Vawiin May ni 31, 2010 hi WHO in World No Tobacco Day atan a puan a ni a. Tun kum atan a an theme chu “Gender and tobacco with an emphasis on marketing to women” tih a ni a. An posters thenkhat lo tarlang ila.
Mizoram bik kan thlir chuan kan Mizo thalai te zingah Vaihlo hman a hluar em em a, a zuk a zuk chi hmang lo pawn a hmuam chi tal kan hmang a. Cancer a World Record kan siam chu sawi nawn ngai lovin kan hre theuh tawh awm e. Meizu mi an chep tial tial lai hian a zu thin an tam tial tial emaw a tih theih. Heti khawp a cancer tam na State ah hian vaihlo hi cancer thlentu lian ber leh kan hnam hmelma dik tak a ni tih pawm duhlo kan la tam lutuk hi a lungngaihthlak a ni! Cancer kan vei tam chhan thil dang puh kual te tum thin mah ila chiang taka Scientific Evidence nena kan hriat chu vaihlo hman hian cancer a siam tih hi a ni. WHO chuan, “Tobacco use is the single most important risk factor for cancer” tiin an lo ziak tawh a ni.
Mizoram anga hmeichhia ten vaihlo an hman nasat na State hi India ramah a awm kher lovang. Hmeichhia te tan vaihlo hman a hlauhawm bik vang leh hmang tu an pun nasat avangin WHO meuh pawhin tunkum an theme atan hetiang lampang hi an thlang a ni si a.
Kristian tamna ber State leh Cancer tamna ber State kan ni kawp te hi a zahthlak in a mualpho thlak a ni. In ti sakhaw mi tak siin, zawi zawiin mahni kan intihlum a, kan thil tih reng reng a Pathian ropuina atana ti tur kan nih laiin, mahni nuam tih zawng kan taksa atana thatna awm miah lo ngawl kan vei tlat te hi a pawi a ni. Kristian tamna ber State hi State hrisel ber te han ni thei zawk ila chanchintha puanna ropui tak a ni zawk ang. Kristian te hi Kristian lo te nen kan lifestyle ah danglamna a awm loh avangin an natna vei ang te kan vei ve a ni.
YMA, MHIP leh Kohhran hrang hrang hian vaihlo do na kawngah hian hma han la ve se, Tiranga (Gutkha) ringawt do lovin vaihlo atanga thil siam reng reng do vek ta se kan khawtlang hriselna atan hmasawnna ropui tak a ni thei a ni.
Kum 40 vel leka Cancer natna vanga thi kan tam zia te hi kan chhut ngai em? Kan Pastor ten hetiang an vui hian, “Pathian remruat” ah kan la pawm zel te hi kan huaisen mah mah lo maw? Vaihlo hman nasat avanga kum naupangte a boral turin Pathian in rem a ruat dawn em ni? Mahni intihlum kan ni mai zawk lo maw? Mahni intihhlum chu Pathian remruat dan a nih a rinawm si lo?
(He post hi vaihlo hmang thin te ka sawiselna ni lovin kan vai atana thatna a nih beiseiin ka rawn post a ni e. A hman leh hman loh chu mimal duhthlanna liau liau a ni!)
Similar Posts:
- Mizoram tops in tobacco use
- Cancer claims 483 lives every year in Mizoram
- Tial Tial
- Khawvela President hausa ber
- Gutkha – Zoram hmelma
May 31st, 2010 at 12:16 am
Zuk leh hmuam hi chuan Cancer hi chu a titam deuh chu a niang e.. Ka hul.. sawi tur ka hre lo.
“Zuk leh hmuam hi mimal duhthlanna a nia, tumah in tilui hran lovin a thatlohna te hi sawi thei kan nih chuan sawi ila.. kan duhthlanna-ah hian kan thlangfuh em? dik em? ti erawh mimal tin i inenfiah ang u”
Report this comment
May 31st, 2010 at 12:20 am
nghei tum leh chhin ang aw
Report this comment
May 31st, 2010 at 12:26 am
Zoram first lady pi Ri-i kutah ka dah mai. comment vak dan ka hre lo.
Report this comment
May 31st, 2010 at 12:33 am
Good post..
Report this comment
May 31st, 2010 at 12:43 am
Tobacco product chi hrang hrang hian cancer thlen tir thei carcinogen a pai hnem hlawm em avang hian,a ti tawhte tan sim atha khawp mai a,a la ti ve lo tan pawh tih chhin lo hram a tha.Kei chu tobacco product-ah hi chuan ka fihlim e. :lol:
Report this comment
May 31st, 2010 at 12:49 am
@@@@ 1 Mimal duhthlanna chu ni teh reng mai mahse zuk na hmun leh hun te hi hriata pawimawh hle bawk.
Helam pawh zuk hi chu an uar khawp mai.Mahse tumah in in chhungah an zu ngai lo.Mahni in ah pawh an zu ngai lo .an zu duh anih chuan varandha ah te an zu mai thin.
Mizo te hi mak ve am am mai chu a bik in hmeichhia ho hi. Khawi ah pawh an duh zawng sahdah, khaini, tih vel hi chu an nei thei reng nia.Helam ah eng tik lai pawh in khaini hmaum tur hi an nei thei reng nia.
Hei kum 20 chhung chu zuk leh hmaun ah ka fihlim tawh ka inchhir lo khawp mai.
Report this comment
May 31st, 2010 at 12:53 am
@hmingtea… tunlai Mizo nula hi ka hriatchin ah; sahdah, khaini, cig zu, tuibur, kuhva, pan parag, tiranga, etc vel ti thin an vang khawp mai…
Report this comment
May 31st, 2010 at 12:57 am
Post tha tak a ni e.
Report this comment
May 31st, 2010 at 1:01 am
Helam hi chu ka thianghlim ve na lam tak a ni. Smoking hian ZU angin thinsawng a siam thei tih ka hria.
Zukna hmun lova zuk loh mai tih lamah hian hma kan sawn zel ka beisei. Puipunna reng reng ah hian zu hi an tlem tawh hle in ka hria
Report this comment
May 31st, 2010 at 1:03 am
Zuk phalloh na hmun a zu lui an awm pawn, khak/hauh ngam a pawimawh ang.
Report this comment
May 31st, 2010 at 1:14 am
Kuhva pawh hi! Kei hian nghei kan tum ve a nge? Nula ho pawh khan ha var deuh in hmuh khan “A thawk a uih hmel” ti tawh lo u la !
Report this comment
May 31st, 2010 at 1:15 am
Kuhva hi chu ka ei zeuh2 a, Vaihlo lam chi hi chu ka fihlim ve angreng phianin ka hria. Thiante zial zuk lai han fawh ve zeuh hrat lai kha ka nei thin a, ka addict lemlo a, ka lawm phian.
Zin nikhua a motora inthlahrung hauh loa an han zu thin mai hi chu ava han hrehawm thin tak e o, motor ruih nen chuan tawrh a har fu ani. Hengah te hian inthlahrun nachang te hi hriat a hun tawh viauin ka hria.
Report this comment
May 31st, 2010 at 1:39 am
Ka zan muhil theilo beidawng meizuk ka tum lai taka hetiang post ka’n chhiar le. . No tobacco day hi tha ka ti lutuk, kumtin zawm ka tum ziah a ka hlawhchham ziah bawk
Report this comment
May 31st, 2010 at 1:55 am
Kei ka fihlim lo. Mahse, ka support e, naktuk/vawiin chu ka zu lovang.
Report this comment
May 31st, 2010 at 2:35 am
vaihlozial zuk sim hi a har ani …sala… kawstaw machikni eh
Report this comment
May 31st, 2010 at 5:21 am
Zuk leh zuk loh hi mimal zalenna a nih rualin a khu hip ve phak midang awmna hmuna zuk hrim hrim hi chu an tawrh ve theih avangin thilsual niin ka hria, i do tlang ang u. Kei phei chu mi zialzuk khu hian ka hnar a tiza nasa thei a, ka hahchhiau vak vak zel. Kan DC thupek angin sorkar office, hospital leh puipunna hmuna zialzu vawiin chu kan zawng dawn, man a chawitir nghal theih a ni awm e.
Report this comment
May 31st, 2010 at 7:02 am
Meizial ka zu lo bawk a, full support kan pe ang e… :twisted:
Report this comment
May 31st, 2010 at 12:01 pm
hmuam hi chu ka hmuam lo mahse zuk hi chuka zu, Kuhva ka ei a englo ka in bawk, nghei hi chu atha khop mai
Report this comment
May 31st, 2010 at 1:55 pm
a va sexy ve hei chu… ka tuar lo….. :lol:
Report this comment
May 31st, 2010 at 2:10 pm
Meizial zu lo bawk a theih tawpin thlawp ang auh..heheheh…
Report this comment
May 31st, 2010 at 2:51 pm
nghei ka tum po leh ka zu hnem
Report this comment
June 1st, 2010 at 1:38 pm
Bill and Melinda Gates in Zuk leh hmuan do nan State hausa Gujarat leh Andhra Pradesh 5 million dollar an pek laiin keini zuk leh hmuah vanga Cancer World record siamtu hian engzah nge kan dawn ve dawn?
Report this comment