– C. Lalfakzuala
Tawngtaina awmzia chu, “Pathian nena inbiak”, tiin a sawifiah theih awm e. Lawmna kan chunga a lo thlenin kan tawngtai a, manganna leh harsatna kan tawhin kan tawngtai bawk thin. Tin, mamawh kan neih in kan tawngtai bawk thin awm e. Amaherawhchu, kan tawngtai tam dan ngaihtuah erawh chuan a chhânna kan hmu tlem hle lawi si a, chhut tur tamtak a awm a ni.
Tawngtaina avanga Pathian tanpuina hi a dawngtu nunah chuan a hlu em em a. Chuvangin Sam 116:1,2 ah chuan, “Lalpa chu ka hmangaih a ni, ka aw leh khawngaih ka dilnate chu a ngaihthlak avangin. Ka lama a beng a rawn dawh avangin ka damchhung zawngin amah chu ka ko vang”, a ti hial a ni.
TAWNGTAI CHHÂN A NIH LOH THEIH NA TE:
1. Thinlunga sualna ngaihsak: Sam 66:18-ah, “Ka thinlunga sualna ka ngaihsak chuan Lalpan mi ngaithla lovang”, a ti a. ‘Sualna ngaihsak’ tih awmzia chu zawlnei Isaian, “He mi te hian mi rawn hnaih a, an ka leh hmuiin mi chawimawi thin tak a, nimahsela an thinlung chu ka hlatah an sawn a…” (Isaia 29:13) a tih ang te leh, “Lalpa, an mangan lain an zawng ruai thin chia, I hremna chu an chunga a tlak lain an tawngtai mawlh mawlh a” (Isaia 26:16) a tih ang te an ni a. Mahni mamawh hun chauha Amah hria a, hun danga hre leh si lo tu te nun hi a ni.
2. Dil dikloh vang: Jakoba 4:3 ah chuan, “in dil a, in dil dik loh avangin in hmu lo, in nawmsak nan hman in tum si a”, a ti a. Kan hmuh lohna chhan chu kan nawmsak nan hman kan tumna vang a ni. Mi thenkhat chuan malsawmna kan dilin, Pathian ropuina lam tur aiin kan nawmsak beiseina vangin kan dil a. Mirethei pawhin nawmsak duhna avangte leh mihausate pawhin nawmsak belhchhah nan te kan dil thin a ni. Hrehawmna leh manganna laka chhanchhuah dilna pawh ama tana nun let ve na aiin kan tisa duhzawng tih theih nan te a ni fo a. Rawngbawltute pawhin Pathian ropuina aia ama ropuina tur rilru pu chunga a tawngtai chuan chhânna a thleng lo thin. Chuvangin, engpawh A duhzawng anga kan dil chuan anin min ngaihthlak sak thin (I Johana 5:14). Kan dila kha kan mamawh tak a ni em, Ama ropuina tur a ni em tih ngaihtuah hmasak a pawimawh hle awm e.
TAWNGTAINA HLAWHTLIN DAN:
1. Piangtharlo tawngtaina: Mi tamtak piangtharlo pawhin Pathian hnena an tawngtai thin thu leh Pathianin a chhân thin thu an sawi fo thin. Engvanginnge Pathianin an tawngtaina a chhan thin?? Sam 34:18-ah chuan, “Lalpa chuan thinlunga lungchhiate chu a hnaih thin a, Rilrua inchhir apiangte chu a chhandam thin”, a ti a. An sualna avanga inchhirte tawngtaina chuan Pathian beng a thleng lo thei lova; chhiahkhawntute leh Pharisai tawngtaina ah pawh khan a lang thei a ni (Luka 18:13).
Chuvangin misual tawngtainaah chuan rilrua inchhir ngawih ngawih, Pathian thua khur thin nun avangin Lalpan an lam a en thin vang a ni (Isaia 66:26). Piantirh ata mitdel pawh khan, “Pathianin misual thu a ngaithla thin lo tih kan hria; nimahsela mi tupawhin Pathian a ngaihsak a, a duhzawng a tih chuan Pathianin a ni chu a ngaithla thin” (Johana 9:31), a ti a. Pathian duhzawng leh ngaihsakna nun, piangtharlo te nuna lo lang tur chu ‘thinlung lungchhia leh inchhir ngawih ngawih’ hi a ni (Sam 52:176).
2. Amah (Lal Isua) a awm reng: Johana 15:7 ah chuan, “ Nangni keimaha in awm renga, ka thu nangmahnia a awm reng bawk chuan in duh apiang dil rawh u, in tan tih in a awm zel ang’ tiin min hrilh a. ‘Amaha awm leh a thu keimahnia awmna’ atangin tawngtai a hlawhtling thin. Amaha awm nun chu ‘Pathian duhzawng anga nun, thiltih’ tiin a fun kim awm e. Bible-ah hian Lal Isuaa awmte tawngtaina in thil a tihtheihzia kan hmu thin a.
Eliza tawngtaina avangin kum 3 leh thla 6 ruah a sur lova, a tawngtai leh a, vanin ruah a sur tir leh a (Jakoba 5:17-18). Abrahaman Sodom khaw tan a dilna chuan Pathian a au ei hial a ni (Genesis 18:26-33). Chuvangin, Amah tihtute leh amaha awmte hnenah in rawn tawngtai anga, ka ngaithla ang che u (Jeremia 29:12) tiin min thlamuan thin. Amaha awmlo atanga tawngtai thin dinhmun nen chuan a inthlau hle mai. Amah tihtute hnenah chuan, “mi au la ka chhang ang che, thil ropui leh inthup I hriat ngai loh chu ka entir ang che” (Jeremia 33:3) a ti nghe nghe a, a ropui hle a ni.
3. Dil ngun (Chain of Prayer): Kan tawngtai hian Pathian hian a châng chuan min chhâng mai lo thin a, kan beidawng a, kan theihnghilh fo thin. Lal Isuan tawngtai chungchâng a zirtir a (Luka 11:5-8), hei hian kan thil dilte bawhzui a tulzia min zirtir awm e. Pathian nghaktute reng reng an mualpho ngai lova, “Ani, nangmah nghaktu reng reng chu tumah mualphovin an awm lovang” (Sam 25:3). I thilsiam zawng zawng mitte chuan an nghak thin che a ni; Nangin a hun takah an chaw i pe thin (Sam 145:15). Chuvangin a hun takah Pathianin min chhang thin a, tawngtai chhunzawm a tul fo thin a ni. Jabeza pawhin, “Aw, mal min sawm ngei la… (I Chronicles 4:10) tiin ngenngawl takin Pathian a auva, Pathianin a chhâng a ni.
Ngaihtuah zawm atan:-
1. Kan tawngtai hian mahni inenfiah hmasak kher a tul kan ti em?
2. Kan tawngtai hi Pathianin a hriat vek kan ring em?
3. Tawngtai hian ring taka au vak vak nge, zawitea tawngtai tha zawka kan hriat?
4. Dil ngut ngut hi a sawt in kan ring em?
Similar Posts:
- Tawngtaina
- Tawngtaina awmze nei lo.
- Awmze nei lo TAWNGTAINA
- Tawngtai
- Tawngtaina…awmze nei lo…(chhunzawmna..phur leh thut pek a lawm maw le)
May 30th, 2010 at 7:38 am
Tawngtaina hi ringtu nunah thil pawimawh hmasa ber (1st) a ni.
Report this comment
May 30th, 2010 at 7:38 am
I ziak tha khawp mai
Report this comment
May 30th, 2010 at 7:54 am
Keimah-ah chuan dil ngut ngut hi a sawt khawp in ka hria.
Report this comment
May 30th, 2010 at 7:55 am
Tawngtaina, ‘na’ hi a dik ber ang em? Tawngtai a ni mai lo em ni?
Report this comment
May 30th, 2010 at 7:57 am
Noun: Tawngtaina
eg. Tawngtaina i hmang ang u.
Verb : Tawngtai
eg. Kan tawngtai mek.
:lol:
Report this comment
May 30th, 2010 at 7:59 am
Ekhai hetiang lam poh i lo ziak ve thiam tho a ni mo,a va tech lo trek2 ve le!!! :lol:
A tha hle mai,i ziaktha lutuk e…..
2= kan tawngtai hi Pathianin a hre vek a,kan tana tha turin min chhansak thin niin ka ngai…..
3= tih tak2na nen lo chuan ring deuha tawngtai poh khian omzia a om lovang.tihtakzeta thinlung zong2a zoitea tawngtai a hlok zok ngei ang.a rin leh rin loh lam nilovin kan thinlung lam a ni e.
4=thinlung taka dil a nih chuan a sawt ang…..
Report this comment
May 30th, 2010 at 8:01 am
#3. Pathian lehkhabu thianghlim ah chuan Isuan room kil a mi hriat phak lova tawngtai a fak thu a sawi a, mi hriat a Farisai te anga tawngtai vak2 a tulloh thu a sawi kan hmu bawk. (Mathaia 6:6-13)
#4. Pu James Dokhuma khan ka thianpa farnu tihian a zawt a, a nih duh hmel khawpin ka hria.
“A-awm, Pathian hian tap per pur khawp adil hi nge a chhan i rin a, an duh leh mamawh chiang taka sawi mai hi?” a ti a. A-awmi chuan tap thei khawp2 chu a chhan zawk a rin thuin a chhang a.
Pu James Dokhuma chuan tihian a chhang. “Pathian hi Pa angin kan address a ni si a, (kan Pa Vana ami etc)a nih chuan pa te hian tap pur a kan thil dil hi nge min pek thin, fel taka kan mamawh kan sawiin,” a ti ta a. Engkim chu chiang ta uar in kei chuan ka hre nghal mai.
Pathian hian dil tlut tlut kher ngai lovin, kan tawngtai hian awmzia aneih chuan hre nghal a, ngaithla mai tur a lo nih hmel. Chuti lova tap khawp2 a kan tawngtai hi chuan ninawm lamah a kal duh hmel zawk fu a ni. hairehai :lol:
Report this comment
May 30th, 2010 at 8:17 am
Dil miahloh malsawmna te pawhin min vur thin.:-)
inkhawmna ah hlawkna engemo tal in hmuh nan duhsak na ka hlan vek a che u.
Ka lawm e. . XOXOXO
Report this comment
May 30th, 2010 at 8:47 am
Rohmingliana(Rohminglianism_a khan)chuan heti hian a sawi a,khawlvel lam malsawmna chu khawl vela kan nuphung a zirin malsawmna kan dawngin,kan dawng lo a.Pathian lam(thlarau lam)thil chu kan nitin nun atang vekin a hril angin a sawi a,nang engnge i ngaih ve dan?Keia ngaihdan chuan,a ‘teuh lo mai’tih a ni tlat mai.
Report this comment
May 30th, 2010 at 12:18 pm
Kan dil thin hi Pathian programme/remtih zawng tur a ni em ti a ngaihtuah chung a dil a fuh hmel…
Pathian min chhan dan chu “Aw” leh “Aih” tih pawh a ni thei tih hre bawk ila :!:
Report this comment
May 30th, 2010 at 12:19 pm
Ziak tha hle mai. Hetiang hian han tuihnih ta lawk ila.
A hmasa berah chuan;Tawngtai-na hi, Pathian nena inbiakna ( communication ), kan duh kan sawi a, kan thlenna a ani mai lova; amah nena inpawlna ( communion ), chibai bukna ( worship ) ani tih hi Mizo ringtu tam tak hian kan hriat hmaih fo thin.
Be Specific : Mizote hi kan tawngtai hian,kan chham kual nasa thin lutuk hian alang. Chaw ei dawn tawngtai te hian,Abrahama Pathian, Isaka Pathian , Jakoba Pathian tihin bul an tana; an tu leh fa, hmun danga awm zawng zawng te hming an han lam kim dap mai thinte hi ! Eitur min pek avanga lawmthu sawia, kan eiturte malsawm mai te hi a tawk tiu teu viau.
Chutiangin bawkin biakina kan tawngtairual-te hian, tawngtai tur point an rawn thawhte chham ta mai lo hian kan kual vak vak a, an thupui rawn thawh chu tawite hian atawpah kan chham leh chauh chang hi atam khawp mai. Tawngtai sei a, chham tur hriat teuhte hi, RAU-na emaw kan ti ni ngei tur ani !
Baibula tawngtaina kan hmuh tam takte hian, an duh chu an sawi mai a, an thlen mai ani.
Report this comment
May 30th, 2010 at 1:01 pm
Tawngtaina chungchang ah hian sawi tur ka nei lo. Duh duh kan dil thei; a chhanna erawh Pathian thu thu a ni e.
Thenkhat tawngtai erawh a advance thei khawp mai, Pathianin a chhan dawn avanga lawmthu sawina ang reng te pawh a tel nuaih thin.
Report this comment
May 30th, 2010 at 1:09 pm
Mangan tawp thil kan tawha kan tawngtaina tluka Pathian ko ei tawngtaina a awm thei lo.
Report this comment
May 30th, 2010 at 1:15 pm
inkhawm ban a Misual(addict) chak zek2 ho chu in hriat hle mai.. exampul Caribou, kawnga, sekibuh, xaia. etc etc,. :lol:
Report this comment
May 30th, 2010 at 1:36 pm
@Kawnga: Min lo present sak leh mai turin ka beisei tawp che. Karleh lamah dam chuan ngei ngeiin ka lo kai ang. Ka fine nual tawh lo maw?
Report this comment
May 30th, 2010 at 2:01 pm
vawiin chu ka kawr nawhtir natur an inkhar daih maia.. kawr chuar vang ringawta inkhawm han thrulh lah ka hreh deuh bawksia, kawr chuar deuha va inkhawm ngawt lah chu nuam chiah bawksilova… a chuar lang vaklo kawr dum chhah deuh hi khawlum laitakin kava ha tawp mai dawn mawnile
Report this comment
May 30th, 2010 at 2:48 pm
Vawin chu ka inkhawmlo ta ngawt mai,kan thianpa pakhat lehkhazir ka inkhawm tir te te a,mahni kan thulh leh daih mai,zialo ngeimai
Report this comment
May 30th, 2010 at 4:12 pm
Thil hi kan chik lo thin tak mange awww! He Post hi C. Lalfakzuala ziak, ||RaLtE||-a’n a rawn post anilo em ni? A mah RaLtE-a fakna kan chhakchhuah chiam tak mai le. Eng pawh nise, he Thu ziak hi tha k ti a, mitam zawk chhiar theih tura rawn chhawpchhuaktu– thianpa RaLtE-a ka fak e. A ni hi zawng, a komen pek dan atang rengin a Evan ruih zel a nia.
Report this comment
May 30th, 2010 at 4:28 pm
[…] TAWNGTAINA | mi(sual).com […]
Report this comment
May 30th, 2010 at 4:32 pm
Comment #19 hi enge awmzia!??
@kawlhawk: keipawh mak kalo ti rilru asin! Keimah min fak daih mai chuh!! an chhiar chiang lo pawh a ni mah na!!
Report this comment
May 30th, 2010 at 5:12 pm
Ziak thra lutuk ringawt. Kan tawngtaina motive hi enge tih mahni in examine reng hi a trul reng a ni. A ziatu leh post tu an fakawm ve ve e.
Report this comment
May 30th, 2010 at 5:14 pm
ralte, spam a lut tur a lut lo palh niang…:P
Report this comment
May 30th, 2010 at 7:21 pm
Comment ve lo mai teh ang….
Report this comment
May 30th, 2010 at 9:24 pm
thra khuup mai….ralte and faka
Report this comment