hleinem, kan thlaithar te min leisak thra se, kan thiltharah hian royalty lo ei ve phet tum lo se mahni duh thu thu in ram/state pawn ah pawh hralh phal se, kan huan/lo kalkawng te hi a tam thei ang ber all weather road/truckable in min siamsak se, kan thlam zz ah electric kawneksawn kan pawh phak/theih turin min siamsak sela, tui kawng/lakna/laktur thra min siamsak se… NLUP Rs 100,000 tih vel mai mai ai chuan a thra fe anga kan intodelh zawk a nga sorkar hna hi thawk peih/duh a ram anawmlo zawk ang mawle..
April 12th, 2011 at 8:53 am
a nawlpuiin lehkhazir kan thatchhia..
thiltam tak thluak hman ngaihna chi te pawh kan ti liam leh puat puat…
NLUP hi mobile, TV etc lei nan hman nuam kan ti…
mahse…. kan sawrkar hi a thiam lo a ni.. Tamil Nadu-ah te chuan TV te, Mixie te, Laptop etc an sem mai a,,, NLUP pawisa pawt hek lo tur hian kan sawrkar hian hetiang ho hi chu sem ve mai tur a nia
April 12th, 2011 at 9:12 am
A dik tluan chhuak vek
Kuthna kan thawhin, kan thawhchhuh hralhna a awm leh siloh vangin sawrkar hna kan inchuh ta lui lui a nih hi.
Sawrkarin vairengteah buaina a siam loh apiangin sawhthing leh thildang kuthnathawktute thawhchhuah man man zawkin kan hralh thin.
NLUP sem a an duh duh min chin tir aichuan, kan thawhchhuah sa hralhna kawng min hawn se sawrkar hian a ti fuh zawk ang
Tuna trade hrang hrang thlanga hlawhtlin ngei tuma beitute hi ka khawngaih. Beidawnna ruamah an lut ngei ngei dawn tih ka sawi sa ngam! Shaala!
April 12th, 2011 at 9:13 am
Taima pawh ka ti velo. A hlawk turah chauh kan taima in ka hria. Hlawk lo chu kan ti peih tak2lo.
Hlawk deuh kan tih peih na pawh chu taima ni tho bawk si….
Ka hre tawh biklo,Taima leh Thatchhia inkar Taichhia aniang.!!! Thatchhia tih dawn in taima ve fu hlawm bawk sia(hlawk turah chuan)Taima ti dawn ila thawh peihloh kan ngah bawk si..Zing thoh te poh hi kan peihlo in ka hria
April 12th, 2011 at 9:40 am
Hlawh tur a awm chuan hnam taima ber .Hnam taima ber pawl a sawi Israel zingah pawh Mizo an taima ber lawr lak.
April 12th, 2011 at 12:48 pm
Mi taima chu thawhtur awm a piang hreh hauh lova thawk peih. Hnatha a awm loh lai pawh a hna chhe deuh pawh/ a awm a piang thawk peih an niin ka hria.
Khing a tanga kan teh chuan Mizote hi mi taima kan nilo ka ti. Thawh hreh kan ngah em mai. Mi taima chuan hna pangngai thawh tur an nieh loh chang pawhin awm mai mai lovin thil tihfai tur emaw tal an zawng thin a. Mi thachhia chuan chhuanlam tamtak neiin thawhloh na kawng hlir an ngaihtuah thin. A bikin kan aizawl khawpuiah ngat phei hi chuan mahni thawnhnaw tak ngial pawh su peihlo, khawlai a tihtur nei miahlo a thu mai mai kan tam em mai a, chuvang chuan a tlangpuiin kan thachhia ka ti.
Tin, thil chhia leh tha, mawi leh mawilo, thachhia leh taima hre tur chuan thildang/ midang nen a khaikhin a ngai a, thil amah chauh a a awmin thlidang ai a a chhiat leh chhiatloh a hriat theih loh. Chutiang bawkin mihring pawh midang te aiin mite ai a kan thachhiat leh chhiatloh hre tur chuan midangte nen kan inkhaikhin a ngai.
midang/hnamdang nen a khaikhin chuan Mizote hi mi thachhia kan ni a tih theih bawk.
(note; a topic ah hian Mizote hi hnamdang aiin kan thachhe bik em, tih phei chu a ni hauh lova)
April 12th, 2011 at 12:52 pm
Universal donor a sawi khi universal truth ani tlat mai
April 12th, 2011 at 3:01 pm
A taima an awm a, an hlawhtling nge nge bawk a,
a thatchhe deuh an awm a, an zelthel deuh nge nge bawk a…ti teh chiam ila… 
