Followers of Christ Church, Walter White in 1900’s tir lam a Oregon state a din chuan, tunlai hian buaina nanem lo an tawk mek a ni.
An inzirtir danah chuan Pathian in mihring te thiamna apek atanga siam chhuah damdawi hmang duh lovin tawngtai dam an ring zawk tlat mai a. An pawl hmuchhuak tu Walter chuan kum 40 chuang thih san tawh mahse, pastor dang an la nei chuang lova, an pawl mi ten an duh angin an inkhawm an kaihruai mai thin a ni.
A langah midang te ang bawkin khawsa mahse, an chhung lam khawsak dan erawh a dang hle. In tinah, olive oil bur a awm vek a, an hmanna erawh a dang viau. Mi tuemaw in natna a neih chuan, a na laiah khan olive oil chu chulh in an tawngtai sak ta thin a, dam turin an beisei a ni. An pawl hian Pathian thlan chhuah ah an inngai ve mauh mai.
Hetiang a damdawi hmang lova tawngtai dam beisei ho pawl ah hian thihna a thleng tam zual em em a hriat a ni nangin, thu neitu te lam han hrilh harh tu awm ngai vak heklo, an lo ngawih bo pui mai mai thin a ni. Naupang ngat phei chu an fa te hi naupang dang aiin zaah 26 (26%) in thi an tam nghe nghe. Tun hnu hian an pawl atanga chhuak an awm ta nawk mai a, chumi te atang chuan sawrkar lamin an chanchin te an hriat belh zel a, an buai thuk ta tulh tulh mai.
Ka hmuh dan leh ngaihdan ah chuan, thuthlung hlui te angin Pathian leh a vantirhkoh ten, mihringte, a hring ahran in min rawn pui tawh lo. Mahse, keimah ni kan lo in enkawl ve theih nan, thluak tha tak min pe ah ka ngai a ni. A Ma ropuina kan chawimawi a kan fak theih nan leh kan lo in enkawl ve theih nan bak, thluak tha vak mihring hian kan mamawh na chhan tur awm pawh in ka hre lemlo a ni. Court kal rap rap pawh hi Mizoram hian kan hlat bik vakin ka ring love!
Hetiang hi an awm nawlh nawlh ta mai:
https://www.kptv.com/news/17608639/detail.html
https://www.religionnewsblog.com/23729/followers-of-christ-church-faith-healing-deaths
Video CNN atangin: https://cnn.com/video/?/video/us/2010/05/17/simon.oregon.focc.cnn
Similar Posts:
- Valentine’s Gourmet
- Mitthi tholeh
- A sawm che!
- Here Without You
- Thluak dingkhawr nge veikhawr i nih le?
May 19th, 2010 at 6:25 pm
Mihring in natna do theihna (immune system) kan neih chaklo lai te kha damdawi chuan a pui ni maiin ka hria. Chu chu Pathian in mihring thiamna apek atanga siam chhuah ni turah ka ngai.
Vawk te anga mahni in enkawl dam theilo kan ni velo. Pathian in malsawmna min pek te zinga hlu tak thluak, ngaihtuahna thui tak nei thei min pek vang a mahni in enkawlna damdawi nei ta kan ni. Chumi hmang duhlo chu an thi pheuh pheuh reng ang. Damdawi dodal chu Pathian dodal angah kei chuan ka ngai.
Report this comment
May 19th, 2010 at 6:37 pm
OT.. Tom Cruise-a sakhaw zawm Scientology nen chuan an in mil vak dawnlo anih khi
Report this comment
May 19th, 2010 at 6:41 pm
gothica leh hahahah an ni pawh an buai rura :lol:
https://www.spaink.net/cos/mpoulter/trouble.html
Report this comment
May 19th, 2010 at 6:44 pm
I see
Report this comment
May 19th, 2010 at 7:36 pm
Pathian tihdamna chang damdawi ei ngai miah lo mizo doctor senior lar tak a awm.Ama mimal tan a dawng.midang leh a chhungte erawh a tulah chuan a chawh reng tho a,a dodal chuang miah lo.Tunthlengin pa hrisel zet a ni.Pathian a tanga damna dik takah ka pawmpui.
Report this comment