Shillong bul Barapani ah Sumo accident.

May 10th, 2010 7:04 pm by alchemist

Zirtawp zan dar 11:00 vel khan Gauhati lam atanga Aizawl pan tur Sumo chu Barapani bulah a accident a, sumo a chuang Mizo sawmpakhat (driver telin) zinga sawmte chu damdawiin ah hruai an ni in, pahnih te chu ICU ah enkawl mek an ni.

Sumo hi truck nen an insu a, a chuangte sawi danin driver hian zu a rui a, a tlan chak hle bawk. Truck ruak, Shillong lam atanga chak tak bawka lo tlan chhuk, a hmaa motor rawn tlan pelh tum chu a tanky-ah a han su a, a su na in motor pawh hi a chhe hneh hle a ni. Hliam sawm zinga pariat te chu vawiin khan an awmna Dr H. Gordon Roberts Hospital atangin chhuahtir an ni tawh a, pahnih dangte chu ICU ah la awmin pakhat chu a rawn harh chhuak tawh a, pakhat dang chu a dinhmun a la ngahtuah awm deuh.

Sumo a chuang te hi hmeichhe pariat leh mipa pahnih an ni a. Hmeichhia te hi Kasturba School of Nursing, Rajmundry, Morampudi, Andhra Pradesh a GNM zirlai an ni a. Kum 20-25 inkar, chawlh hmang tura rawn haw chho mek te an ni. ICU a awmte hi Nl Tabithy Lalremruati, kum 23 leh sumo driver Masanga te an ni. Masanga hi chu a harh tawh a, Nl Tabithy hi chuan nasa lehzuala kan tawngtaipui a mamawh hle mai. Sumo a chuangte chu:

1. Tabithy Lalremruati – Bethlehem Veng

2. Zirnunmawii – Republic Veng

3. P.C Lalengmawii – Ramhlun Venglai

4. Lalmuanchhani – Zuangtui

5. Lalhmachhuani – Republic Veng

6. Lalhmangaihzuali – East Lungdar

7. Angela Malsawmsangi – Tuikual

8. C. Lalruatdiki – Khawzawl

9. Lalhmingmawii – Tuikual

10. Lalhmunsanga – Zampui Behliangchhip

11. Masanga (driver) – Salem veng

Chhiattawk buaipuitu Shillong YMA leh Zirlai Pawl te an fakawm hle a, Shillong Liaison Officer Pu Alex-a pawh a fakawm hle mai. Khawi hmunah pawh Mizo nula leh tlangval, nu leh pa tlawmngai tak tak an lo awm zel mai hi a ropui a, Mizo nih hi a nuam in, chapo loh a va har thin em!

Note: Anmahni buaipuitu mi thahnem tak zingah ka han tel ve a. ICU ah ka lut a, Mizo nula ngo lam, no nalh tak leh hmeltha tak tur hi khumah a lo let ngat a. A ban ruh hmun hnih leh a khingkhang ruh a tliak a, a hmai ruh a khi bawk a, a biang ding lam chu hmuh tlak awm lo khawpin a thler nasa a. Pathian hi ka tibuai khat viau a, ka tawngtai duh zen zen lo. Mahse, a lu chungah kut nghatin ka tawngtai sak a. A kut rawn phar chhuah chu ka lo chelh sak a, thei leh thei lo in a rawn meng a. A mit atanga thisen rawn luan chhuahna ro rap tawh chu mittui in a rawn luan huh a, thei leh thei lovin tui min rawn dil a….. Theih ni se damna famkim pek ka va chak tak em!

54 Responses to “Shillong bul Barapani ah Sumo accident.”

Showing 10 of 54 comments — the earlier comment pages were not captured when this site was archived.

hmingtea Says:
May 10th, 2010 at 7:45 pm
Kum 1999 khan saiha atangin sumo in kan hawng a Kolasib a ruang nnang tur kan ni nghe 2 a .Saiha kan nua ten an motorin sumo hmun thleng min thlah a.Kan naute chuan sumo driver hnenah kan chanchin an hrilh vek bawk a >i hah deuh leh khalh tir mai ang che an ti a.Lawngtlai ah mi kan tlawh lawk hlanin zu an lo in chu niin kan kal leh chu zawitetein a tlan ta hrut2 ka hlau lutuk chhungkua kan ni ve bawk si.Tawipuiah pesenger dangte ka hrilh a .Driver ber lah chuan chaw pawh eitheilo khawp in a chatthla taa.Hei ka pu ka rui tlat mai tiin chabimin pe a Bawngkawn thleng zak RS 1200 chawi in ka khalh sak anih kha.
hmingtea Says:
May 10th, 2010 at 7:56 pm
Helamah chuan accident hrim hrim ah pawh driver te jail an tang thei .Tin taksa chhunga chu awm chunga motor khalh hrim 2 chu licence cancel thei bak ah sorkhar hna an pe hmak thin (social work) hlawh nei lo va vantlang tan a thawh thla thum te .
Tin sumo kan ti mai ho maxi cab ho khalh tur hian licence catagary hran deuh neih ngai ve se PSV licence nei lo chu khalh phakl loh ni se chumi nei tur chuan first aid chungchang leh trafic rules Mizoram lam a hman vak loh phai lam a hman ang te hi hre kilkel lo chuan chu licence chu pek loh ni se.
H.Vangchhia Says:
May 10th, 2010 at 10:42 pm
“note” khi min ti mur er er mai a ropui e
keimah Says:
May 11th, 2010 at 2:31 am
A pawi leh ta!

RAWTNA (Thlalera mi aurawl!)

1. Sumo neituten an driver chhawrte darkar 24-ah darkar 8 tal an chawlhtir tur a ni. A tul chuan driver 2 nei mai rawh se.

2. Zu rui chunga passenger phur chi motor khalh reng reng chu an hna atangin ban nghal ni se, tun hnuah Passenger phur chi motor reng reng khalh tawh suh se!

3. Zu ruih vanga Passenger phur chi motor khaltuin a accident pui chuan a Driving Licence kumkhua atan Cancel sak nghal ni se, tun hnuah BAWNG bak a khal phal tawh loh ni rawh se!

@alchemist, i post a ngaihnawm a, Mizo tlawmngaihna zia pho lang pahin mi fel tak i nihzia kan lo hre thei nghal e. Nang leh Shillong YMA te kan fak a che u.

Hliam tuarte dam chhuak leh thuai hlawm rawh se.
ZerO Says:
May 11th, 2010 at 2:38 am
Sumo accident tam lutuk hi driver zir loh nge Sumo motor vang zawk le? Toyota motor eng model ber emaw ni kha chu a him lo a, company in a lak kir leh vek kha!

Maubuang khaw hnuaiah Lawngtlai sumo leh Lunglei sumo an insu chawrh a, thi an awm lo na a, an na hlawm khawp mai.
shailendra Says:
May 11th, 2010 at 3:02 am
Shillong kawng khu chu a nuam bawk a sumo driver ho hian, Durtlang kawng chhuk a Bike intlansiak ang deuh hian, intlansiak nan an hmang thin, an ti… :twisted:
51
Alex Mahone Says:
May 11th, 2010 at 9:33 am
Nia,pu Shai,keini pawh gauhati atanga kan haw chhoh zanin,kan chuanna sumo 1 leh a thianpa an in tlansiak a.kan chuanna sumo kha hlui lampang,mahse engine chakzet mai hi ania.a thianpa sumo(spacio?) kha la thar deuh mai ania.tu motor nge chakzawk tiin an han intlansiak mai anh kha.hlauhawm veng2 tak ani.driver khap tur em kha chuan kan la naupag deuh sia.
Speed breaker poh an la mar vek mai chu(h)..a chung kan deng dot.ring a na nghal.spring a ri tuarh.kan let dawn amaw ka ti hman tawh.chuta tang cuan a tlan pangngai ve ta deuh.Silchar phai ah 110-120 km/h a kan tlan mai chuuuu…kan accident lo kha kan vannei thlot.
Miin anti pawh ni lovin,a tak ngei ani.
52
sillyBoy Says:
May 11th, 2010 at 9:38 am
Sumo driver lo pawh driver dang (Highway a tlan, Truck driver) te pawh an hah ve em em tho, Sumo an nih avanga hah fal bik an ni lem lo. An chetsual fona chhan chu Driver inthlahdah leh ruih vang a ni fo. An fimkhur a ngai a ni.

Nikum July thla a, Guwahati atanga Aizawl pan tur House kawta an in-load lai ka hmuhte kha… Driver ber a ‘tha’ tawh riau mai a, Gamchha in a lu a hreng a, Meizial an pak khu em em mai lehnghal.
53
mach3 Says:
May 11th, 2010 at 11:42 am
kan thian pa fimkhur tak hian Guwahati counterah sumo ticket alak laiin zu in lo khalh ah ka chuang duh ati, a nghaktu nu chuan kan driver in an in ngai lo atia, mahse a rui nasa ati khawp mai.
54
mart Says:
May 12th, 2010 at 1:51 pm
ka tlai deuh tawh nanga ka han comment ve chak tlat… Fate zirna a vangin guwahati hi ka kal ve ta zeuh2 a, kan mizo sumo khalhtute hi chu chuansak an chakwm loh hlawm hle… an polite lo lutuk bakah, zu an duh mah mah in ka hria a, chuvangin, Bus ho ah hian chuan a nuam. MST driver te an felfai in an ruih ka la hrelo, a seat te nuamlo deuh mahse, chuan a hahdamthlak khawp mai.
Tu emaw fimkhur loh vanga midang in an tuar thin hi chu a thinrim thlak ngawih ngawih a ni.