Hei hi Kawrthah Primary School II a ni. Ka lut ve thin. School II kan ti mai. Hmanah chuan ding lam a thing bang ang vek hi a ni, tun a thing bang hi staff room a ni thin.
Veilam sir a room hi staff room a nia. Ka hunlai lai chuan class room awl a awm thin a tunah staff room ah hian, break laia kan in um in jail ah kan hmang thin.
Ka ju………junior te.
Uniform hi a dum leh var, a dum leh hring te a ni thin.
Pipu te pawh an lo nei tawh a.
Ka luh laia dar kha a la ni a ngem aw kanidar? Bokeh kan tum deuh a nia dar hi, Pu Xaia/Shaia te chuan la se bokeh ngei ngei ang.
Similar Posts:
- UNIFORM DOUBLE A DAWNG
- MZP in sikul naupang inchei dan ngaimawh
- Combined Post: Windows 7 leh Perhpawng Lam
- Hmunhlui Thlalak Thenkhat
- Mimi Lalzamliani at Fraternity Concert
June 24th, 2010 at 2:04 am
Zephenath hi khawi school ah nge maw a kal ve thin ang le? Kawrthah hi ka kal ve tawh a. School II tak hi khawi veng ami ber kha nge ni ka chiang ta tlat lo. School naupang nih lai (a bikin primary leh middle) vel kha alo ngaihawm ber mai ani.
Report this comment
June 24th, 2010 at 2:07 am
E ava hmanlai tawh ve..
Report this comment
June 24th, 2010 at 2:08 am
Ka naupan laia ka luhna chu sikul III. hehehe. lushai_er tepawh an lut thrin in ka hria, tunah chuan ka luhna sikul 3 thrin kha a ding tawhlo. Hmun dangah an insawn ta niin ka hria.
Report this comment
June 24th, 2010 at 2:12 am
Champhai Sikul II chhuak ka ni ve thung a. BA zir chhuak ta an vang khawp mai an ti thin!
Lung a leng reuh mang e.
Report this comment
June 24th, 2010 at 2:38 am
School I, school II tih ang zawng chuan luhna ka nei ve lo. Pi Tluangi skul ah a ni tawp mai ka naupanlai ka hmanzawhna chu.
Report this comment
June 24th, 2010 at 2:38 am
Ka naupan lai khan Sikul III ah ka kal thrina, pawl hnih kan zir khan kanu in (khatih hunlai khan thrisakawr(BMX) kha a lar ve angrenga) “Pakhatna I nih chuan BMX ka lei ang che” atia.. kalo ni ta tak tak roh sia min lei talova, khata trang khan vawikhatmah hi pakhatna nih tum hian lehkha ka zir leh tawh ngailova, a ti thra pawl hi kani ngai ta hauhlo bawk.
Sikul II a kan headmaster kha Pu Khuma ania ( a haw emlo ang chu maw.. ala dam vei roh sia. hehehe ) a vaw na mai mai asin, vawikhat class kar lak ah chhuah loh tur atia keini naupang harh kha kanlo chhuak hmanhmawha, (kei pheichu ka zun chhuah vang ania cement banah kalo zung vei awr awr mawle. hehehe) min rawn hmu a min han vaw mai chuh, ka kut hi kar khat vel a val kulh mawle thing trang khan min vua a ka kutphah atranga ka ban puam leh ban rek inkar thleng hi a val kulh.. hmeichhe pakhat awmve pheichu a trap nasa mai, kha hmeichhe trap kha a hming chu “Hriati” nita in ka hria..
Chuan, class 4 kanni a, kan Head master pu Khuma ( Tuna kan veng threnawma la dam mek..) khan tuition kal turin minti hlawma class IV ho kha, kan han kal ta a, thla tawpah tuition fee cheng 50/- naupangte a dil leh lawi sia( heihi a trawngkam ka hre ta chiah lova manlo a kal tur anga sawi ani tih chu kala hre ngei e.
), kha thilah khan Nu leh pate pawh an inhmu khawma, mahse nu leh pa dang kha chuan cheng 50 kha an pe tho nitur ania, mahse kanu ngaitheilo thinrim khan a aia Sikul chhe zawk lui bul Sikul III ah min sawn ta.. khualbuk anti thrin mawle. hehehe
Sikul II a ka luhlai khan middle sikul ami khan vawi khat chu Ka thriante nena kan in kungfu (thiam ve hmel asin, mase ka vung haw chur :lol: ) lai kha min rawn pet ringawta ka khabe a vung luk mawle :lol: chaw pawh ka ei theilova zanah ka khua te a sika, ka mu theilo vela, kanu in middle sikul headmaster Pu Danglova min hmuh puia, chupa chuan ka pet lo re re ati vel mawle. Thinrim thlak ve mai mai, kei lahin ka hrechiang ropui sia. Ani lian ur tawh pass theilo mahni class ah pawh lian pawl khan keini class 2 kha min rawn pet vung luk kha ania.
(kan in kungfu na ah khan a phur thut kha rawn tel fiam ve in thapuiin min rawn pet ni berin ka hria, khatih lai kha chuan upa deuh leh huai deuh ina aia naupang te han hnek leh velh vel tekha a lar ve hrim hrim a, kan veng hi chu a thring rei bik ania. lolzzz )
Report this comment
June 24th, 2010 at 3:17 am
Ka naupan lai chuan, keipawh, kan khua a primary sikul-II ah ka kal thin, tunah chuan kan sikul in pawh an lo sa danglam tawh.. pawl li kan zir kum 1992-ah chiah uniform kan nei ve, a rawng pawh, chhawhchhi-buh-pawlh-rawng leh kamis var.. naupang lai hun ngaihtuah hi chuan lung a leng duh thin hle…
Report this comment
June 24th, 2010 at 4:13 am
ben: in khuaah i haw a ni maw, kha sikul ah khan adventure club ho kan riak khawm dul tawh.:) In tuisik pawh a dai/vawt tha e, khawlum mil tak a ni.
Report this comment
June 24th, 2010 at 4:20 am
Lung a leng hlemai, ka luhna sikul III kha chu tuna office leh room ho khi a in letling chiaha, thinga siam office khi room lampang ania a sei zawka, room awmna khi a tawi zawka office ani ve thunga, avaiin thinga siam ania, kan miss pi kungi a fel thei khawpmai kala theinghilh lo..
kan Sir ka tlangval rawn trang thar kha a phawk ve thei khawpa, kei solfa thiam hleilo tekha devotion ah hian dawhkan chungah min din tir in solfa min han vai tir tlat zel anih chu.. lung a leng hlemai. khatih laia class 4 ho kha fiamthu hming min phuah veka, kei kha “Rawthring-chara” kani mauh mai, hming dang kala hriat chu, kan veng football keeper ani thrin tunah chuan, Zataia( pronounced “100 piles”. mawngkua a tai ang hi. lolzzz) :lol:
chawlhlawk leh lunch break apiangin luiah tui kan cheng ziah.
lung a leng emai ka mu daih dawn, hriat chhuah loh tur tur ka hriat chhuah phah a. lolzzz
kan kawmthlang naupang a ke ka pheh sak thut a tukhum vaw chawrh in a tlu a, a khua a sik hlarh hlarh, anu a thinrim rap.. tihvel
mawl thlak teh e.. a nu in min rawn zilh, kei lah chuan, ” a in beng hman dawn emaw ka tia..” kalo ti sam et :lol:
Report this comment
June 24th, 2010 at 4:27 am
Arm veng sikul tui tlan chu Chitelui
Report this comment
June 24th, 2010 at 4:45 am
Kawrthah P/S School II chu khawilai takah awm ang maw? Kawrthah hi khaw lian ang reng tak ani ve. Forest Office hi chhim tawp lamah a awma PWD office hi hmar tawp lamah. Chumi inkar ah chuan a khaw pui lai tak (an downtown tive mai ang)a awm a tlang sang lai deuh ani.
He khaw tlang chhip paltlang hian kawng a awm Police station bulah kalin hmar lamah PWD office bulah kawngpui lian zawk a fin ve leh. Chhim lam Tuidam kalna shorcut thlangah hian High School a awm kawngth;angah, kawng chhak lamah a khaw chhim tawp lamah chuan PWD IB a awm thung.
Kan hnulai ve chuan Aizawl tlak lamah hian Primary School pakhat diat diat a awm – Tuikual JB School, Dawrpui Vengthar LP School, Vaivakawn (awm leh awm loh ka chiang lo) Chawnpui nen (kan hunlai chuan Hmuia Veng an ti)
Tuikual JB Schoolah hian Vanlalruati (fam) te ho nen kan kal ve thram thram thrin. Rampuia(fam) CYMA vice President te khan pawl 3 kan nihin A pawl an lolut ve hman. Primary School kan kal lai hian kan school pumpui-ah pheikhawk bun an awm reng ka hre lo kelawng vek ani tops. Nilaini hian uniform hak tur chu an ti ve hak tur neilo an tam zawk thrin, min ti lui lemlo.
Kan head Teacher chu Pu Biakliana (Parteii zaithiam pa hi) Chhinga Veng ani. Kan zirtirtu mi zirtir thiam tak Pu Hmachhuana Electric Veng te, Pi Hmingi Tuikual te Pi Thangi (fam) Chanmari an vaiin zirtirtu 4 kan nei thrin.
Zirtirtuten DAR vaw tura min tirh chang hian kan phur thei khoops.
Kan school kal/kai ve lai hian Khrishna Talkies (tuna Zodin) ah hian Davida leh Goliatha film a chhuaka Vir-vawm kan uar thei khop mai.A sual advance deuh ho khan petrol an hnim thrin bawk.
Kan school thlanga Bedford lo tlan khu luai luai kha ASO number nen kan hre vek thrin. Chawlh lai anih chuan uai lovin kan chhuah ngai lo. kan school kawnpui an thlang lamah hian Driver Beware School Ahead tih a intar thrin bawk.
kan school sir piah kopang pu Vankhama kawmthlang laiah hian Hulhu hi a awma a ham thiam khan an ham ri hlerh hlerh hla te an sa vel thrin, ka thiam ve lo tluanchhuak zak. Kan school piah deuh kawngpui chungah hian puk deuh reuh hi a awm thrin chutah chuan meizial zuk ruk ching ho hi an va tawm thrin, kei erawh ka kal ve ngai lo thung.
Kung fu tihlam hi chu a hming pawh kan la hre ve lo hrim hrim.Khang hun lai kha chuan School banah bawrhsap tuikhuah ah kan han cheng ngei bawka. Kan ke hi a chat khing bau thrin.
kan tlak tak duah chu ka lung a va leng mai mai
Report this comment
June 24th, 2010 at 6:54 am
Kei pawh pu Khuma sikul ah pawl khat atanga pawl sarih thleng ka kal a, nuam ve tak chu a ni.
Hetiang ang hi dawng ta u la, engtin nge in chhan ang aw? ‘vawiin tlai dar thum leh a chanveah sikul II ah inhmu ang, i lokal loh chuan min duh tihna . . .’
Report this comment
June 24th, 2010 at 7:00 am
Tlangnuam sikul 111 ah khian kum engemaw zat ka thawk ve hairehai
Report this comment
June 24th, 2010 at 7:45 am
Boy’s primary school-ah khian ka kal ve thrin.Sikul kawt a kan ai u, kan ngam loh ten ball an pet liam a,rang lutuk a ball um thrin pawl a mi kha ka ni thrin a!A lunglen thlak ang reng hle mai,hetiang lam hawi post-a awm tak ah chuan!Lehkha te lah kha kan thiam lo em2 khawp leh nghal,cl-II emaw ni phei kha chu a sawi a sawi pass te kha ka ni ta vel in ka hria(Ka pi khan hotu/zirtirtu te hnenah min sawi pui,pawl kha min sawn ve mai bawk a).Ngaihawm deuh a ni,hmanlai hi.
Report this comment
June 24th, 2010 at 7:51 am
Rawthring-chara hi ala naupan hmel e, miss leh sir an hmang hman tlat. Keini chu Hotunu Kungi, Hotupa Tluanga an ni tawp mai.
Report this comment
June 24th, 2010 at 7:54 am
Thanks to SSA for Child Friendly(pipu, inbukna etc… te khi)
Report this comment
June 24th, 2010 at 8:33 am
Primary sikul ka luhna thin kha, a chhuat kha lei a ni a, bawngek tui hian an zut thin a. Chuvang chuan kan sikul kha “Bawng-ek sikul” tiin kan ko thin.. :lol:
Primary sikul kan han kai a, pa upa lam deuh, savun-bag/leather bag hlui deuh tawh khai, sikul pana lo kal hnak hnak kan hmuh hi chuan kan tri thei khawp mai. Injection emaw, ban-zai tur a lo kal hi anni ngei thin si a… A ngaihawm hnuhnawh thei ngawt mai. Han ngaihtuah let leh hian…
Report this comment
June 24th, 2010 at 8:41 am
@Uaiizzz #1: Primary School IV ah ka lut thin! (khawi khua nge chu ka sawi lo ang!) ‘A’ pawl atangin pawl 3 zo thlengin ka kal ve. He kan sikul hi chu thlipui-in a nuai chhe tawh a,(ka awm tawhloh hnu daihah) a hmun ngaiah sa tha lovin, hmun dangah an sawn phah ta a, tunah chuan cement concrete building a ni vek tawh..
PS-IV a kan luhlai chuan phula inchai leh insual(lem) te, class room zirtirtu dawhkan drum anga chum rik vak vak te kha kan uar thin… dar vuak kha kan inchuh nasa bawk..
Report this comment
June 24th, 2010 at 9:02 am
Sir Henry
Upa R Lungtiawiia hnuaiah maw ? Kekawr hring, kawr paw dang ! Tlangnuam Primary Sikul III thlang lawk, pher-ah khan kekawr mawng pawp hrupin kan tawlh thin !
Report this comment
June 24th, 2010 at 9:11 am
Inva ti lunglengthlak tak ve le….Pu te u.? P/S III chhuak ka ni a, kan sikul kha a chhuat kan lip thin, ketlite hian tui kan chawi lauh lauh thin. A sak thatnan balu ipte a kan ah par par laite kha kohkirleh theih se aw..! Chhungkimtea kan hlimlaini te tak kha aw aw..!
Report this comment
June 24th, 2010 at 10:33 am
A hmuhnawmin lung hlui hlui te pawh a ti leng e.
Bokeh a dar khi lantir tur chuan naupang nen khian an in hnaih lutuk deuh a,a harsa maithei :lol: A nihloh chuan a piah deuh a naupang ding khi va focus a tul ka ring :?:
Kawrthah ka la kallo hi ka inchhir :lol:
Report this comment
June 24th, 2010 at 10:55 am
Kan vangkhawpui tual nuam a,
Hrai lengte fuan khawmna;
Khuai lawina run in nuam,
Hrai lengte kan lawi e.
Aw i mawi chuang e,
Kan zirna run in nuam;
Aw ka nghilh lo’ng che,
Sum tual dar ang lenna…..
Report this comment
June 24th, 2010 at 11:55 am
“Kawrthah P/S School II chu khawilai takah awm ang maw?”
School II chu venglai ah a awm. khaw tlang chhip thlen hma deuh venglai ah khan a awm.
Report this comment
June 24th, 2010 at 11:57 am
“Primary sikul ka luhna thin kha, a chhuat kha lei a ni ”
keini pawh. vaihmite a tam thei ltk. puanchhia ka zial a, kan mut thin.
Report this comment
June 24th, 2010 at 11:57 am
Primary Sikul hi hmun hrang hranga kai hnem ve pawl chu ka ni ve mai thei te ka ti….
Little Kingdom an tia maw ni, Mission vengah bul ka tan a, Marryland(a tawp tawh, tuna Ramhlun N Baptist church awmnaah khian a awm thin)-ah ka kai leh a, kan sikul a tawp thut a, Chaltlang Pi Boichhingpuii te in bul PS-II emawniah khian ka kai leh a, chumi hnuah Biate-ah ka pu (ka nu pa)-te hnenah PS Sikul III-ah pawl 3 ka kai leh a, chumi hnuah ka Putea thawhna Sailulakah PS Sikul awmchhunah pawl 4 ka kai leh maw le…
Report this comment
June 24th, 2010 at 12:04 pm
ZOaTlau chu Primary sikul ah i graduate hman tep e law?
Report this comment
June 24th, 2010 at 12:04 pm
New Comer ka ni deuh reng maia, ka tet lai hian, min tiduhdahtu ka tawng nual, pakhat ka la hriat reng chu a hnapkhir min eitir a tum lui a, mahse ka ei ta bik chiah lo niin ka hria… Sailulakah khian kan pawl pui lian deuh mai a awm a, a mit a kalh deuh ru lehnghal a, lehkha a zir peih si lo a “Min chhan sak rawh…” ti fo mai a, ka Putea hi head-in a awm a, “i hrilh chuan ka vel ang che,” min ti deuh reng mai a, khawsak phung kha a buai ve thrin, mahse a nawmna kha a tam zawk han ngaihtuah kir chang hian. Benji luhna hlui khian lung a tileng, leite in lai ve ngai ang chu maw…
Report this comment
June 24th, 2010 at 12:06 pm
@VaiVa 26:
Report this comment
June 24th, 2010 at 12:12 pm
ZOaTlau: chu class X pass theilo private sikul a insawn kual thrin ang style I apply hma hlemai :lol:
Report this comment
June 24th, 2010 at 12:25 pm
Kawrthah hi Mizoram khuaa ‘kan khua’ tia ka sawi theih pathum zinga pakhat a ni. Ka pa te khua a nia, vawi 4/5 vel chu ka kal tawh. A khaw thleng hi a remin a nuam ka ti khawp mai.
Report this comment
June 24th, 2010 at 12:25 pm
‘Lung a leng em mai’ tih hla kha han play teh u.
Report this comment
June 24th, 2010 at 12:37 pm
@Ben #24 Pu vanhela BA BT kan tih thrin te in bul Biakin hnaih lam kha ni mawle :?:
Vaihmite hian kawng nei tlatin ka hre thrin hre deuh awm tak maw
Report this comment
June 24th, 2010 at 12:37 pm
Kawrthah kei pawh vawi hnih chu ka kal ve tawh, a nuam khawp mai, Lungthir vengah khan Tuikukho an awm ve thin. Serthlum leh Kuhva a tam, kuhva heh tan chuan nuam lehzual ang.
Kawrthah thlen hma Darlak kha a lum zual.
Report this comment
June 24th, 2010 at 1:25 pm
Hei chuh,lung a va tileng ve,kan khaw thenawm chiah a ni bawk a,kei TUIDAM primary school I ah ka kal ve thin a,kan naupan lai chuan.Naupan lai a ngaihawm khawp mai.Kawrthah leh Tuidam hi 10 km in a inhlat a,mahse zawl phei a nih avangin ke te pawhin kan inkalpawh nasa hle.Chawlhni ah te hian kan inlenpawh mai thin a,nuam thin khawp mai.
Report this comment
June 24th, 2010 at 1:43 pm
van damme, kawrtethawveng zawk i ni lo maw? :lol:
Report this comment
June 24th, 2010 at 2:31 pm
@ sillyBoy ni lo deuh e,nang hi i ni zawk a ni mo.
Report this comment
June 24th, 2010 at 2:45 pm
#3, funny: Pu Saptawna sikulah ka lut thin a, Pu Hranghnuna Sikulah nen khan ! Pu Muma sikul kha chu Pu Hranghnuna sikul atanga an indan dawn khan Pu Zairema(L) khan kal ve a phal tlat lova! Pu Danglova khan min sawm ve bawk a, mahse ka in sawn ve ta lo!
#10, H.V: Armed Police Veng emaw A.P Veng emaw kan ti mai thin. Theihai Tuikhur saw a hna a chak tha a, kan tlan ber a niang. Chite lui a tuichhunchhuah an siam kha chu an hluihlawn a ni ber. Lengkir pa 1 na kha asang ber a, pa-3 na bak kha kan kal ngai mang lo, khua kan thim hawng deuh ziah mai a!
Hmanlai han sawi kai takah chuan Winter Holiday kha a rei thei bawk a, a tluk a nuam kha a awm leh tawh kher lovang. Mark Twain-a “Tom Sawyer & Huckleberry Finn” te’n Mississippi lui nuam an tih ai pawh khan Chite dung leh a chheh vel kha nuam kan ti zawk hial in ka ring.
Upat hnu hian ngaih a zual! Tui kan thiamloh hlauin kan rual U te khan ‘Li’ lai-ah min han theh lut bawrh thin a, puar a awl thin khawp mai!
Report this comment
June 24th, 2010 at 2:46 pm
lung in va’n ti leng hlawm ve aw… Funny chu tawng mak hlawm ngei mai, mahni-in kan nui hui mai alawm le
Report this comment
June 24th, 2010 at 2:56 pm
Keipawh Primary school hi school paliah ka kal hman-Tuidam primary school I,st.Francis Xavier kanhmun,St.clear’s elementary chandmary west(tunah chuan a awm tawhlo),Tiny Tots Tuikhuahtlanghil(Benjamin-te nen ka lut ho)….Tuidam Primary school a ka kal lai hian chhun chawlh laiin dilah kan cheng ziah,chuan work education-ah hnangtah te,hlum hmanga thil lem siam te kan ti nasa ve thin khawp mai,a va lunglen thlak em.
Report this comment
June 24th, 2010 at 3:06 pm
Thlir a va nuam em.
Sikul hlui tlawh emotionally-in.
Thlalak-ly in thlir a nuam lehzual.
Dar khi a nalh reng ti khian. Bokeh tur chuan 300mm f/2.8 velin hla deh dawh atangin jais la, a ni phat maiin ka ring.
Report this comment
June 24th, 2010 at 7:43 pm
Kei chu ka khua PS I chhuak ka ni tlat mai a.Cl III ka passed hnuah Roman sikulah ka kal Zawm.
Kawrthah ah chuan Er Berema tuikhur awmna pawh ka hria.
Thla thumchuang zenzawn chu ka awm ve tawh.PWD vengah khan ka khawsa thin.EE qrs thlangah khan Lura te an awm thin.
Kawrthah ah chuan sa lei dawn chuan thawhlehni a tang in zawn tan a ngai thin a zirtawp zan ah in ziah luh ngei 2 a ngai.
Tui a vang hle thin.PWD thlang ah tuikhur a awm an chawi nasa thei khawp mai.
1970 bawl vel khan ka pa pawh sorkhar hna thawkin a awm tawh.
Report this comment