Eizawnna hrang hrang te a vangin kan chanvo a inang lo thei hle angin ka ei zawnna a ka chanvo eng emaw zah zingah hnathawhna a hak tur Industrial Protective Clothe ( kekawr leh kawr) thuamhnaw kan dawng thin. Tunah kan dawng leh ta. Hei hian ngaihtuahna thui tak min siamsakin hun kal tawha School Uniform a thlawn a kan dawn lai te min ngaihtuah chhuah tirin lung a lengin hnuk hlui te pawh a ti ulh leh dawn dawn a lawm le.
Ni e, Kum 1982 vel kha ni tain ka hria, kan school kalna a zirlai naupang zawng zawng te kha School uniform set 1 theuh kha min dawn tir a. Mahse keini unau khan set 2 kan dawng ve ve a. A hun lai khan ngaihtuah chian nachang pawh kan hre lem lova thil nihphung pang ngai a nilo tih leh mi te aia dawng tam tur kan ni tih kha kan hotute ah khan a chiang a ni chek ang.
Tin, mi dang in set 2 an dawn ve an awn em tih pawh ka hre zui chuang law. Ka hriat chian em em erawh chu school uniform set 2 kan dawn nachhan kha midang te aia kan harst vang leh retheih bik vang a ni tih kha a ni. Vawiin hian Uniform tho a set 2 kan dawn leh takah chuan ngaihtuahnaah khang hun lai kha a lo thar leh a, fam chang ta ka nau Dingpuii nen khan retheih bik vangin School Uniform kha a double khan kan dawng kha a nia. Vawii chuan retheih bik vang emaw hausak vang emaw nilovin Uniform a double in kan dawng leh a ni.
Similar Posts:
- MZP in sikul naupang inchei dan ngaimawh
- Pawnfen chhing, kekawr zuih ,lirthei ken leh thil dang dang khap dawn
- Mizo tawng tih hausak
- Engvangin nge in lo lawmpui?
- School Naupang Uniform Pawnfen chhing lutuk hi!!
June 30th, 2014 at 6:05 pm
high school kan kal laiin NCC uniform ka dawng ve a, (member a in pek man ah ) hak miah loh in ka la dah tha khiau
Report this comment
June 30th, 2014 at 9:33 pm
Lung i ti leng mange, keipawh heng hun lai vel tho hi ka P/S kal lai a ni ve a; zirtirtute hian min duhsak thei lutuk. Engvangnge? erawh ka hre lo.
Report this comment
June 30th, 2014 at 9:36 pm
Staff room lekhabu keng lut tura tirh nih ringawt pawh kha nuam ve deuh a. Chuvang chuan sir pakhat chuan a hrang hrang hi tirh tur a tia
Report this comment
June 30th, 2014 at 9:48 pm
Class five nih tirha pawl sarih hoin min tirh tuma ka lawm zia kha. Kan tlak tlum phah sia. (new commer problem)
Report this comment