Kum eng emaw zah Aizawl Town chhung Bus Service ah City Bus tih a in ziah kiau tawh hnu ah pawh City dangte ang lo tak in Village Council/Court kan la nei mek zel a,chutah JNNURM tihte rawn lar chho tan in Central-in 90% sanction amount atanga tum in khawpui cheina North East state bik tan leh State dangte tan 70% tumsak in khawpui 67 bawr vel tih chhang tlun a tum a.
Chu chu kan sorkar hmasa khan it ve ngawih ngawih in; Aizawl te chei tur zinga an rawn thlan tel tak bawk si avang khan Municipal Council chu phuah chawp tak meuh meuh in a han din ve ngawt a,CEO ah UD&PA Secretary Retired chawr zuiin secretary ah Joint Director Retired LAD a chhawr zui ta mek ani.Chutah Physical Infrasture alawm te khawih tur anih avangin Aizawl Develpment Authority (ADA) te a han DIN tel bawk a.
Amaherawhchu Kan MLA leh minister ten an Thuneihna eng emaw zat a han phai duak mai tur kha ngai ngam lovin Village Council/Court chu thiat ta lem lo in Municipal Council pawh chu engmah function tak tak si lovin an awm ho vel ta mai mai a,tichuan JNNURM pawisa chu Central ah Thudik hrula DAWT chiang tak an zuk sawi ta em maw ni dawn eng emaw zah chu an rawn pe ve ta niang Lawipu thlang ah Mirethei in an tia maw ni an sa ve mek ni awm tak ni.
Chutah Aizawl khawpui chei leh tih changtlunna lam thilah chuan a hnar kai tur ber anga ngaih ADA lah chuan chu lam thil reng reng chu buaipui lovin Municipal Council in an khawih zawk tur ni awm tak zawk Building Regulations chu a hna bulpui ber ah aneih hlauh ta thung a,Mipui lah chuan hrethiam hek lo an sawisel luai luai ta anih hi.A khawih tu tur zawk dik tak Municipal Council hi chuan khawih in Tax nen han bei tak tak mai sela,Politician fing awm fu fu mawl tak tak ten thawk a phit a thiah an sawi an sawi theih a ni dawn bawk si lo nen;hei aia hian Building Regulations/Building Bye-Laws hian awmzia a nei thui zawk ngei ang.
Tin kan Aizawl Khawpui pawn hma nasa tak a sawn phah ngei pawh ka beisei bawk.Tin Aizawl Development Authority pawn a hnathawh tur dik tak Development tak tak leh Master Plan te implement -in hma ala ve thung thei anga.Aizawl khawpui extension tih vel te tuna Railway station tur Sairang lamah te hmalak dan tur te a ngaihtuah thei tawh anga, tin a DIN chhan pakhat JNNURM te pawh UD&PA in ta neih bik atum ngawt thei tawh lo va anga,mahse Director pocket vel a phai then ve deuh dawn anih chu a.
Chutihlai mek chuan He Municipal Council hi Politician ho awm khawmna tur tho ani a,Councillor kan thlan chhuah te hi a rorel tur ber te chu an ni leh tho mai a,hetiang ang Politic chhe lutukah hi chuan engmah thil tha beisei tur tak tak a awm chuang dawn emaw ni aw tiin a thim zawng a thlir mi tan chuan atih theih khawp mai.
Autonomous a nih dawn avangin emaw chen ah chuan State Ruling ali Party pawh a hlau bik chuang lo vanga,mahse he Municipal ah hian eng party emaw tak chuan Sorkarna an siam a ngai dawn tho tho va,kan District Council neih ho ang vel lekte hian a then mai mai anga,Sum ringawt men hian an meng pawng pur thung si ang tih hlauhawm tak ani.A chhe hlir a thlir chuan a hrehawm dawn em mai.Tizawng hian i han thlir ve thung ang hmiang aw, anuam dawn asin.
Municipal an han in thlang fel anga eng party emaw ber in sorkar na siamin tha takin an han inform tha in budget te an han peihfel ang a,Tichuan Veng tan a pawimawh em em ni si mahse Minister a han thlen pawh min uksak teh chiam loh thil Development tam tak kha min bialtu COuncillor ta hnenah thlen in Chawp leh chilh deuhthaw in hma min han lak thin a nga,a va nuam dawn em!!! Khawpui vawnfai hna te an han thawk a nga,thingtlang khaw dang engto vak ve ngai dawn hek lo,Aizawl khawpui chauh kha ani mai dawn si a,kan kawngpui te a fai tha in ava thiang hlim tawh dawn em!!!
Chutah ADA lam ten Master zulzui in khawpui an han enkawl anga,chutah Municipal lam thiah tih thawm velin ti buai dawn hek lo,tha leh dikah chuan hma an la pawp pawp bawk anga,Rei lo te ah Shillong Khawpui,Guwahati khawpui te zawng kan tluk mai nilovin kan khum hial dawn niin ka hria.
An ni te phei chu Lal nei a mahni seh seh mual hran ah kan tih lai vel atang daih tawh a Development Authority leh Municipal Board/Council/Corporation nei tawh te kha an nia,chutiang han ngaihtuah phei chuan in chang hleih viau tur kan nih lai hian kan in thlauhna hi a nasa teh chiam lo ani.Mizo te phei chu thuawih thei tak hnam kan ni leh nghal a,chutih rual chuan a huho a luhlul thei tak erawh kan ni thung.Hmasawn duh lo fa kan awm lova,tin changkan duh lo fa kan awm hek lovang.
Chuvang chuan Development Authority te leh Municipal ten hna an tawh a an tih tur dik tak an tih hunah chuan kan AIZAWL khawpui TRAFFIC JAM nasa lutuk te pawh hian zual lam ni lovin zia lam a pan ve ngei tur ah a beisei theih awm e. Tun atang Kum 10-20 a ral leh meuh chuan khawpui nuam tak kan neih theih kan beisei ngam dawn lawm ni tiru..Municipal hnathawh zarah leh Aizawl Development Authority hmalakna zarah..a va nghahhlelh awm tak em!!!
Similar Posts:
- Aizawl Development Authority hi…..
- Mizoram Sorkar in Municipality din a remti
- ADA ho hian thlei bik an nei ami ?
- Tun ah chuan Aizawl pawh City tak tak ni ve ta
- ADA chungchang hi
Ngaihtuah tithui tak Post a ni. In...
June 8th, 2010 at 11:40 am
han comment teh u lems
Report this comment
June 8th, 2010 at 11:52 am
Traffic jam hi a ziaawm phah ka va’n ring lem lo tak e aw!
Khawpui hi sawna plan leh Municipal Coucil hnuaiah bul tan a nih ngawt loh chuan traffic hi chu a jam reng ang.
Report this comment
June 8th, 2010 at 11:59 am
“mizote chu thuawih theitak,ahuhova luhlul tak kanni a” adik hmel khawpmai.
Nia, Aizawl master plan chu hmuh achakawm tawh khawp mai, mahse dawrpui phei,zarkawt kawngphei motor pahnih inpelh theihna tawk tekhi tun atanga kum 20 ah engtin tak awm ang maw,a tawt tawh awm
Report this comment
June 8th, 2010 at 12:03 pm
Municipal council chungchangah hian documennt ka nei ve nual a, ka la rawn thailang ve dawn nia. thil pakhat chiah tun sawrkarin a chhun zawmna chiah min hrilh thei la ka va lawm dawn em. MLA te pawh councilah hian an thu ve dawn an ti a, hei hi engtik lai a lo siam danglam nge maw ni dawn le????
Report this comment
June 8th, 2010 at 12:07 pm
Municipal area chhung a MLA te chu an lal lo sawt dawn a ni maw??
Report this comment
June 8th, 2010 at 12:07 pm
Aizawl khawpui trafic jam hi siam that aiin a zual zel ka beisei.
Khawpui sawn ka rawt e.
Report this comment
June 8th, 2010 at 12:17 pm
Mizoram chu a lu hi han lian bur bur phawt mai teh se!
@Rcafanai #2 i ngaihdan ka thlawp e. Tin, tun Mizo zia-ah chuan Municipal Council nghakhlel tute hi sawiselah emaw sawiseltu-ah kan ṭang na leh pang pang fu si ang tih ka hlau! NOI
Report this comment
June 8th, 2010 at 12:18 pm
@lalpeace:Ministry in Mi paruk vel a ruat ang, mahse Vote an nei lo mai thei, MLA, parlamentary secy.etc,, ka document ka hai mek, ka chiang bik lo tlat mai.
Report this comment
June 8th, 2010 at 12:25 pm
@ ovala ralte, inthlan hun chu chuh ve la.
Report this comment
June 8th, 2010 at 12:32 pm
@Ovala…. Aizawl Municipal Huamchhunga MLA ho chu Board of Councillors thutkhawmna ah an thu ve ang, an duh duh an sawi ve anga:mahse, vote erawh an nei lo ang.
Appointed Councillor provision kha deleted thru amendment a ni tawh e.
Report this comment
June 8th, 2010 at 12:37 pm
Mahni hmasialna a khat, Kan ram ai a kan pumpui hmangaih, Ram hmasawnna ai a inchhung bungraw hmasawnna vei mi kan nih chhung hi chuan eng ang pawn sawi danglam ila kan ti tak tak thei chuang lovang. Tin, kan hruai tu te hi i dem lovangu, a thlang tling tu te kan ni ani lawm ni? engatinge thalo tur chu kan thlan loh mai ngamloh thin tih hi i in chhut thin ang u hmiang. :!:
Report this comment
June 8th, 2010 at 12:43 pm
Amendment a lo awm nual a nih hi. Mipui lam pawh awareness pek deuh chu a la ngai dawn khawp mai a. Mahse Party inchuhna tur a ni a, a tuiawm vak ka ti lo.
Report this comment
June 8th, 2010 at 12:56 pm
Khawpui a fel phah emaw, kan duh emaw duh lo emaw, Municipal Council, mipui (voters) thlan chu awm dan tur ani reng reng. State Legislative assembly tur pawh, a hnuai lamah Vilalge Council pawh kan thlang a, City Council anih vanga babu pension tawh an lal tir ngawt kha a diklo hulhual. Central grant it vang ringawta siam. Kan Municipal Council chu kan vote vang chauhva lal tur anni. Mi duham leh lak tlakloh kan vote leh kan thu ani mai. Aizawl mayor chu state Chief minister ang dawna lal pawh nise a pawi lo. State sorkar lah hian Aizawl bak ngaihvan hek lo.
Report this comment
June 8th, 2010 at 2:10 pm
ava gothic ve
Report this comment
June 8th, 2010 at 7:49 pm
ha ha ha….gothica
Report this comment
June 8th, 2010 at 8:02 pm
engtinamah a ni leh pek chuang hlei long e, tumah hi ka ring teh nek lo ve. :lol: Teh hrep chuan.
Report this comment
June 8th, 2010 at 11:17 pm
E khai ! Mahni chauh fing ni a in hria Thangtharte hian a Thim zawng nilo in a Eng zawng in MIZORAM VISION nei ang u.Ram Danpui Amend 73rd ah Municipal hi din tur in sawi ani a,Women Seat Reservation 33% kan nei turte hian kan Society ah engtin nge Effect a neih ang? Naga ho cuan Women Seat Reservation an hmang ve duh lo!!!.Mipui ten kan beisei ang chu ani hauh lo ang le!Tax lakna tur zo zai te hi, Mipui kan la phun leh mur2 mai don si a!
Report this comment
June 8th, 2010 at 11:32 pm
An CEO hi retired tawh si ah chuan thil zir peih tak a ni. Mi chhuanawm tak, a sawrkar hnathawh lai poha a ngaihna hre pha chin, a chan Deptt pohin hma a sawn phahna pa a ni ve.
An Secretary erawh hi chu khabe sep thiam ve tak a ni ve tawp mai.A bak beisei em em tur a awm lo.
Report this comment
June 9th, 2010 at 12:18 am
A tha a lawm Municipal council chu nei mawlh teh u.Kan minister leh a dawh a awm VC te inkar hi a inhlat tiah tiah e mai.
Helam ah chuan MP thlan aiin Municipal inthlan ah an tang zawk fe in a nuam zawk daih.
Khawchhung thu hla ah chuan an thu ber lawr lak.In sak dan chungchang ah te ,varandha siam chen in an phal na lak vek a ngai.
Mi(sual) zing ah mi chuh tur awm ve hram teh u. Ka rawm pui ang che u.hahahahahah
Report this comment
June 9th, 2010 at 8:07 pm
Beiseina nen i lo thlir phawt mai teh ang. Rin a a’n loh viau chuan phar khawpin kan la rel dawn nia.
Report this comment
June 26th, 2010 at 10:22 am
Travel and Tourism Guide for Mizoram-A Tourist Info for North East India and Aizawl…
Perching on the high hills of North Eastern corner, Mizoram is a storehouse of natural beauty with its endless variety of landscape, hilly terrains, meandering streams deep gorges, rich wealth of flora and fauna. Flanked by Bangladesh on the west and M…
Report this comment